Рубрикатор

Развитие АПК Николай Буянкин: «Касттано велесэ важодицятнень ёрокчист»
Николай Буянкин: «Касттано велесэ важодицятнень ёрокчист»

Сеедьстэ эрсян республикань промкстнэсэ, конатне ютавтневить МР-нь Велень хозяйствань ды продовольствиянь министерстванть ушодксонзо коряс. Эйсэст покш кортамо эрси республикань агропромышленной комплексэнть виевгавтомадо, велень хозяйствань специалисттнэнь ёрокчист кастомадо, велень хозяйствань предприятиятнес агрономтнень, зоотехниктнень, ветеринарной врачтнень, механиктнень анокстамодо. Арасель истямо промкс, косо бу аволизь шна «Мордовия Республикасо велень хозяйствань специалисттнэнь практической тонавтомань куншкакуро» аволь коммерческой партнерствасо важодицятнень, конатнень прявтсо Н.Ф.Буянкин.

Течи Н.Ф.Буянкин – минек инженек.

Николай Фёдорович, зярдо теезель МР-нь велень хозяйствань специалисттнэнь практической тонавтомань куншкакурось?

«МР-нь велень хозяйствань специалисттнэнь практической тонавтомань куншкакуро» аволь коммерческой партнерствась теезель 2004 иень маень 7-це чистэ. Теньсэ покш таликаст МР-нь Правительстванть ды МР-нь Велень хозяйствань ды продовольствиянь министерстванть. Сынь кеме ояксчисэ эрясть ды эрить Нидерландынь Королевстванть марто. Тень юрсо теезельгак те центрась.

Мон центрасонть васня важодинь старшей инструкторокс, 2006 иень майстэ саезь учредителень вейсэнь промкссо кочкимизь «МР-нь велень хозяйствань практической тонавтомань куншкакуро» НП-нь прявтокс. Васенце шкастонть, нама, а шождаль. Эрявсь кеме сюлмот теемс республикань велень хозяйствань предприятиятнень марто. Кеме ояксчисэ эрятано «Агрофирма «Норов» ОАО-со, «Селищенское» ООО-со, «Птицефабрика «Атемарская» предприятиясо, «Сабанчеевское» ООО-со, «Мордовский бекон» ЗАО-со, «Кировское» ОАО-со ды велень хозяйствань лия предприятиятнесэ важодицятнень марто.

Видькстан, республикань велень хозяйствань предприятиятнень прявттнэ покш мель явить эсь специалисттнэнь – агрономтнень, зоотехниктнень, механиктнень, ветеринарной врачтнень ёрокчист кастомантень. Те лезды велень хозяйствань предприятиятненень кеместэ стямс пильге лангс, эрьва гектарсто саемс ламо сюро, скалсто потявтомс ламо ловсо. Нурькинестэ, республикань хозяйстватнесэ эрямос совавтови велень хозяйствасо одось. Минь весементь тейтяно кедьсэнек тонавтницятнень неень шканть марто велувсо молеманть коряс.

Лисни, Николай Фёдорович, Тынь тешкстыде васенце юбилей?

Виде. Юбилеенть кувалма тенек поздоровт ёвтасть республикань, велень хозяйствань предприятиянь прявттнэ, крестьянско-фермерской хозяйствань азортнэ.

Николай Фёдорович, Мордовиянь велень хозяйствань специалисттнэнь практической тонавтомань куншкакуронть важодеманзо перть зяро ломанть кастызь эсь ёрокчист?

Вете тежадо ламо ломанть! Велень хозяйствань специалистт ды важодицят, фермерт, аграрной специальностень студентт. Видькстан, тесэ тонавтнесть ды тонавтнить аволь ансяк Мордовиянь велень хозяйствань специалисттнэ. Минь кеме ояксчисэ эрятано Ульяновской, Нижней Новгородонь, Самарань областень велень хозяйствань предприятиянь прявттнэнь марто. Тосто малав эрьва иестэ сакшныть эсь ёрокчист кастомо агрономтне, зоотехниктне, ветеринарной врачтне. Нурькинестэ меремс, сетне, кить кастыть сюро, трить скалт, кить ванстыть течи веленть, эрямонть.

Тынк центранть кодат бажамонзо, мезень кисэ сон теезь?

Минь покш мель явтано велень хозяйствань специалисттнэнь ды важодицятнень, фермертнэнь, истя жо аграрной специальностень студенттнэнь практической тонавтомантень, велень хозяйствань производительтненень макснетяно консультативной лезкс. Велень хозяйствасо ютавтнетяно научной исследованият.

Минек центранть структурасо важодить тонавтомань-производственной колмо площадкат: «Мордовское агропромышленное объединение и Ко» ООО ТНВ-сь, конань прявтсо Николай Всеволодович Ютяев, юрсо – «Молочное скотоводство», «Ромодановская» МТВ АПО ООО-нь территориясо «Растениеводство» ды эсенек тонавтомань центранть территориясо, кона ашти Чаунзань районсо, – «Свиноводство».

