Рубрикатор

Развитие АПК УЛИ МЕЗЕНЬ КИСЭ КИРДЕМС МЕЛЬСПАРО
УЛИ МЕЗЕНЬ КИСЭ КИРДЕМС МЕЛЬСПАРО

Тедеде пек келейстэ тешкстызь эсь профессиональной кенярксчист республикань велень хозяйствань ды перерабатывающей промышленностень важодицятне. Ды ули мезень кисэ кеняркшномс! Минек аграрийтне сайсть 1 миллиондо ламо тоннат сюро. Таргазь малав 1 миллион тоннат ламбамо якстерькай, эрьва гектарсто республикаванть среднейстэ саезь 426 центнерт.

Республикань аграрийтне покш мель явить сывелень, ловсонь ламолгавтомантень. Те иень кемень ковс животноводствань продукциясь ламолгадсь 8%. Тедеде ракшань ды  саразонь сывель нолдазь 212 тёжат тоннат, мезесь мелень коряс седе ламо. Тедеде 1 центнерс ламолгадсь ловсонь саемась. Ней эрьва скалсто потявтови 4760 килограммат.

А мезть сёпомс, республикань АПК-нть виевгавтомасо, бюджетэнть сюпалгавтомасо покш путовксост ули Кочкуровань ёнксонь велень хозяйствасо важодицятненьгак. Кода прядыть сынь 2014 иенть? – истямо кевкстемасто минек корреспондентэсь  ушодызе эсь кортамонзо велень хозяйствань кевкстематнень коряс Кочкурвеле ёнксонь администрациянь прявтонь полавтыцянть В.И.Сескин марто.

– Сеске мерян, тедеде минек райононь аграрийтне важодсть пек виевстэ. Саинек-пивсынек 35093 тоннат сюро, мезесь мелень коряс седе ламо. Мелят пивсынек 32 тёжат тоннат. Районганть эрьва гектарсто саезь 23,9 центнерт сюро.

Кода икеле иетнестэяк, районсонок виевстэ важодить «Норов» агрофирмась, «Тавла» велень хозяйствань предприятиясь, «ДСК-Агро» хозяйствась. Тесэ важодицятне бажить кода седе ламо саемс велень хозяйствань продукция.

Тедеде видезельть 15021 гектар сюро. Весемеде ламо мода сюротнень алов явнось «Норов» агрофирмась (8529 гектарт), конань прявтсо МР-нь  Госсобраниянь  депутатось Александр Ильич Поздняков. Те агрофирмась сайсь весемеде ламо сюро – 21758 тоннат. Эрьва гектарсто пивсэсть 26 центнерт.

Ледстясынь сетнень лемест, кить парсте важодсть сюронь урядамосонть. Неть: Александр Чинаев, Юрий Басов, Сергей Наумкин, Иван Большаков, шоферэсь Николай Рузавин, трактористэсь Сергей Берг.

«Норов» агрофирмасонть видезельть  1000 гектарт чиньжарамо, 250 гектарт – соя, 225 гектарт – ламбамо якстерькай,  300 гектарт – проса.

Виктор Иванович, койсэнек, тедеде а беряньстэ важодсть «Тавла», «ДСК-Агро» велень предприятиятнеяк?

– Виде. Вана «Тавла» предприятиясь сайсь 6817 тоннат сюро, «ДСК-Агрось» – 2313 тоннат. Кецявты, неть велень хозяйствань предприятиятне мелень коряс ламолгавтызь велень хозяйствань продукциянь саеманть. Теньсэ лездась производствас од технологиятнень совавтомась.

Кода молить тевтне животноводствасонть?

– А беряньстэ. Тедеде 10 ковс  потявкстнэ кассть 2%, мезесь мелень коряс седе ламо. Районганть среднейстэ эрьва скалсто потявтови 4624 килограммат ловсо. Вана «Норовсо» – 4989 килограммат. Весемезэ те хозяйствасонть 1000 потявтовиця скалт. Районганть – 1702.

Тешкстаса, мелень  коряс эрьва скалсто ловсось ламолгадсь 250 килограммас. Тедеде ловсо миинек 6065 тоннат, мезесь мелень коряс седе ламо.

