Рубрикатор

Развитие АПК Весе одось ды лезэвесь - «Норовсо»
Весе одось ды лезэвесь - «Норовсо»

Тантей ды экологиянь коряс ванькс ярсамопель
«Норов» Агрофирма ОАО-со свал бажить одонтень ды лезэвентень. Истя, 2012 иестэ велень хозяйствань те предприятиянть юрсо теезель «Норовский» МПК ООО-сь, иезэнзэ тосо нолдави 5700 тоннат сывель, сутказонзо тееви эрьва кодамо сортонь кавто тоннат колбасань изделият. Неень шкане тосо тееви од цех куркань сывеленть тевс нолдамга, иезэнзэ эйстэнзэ карми нолдавомо 1200 тоннат продукция. «Норовский» МПК ООО-сь теи экологиянь коряс ванькс ды паро качествань ярсамопель, эйзэнзэ а човорить кодаткак добавкат.
Те велень хозяйствань предприятиясонть покш мель явить оборудованиянтень, седе ламось юткстонзо омбо масторонь, свал ваньксстэ кирдевить кельмевтемань камератне, продукциянь теемань цехтне. Ловцонь комплекссэнть арсить важодеме од лувсо, кармить нолдавомо тевс скалонь потявтыця роботт. Сынст вельде ков седе шождалгавтови кедьвийсэ важодемась, ламолгавтови ловсонь продуктивностесь.
«Норов» агрофирмасо аволь ансяк видить-кастыть паро сюро ды ламо лия касовкст, сынь неть культуратнень нолдыть лезэвстэ тевс. Истя, 2011 иестэ теезель «Воеводское хлебоприёмное предприятие» ООО-сь, косо ванстовить видьмекстнэ, паневи тантей кши. Те пекарнянь продукциясь микшневи аволь ансяк Кочкуровань енкссо, истя жо сонзэ седейшкава саить Саранскойсэ ды республикань томбале.
Те предприятиясонть ракшатненень анокстави сатышка гранулировазь кором, кавто линият панжозь тувонь отраслянть туртов, косо иезэнзэ нолдави 12000 тоннат сывель. Эрьва тевесь тесэ арсеви педе-пев, те хозяйствасонть кастозь сюрось яжавтови эсест ведьгевсэ (сонзэ виензэ сатыть иезэнзэ яжамс 700 тоннат), кшись паневи тагояк эсест пекарнясо ды, кода кортыть, псистэ пачтяви рамицятненень. Чизэнзэ тосо панить 5 тёжат буханкат. Неень шкане ансяк истя эряви важодемс, саемс пример икеле молиця те предприятиянть лангсто. Тонавтнемс ули мезес алкуксонь азоронть А.И.Поздняковонь пельде. Васень варштавкс лангс некеть вере ледстязь мелявкстнэяк бу сатовольть. Ансяк Александр Ильич эзь тонадо добовазенть лангс лотксеме. Ютазь иестэ предприятиясь рамась ямксонь нолдамс крупорушка, сонзэ виензэ сатыть иезэнзэ теемс 500 тоннат экологиянь коряс ванькс продукция.
Велень хозяйствань те предприятиясонть улемстэ ванкшнынек чиньжарамонь оенть тееманзо. Сон тееви истя жо эсест продукциясто. Кода тенек пачтясь «Воеводское хлебоприемное предприятие» ООО-нь прявтонь полавтыцясь, биологиянь наукань кандидатось Т.А.Дунаева, чиньжарамосто оесь нолдави апак эждя, лиякс меремс, весе витаминтнэ, лезэв пелькстнэ эйсэнзэ ванстовить. Тиринь келенть ванстомга, сонензэ путозь «Эрзяночка» мазый, гайтев лемесь. «Норов» Агрофирма ОАО-нть юрсо 2013 иестэ теезь «Норовская индейка» ООО-сь, конань туртов стявтовсть куркань кастомань 3 корпуст, эрьвасонть ве шкасто кирдевить 7200 прят нармунть. Неень шкане тосо эйстэдест 21600 прят, иенть прядовомс арсеви сынст ламолгавтомс. Ве шкасто тосо кармить кирдевеме 100000 прят. Те иень сёксня Велень хозяйствань ды перерабатывающей промышленностень кенярксчинть тешкстамсто А.И.Поздняков лиссь изницякс мик колмо номинациянь коряс, конатнень ютксо «Лезэв производствань велень хозяйствань предприятиясь».
Тедеде «Золотая осень» масторонь выставкасонть «Эффективное развитие сельских территорий на муниципальном уровне» номинациянть коряс Кочкуровань районось казезь РФ-нь Минсельхозонь ды Московонь Правительствань сиянь медальсэ. Нама, теньсэ покш путовксозо А.И.Поздняковонь прявтсо «Норов» Агрофирма ОАО-нть.
Кемтяно, икелепелевгак республикасонок икеле молиця велень хозяйствань те предприятиянть тевензэ кармить молеме парсте, ды сынст сатыть виест изнямс весе стакачитнень.

