Рубрикатор

Развитие АПК Игорь Зубёнков: «Вансттано сень, мезе ули»
Игорь Зубёнков: «Вансттано сень, мезе ули»


Эсь шкасто Покш Березникень районсо ульнесть велень хозяйствань зярыя предприятият, косо кастсть сюро, ламбамо якстерькай, модамарь, кирдсть скалт, реветь, тувот. Республикань келес паро славась гайгсь Калинин лемсэ, «Паракинский», Киров лемсэ, «Искра», «Труд» ды лия колхозонь важодицятнеде.

Алкукскак, ульнесь мезень кисэ сынст шнамс. Велькска топавтнесть государствантень сывелень, ловсонь, эмежень миемань аравтлувтнень. Велень трудий ломантне эсь кардазсо кирдсть тувот, скалт, реветь. Эрямось мольсь вадрясто. Ломантне эзть арсеяк, сыть шкат, ды те весемесь ёми.

Вейксэньгеменце иетнестэ масторсонок ды республикасонок вейке-омбоце мельга ушодсть каладомо колхозтнэ. Те апаро коштось токизе Покш Березникень райононтькак. Каладсть Шугурова, Паракина, Руз. Найман, Эрзянь Найман, Пермезь, Ало велетнень ды лия колхозтнэ. Вана Тазинань «Искра» ды Березникень Киров лемсэ велень хозяйствань предприятиятне эзть правтово. Теньсэ, нама, покш таликаст В.А.Казаковонь ды М.В.Струенковонь. Сынь весе виест, содамочист, ёрокчист путсть велень хозяйствань предприятиятнень ванстомга. Ярмаконь асатноманть лангс апак вано, «Искра» хозяйствась важодсь. Шкастонзо соксевсть-видневсть, урядавсть паксятне. Иестэ иес ламолгалесть скалонь стадатне. Скалсто потявтсть ламо ловсо.

Колмо иеде теде икеле «Искра» велень хозяйствань предприятиянть прявтокс аравтозель И.И.Зубёнков. Тензэ понгсь трудонь вечкиця коллектив, хозяйстванть кеме материально-технической базазояк. Игорь Иванович истя жо, кода хозяйствань икелень прявтось В.А.Казаков, бажи ванстомс ды вадрялгавтомс сень, мезе ули. Секскак Тазинань «Искра» велень хозяйствань предприятиясонть важоди весемесь, мезе зярдо-бути путозель-аравтозель. Хозяйствасонть пек парт паксятне, свал ванькст эрсить касовкстнэ, гектарсто сайнить ламо сюро, скалсто потявтнить аволь аламо ловсо. Велень хозяйствань предприятиясь важоди вейкетьстэ: а кепсеви тёкшс ды а пракшныяк. Неень шкасто тень теемс ашожда. «Искра» ООО-сь ламо мейсэ икельди лия хозяйстватнень. Истя, невтемга, велень хозяйствань иень итогтнень коряс «Искра» велень хозяйствань предприятиясь лиссь изницякс райононь трудовой пелькстамосонть «За эффективное ведение производства» номинациясонть. Предприятиясь велень хозяйствань продукция мись 23 миллионт 752 тёжат целковойс. Игорь Иванович весементь теи трудовой коллективень койтнень ванстомга.

«Искра» ООО-нть течинь тевтнеде ды мелявкстнэде, сонзэ изнявкстнэде ды вастневиця асатыкстнэде – теде ды лиядо минек корреспондентэнтень ёвтнесь «Искра» ООО-нь прявтось И.И.Зубёнков.

Игорь Иванович, велень хозяйствань продукциянь нолдамга теть кадовсь кеме, виев база. Предприятиянь отраслятнесэ кода тевтне молить?

Содазь, хозяйствасонть изнявкстнэ кармить сестэ, зярдо весе важодить вейсэнь вийсэ: ломанесь, участкась, отраслясь. Секскак бажатано важодемс ответственностень марязь ды велувсо.

