Рубрикатор

Развитие АПК МЕЗЕ КАНДСЬ 2014 ИЕСЬ ВЕЛЕНЬ ХОЗЯЙСТВАНТЕНЬ?
МЕЗЕ КАНДСЬ 2014 ИЕСЬ ВЕЛЕНЬ ХОЗЯЙСТВАНТЕНЬ?

Шкась ливтязь ливти. Вана историякс кадови 2014 иесь. Кодамо сон ульнесь республикань агропромышленной комплекссэ важодицятнень туртов? Сеске мертяно, сон удалась. Ютазь иестэнть, финансонь стакачитнень лангс апак вано, велень хозяйствань продукциянь нолдыцятне-кастыцятне ванстызь эрьва кодамо видэнь продукциянь ламолгавтоманть. Истя, животноводствань продукциянь нолдамонь коряс эрьва эрицяс республикась вансты васень тарканть Равчиресэ. Невтемга, эрьва эрицяс алонь, ловсонь саемасонть Мордовиясь, кода ютазь иестэяк, васенце таркасонть, ракшань ды саразонь сывелень саемасонть – омбоце таркасонть федеральной округонь регионтнэнь ютксо. Иезэнзэ алт саезь 1 миллиард 500 миллионт штукат, эрьва скалсто потявтозь 4700 килограммадо ламо ловсо.

Тедеде ракшань ды саразонь сывель саезь 200 тёжадо ламо тоннат, мезесь 32% седе ламо мелень коряс. Теньсэ, нама, покш таликаст покш инвестиционной проекттнэнь, конат совавтовить эрямос. Чаунзань райононь «Юбилейное» ООО-со моли бройлерэнь кастомань коряс фермань ды 93 тёжат тоннас саразонь переработкань коряс мясоперерабатывающей комплексэнь строямось. Тедеде уш предприятиясонть саразонь сывель нолдазь малав 78 тёжат тоннат.

«Мордовский  племенной центр» ООО-сь эрямос совавты 4800 левксыиця тувос тувонь комплексэнь васенце очередень строямонь коряс инвестпроектэнть. Эйсэнзэ тедеде нолдазь 7 тёжадо ламо тоннат тувонь сывель.

Кочкуровань районсо строявить инкубатор, корпуст, косо кармить трямо куркат. Те тевентень кундась «Норовская индейка» ООО-сь. Краснослободскоень райононь «Мокша» ООО-со моли скалонь фермань строямось.

 

ПАКСЯСО ТЕВТНЕДЕ

Тедеде сюронь саемась ламолгадсь 11%, ды утомтнес ускозь       1 миллион тоннат сюро, эрьва гектарсто саезь 24 центнерт. Равчиресэнть сюронь саемань коряс республикань аграрийтне колмоце таркасонть.

Республикасонть омбоце ие покш мель явови зёрнакс кукурузантень, конань питнепезэ арась ракшатнень андомасо. Тедеде пивсэзь малав 85 тёжат тоннат зёрнакс кукуруза. Тень эйстэ 37 тёжат тоннатне путозь ванстомас од технологиянь коряс полиэтиленэнь рукавас. Скалтнэнь тельня андомсто те коромонть питнепезэ арась. Сон лезды ламо ловсонь саемасонть.

Кецявтыть эсь важодемасост республикань ламбамо якстерькаень кастыцятне. Таргазь 1 миллиондо ламо тоннат ламбамо якстерькай, эрьва гектарсто среднейстэ саезь 426 центнерт. Те весемеде ламо Равчиресэ.

Мелень коряс кавксть седе ламо саезь пиже кснав – 4,3 тёжат тоннат.

Тевтне вадрясто молить «Тепличное» МР-нь ГУП-сонть. Тедеде ламо таргазь модамарь, кастозь капста ды лия эмежть.

Тешкстасынек, республикань аграрийтне парсте анокстасть телентень. Ракшатненень анокстазь 129 тёжат тоннат тикше, 475 тёжат тоннат сенаж, 486 тёжат тоннат силос. Истя, эрьва скалс анокстазь 20 центнерт кормовой единицат, те сатны ракшань трямосо тевтнень вадрялгавтоманть туртов.

 

ЛЕЗДЫ ГОСУДАРСТВАСЬ

А мезть сёпомс, велень хозяйствань предприятиятнень изнявкстнэсэ – трудий ломантнень виевстэ важодемась, сетнень, кить бажить скалсто потявтомс ламо ловсо, саемс сывель ды велень хозяйствань лия продукция. Тень топавтомасо эрьва мейсэ лезды государствась. Тедеде республикань велень хозяйствань продукциянь нолдыцятненень явозь 2,2 миллиардт целковойть федеральной бюджетстэ ды 2,7 миллиардт – республикансестэнть.

