Рубрикатор

Развитие АПК ЛЕМБЕ ВАЛТ ВЕЛЕСЭ ВАЖОДИЦЯТНЕНЕНЬ
ЛЕМБЕ ВАЛТ ВЕЛЕСЭ ВАЖОДИЦЯТНЕНЕНЬ

Аволь умок эсь профессиональной кенярксчист тешкстызь велень хозяйствань ды перерабатывающей промышленностень важодицятне. Республикань Культурань  Дворецэв пурнавкшность сетне, кить кастыть сюро, ламбамо якстерькай, потявтыть скалт, андыть тувот; велень хозяйствань предприятиянь прявттнэ, крестьянско-фермерской хозяйствань азортнэ, сетне, кинь тевест сюлмавозь веленть марто. Ульнесть ламо инжеть Россиянь зярыя регионстояк, Мордовиянь аграрийтнень партнёртнэ. Кенярксчинь залсо теевезь коень коряс ульнесть Социалистической Трудонь Геройтне – А.А.Климбовский, А.В.Долганов,  М.И.Сивцова. Истя жо МР-нь Прявтось В.Д.Волков, МР-нь Госсобраниянь Председателесь В.В.Чибиркин, МР-нь Правительствань Председателесь В.Ф.Сушков, МР-нь Правительствань Председателень васенце полавтыцясь – велень хозяйствань ды продовольствиянь министрась В.Н.Сидоров, МР-нь Профсоюзтнэнь федерациянь прявтось А.И.Солдатов.

Изнявкстнэ кецявтыть

Республикань аграрийтненень приветственной вал ёвтась МР-нь Прявтось В.Д.Волков. Сон тешкстызе, келя, тедеде аграрийтнень кенярксчись ютавтови политической аволь вадря шкасто, зярдо масторонь экономиканть лепштить веёндонсетне. Самай те шкастонть миненек прасть од  вийть производстванть ламолгавтомантень, кадратнень кемекстамонтень, продукциянть вадрялгавтомантень. Ансяк эряви неть ёнкстнэнь эрямос совавтомс лезэвстэ.

А мезть сёпомс, тедеде минек аграрийтне важодсть мелень коряс седе виевстэ. Минек республикань аграрийтне поладыть продукциянь ламолгавтоманть. Тедеде эрьва гектарсто саезь 24 центнерт сюро, весемезэ – 1 миллион тоннат, мезесь 30% седе ламо мелень коряс. Зерновойтнень урожайностень коряс Мордовиясь Равчиресэнть тедеде зани колмоце тарка. Эрьва гектарсто 52 центнерт сюро сайсть Ицялонь райононь «Дружба» велень хозяйствань предприятиясь ды «Тепличное» ГУП-сь. Эрьва гектарсто 40 центнерт  сюро сайсть республикань велень хозяйствань малав кемень предприятият.

Республикасонть покш мель явови зёрнакс кукурузань кастомантень. Тедеде пурназь 85 тёжат тоннат зёрнакс кукуруза. Маласо шкасто листяно 100 тёжат тоннатненень. Зёрнакс кукурузань кастомась парсте ладязь Лямбирень райононь «Октябрьская» агрофирмасонть, Ицялонь райононь «Дружба» велень хозяйствань предприятиясонть.

Покш изнявкст таштасть минек  ламбамо якстерькаень кастыцятне. Таргазь малав    1 миллион тоннат ламбамо якстерькай, эрьва гектарсто республикаванть среднейстэ таргазь 426 центнерт. Те  – Равчиресэ весемеде ламо. Российской Федерациясо  республикась кемень сехте вадрятнень ютксо ламбамо якстерькаень таргамонь коряс. Ламбамо якстерькаень сехте вадря кастыцятнень ютксо Отяжелень райононь «Сабанчеевское» ООО-сь,  Ицялонь райононь «Ичалки»   ЗАО-сь ды «1 Мая» СХП-сь.

Мелень коряс кавксть седе ламо саезь пиже кснав. 4,3 тёжат тоннасто нолдазь 15 миллионт консервань банкат.