Сывелень миемань коряс тевтне вадрясто ладязь «Норов» агрофирмасонть, «Тавла» велень хозяйствань предприятиясонть. А мезть сёпомс, неть предприятиятнесэ важодицятне изнявкстнэнь лангс а лотксить. Сынь свал вешнить  се одонть, кона лезды велень хозяйствань предприятиянть виевгавтомантень. Ды эдь мукшныть. Сайсынек, невтемга, «Норов» агрофирманть. Тезэнь  сови «Норов» ОАО-сь, «Норовский» МПК-сь, «Норовская индейка» ООО-сь. Неть предприятиятне важодить виевстэ. Тень кувалма микшнить пек ламо сывель. Ансяк «Норовский» предприятиясь эсь фермасто ильтясь 1740 тоннат сывель.

Виктор Иванович, инескеть, ёвтнинк кеместэ-аволь анокстыде телентень? Сатышка-аволь анокстыде ракшатненень кором?

– Ракшатнень кардсо кирдемантень анокстынек виевстэ. Загодь анокстазь кардтнэ. Сынь весе лембть. Теле лангс районганть ракшатненень таштазь 3417 тоннат тикше, 12600 тоннат сенаж, 14450 тоннат – силос. Истя, эрьва скалс лисни 36,4 центнерт кормовой единицат. Койсэнь, те а берянь. Тень кувалма райононь велень хозяйствань предприятиянь прявттнэнь ёжост паро.

Мельспаросотано эште оно мезень коряс: сёксня шкастонзо видинек озимойтнень – 5771 гектар, те седе ламо мелень коряс. Кода свал, весемеде ламо гектарт озимойть видезь «Норов» агрофирмасо – ниле тёжадо ламо гектарт. Лисни, сы иень урожаенть алов путозь кеме юр.

Виктор Иванович,  районсонк  улить крестьянско-фермерской хозяйстват. Эйстэст кинь бу явовлинк?

– Алкукскак, минек районсо крестьянско-фермерской хозяйствань азортнэде зярыя кементь. Веенст кастыть сюро, омбонст трить-кастыть тувот, лиятне – скалт… Шнасынь Виктор Герасимовонь, Александр Герасимовонь, Николай Аверкинэнь, Михаил Спиркинэнь, Виктор Дурновонь, Пётр Безинэнь. Сынь зярдояк кедест а нолдтнить: иесь улезэ пиземев эли коське. Вана тедеде крестьянско-фермерской хозяйстватне виднесть 531 гектар мода. Сайсть 1593 тоннат сюро. Нама, те а берянь. Сынсткак ули таликаст райононь ярмаконь паргонть сюпалгавтомасо.

Минек республикасо эрямос совавтозь «Развитие семейных животноводческих ферм на базе крестьянско-фермерских хозяйств в РМ на 2012-2014 годы» целевой программась. Кочкурбуесэ те программантень мель явить-арась?

– Эно кода а явить? Явить! Ёвтан зярыя лемть, кинь тевест ладязь парсте. Владимир Ильич Поздняков. Сон касты-три мацейть, Олег Николаевич Илюшкин ды  Николай Владимирович Аверкин трить-андыть скалт. Неть ломантне велень алкуксонь ванстыцят. Весе эрямост алтызь сюронь кастомантень, ракшань трямонтень. Ды те тевенть сынь пек вечксызь.

Содатано, районсонк ули коллектив, кона касты  калт-осётрат. Тевест парсте ладязь?

– Алкукскак районсонок осётрат касты «Аквосар» ООО-сь. Тесэ важодицятне тонавтнизь райононь эрицятнень мелест-бажамост ды теде мейле ушодсть совавтомо эрямос эсь проектэст. Течи продукцияст мельспаросо микшневи аволь ансяк минек районсо, сонзэ томбалеяк. Те, нама, минек пек кецявты.