Ков сатыть виензэ – лезды
МР-нь Госсобраниянь депутатось А.И.Поздняков свал вастневи эсь округонь кочкицятнень марто. Вана Депутатонь чинть ютавтомстояк сон васня ульнесь Кочкуровань муниципальной райсоветэнь сессиясонть, косо ванкшновсть те ёнксонь эрицятнень талновтыця кевкстематне.
Сессиянть ютамодо мейле А.И.Поздняков ёвтась поздоровт ды макссь паспортт Кочкуровань од граждантнэнень, кинень ансяк топодсть 14 иеть. Александр Ильич арсесь улемс тенст алкуксонь ломанекс ды весе вийтнень путомс Мордовиянть ды Россиянть сюпалгавтомга ды паролгавтомга.
Теде мейле МР-нь Госсобраниянь депутатось содавтызе Кочкуровань райононь «Улыбка» эйдень кужонть. Весемева неявсь, сонзэ тесэ содасызь парсте, эйкакштне вастызь седейшкава. Эрявсь неемс, кода цитнесть сынст сельмест Александр Ильичень пельде казнетнень саемстэ, кода кенярдсть вишкинетне налкшкетненень. Те эйдень кужонь прявтось Е.Н.Мордакина пачтясь тенек, кодамо покш лезкс максы тенст сынст округонь депутатось. Елена Николаевнань валонзо коряс, А.И.Поздняков лездась тенст витнемс эйдень кужонть. Меельце шкастонть «Улыбканть» одкстомтомс ютавтозель 11 миллион целковойть, аволь аламо ярмакт тусть сонзэ перька тарканть мазылгавтомс.
Тешкстасынек, Александр Ильичнень лезкс мельга свал пшкалить, кода образовательной, истя жо культурань учреждениятнестэ, башка ломантне. Невтемакс, сон ярмаксо лездась Тат-Умысэнь основной общеобразовательной школантень, котельноенть витнемс, Горяйновкань общеобразовательной школантень музыкальной оборудованиянь, «Детская-юношеская спортивная школа» МБУ ДОД-нтень спортонь инвентарень рамамс.
А.И.Поздняковонь покш путовксозо Ине Отечественной войнантень алтазь ледстнемань мероприятиятнень ютавтомасо.
Александр Ильич киньгак а яви, весенень вейкетьстэ лезды: православнойтненень церьковань стявтомс, мусульмантнэнень – мечетень. А ютко шканть лангс апак вано, сон свал муи шка кода сыретненень, истя одтнэнень. Эрьва иестэ эрсить вастовомат важодиця од ломантнень марто Кочкуровасо, Семилейсэ, Ташто Турдаксо, Воеводскойсэ, Красномайской поселкасо.
Неень шкане талновтыця кевкстематнень ютксто вейкесь – тевень муемась. А.И.Поздняковнень те кевкстеманть коряс пшкалить аволь ансяк Кочкурова ёнксонь эрицятне, истя жо Мордовиянь ды сонзэ томбалень ломантне. Истя, 2007-2014 иетнестэ «Агрофирма «Норов» ОАО-с састь важодеме 600 ламо ломанть. Меельце кавто иетнестэ тосо важодицятнень средней зарплатаст ковозонзо лиссь 18 тёжат 162 целковойть.
Александр Ильичнень сюкпрянь валт ёвтыть «Норов» футболонь командась, сынст кирдемс эрьва иестэ явовить 250 тёжат целковойть. Депутатонть лезксэнзэ вельде сынь якить футболонь коряс раськеютконь эрьва кодат пелькстамотнес.
Маныть малав 1 миллион целковойть сон макссь Семилей велесэ эйдень площадкань теемс.
Сонзэ кедьстэ мельспаросо лисить ламо эйкакшонь триця семиятне, тетявтомо эйкакшонь кастыцятне. Александр Ильич ламо валонь апак ёвта эрьвантень машты каземс кеняркс, кемема вандынь чинтень.
В.Юдина