Минек велень хозяйствань предприятиянть 2499 гектарт моданзо, эйстэст 1957 гектартнэ – соксевицят. Сюротнень алов явозь 1100 гектарт, кормовой культуратненень – 700 гектарт, 30 гектарт виднетяно кукуруза. Эряви меремс, «Искра» ООО-нь модатне аволь уш истят вадрят, кода, саемга, Шугуровасо, Паракинасо. Тень кувалма тенек савкшны виевстэ важодемс, ды, нама, таштавить изнявкстнэ. Покш мель явтано видьмекстнэнень, касовкстнэнь валнотано гербицидсэ. Арасель истямо тев, видемстэ аволинек кайсе удобреният.

Мелят сюронь урядамсто эрьва гектарсто саинек 24 центнерт сюро, мезесь манынь коряс седе ламо. Вана шужонь кой-кона участкатнестэ эрьва гектарсто саинек 40 центнерт. Мелят весе культуратнень алов каинек 82,3 центнерт минеральной удобреният, лиякс меремс, эрьва гектарс лиссь 55 килограммат. Те кемень килограммадо седе ламо манынь коряс.

Минеральной удобрениятнень рамсетядо?

Нама, рамсетяно. Сынст питнепест арась. Видькстан, кормовой культуратнестэяк сайнетяно аберянь урожай, мезесь лезды тенек таштамс эрьва кодамо кором.

«Искра» велень хозяйствань предприятиясонть животноводствань виевгавтоманть туртов кемель базась. Тесэ трясть вазт, скалт…

Те тевенть поладтано. Течи хозяйствасонть лововить 1110 скалт, эйстэст 360 – потявтовицят, трявить 160 букат, 316 вазт, конатненень 6-18 ковт, 80 вазт, конатненень малав 6 ковт, 33 сывелекс скалт. Минь аволь ансяк ванстынек скалонь стаданть, истя жо сонзэ ламолгавтынек.

Покш мель явтано вазтнэнь ванстомантень. Мелят манынь коряс получинек седе ламо вазт. Бути 2013 иестэ 100 скалсто саинек 89 вазт, 2014 иестэ – 104 вазт. Ракшатнень марто важодить эсь тевень алкуксонь специалистт. Сынь кеместэ ваныть вазыиця скалтнэнь мельга, шкастонзо тейнить ракшатненень прививкат. А вансттано ярмакт профилактической прививкатнес ды нетяно – ютавтозь ярмактне варма мельга эзть туе. Скалтнэнь ды вазтнэнь ламолгавтоманть кувалма мельспаросо аштить скалонь потявтыцятне ды вазонь андыцятне. Эдь тень эйстэ ашти сынст зарплатаст. Истя, иень итогтнень коряс скалонь 3 потявтыцятненень ды вазонь 3 андыцятненень премиянь таркас максозь вазт.

Игорь Иванович, течи скалсто кодат чинь потявкстнэ? Сынь ламолгадсть-арась?

Ламолгадсть 1,5 килограммас. Ней чизэнзэ эрьва скалсто потявттано 9,6 килограммат ловсо. Неень шкасто фермасонть ламо скалтнэ вазыямо лангсот. Секскак кемтяно, курок ловсось ламолгады. Иезэнзэ эрьва скалсто потявттано 4020 килограммат, мезесь ютазь иетнень коряс седе ламо. Ловсонть ильтятано «Данон» Саранскоень ловсонь комбинатов. Тосо пек ваныть, кодамо качествань усктано. Сон улезэ ансяк вадря. Истямо вешемась ашти васенце таркасо. Ды тень топавттано. Минек ловсонть оевчизэ 4-4,2 процентт.

Ловсо мельга тенек сакшныть чинь ютазь. Вейке литранть питнезэ 21-22 целковойть. Эрьва ковсто кисэнзэ ярмакт сайтяно 800 тёжат целковойстэ саезь 2 миллионт целковойс.

Ламо ды вадря ловсонь потявтомась ашти эрьва кодамо коромтнеде, видестэ теезь рациондонть.

Нама, истя. Мелят анокстынек пек ламо кором. Ракшатнень рационсо ули тикше, сенаж, силос. Явинек 760 тоннат сюро. Эрьва скалонтень чизэнзэ максови 3 килограммат фураж. Зярс ульнесь, усксинек жом. Андынек вадрясто. Эрьва скалс максылинек 10-15 килограммат. Патокаяк макснетяно. Сатышка порось ды салось.

