Рубрикатор

Развитие АПК …кись вети Ламбаськев
…кись вети Ламбаськев

Историянь тешкст
Отяжелень районсо, паряк, сехте кезэрень велекс ловови Ламбаськесь. Сон Отяжеле поселканть эйстэ ашти 28 вайгельпень тарка. Веленть трокс эсь ведензэ канды Нушлейкась. 1910-1911 иетнень сёрмадстоманть коряс, Орданьбуень уездэнь Ламбаське велесэнть ульнесть волостной правления, церькова, земской народной училища, волостной народной библиотека, 10 вармань ведькевть, 22 лавкат. Тесэ ютавтневсть ярмункат.
1920-це иетнень прядовомсто Ламбаськесэ ды шабра велетнесэ теезельть колхозт: «Валдо чи», «Красный Октябрь», «Свобода», Сталинэнь лемсэ, «Якстере зоря», «Кемля», «Якстере Теште». 1950-це иетнестэ сынь вейсэндязельть «Красный Октябрь» колхозс. Тесэ важодицятне кастсть сюро, ламбамо якстерькай, трясть тувот, андсть скалт. «Красный Октябрь» колхозсо важодицятне эрьва иестэ велькска топавтнесть государствантень ловсонь, сывелень, ламбамо якстерькаень миемань аравтлувтнень.
Советэнь шкатнестэ велень хозяйствань предприятиясонть кирдсть 1 тыщадо ламо потявтовиця скалт, зярыя тёжат тувот. Мельгаст якасть эсь тевень алкуксонь специалистт, кить пек вечкилизь эсь тевест. Арасель истямо тев, штобу скалтнэнь шкастонзо аволизь потявто, тувотнень аволизь андо. Тень кувалма «Красный Октябрь» колхозось аволь весть лиснесь райононь пелькстамотнесэ изницякс. Колхозсонтькак важодсть тёжадо ламо ломанть. Весе тескень, Ламбаськень. Прыль юткошка, сыльть оймсеме Культурань кудов. Тесэнь культпросветэнь важодицятне кодат ансяк мероприятият эзть ютавтне! Чествовасть хозяйствасонть парсте важодицятнень, ютавтнесть трудонь ды войнань ветерантнэнь марто вастовомат, эрьва кодамо кенярксчитненень тейнесть концертт. Художественной самодеятельностень кружоктнес сакшныльть аволь ансяк велень од ломантне – сыретнеяк.
– Нейгак сельмень икелеть тейтерьавань ансамблянь артисттнэ, конат кецявтсть Ламбаське велень эрицятнень, – ледстни велень администрациянь прявтось А.П. Абросимов. – Сынст концерттнэс Культурань кудонтень пурнавкшныльть веленек. Морсесть эрзянь кезэрень морот ды, нама, народнойтькак.
– Састь шкатне, зярдо республикань велетнесэ кармасть каладомо колхозтнэ, Ламбаськесэ кувать пря эзинек максо, – полады Александр Павлович. – 1997 иестэнть «Красный Октябрь» колхозонть таркас теезель «Лобаскинский» СХПК-сь. Тевенек жо эзть полавтово. Кастынек сюро, ламбамо якстерькай, ферматнесэ кирдинек скалт. Тагояк районсонть ульнинек вадрясто важодиця хозяйстватнень ютксо.

