Рубрикатор

Развитие АПК Вандынь чиденть арсезь
Вандынь чиденть арсезь

 

… «Совхоз «Белотроицкий» велень хозяйствань прявтось Ю.И.Голов зярсыя кортнесь телефонга. Зярдо трубканть путызе, видькстась:

– Вана гайневтинь Ульяновскоень станцияв, косо анокстыть видьмекст. Арсян кедьстэст рамамс кукурузань, вейке иень ды ламо иень тикшень вадря видьмекст. Минек эсенеккак улить, ансяк Ульяновскоенсетнеде паро валсо кортыть масторонь келес.

– Ульцясонть эште аволь лембе, ловонь пандтнэ кудонь сэрьсэть, минь жо арсетяно сыця видемадонть, – полады Юрий Иванович. – Тенень, нама, а мезть дивсемс. Велень эрицятнень, сюронь кастыцятнень истямо уш тевест. Бажамонок – мезе эзинек сае мелят, сень сайсынек тедеде.

 

Кажось а стувтови

А мезть сепомс, мелень коське кизэсь покш зыян кандсь «Совхоз «Белотроицкий» предприятиянтень. Бути маныть эрьва гектарсто саезель 40 центнерт сюро. Мелят ансяк 13 центнерт. Весемезэ паксятнестэ саезь 1625 тоннат сюро. Кадозь арасель вейкеяк гектар мода. Комбайнертнэ Юрий Романов, Петр Романов, Василий Грачев кастозенть урядызь шкастонзо. Сюронь истямо стака урядамо эзть некшне зярдояк.

Истя жо ютазь кизэнть кувалма мельсапаросо кадовсь хозяйствань главной агрономось С.В.Десяев. Паксятнес каязель сатышка удобрения, ламо ярмакт явозельть гербицидэнь рамамс. Сюрось жо эзь удала.

– Природанть каршо мезеяк а теят, – видькстась Сергей Викторович.

«Совхоз «Белотроицкий» велень хозяйствань предприятиянь прявтось Ю.И.Голов ламо иеть тонавтнесь ламба мо якстерькаень кастомань тевенть. Аволь весть ульнесь республикань сеть велень хозяйстватнесэ, конат кастыть ламбамо якстерькаенть. Те – Отяжелень, Ромодановань, Орданьбуень, Ицялонь районтнэсэ. Мелят «Совхоз «Белотроицкий» предприятиясонть те культуранть алов явозель 100 гектарт мода. «Ромодановсахар» ОАО-сто рамазельть видьмекст. Трактористэсь Юрий Романов видеманть прядызе шкастонзо. Нурькинестэ меремс, весемесь мольсь парсте. Истя уш лиссь, ламбамо якстерькаесь эзь удала. Эрьва гектарсто саезь ансяк 167 центнерт ламбамо якстерькай.

– Ансяк минь кеденек эзинек нолда, – евтни предприятиянь прявтось Ю.И.Голов. – Ютазь иень паксянь тевтнень домкасто тонавтнемадо мейле сынек вейкине мельс: тедеде ламбамо якстерькаенть алов явомс 150-200 гектарт мода. Икеленек мезе аравтынек теемс, сень топавтсынек.

Видькстатано, Ю.И.Голов чаво валт варма мельга а ертни. Сон мезес кунды, сень тейсы педе-пес. Юрий Ивановичень обуцязо уш истямо – а пелемс стакачитнеде.

Ловцось

ламолгадсь

«Совхоз «Белотроицкий» предприятиясонть кирдевить-андовить 1400 скалт. Эйстэст нилесядтнэ – потявтовицят. Сынст мельга якить зярыя потявтыцят. Неть – Валентина Лаврушкина, Любовь Пивкина, Татьяна Акишина, Надежда Грачкова. Эрьва группасонть кодгемень вете скалт. Сынь весементь теить, кода седе ламо ловцо потявтомс эрьва скалсто. Ней предприятиясонть эрьва скалсто потявтови 11 литра ловцо, мезесь мелень коряс седе ламо.

Видькстатано, скалонь потявтыцятне кедь вийсэ мезеяк а теить. Фермасонть аравтозь истямо оборудования, кува ловцось чуди кельмевтемань агрегатс. Тесэ кирдевить 6 тоннат ловцо. Те агрегатось рамазь омбо масторсто – Франциясто. Сонзэ арась питнепезэ. Эйсэнзэ ловцось а режни.