Игорь Иванович, течи республикань велень хозяйствань ламо предприятиятне покш мель явить скалтнэнь искусственной осеменениянтень. Тень коряс кода тевтне ладязь хозяйствасонть?

Минек велень хозяйствань предприятиясонть ули искусственной осеменениянь пункт, конань прявтсо Л.С.Ганькина осеменаторось. Сон аволь умок важоди те тевсэнть. Ансяк уш кенерсь прянзо невтеме паро ёндо. Лангозонзо кемтяно, ёрокчизэ иестэ иес касы. Пунктонок мельга кемекстазь Госплемобъединениянь специалисттнэ. Апак кавтолдо мерян, сы шка, зярдо минек осеменатортнэде паро валсо кармить кортамо республиканть келес.

Кодамо «ёжозо» машинно-тракторной парконк?

Сеске мерян, сон аберянь. Тесэ улить сатышка тракторт, автомашинат, конатнесэ важодтяно корьмаенть лангсо ды фермасо. Меельце колмо иетнень перть раминек кукурузань видемс сеялка, пресс-подборщик, тракторонь кавто тележкат, коромонь явшемка, навесной сока ды навесной погрузчик, почвань сплошной обработкань теемс культиватор. «К-744» ды гусеничной ТГ-90 трактортнэнь, соканть саинек «Велень кемекстамо» ГУП-нть вельде, лия техниканть раминек эсенек ярмак лангс.

Игорь Иванович, «Искра» велень хозяйствань предприятиясонть важодицятне сатныть-арась?

Сеске мерян, специалистэнек сатныть, важодицятне иестэ иес аламолгадыть. Секскак паксятнень сокамо-видема, урядамо шкасто тердтнетяно вийть ве ёндо. Хозяйствасонок важодить Шугурова, Паракина, Симкина – весемезэ вете велестэ ломанть. Улить натой Ульяновскоень областьстэяк. Минь эсенек транспортсо усксетяно эйсэст важодеме ды мекев кудовгак. Паряк, те тевесь хозяйстванть туртов канды лезэ. Ризксэнтень, эштё аволь вийсэнек ломантненень пандомс вадря зарплата, секскак сынь тукшныть тов, косо седе ламо пандыть.

«Искра» велень хозяйствань предприятиянть виевгавтомасо-сюпалгавтомасо улить кодаткак аравтлувт?

Течи ашожда теемс кодаткак аравтлувт. Эряви ванстомс сень, мезе ули. Весе одонтень эрявить ламо ярмакт. Бути уш фермань витнемс ютавтнетяно малав 3 миллионт целковойть, лиядо а мезть кортамскак. Минек хозяйствасо зярс важодить эрявикс весе систематне, конатнень пек вансттано. А мезть сёпомс, ютавттано ламо ярмакт. ГСМ-нть, техниканть, запасной пелькстнэнь лангс питнетне яла касыть, продукциянок лангс, мекевлангт, вишкалгадыть. Истямо лувсо тенек савкшны ансяк хозяйстванть ванстомс – кодаткак сюпавчить, кода кортыть, а эрявить.

Государстванть пельде лезкс ульнесь?

Ульнесь. Минь весе уровентнесэ, федеральной, республиканской, получинек 1639 тёжадо ламо целковойть.

Игорь Иванович, аволь васоло се чись, зярдо республикань аграрийтне лисить тундонь паксянь тевтнень топавтомо. Тенень кода моли анокстамось?

Течи весеме ёндо моли трактортнэнь витнемась. Минек кавто К-700 тракторонок. Эйстэст вейкенть калавтнинек, саинек моторонть ды кучинек Нижней Новгородов, витнетяно коробканзо. Неть ды Т-150 трактортнэ кармить модань культивировамо. Прядтано колмоце гусеничной тракторонь витнеманть. Весе сынь кармить важодеме изамсто. Анокстатано сеялка марто кавто агрегатт. «МТЗ-1221» трактортнэ ней важодить фермасо, мейле ютыть паксяв. Кавто тракторт нолдатано удобрениянь кайсеме. Важодемань аравтлувонок ули, карматано сонзэ совавтомо эрямос. Техникань анокстамось веши ламо ярмакт – 2,5-3 миллионт целковойть. Эштё эряви ускомс малав 200 тоннат удобрения. Видьмексэнек улить. Тень коряс а талнотано. Нурькинестэ, эрятано вандынь чиде арсезь, кшиде мелявтозь. Тень туртов эряви виевстэ важодемс, мезе теияк «Искра» велень хозяйствань предприятиянь коллективесь.