Эрицятнеде –
сисемзядто ламо

Ламбаське велень администрациянь прявтонть А.П.Абросимов марто кортнемстэ карминек содамо, велесэнть ловови 581 кудо. Тезэнь совить Тазаленсетнеяк ды Гаваевансетнеяк. 267 кудотнесэ улить эрицят. Эйстэст весемезэ сисемзядто ламо.
– Велесэнек кудотне вадрят, ламотне – кирьпецень. Ламо эрицятнень улить эсест автомашинаст, тракторост, – ёвтни А.П.Абросимов. – Велесэнть ули сэнь уштомапель. Велень китне ацазь асфальтсо. Виде, ансяк ульцятнесэ аволь вадрят. Тунда ды сёксня вишка автомашинасо лангаст а ютават. Арсян, сы иестэнть неть китненьгак витнесынек.
Тешкстасынек, Тазале велесэнть эрить 153 ломанть. Эрить аберяньстэ. Эрицятнестэ кой-кить кирдить скалт, андыть тувот. Велесэнть ули лавка. Сон аволь частной – райпотребсоюзонь. Тесэ микшнить весементь, мезе эряви эрицятненень. Улить промышленной товарткак.
Ламбаське велесэнть тунда лововсть 50 скалт, конатнень андыть-кирдить эрицятне эсь кардазсо.
– Виде, сёксентень эйстэст кадовсть малав колоньгемень, – корты А.П.Абросимов. – Мекс аламолгадсть? Тесэ тувталтнэде зярыя. Эйстэст вейкесь – кирдемаст пек стака.
Гаваева велесь пек вишкалгадсь. Тесэ ней эрить 5-10 ломанть.
А мезть сёпомс, течи республикань ламот велетнесэ пекставить школатне, каладсть велень хозяйствань предприятиятне, эйдень кужотне, культпросветучреждениятне… Вана Ламбаськесэ тень коряс тевтне лиякс аштить. Тесэнь эрицятне те шкас ванстызь социально-культурной весе объекттнэнь: Культурань кудонть, фельдшерэнь-акушерэнь пунктонть, библиотеканть.
Медпунктонть прявтсо В.В.Билюшова. Тензэ эрьва мейсэ лезды А.Е.Автаева. Сынь тевтеме зярдояк а аштить. Тенст пшкалить лезкс мельга аволь ансяк пенсионертнэ – одтнэяк. Кинь пильгезэ томбави, кинь давлениянзо онкстамс эряви ды истя седе тов.
Тазалень эрицятнеяк прянь лецямо сеске а ардыть райцентрав. Тесэяк ули медпункт. Эйсэнзэ умок уш важоди медицинской сестракс В.Н.Абросимова. Сон тескень. Тевензэ ды велесэ эрицятнень содасынзе парсте. Сетненень, кинень ашожда пачкодемс медпунктов, сакшны кудов.
Ламбаське веленть куншкасо ашти Культурань кудось.
– Сон пек умонь, – ёвтни велень администрациянь прявтось Александр Павлович. – А мезть сёпомс, тензэ эряви покш витнема. Ансяк зярс виенек а сатыть. Кизна Культурань кудосонть эрсить культурно-массовой мероприятият. Вана тельня сон чуросто панжтневи. Эйсэнзэ якшамо. Культурань кудонь прявтонь тевтнень топавты Валентина Дмитриевна Емельянова.
– Аволь умок «Эрьмезь» эпической поэмань сёрмадыцянтень Яков Кулдыркаевнень топодсть 120 иеть. Тень кувалма школань тонавтницятне анокстакшность концертэнь покш программа, – полады Александр Павлович. – Кавтолдынек, косо ютавтомс кенярксчинть? Культурань кудосо эли школасо? Кенярксчинь ютавтыцятне састь вейкине мельс: Культурань кудосо якшамо, пурнавтано школас. Истя лисськак.
Школасонть лембе. Сон аволь пек покштнестэ. Тей тонавтнеме сакшныть эштё Цёлпановасто ды Ицялонь райононь Пардэлестэ.
– Течи Ламбаське велень средней школасо тонавтни 51 эйкакш, – ёвтни директорось С.В.Русяев. – Сынст содамочинь кияванть ветить 15 тонавтыцят. Эрзянь ды рузонь кельтнень умок уш тонавты Татьяна Николаевна Кадаева.
– Школасонок истя жо умок важодить Людмила Булычина, Ольга Антипова, Надежда Яшкина, тонавтома пельксэнь завучось Валентина Косолапова, – полады Сергей Васильевич. – Сынь весе содамочист, оймест максыть вечкевикс тевезэст.