А кода а ледстямс вана мезенть. Мордовия Республикась виевстэ участвови эрьва кодамо целевой программатнесэ, конатнень анокстакшны-тейни Россиянь Велень хозяйствань ды продовольствиянь министерствась.

Тень кувалма республикань аграрийтне, кода мерить, ськамост а кадновить. Истя, государстванть лездамонзо вельде велетнесэ теезь кеме юр 2015 иень урожаенть алов. Видезь 185 тёжат гектарт озимойть, анокстазь 70 тёжат тоннат видьмекст яровойтнень видемс.

Государстванть ёндо велентень лездамось одкстомтызе машинно-тракторной парконть. Ней велень хозяйствань ламо предприятиятне паксятнень соксить ды урядыть неень шкань трактортнэсэ ды комбайнатнесэ.

 

ЗЯРДО

ТЕВСЭНТЬ ФЕРМЕРТНЭ

Колмо иеть уш важоди «Поддержка начинающих фермеров в РМ на период 2012- 2014 гг.» ведомственной целевой программась. Сонзэ юрсо теезь 236 крестьянско-фермерской хозяйстват. Тень ютксо 57-тне – 2014 иестэ. Фермертнэ важодить 15 ёнксонь коряс. Ялатеке покш мель явови сывелень ды ловсонь животноводствантень.

Программанть важодеманзо перть явозельть 230,3 миллионт целковойть бюджетэнь ярмакт. Эйстэст 184,3 миллионт целковойтне федеральной ды 46,0 миллионт целковойтне – республикань бюджеттнэстэ.

Республикасонть истя жо тевс совавтови «Развитие семейных животноводческих ферм на базе крестьянских (фермерских) хозяйств РМ на 2012-2014 годы» целевой программась. Тень вельде лезкс максозь 50 важодиця ды ансяк ушодыця фермернэнь. Тень ютксо     11-тненень – тедеде. Программатнень эрямос совавтомантень явозельть 392,6 миллионт целковойть бюджетэнь ярмакт, тень ютксто 138,5 миллионт целковойть – республикань бюджетстэ.

 

ПЕРЕРАБОТЧИКТНЕ

Мелень коряс эсь продукцияст ламолгавтызь республикань сывелень ды ловсонь переработкань предприятиятне. Эрицятненень пек вечкевсть эмежень консерватне, поладови ламбамо якстерькаень переработкась. Весе те – велень хозяйствань продукциянь переработкань предприятиятнень производственной базаст витнеманть вельде.

Теезь од цех Кочкуровань райононь «Норовский» МПК-со, «Мясокомбинат «Оброченский» ОАО-со строяви убойной цех. «Ромодановосахар» ООО-со весемесь витнезь одс. Тень пингстэ чистэ ламбамо якстерькаень 6 тёжат тоннатненень тееви обработка. «Рузово» ЗАО-со ушодсь важодеме омбоце линиясь, косо тееви алонь пастеризациясь. Ды сон течи  Россиясо весемеде покш. Чизэнзэ переработка тееви 3 миллионт алтнэнень. «Тепличное» ГУП-со ветяви эмежень кастомань коряс тепличной комплексэнь витнемась. Те комплексэнть туртов явозь 3 гектарт.

Покш предприятиятнестэ ламотне, конатнень ютксо «Мордовский бекон» ЗАО-сь, «Сыродельный комбинат «Ичалковский» ОАО-сь, «Ромодановосахар» ООО-сь, «Консервный завод «Саранский» ОАО-сь, «Молочный комбинат «Саранский» ОАО-сь, ламо ярмакт явныть од технологиятнес, республикантень од продукциянь нолдамонтень, сырьянь переработкантень. Те весемесь лезды нолдамс эштё пек паро продукция. Тедеде агропромышленной комплексэнь кото предприятиятне – «Тепличное» ГУП-сь, «ЛВЗ «Саранский», «Сыроваренный завод «Сармич», «Ромодановосахар» ООО-тне, «Консервный завод «Саранский», «Птицефабрика «Атемарская» ОАО-тне – саизь праванть нолдамс эсь продукцияст «Товары Мордовии» брендэнть ало.

Аволь умок Мордовияв сась паро куля: 2014 иенть прядовомсто республикась получи федеральной бюджетстэ субсидият – 1 миллион 765 тёжат целковойть. Мезень кисэ? Ёвтасынек: сывелекс ракшань кардонь-фермань витнемантень ды строямонтень. Эрявикс документэнтень кедьчелькс путсь Россиянь Правительствань Председателесь Дмитрий Медведев.

Федеральной бюджетстэ те тевентень 2014 иестэ аравтозельть 3150 миллионт целковойть.