 

Пётр Зиновьев.

Покш Березникень район

 

Новости

В республике успешно реализуются социально значимые проекты первичных отделений «Единой России»
 
Первичные отделения поселка  Ромоданово и поселка  Зубова Поляна   успешно
реализуют на практике  свои социально  значимые проекты, удостоенные грантовой
поддержки по итогам конкурса проектов первичных отделений, инициированного 
«Единой Россией»
  Цель проекта  «Мы рядом», реализуемого в Ромоданове - помощь пожилым людям и 
инвалидам, имеющим  заболевания опорно-двигательного  аппарата.   Прокат технических 
средств реабилитации  организован на бесплатной основе для граждан пожилого возраста, не 
имеющих группы инвалидности, но,  в силу возрастных изменений или перенесенных 
заболеваний, травм, потерявших способность свободно передвигаться. В июле этого года в 
Ромодановском  местном отделении партии прошла  презентация проекта.  Открывая
презентацию,  секретарь  Ромодановского местного отделения Партии  Наталья Хомякова  
отметила, что  основная  задача проекта   помочь людям в трудный для них период 
реабилитации.


Подробнее ...
 
Баталина: Предложение Минтруда о новых правилах выплаты пособий по уходу за ребёнком создаст проблемы родителям
 
Предложение Минтруда, согласно которому претендовать на выплату 
пособия по уходу за ребенком до полутора лет может только тот, кто 
фактически ухаживает за ребенком, избыточно и может создать лишние 
проблемы родителям. Не исключено, что Фонд социального страхования при 
назначении будет требовать документально подтвердить, что именно 
заявитель (мать или отец ребенка) фактически за ним ухаживает. Об этом 
заявила первый заместитель секретаря Генерального совета «Единой России»
Ольга Баталина.
Подробнее ...
 
В Лямбирском районе поздравили старейшего члена Партии Николая Парамонова
 
Сегодня старейшему члену Партии «Единая Россия», жителю Лямбирского района Николаю
Андреевичу Парамонову исполнилось 88 лет. В Лямбирском местном отделении Партии
собрались гости, чтобы поздравить партийца с праздником.
Первый заместитель руководителя Мордовского регионального исполнительного комитета
Партии «Единая Россия» Евгений Миронов горячо поздравил Николая Андреевича и вручил
партийцу памятный подарок.


В этот день прозвучали поздравления в адрес Николая Парамонова от Секретаря Лямбирского
местного отделения – Александра Сесорова, члена республиканского политического совета –
Татьяны Терентьевой.
Подробнее ...
 
В Саранске проходит акция «Теплые окна»


Акция организована Региональным отделением «Единой
России» и активистами Молодой Гвардии. Она проходит
ежегодно в рамках месячники пожилых людей.
С начала октября представители молодежного крыла Партии
посетили более 10 адресов, утеплили окна, провели уборку. 90
летняя Аза Мельник живет в частном доме, она была очень рада
молодым активистам и общению с ними. Более 50 лет Аза
Кузьминична отдала преподавательской работе в Мордовском
государственном университете. Ребята вымыли окна, убрались в
доме и в саду, получив удовольствие от проделанной работы.


Подробнее ...
 
Единороссы на дискуссионной площадке обсудили реформирование лесного хозяйства
На очередном
заседании Региональной дискуссионной площадки
Всероссийской политической Партии «Единая Россия» 3 октября
единороссы обсудили вопрос «Реформирования лесного хозяйства и
создания эффективной системы борьбы с лесными пожарами».
Первый заместитель Руководителя Регионального исполнительного комитета
Партии Евгений Миронов рассказал собравшимся, что предложение
пересмотреть нормативные правовые акты в сфере тушения пожаров в
регионах, в том числе по зонам контроля, прозвучало от Председателя
Партии, Председателя Правительства Дмитрия Медведева на совещании по
ситуации с лесными пожарами в Сибирском Федеральном округе и Партия
«ЕДИНАЯ РОССИЯ» поддержала данное решение.
Подробнее ...