Ули хозяйства –
эри велеськак

2007 иень февралень 22-це чистэ Ламбаськесэ теезель «МАПО «Восток» ООО-сь. Сонзэ прявтокс аравтозель А.Н.Чиняев. Течи велень хозяйствань те предприятиянть парсте содасызь аволь ансяк районсонть, республикасонть, сынст томбалеяк. Тесэнь трудий ломантне кастыть сюро, ламбамо якстерькай, трить-андыть скалт. Велень хозяйствань предприятиянть мельга кемекстазь аволь ансяк Ламбаське велень модатне, истя жо Ицялонь райононь зярыя веленсетнеяк. Весемезэ – 9200 гектарт. Те моданть лангсо кастови сюро, ламбамо якстерькай ды лия мезе. Тесэ важодицятнестэ ламотне тескень, Ламбаськень. Улить, виде, шабра велестэяк. Вана главной инженерэнь тевтнень топавты В.Н.Герасимов. Сон – Ицялонь райононь Пардэлестэ. Вана Н.И.Слугин сась тей важодеме Киржеманы велестэ. Тесэ Николай Иванович агрономокс труди велень хозяйствань предприятиянть теемань васенце читнестэ саезь. Весемезэ «МАПО «Восток» ООО-сонть важодить 170 ломанть: трактористт, шофёрт, ракша мельга якицят ды истя седе тов. Тесэнь трудий ломантне эрьва иестэ важодить виевстэ, сайнить ламо сюро, ламбамо якстерькай. Истя лиссь тедедеяк. Саезь 15107 тоннат сюро, 141710 тоннат ламбамо якстерькай.
Велень хозяйствань предприятиясонть кирдевить 1060 скалт. Эйстэст 480 – потявтовицят. Тедеде эрьва скалсто потявтозь 3205 килограммат ловсо. Весемезэ – 1538,2 тоннат. Те аберянь. Ламбаськесэ важодицятне тенень пек кецить. Весемезэ велень хозяйствань продукция миезь 78850 тыщат целковоень питнес.
Хозяйствасонть ансяк паро валсо кортыть трактористнэде-ялакстнэде Юрий ды Михаил Сошниковтнеде, Сергей Салмовдо, Николай Обоскиндэ, Евгений Эрзяйкиндэ. Сынь эрьва мейсэ докат. Сокить-видить, урядыть паксятнень. Тракторост «Джон Дирт»!
«МАПО «Восток» велень хозяйствань предприятиясо важодицятнестэ ламотнень улить вишка эйкакшост. Ансяк тетятне-аватне овсе а мелявтыть кинь марто кадомс эйкакштнень. Эдь велесэнть ули эйдень кужо, конань прявтсо Т.Н.Кувакина.
Татьяна Николаевнань валонзо коряс, тедеде эйдень кужов сакшныть 10 эйкакшт. Мелят ульнесть 12. Мартост важодить тевест парсте топавтыця воспитательть. Сынь тонавтыть пакшатнень тиринь ёнксонь вечкеме.

Сынь – Ламбаськень мельспарост
Содазь, эрьва велесэнть улить ломанть, конатнень кувалма эрицятне мельспаросот. Истят улить, нама, Ламбаськесэяк. Неть – филологиянь наукань докторось, профессорось Р.Н.Бузакова, Советской Союзонь Героесь В.Ф.Здунов, поэтэсь Я.Я.Кулдыркаев, врачтне Николай Михайлович, Раиса Михайловна, Надежда Михайловна, Любовь Михайловна Русяевтне, экономистэсь Анна Михайловна Русяева, прокурортнэ В.М.Инчин ды И.А.Русяев, сельмень икелень лецицясь, МР-нь Госсобраниянь Председателень икелень полавтыцясь Е.И.Кулдыркаева, партийной роботникесь Н.Т.Гаваев, лиятне. Ламбаське велесэ арась истямо ломань, кие бу аволинзе сода неть ломантнень. Школасонть ули стенд, кона ёвтни велень содавикс ломантнень эрямонь ды важодемань кидест.
…Ламбаськестэ сыргинек обедтэ мейле. Кись, кува ардынек, пек паро. Ёжонок эштё кецявтсь вана мезесь: кинть эйстэ аволь васоло паксятне весе соказь, видезь озимойтнеяк. Лисни, велесэнть улить паро азорт.
Пётр Зиновьев.
Отяжеле ёнкс

 

Новости

Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...
 