Кеме юр теезь 2015 иень урожаенть алов. Видезь 185 тёжат гектарт озимойть.

МР-нь Прявтось В.Д.Волков тешкстызе Мордовиянь агропромышленной комплексэнть туртов од тевенть – цецянь кастоманть. Теньгушевань районсо панжозь цецянь кастомань омбоце цехесь. Тестэ иезэнзэ ильтявить 20 миллионт розат. Ней масторсонок эрьва кеменце розась – Мордовиянь.

сывелесь ды ловсось Ламолгадыть

Республикань аграрийтне покш мель явить сывелень, ловсонь ламолгавтомантень. Те иень кемень ковс животноводствань продукциясь ламолгадсь 8%. Тедеде ракшань ды саразонь сывель нолдазь 212 тёжат тоннат, мезесь мелень коряс 32% седе ламо, 1,3 миллиардт штукат алт. Зняро республикасонок эште зярдояк арасель!

Тедеде 1 центнерс ламолгадсь ловсонь саемась. Ней эрьва скалсто потявтови 4760 килограммат ловсо. В.Д.Волковонь валонзо коряс, задачась каднови теке – кавто иес потявкстнэнь кастомс 5 тёжат килограммас. Тень туртов Мордовиясо теезь кеме база. Улить скалт, конат максыть ламо ловсо.

Республикасонть эрямос совавтовить инвестициянь покш проектт, конат сюлмавозь животноводстванть виевгавтомасо. Чаунзань районсо строяви  саразонь сывелень нолдамонь коряс фабрика, Краснослободскоень районсо – «Мокша» ООО-со 1000 скалс ферма, Кочкуровань районсо – «Норов» агрофирмасо куркань сывелень нолдамонь коряс производственной корпуст ды инкубатор,  Ковылкинань районсо ушодовсь 4800 левксыиця тувос комплексэнь строямось ды истя седе тов.

переработчикть

МР-нь Прявтось В.Д.Волков шнынзе республикань переработчиктнень. Те иень кемень ковс эсь предприятиятнестэ сынь ильтясть 32 миллиардт целковоень питнес продукция, мезесь 30% седе ламо мелень коряс. Покш изнявкст таштась мясоперерабатывающей отраслясь, косо продукциясь ламолгадсь мелень коряс 73%. Ловсонь переработчиктне нолдасть продукция 7 миллиардт целковоень питнес.

Ламбамо якстерькаенть эйстэ нолдыть 100 тёжат тоннат сахар, Мордовиянь эрьва эрицяс сави 200 килограммат.

Тедеде Московсо таго ютавтозель «Сырнень сёксь» агропромышленной выставкась. Тосо эсь продукцияст невтизь Мордовиянь кеветееде ламо предприятият. Ды тосто усксть 21  медаль. Мордовиянтень таго максозь выставкань Гран-прись. Россиянь сехте вадря товарокс кармась Ицялонь «Пармезан» сортонь сырась.

нацпроектт

Республикась участвови федеральной кавто проекттнэсэ: «Развитие сельского хозяйства до 2020 года» ды «Устойчивое развитие сельских территорий до 2020 года». Тень кувалма республикась получась вейке иес федеральной бюджетстэ 2,2 миллиардт целковойть. Эште велетнес кучозь 2,7 миллиардт целковойть республикань бюджетстэ.   Весемезэ лезкс велесь получась кавксть  седе ламо мелень коряс.

МР-нь Прявтось В.Д.Волков паро валсо кортась республикань крестьянско-фермерской хозяйствань азортнэде. Сынст, келя, покш таликаст Мордовиянь велень хозяйствань продукциянть ламолгавтомасо.