 

Новости

Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...
 
Кочкицятне ёвтызь мелест


Сентябрянь 8-це чистэ Россиясо ютасть кочкамот местной самоуправлениянь органтнэс. Тенень алтазель журналисттнэнь туртов пресс-конференциясь, конань сентябрянь 9-це чистэ Саранскойсэ, Союзонь кудосо ютавтызе «Единая Россия» политической партиянь региононь отделениясь. Журналисттнэнь кевкстемаст лангс отвечась МР-нь Государственной Собраниянь Председателесь, «Единая Россия» Мордовиянь региононь отделениянь прявтось В.В.Чибиркин.

Пачтязель, Мордовиясо истя жо ульнесть кочкамот. 407 мандаттнэнь кис снартнесть 1054 ломанть. Республикань келес вайгелест максомо сакшность 63 % эрицят. Вайгелест максомо сехте ламо сакшность Ромодановань районсо – 74,24 %. Аламодо эйстэст кадовсть Инсаронь райононь эрицятне. Тосо – 73,01 %. Вейке проценттэ аламо сакшность Отяжелень районсо. Ламо кандидаттнэнь ютксо 98 % вайгельтне максозь «Единая Россия» политической партиянь представительтнень кис. Ды те а стяко. Ламо шкань перть мольсь анокстамонь робота. Сехте паро кандидаттнэнь эрицятне тешкстакшнызь эштё маень 26-це чистэ, зярдо ютавтозель предварительной вайгелень максомась. Сондензэ икеле ютавтозельть эрицятнень марто вастовомат, конатнесэ ломантне теевсть содавиксэкс кандидаттнэнь ды сынст проекттнэнь марто. Сестэнь изницятне вастовоматнень поладокшнызь велесэ эрицятнень марто. Ютавтозельть 114 вастовомат. Эрицятнень ламо кармавтоматне топавтозельть.

Мордовиясо кочкамотне ютатсть закононь колсемавтомо.

Подробнее ...
 
Единороссы Октябрьского района вручили юбиляру поздравительное письмо от Президента Владимира Путина
10 сентября 90-летний юбилей отмечает жительница Октябрьского района
Новикова Мария Ивановна. Родилась женщина в Нижегородской области,
всю жизнь трудилась звеньевой бригады в колхозе. Военные и
послевоенные годы вспоминает со слезами на глазах: «Мы жили небогато,
растили детей, очень много работали, сил своих не жалели».


Подробнее ...
 
Александр Воробьев осмотрел ход строительства детского сада в Ромодановском районе


6 сентября депутат Госдумы РФ, член комитета по аграрным вопросам Александр Воробьев встретился с главой Ромодановского района Анатолием Гурьяновым. Они обсудили ход строительства детского сада на 160 мест в поселке Ромоданово, который строится в рамках национальных проектов "Демография" и "Образование". По словам Анатолия Гурьянова, на 80% возведение здания завершено, ведутся работы по устройству коммуникаций.
«Мы сумели ликвидировать некоторое отставание по срокам, которое возникло ранее, но теперь строители работают в соответствии с графиком», - отметил глава Ромодановского района.

Александр Воробьев подчеркнул, что детский сад строится по наказам избирателей. По демографическим показателям Ромодановский район занимает вторую строчку в регионе после Саранска, и на данный момент существует потребность в обеспечении малышей местами в детских садах.
Детский сад планируется сдать уже в декабре текущего года.