Кочкицятне ёвтызь мелест


Сентябрянь 8-це чистэ Россиясо ютасть кочкамот местной самоуправлениянь органтнэс. Тенень алтазель журналисттнэнь туртов пресс-конференциясь, конань сентябрянь 9-це чистэ Саранскойсэ, Союзонь кудосо ютавтызе «Единая Россия» политической партиянь региононь отделениясь. Журналисттнэнь кевкстемаст лангс отвечась МР-нь Государственной Собраниянь Председателесь, «Единая Россия» Мордовиянь региононь отделениянь прявтось В.В.Чибиркин.

Пачтязель, Мордовиясо истя жо ульнесть кочкамот. 407 мандаттнэнь кис снартнесть 1054 ломанть. Республикань келес вайгелест максомо сакшность 63 % эрицят. Вайгелест максомо сехте ламо сакшность Ромодановань районсо – 74,24 %. Аламодо эйстэст кадовсть Инсаронь райононь эрицятне. Тосо – 73,01 %. Вейке проценттэ аламо сакшность Отяжелень районсо. Ламо кандидаттнэнь ютксо 98 % вайгельтне максозь «Единая Россия» политической партиянь представительтнень кис. Ды те а стяко. Ламо шкань перть мольсь анокстамонь робота. Сехте паро кандидаттнэнь эрицятне тешкстакшнызь эштё маень 26-це чистэ, зярдо ютавтозель предварительной вайгелень максомась. Сондензэ икеле ютавтозельть эрицятнень марто вастовомат, конатнесэ ломантне теевсть содавиксэкс кандидаттнэнь ды сынст проекттнэнь марто. Сестэнь изницятне вастовоматнень поладокшнызь велесэ эрицятнень марто. Ютавтозельть 114 вастовомат. Эрицятнень ламо кармавтоматне топавтозельть.

Мордовиясо кочкамотне ютатсть закононь колсемавтомо.

Подробнее ...
 
Единороссы Октябрьского района вручили юбиляру поздравительное письмо от Президента Владимира Путина
10 сентября 90-летний юбилей отмечает жительница Октябрьского района
Новикова Мария Ивановна. Родилась женщина в Нижегородской области,
всю жизнь трудилась звеньевой бригады в колхозе. Военные и
послевоенные годы вспоминает со слезами на глазах: «Мы жили небогато,
растили детей, очень много работали, сил своих не жалели».


Подробнее ...
 
Александр Воробьев осмотрел ход строительства детского сада в Ромодановском районе


6 сентября депутат Госдумы РФ, член комитета по аграрным вопросам Александр Воробьев встретился с главой Ромодановского района Анатолием Гурьяновым. Они обсудили ход строительства детского сада на 160 мест в поселке Ромоданово, который строится в рамках национальных проектов "Демография" и "Образование". По словам Анатолия Гурьянова, на 80% возведение здания завершено, ведутся работы по устройству коммуникаций.
«Мы сумели ликвидировать некоторое отставание по срокам, которое возникло ранее, но теперь строители работают в соответствии с графиком», - отметил глава Ромодановского района.

Александр Воробьев подчеркнул, что детский сад строится по наказам избирателей. По демографическим показателям Ромодановский район занимает вторую строчку в регионе после Саранска, и на данный момент существует потребность в обеспечении малышей местами в детских садах.
Детский сад планируется сдать уже в декабре текущего года.