Казнеть

Мордовиянь аграрийтнень кенярксчисэнть теезельть районтнэнь ды АПК-нь предприятиятнень, велень администрациятнень, студентэнь велень хозяйствань отрядтнэнь ютксо республикань трудовой соперничествань итогтне. Казнетнень макснесть МР-нь Прявтось В.Д.Волков, МР-нь Госсобраниянь Председателесь В.В.Чибиркин,     МР-нь Правительствань Председателесь В.Ф.Сушков, МР-нь Правительствань Председателень васенце полавтыцясь – велень хозяйствань ды продовольствиянь министрась В.Н.Сидоров, МР-нь Профсоюзтнэнь федерациянь председателесь А.И.Солдатов. Истя,  «Район эффективного производства» номинациясонть изницякс лиссь Чаунзань районось. Эсь зонасо изницякс истя жо лиссть Лямбирень, Ковылкинань, Отяжелень, Ицялонь, Рузаевкань, Инсаронь, Орданьбуень, Дубенкань районтнэ.

«За эффективное применение в производстве высоких технологий» номинациясонть изницякс лиссть «Сыродельный комбинат «Ичалковский», «Молочный комбинат «Саранский» предприятиятне.

Вана велень хозяйствань предприятиятнень ютксо васенце зонасонть изницякс  кармась «Сабанчеевское» велень хозяйствань предприятиясь, конань прявтсо Д.Н. Игушкин. Сонензэ максозь «Мордовия Республикань Прявтонь премиянь лауреат» лемесь.

«За производственные показатели животноводства среди птицеводческих предприятий» номинациясонть изницякс лиссь Чаунзань нармунень фабрикась,  алонь саемасо –  «Атемарская» нармунень фабрикась.

Крестьянско-фермерской хозяйстватнень ютксо сехте вадря семиянь фермакс ловозь Елена Кудашкинань фермась (Орданьбуе ёнкс). Сон кирди 92 скалт, эйстэст       30-тне – потявтовицят. Тедеде мись 162 тоннат ловсо. Эрьва скалсто потявты малав 5 тёжат килограммат.

Студентэнь велень хозяйствань отрядтнэнь ютксо изницякс лиссь Н.П.Огарёв лемсэ Мордовской госуниверситетэнь Механикань ды энергетикань институтонь «Нива» отрядось. Эйстэст  – 13 ломанть. Сынь важодсть Отяжелень райононь «Агро-Атяшево» предприятиясонть. Урядасть сюро. Весемезэ пивсэсть 5 тёжат тоннат.

Омбоцекс кармась Торбеевань колледжень «Импульс» студентэнь отрядось, колмоцекс – «Колос» аграрной колледжень отрядось. Сынь важодсть Покш Игнатовань райононь «8 Марта» велень хозяйствань предприятиясо. Колмоце таркась истя жо максозь Краснослободскоень колледжень «Механик» отрядонтень, кона важодсь Ицялонь райононь «Дружба» предприятиясонть.

Республикань сехте вадря аграрийтненень истя жо максозельть РФ-нь ды МР-нь государственной казнеть.

Кенярксчинь инжеть

Мордовиянь агропромышленной комплекссэ важодицятненень поздоровт ёвтасть, велень хозяйствасо од изнявкст арсесть кенярксчинь инжетне. Неть – РФ-нь Государственной Думань Аграрной кевкстематнень коряс комитетэнь Председателень полавтыцясь Надежда Школкина (сон В.Н.Сидоровнень максызе РФ-нь Госдумань Председателенть пельде Шнамонь конёвонть), «КуйбышевАзот» предприятиянь генеральной директорось Виктор Герасименко, Россиянь Сахаронь нолдыцянь союзонь правлениянь председателесь Андрей Бадин, «ФосРегионАгро-Волга» предприятиянь генеральной директорось Андрей Сметов, «Ростсельмаш» ОАО-нь департаментэнь директорось Александр Шаталов, «Гомсельмаш» (Белоруссия) предприятиянь представителесь Игорь Ковальдей, Петербургонь тракторонь заводонь представителесь Владимир Мальдин, «Клевер» предприятиянь прявтось Сергей Рябченко, «Данон» компаниянь представителесь Алексей Кузнецов, Нижней Новгородонь областень Законодательной Собраниянь АПК-нь коряс комитетэнь председателесь Николай Шкилев.

Мордовиянь аграрийтнень паро партнёртнэ сехте вадря трактористтнэнень макссть питней казнеть. Сынь истя жо казсть минеральной удобрениянь зярыя вагонт.