Предприятиясто ловцось ильтяви «Сыродельный комбинат «Ичалковский» ОАО-в.

– Мекс кочкинк те предприятиянть? – кевкстинек Ю.И.Головонь.

– Тенек ловцонть мельга сакшныть эсест автомашинасо. Текенень, ловцонть кисэ пандыть сатышка ды шкастонзо, – отвечась Юрий Иванович.

А мезть сепомс, мелят «Совхоз «Белотроицкий» предприятиянь животноводтнэ важодсть виевстэ. Эрьва скалсто потявтозь малав ниле тыщат килограммат ловцо. Миезь – 1864 центнерт ловцо. Велькска топавтозь сывелень миемань аравтлувоськак. Предприятиястонть ильтязь 183 тоннат сывель.

Скалонь потявтыцятненень парсте лездыть Федор Саушин, Юрий Бурмаков, Владимир Тантеев. Сынь скалтнэнь андыть шкастонзо. Арасель истямо тев, штобу скалтнэнь алксост кадовольть апак уряда.

Скалонь потявтыцятнень ды сынст лездыцятнень мельга ваны фермань прявтось И.М.Виряскин. Сон тей сась важодеме Ицялонь районсто.

Протасова велень предприятиясонть малав кеветее иеть зоотехникень а шожда тевенть топавты Р.Ф.Юськаев. Сонзэ шныть аволь ансяк ракшань мельга якицятне, предприятиянь прявтоськак. Рашит Фяритович покш мель яви скалонь стаданть покшолгавтомантень. – Хозяйствасонть кирдевить якстере-сермав голштино-фризской породань скалт. Сынь ламо ловцонь максыцят, – евтни зоотехникесь Р.Ф.Юськаев. – Ве ендо, кода теить республикань кой-кона хозяйстватне, скалт а рамсетяно. Кастанок-трятанок эсенектнень.

… Минь фермасонть, косо кирдевить-андовить 250 вишка вазтнэ. Тесэ лембе.

– Вишка вазтнэнь мельга якить Валентина Щекина, Валентина Куртенкова, Валентина Лешнякова, – евтни зоотехникесь Р.Ф.Юськаев. – Сынь – монь кеме нежем. Тевест истя парсте теить! Сыть тей рана валске, кудов тукшныть позда чокшне. Вазтнэнь сынсь андыть-симдить, сынсь урядыть алксост. Зярдояк а пеняцить эсь стака важодемаст лангс.

– Ракшань трямонь комплекссэнть весемесь арсезь, – полады Рашит Фяритович. – Башка фермасо кирдевить вазтнэ, букинетне. Те, койсэнь, канды ансяк паро.

Ули тикше, силос…

Мелят, кода зярдояк, Протасова велень трудий ломант не покш мель явсть ракшатненень теле лангс коромонь анокстамонтень. Предприятиянь трактористтнэ аволь весть леднизь тикшень паксятнень, истя жо сеть лушмотнень-латкотнень, косо кассь тикше. Парсте пурназь весе олгось.

Теде башка, предприятиясь кором рамась республикань томбалень велень хозяйствань кооперативтнестэ. Истя, Белгородсто рамазь 120 тоннат кукурузань фураж. Эрьва килограмманть кисэ пандозь 8 целковойть 50 трешникть. Казаньстэ – 100 тоннат шрот.

– Кадовсь мелень кором, – евтни Ю.И.Голов. – 4 тоннат силос, ламо тикше. Тедеде эрьва скалс анокстазь 30 центнерт кормовой единицат.

Апак кавтолдо мертяно, «Совхоз «Белотроицкий» предприятиясонть теленть ютавтсызь вадрясто, кодамояк стакачинь апак сода. Теньсэ, нама, покш таликазо предприятиянь прявтонть Ю.И.Головонь.

Покш мелесь –

одтнэнень

Предприятиянть эйстэ аволь васоло ули ульця, конань лемезэ Молодежный. Тесэ эрить скалонь потявтыцят, трактористт. Кудотне покшт, кирьпецень. Эрьванть вакссо ули пире, косо кудазортнэ кастыть эмежть, модамарть.

Хозяйствань прявтось свал арси вандынь чиде. Келя, улить важодицят, сестэ карми эрямо предприятиясь, а еми велесь.