Течи ламо кортыть велень хозяйствань тевтнеде: кода  седе лезэвстэ ладямс тесэ важодеманть, кода седе ламо саемс скалсто ловсо, эрьва гектарсто сюро эли ламбамо якстерькай ды истя седе тов…

– Тень коряс мон мерян  истя: велень хозяйствань предприятиясо важодицятне тевест топавтыть вадрясто. Шкастонзо  виднить-урядыть паксятнень. Кодамояк стакачинь апак сода ютавтнить телетнень. Талновты вейкесь: лавкатнесэ-косо велень хозяйствань продукциянть лангс питнетне яла касыть, производительтне жо эсь товарост микшнить манынь питнетнень коряс. Те тевесь пек ацирьгавты велень хозяйствань предприятиясо важодицятнень. Сынь весе виест, ютко шкаст максыть вечкевикс тевентень. Пароль, государствань седе покш мель явоволь велень хозяйствантень.

 

Кортамонть сёрмадызе Пётр Зиновьев

 

Кочкуровань ёнкс

 

Новости

Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...
 
Кочкицятне ёвтызь мелест


Сентябрянь 8-це чистэ Россиясо ютасть кочкамот местной самоуправлениянь органтнэс. Тенень алтазель журналисттнэнь туртов пресс-конференциясь, конань сентябрянь 9-це чистэ Саранскойсэ, Союзонь кудосо ютавтызе «Единая Россия» политической партиянь региононь отделениясь. Журналисттнэнь кевкстемаст лангс отвечась МР-нь Государственной Собраниянь Председателесь, «Единая Россия» Мордовиянь региононь отделениянь прявтось В.В.Чибиркин.

Пачтязель, Мордовиясо истя жо ульнесть кочкамот. 407 мандаттнэнь кис снартнесть 1054 ломанть. Республикань келес вайгелест максомо сакшность 63 % эрицят. Вайгелест максомо сехте ламо сакшность Ромодановань районсо – 74,24 %. Аламодо эйстэст кадовсть Инсаронь райононь эрицятне. Тосо – 73,01 %. Вейке проценттэ аламо сакшность Отяжелень районсо. Ламо кандидаттнэнь ютксо 98 % вайгельтне максозь «Единая Россия» политической партиянь представительтнень кис. Ды те а стяко. Ламо шкань перть мольсь анокстамонь робота. Сехте паро кандидаттнэнь эрицятне тешкстакшнызь эштё маень 26-це чистэ, зярдо ютавтозель предварительной вайгелень максомась. Сондензэ икеле ютавтозельть эрицятнень марто вастовомат, конатнесэ ломантне теевсть содавиксэкс кандидаттнэнь ды сынст проекттнэнь марто. Сестэнь изницятне вастовоматнень поладокшнызь велесэ эрицятнень марто. Ютавтозельть 114 вастовомат. Эрицятнень ламо кармавтоматне топавтозельть.

Мордовиясо кочкамотне ютатсть закононь колсемавтомо.

Подробнее ...
 
Единороссы Октябрьского района вручили юбиляру поздравительное письмо от Президента Владимира Путина
10 сентября 90-летний юбилей отмечает жительница Октябрьского района
Новикова Мария Ивановна. Родилась женщина в Нижегородской области,
всю жизнь трудилась звеньевой бригады в колхозе. Военные и
послевоенные годы вспоминает со слезами на глазах: «Мы жили небогато,
растили детей, очень много работали, сил своих не жалели».


Подробнее ...
 
Александр Воробьев осмотрел ход строительства детского сада в Ромодановском районе


6 сентября депутат Госдумы РФ, член комитета по аграрным вопросам Александр Воробьев встретился с главой Ромодановского района Анатолием Гурьяновым. Они обсудили ход строительства детского сада на 160 мест в поселке Ромоданово, который строится в рамках национальных проектов "Демография" и "Образование". По словам Анатолия Гурьянова, на 80% возведение здания завершено, ведутся работы по устройству коммуникаций.
«Мы сумели ликвидировать некоторое отставание по срокам, которое возникло ранее, но теперь строители работают в соответствии с графиком», - отметил глава Ромодановского района.

Александр Воробьев подчеркнул, что детский сад строится по наказам избирателей. По демографическим показателям Ромодановский район занимает вторую строчку в регионе после Саранска, и на данный момент существует потребность в обеспечении малышей местами в детских садах.
Детский сад планируется сдать уже в декабре текущего года.