Лисни, минек республикань агропромышленной комплекссэ важодицятне сы иестэнть седеяк виевстэ кармить топавтомо эсь тевест. Эсест икелев аравтыть покштояк покш тевть. Апак кавтолдо мертяно, сынь тевест топавтсызь. Республикасонть улить хозяйствань алкуксонь азорт, конат, стака читнень лангс апак вано, ламолгавтыть велень хозяйствань продукциянь нолдамонть. Ютксост – А.И.Поздняков, Д.И.Игушкин, С.С.Ухоботов,  Н.Б.Амбаев, И.С.Андин, В.В.Марков, Ю.М.

Иванов, В.В.Данейкин ды ламо-ламо лиятне. Сынь весементь теить – хозяйствасост важодицятне пряст марявольть азорокс.

Минек республикань велень хозяйствань предприятиянь продукциянть мельспаросо рамить аволь ансяк Мордовиянь эрицятне, Россиянь лия ошоньгак. Сынь пек шныть продукциянок. Тень кемевти «Сырнень сёксь» выставкаськак, кона ютавтозель Московсо. Эйсэнзэ минек предприятиятне сайсть 21 сырнень, сиянь ды бронзань медаль. Мордовия Республикантень таго максозь сехте покш казнесь – выставкань Гран-прись.

Меельцекс тешкстасынек, 2014 иесь республикань аграрийтненень удалась. Сынь важодсть виевстэ, оймень путозь. Лисни, виевстэ важодят – учок изнявкст.

Пётр ЗИНОВЬЕВ

 

Новости

Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...
 
Кочкицятне ёвтызь мелест


Сентябрянь 8-це чистэ Россиясо ютасть кочкамот местной самоуправлениянь органтнэс. Тенень алтазель журналисттнэнь туртов пресс-конференциясь, конань сентябрянь 9-це чистэ Саранскойсэ, Союзонь кудосо ютавтызе «Единая Россия» политической партиянь региононь отделениясь. Журналисттнэнь кевкстемаст лангс отвечась МР-нь Государственной Собраниянь Председателесь, «Единая Россия» Мордовиянь региононь отделениянь прявтось В.В.Чибиркин.

Пачтязель, Мордовиясо истя жо ульнесть кочкамот. 407 мандаттнэнь кис снартнесть 1054 ломанть. Республикань келес вайгелест максомо сакшность 63 % эрицят. Вайгелест максомо сехте ламо сакшность Ромодановань районсо – 74,24 %. Аламодо эйстэст кадовсть Инсаронь райононь эрицятне. Тосо – 73,01 %. Вейке проценттэ аламо сакшность Отяжелень районсо. Ламо кандидаттнэнь ютксо 98 % вайгельтне максозь «Единая Россия» политической партиянь представительтнень кис. Ды те а стяко. Ламо шкань перть мольсь анокстамонь робота. Сехте паро кандидаттнэнь эрицятне тешкстакшнызь эштё маень 26-це чистэ, зярдо ютавтозель предварительной вайгелень максомась. Сондензэ икеле ютавтозельть эрицятнень марто вастовомат, конатнесэ ломантне теевсть содавиксэкс кандидаттнэнь ды сынст проекттнэнь марто. Сестэнь изницятне вастовоматнень поладокшнызь велесэ эрицятнень марто. Ютавтозельть 114 вастовомат. Эрицятнень ламо кармавтоматне топавтозельть.

Мордовиясо кочкамотне ютатсть закононь колсемавтомо.

Подробнее ...
 
Единороссы Октябрьского района вручили юбиляру поздравительное письмо от Президента Владимира Путина
10 сентября 90-летний юбилей отмечает жительница Октябрьского района
Новикова Мария Ивановна. Родилась женщина в Нижегородской области,
всю жизнь трудилась звеньевой бригады в колхозе. Военные и
послевоенные годы вспоминает со слезами на глазах: «Мы жили небогато,
растили детей, очень много работали, сил своих не жалели».


Подробнее ...
 
Александр Воробьев осмотрел ход строительства детского сада в Ромодановском районе


6 сентября депутат Госдумы РФ, член комитета по аграрным вопросам Александр Воробьев встретился с главой Ромодановского района Анатолием Гурьяновым. Они обсудили ход строительства детского сада на 160 мест в поселке Ромоданово, который строится в рамках национальных проектов "Демография" и "Образование". По словам Анатолия Гурьянова, на 80% возведение здания завершено, ведутся работы по устройству коммуникаций.
«Мы сумели ликвидировать некоторое отставание по срокам, которое возникло ранее, но теперь строители работают в соответствии с графиком», - отметил глава Ромодановского района.

Александр Воробьев подчеркнул, что детский сад строится по наказам избирателей. По демографическим показателям Ромодановский район занимает вторую строчку в регионе после Саранска, и на данный момент существует потребность в обеспечении малышей местами в детских садах.
Детский сад планируется сдать уже в декабре текущего года.