Ташто Шайговасто фермерэнть С.В.Кибаковань семиязо покш. Россиясо фермертнэнь ютксо семиязо ловови сехте ламо эйкакшонь трицякс. Кенярксчистэнть сонензэ максозь питней казне – «Феликс» фронтальной погрузчик. «Клевер» компаниянть пельде Кибаковтнень семиянтень сертификатонть максызе МР-нь Прявтось В.Д.Волков.

Меельцекс МР-нь Прявтось В.Д.Волков коень коряс поздоровт ёвтась Социалистической Трудонь Геройтненень.

Пётр Зиновьев

 

Новости

Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...
 
Кочкицятне ёвтызь мелест


Сентябрянь 8-це чистэ Россиясо ютасть кочкамот местной самоуправлениянь органтнэс. Тенень алтазель журналисттнэнь туртов пресс-конференциясь, конань сентябрянь 9-це чистэ Саранскойсэ, Союзонь кудосо ютавтызе «Единая Россия» политической партиянь региононь отделениясь. Журналисттнэнь кевкстемаст лангс отвечась МР-нь Государственной Собраниянь Председателесь, «Единая Россия» Мордовиянь региононь отделениянь прявтось В.В.Чибиркин.

Пачтязель, Мордовиясо истя жо ульнесть кочкамот. 407 мандаттнэнь кис снартнесть 1054 ломанть. Республикань келес вайгелест максомо сакшность 63 % эрицят. Вайгелест максомо сехте ламо сакшность Ромодановань районсо – 74,24 %. Аламодо эйстэст кадовсть Инсаронь райононь эрицятне. Тосо – 73,01 %. Вейке проценттэ аламо сакшность Отяжелень районсо. Ламо кандидаттнэнь ютксо 98 % вайгельтне максозь «Единая Россия» политической партиянь представительтнень кис. Ды те а стяко. Ламо шкань перть мольсь анокстамонь робота. Сехте паро кандидаттнэнь эрицятне тешкстакшнызь эштё маень 26-це чистэ, зярдо ютавтозель предварительной вайгелень максомась. Сондензэ икеле ютавтозельть эрицятнень марто вастовомат, конатнесэ ломантне теевсть содавиксэкс кандидаттнэнь ды сынст проекттнэнь марто. Сестэнь изницятне вастовоматнень поладокшнызь велесэ эрицятнень марто. Ютавтозельть 114 вастовомат. Эрицятнень ламо кармавтоматне топавтозельть.

Мордовиясо кочкамотне ютатсть закононь колсемавтомо.

Подробнее ...
 
Единороссы Октябрьского района вручили юбиляру поздравительное письмо от Президента Владимира Путина
10 сентября 90-летний юбилей отмечает жительница Октябрьского района
Новикова Мария Ивановна. Родилась женщина в Нижегородской области,
всю жизнь трудилась звеньевой бригады в колхозе. Военные и
послевоенные годы вспоминает со слезами на глазах: «Мы жили небогато,
растили детей, очень много работали, сил своих не жалели».


Подробнее ...
 
Александр Воробьев осмотрел ход строительства детского сада в Ромодановском районе


6 сентября депутат Госдумы РФ, член комитета по аграрным вопросам Александр Воробьев встретился с главой Ромодановского района Анатолием Гурьяновым. Они обсудили ход строительства детского сада на 160 мест в поселке Ромоданово, который строится в рамках национальных проектов "Демография" и "Образование". По словам Анатолия Гурьянова, на 80% возведение здания завершено, ведутся работы по устройству коммуникаций.
«Мы сумели ликвидировать некоторое отставание по срокам, которое возникло ранее, но теперь строители работают в соответствии с графиком», - отметил глава Ромодановского района.

Александр Воробьев подчеркнул, что детский сад строится по наказам избирателей. По демографическим показателям Ромодановский район занимает вторую строчку в регионе после Саранска, и на данный момент существует потребность в обеспечении малышей местами в детских садах.
Детский сад планируется сдать уже в декабре текущего года.