– Вана мелят сексня тенек сась ветеринарной врачокс важодеме Иван Юшкин, – евтни Юрий Иванович. – Сон чачсь-кассь Отяжелень райононь Аловелесэ. Аграрной институтонть прядызе колмо иеде теде икеле. Апак урьваксто, зярс эри сиведезь кудосо, конань кисэ панды предприятиясь. Ансяк урьваксты, кудо тензэ мутано.

Ю.И.Головонь валонзо коряс, мельспаросо важодить экономистэсь З.А.Колотухина, главной бухгалтерэсь Н.Н.Голова, тесэ роботыцятне Надежда Земскова, Татьяна Солдаткина ды истя седе тов. Сынь аволь ансяк тевест парсте топавтыть, истя жо кель-вал мукшныть хозяйствасо важодицятнень марто. Кие тенст пшкади, сенень свал лездыть. Эдь велесэнть эрьва мезть эрсить!

… Телень читне нурькинеть, ветне – кувакат. Секскак «Совхоз «Белотроицкий» предприятиянь прявтось Ю.И.Голов важодеме сакшны рана валске, кудов тукшны жо позда чокшне. Сон арси вандынь чиде, тундонь видемадонть.

Петр Зиновьев

Лямбирень район.

 

Новости

Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...
 
Кочкицятне ёвтызь мелест


Сентябрянь 8-це чистэ Россиясо ютасть кочкамот местной самоуправлениянь органтнэс. Тенень алтазель журналисттнэнь туртов пресс-конференциясь, конань сентябрянь 9-це чистэ Саранскойсэ, Союзонь кудосо ютавтызе «Единая Россия» политической партиянь региононь отделениясь. Журналисттнэнь кевкстемаст лангс отвечась МР-нь Государственной Собраниянь Председателесь, «Единая Россия» Мордовиянь региононь отделениянь прявтось В.В.Чибиркин.

Пачтязель, Мордовиясо истя жо ульнесть кочкамот. 407 мандаттнэнь кис снартнесть 1054 ломанть. Республикань келес вайгелест максомо сакшность 63 % эрицят. Вайгелест максомо сехте ламо сакшность Ромодановань районсо – 74,24 %. Аламодо эйстэст кадовсть Инсаронь райононь эрицятне. Тосо – 73,01 %. Вейке проценттэ аламо сакшность Отяжелень районсо. Ламо кандидаттнэнь ютксо 98 % вайгельтне максозь «Единая Россия» политической партиянь представительтнень кис. Ды те а стяко. Ламо шкань перть мольсь анокстамонь робота. Сехте паро кандидаттнэнь эрицятне тешкстакшнызь эштё маень 26-це чистэ, зярдо ютавтозель предварительной вайгелень максомась. Сондензэ икеле ютавтозельть эрицятнень марто вастовомат, конатнесэ ломантне теевсть содавиксэкс кандидаттнэнь ды сынст проекттнэнь марто. Сестэнь изницятне вастовоматнень поладокшнызь велесэ эрицятнень марто. Ютавтозельть 114 вастовомат. Эрицятнень ламо кармавтоматне топавтозельть.

Мордовиясо кочкамотне ютатсть закононь колсемавтомо.

Подробнее ...
 
Единороссы Октябрьского района вручили юбиляру поздравительное письмо от Президента Владимира Путина
10 сентября 90-летний юбилей отмечает жительница Октябрьского района
Новикова Мария Ивановна. Родилась женщина в Нижегородской области,
всю жизнь трудилась звеньевой бригады в колхозе. Военные и
послевоенные годы вспоминает со слезами на глазах: «Мы жили небогато,
растили детей, очень много работали, сил своих не жалели».


Подробнее ...
 
Александр Воробьев осмотрел ход строительства детского сада в Ромодановском районе


6 сентября депутат Госдумы РФ, член комитета по аграрным вопросам Александр Воробьев встретился с главой Ромодановского района Анатолием Гурьяновым. Они обсудили ход строительства детского сада на 160 мест в поселке Ромоданово, который строится в рамках национальных проектов "Демография" и "Образование". По словам Анатолия Гурьянова, на 80% возведение здания завершено, ведутся работы по устройству коммуникаций.
«Мы сумели ликвидировать некоторое отставание по срокам, которое возникло ранее, но теперь строители работают в соответствии с графиком», - отметил глава Ромодановского района.

Александр Воробьев подчеркнул, что детский сад строится по наказам избирателей. По демографическим показателям Ромодановский район занимает вторую строчку в регионе после Саранска, и на данный момент существует потребность в обеспечении малышей местами в детских садах.
Детский сад планируется сдать уже в декабре текущего года.