Центрасонть курсатнень тонавтнемань программась аволь покш – 72 част. Те шканть перть минь кенерекшнетяно весементь ёвтнемс. Класстнэсэ тонавтнить 5-6 ломанть. Лисни, эрьва тонавтницясь сельменек икеле. Сынь свал тевсэть. Те лезды сыненст седе домкасто тонавтнемс те эли тона тевенть.

Ней минек центрасонть тонавтнить минек университетэнь прядыця студенттнэ. Эйстэст комсь ломанть. Сынь тонавтнить истямо ёнксонь коряс – «Молочное скотоводство» ды «Растениеводство». Студенттнэнь тонавтыть минек центрань важодицятне. Неть – инструктортнэ-консультанттнэ Александр Владимирович Павлинов, Александр Анатольевич Суворов, лиятне. Истя жо монь кеме нежем – те Олег Михайлович Литяйкин тонавтнемань коряс директоронь полавтыцясь, Дмитрий Александрович Денисов старшей инструкторось-консультантось, Сергей Николаевич Кияйкин Чаунзасо тувонь комплексэнь прявтось, Николай Всеволодович Ютяев «МАПО и Ко» предприятиянь прявтось.

Мордовиянь велень хозяйствань специалисттнэнь практической тонавтомань куншкакуросонть важодицятнеде ламо-аволь?

Коллективенек аволь вишкине. Тесэ лововить 49 ломанть. Весе эсь тевень алкуксонь специалистт. Эрятано кеме ояксчисэ, вейке-омбоценень лездазь.

Минек центрасо важодицятне изнявкстнэнь лангс а лотксить. Сынь свал творческой вешнемасот. Эсь ёрокчист кастыть аволь ансяк Россиянь вузтнэсэ, омбо масторсояк. Вана 2004 ды 2009 иетнестэ центрань консультанттнэ кавто ковт тонавтнесть РТС (Нидерланды) практической тонавтнемань раськеютконь велень хозяйствань центрасонть. Вейсэнь важодеманть вельде 2010 иестэ центранть (Россия) ды РТС (Нидерланды) ютксо сермадстозь вейке-вейкенень лездамодо Меморандум, косо тешкстазь вейсэнь тонавтнема курсань ютавтомань кевкстематне ды растениеводствань ды животноводствань коряс ёрокчинь кастомась.

2012 иестэ минек консультанттнэ эсь ёрокчист кастызь Чешской Республикань «Геносервис» АО-нь предприятиясо. Те покш предприятиянть марто истя жо сермадстозь вейкень-омбоценень лездамодо Соглашения.

Важодемань кемень иетнень перть центрань коллективесь важодсь творческойстэ, эсь тевензэ топавтсь парсте. Кель-вал муинек эсь партнертнэнь марто.

2009 иестэ центранть юрсо теезь Мордовия Республикань агропромышленной комплексэнь консультационной службась. Федеральной ды республикань прявттнэнь лездамост вельде информационно-консультационной службантень рамазь неень шкань оборудования, ферматнес консультанттнэнь усксемс автомашина, ноутбукт.

Николай Фёдорович, республикасонть эрямос совавтови «Фермерэнь школа» проектэсь. Сон теезь фермертнэнень велень хозяйствасо од технологиятнеде ёвтнемга ды кода седе ламо ломанть кундавольть велень хозяйствань производствантень. Те проектэнть лувсо ламо-аволь фермерт тонавтнесть Тынк центрасонть?

«Фермерэнь школа» проектэнть лувсо минек центрасонть тонавтнесть 130 ушодыця крестьянско-фермерской хозяйствань азорт. Видькстан, ней сынь важодить виевстэ. Кастыть сюро, модамарь, трить скалт, тувот. Сынст покш таликаст республикань агропромышленной комплексэнть виевгавтомасо, республикань ярмаконь паргонть сюпалгавтомасо.

Тешкстаса, минь покш мель явтано велень хозяйствань продукциянь нолдыцятненень консультациянь максомантень. Истя, 2009 иестэ саезь 2013 иес максынек 23000 консультацият, 2014 иестэ кемекстынек 25 договорт: 15 срочнойть ды 10 куватьшкань. Те – 3 миллионт целковойс.

Кодамо кевкстемань коряс седе сеедьстэ эрсить консультациятне?

Зернакс кукурузань кастомадо, кода седе ламо саемс сюро, потявтомс ловсо. Теде башка, ушодыця фермертнэнень тейневить бизнес-аравтлувт, велень хозяйствань продукциянь нолдамосо омбо масторонь специалисттнэнь марто вейсэ ютавтневить семинарт-практикумт, эрьва мезень коряс ютавтневить мастер-класст ды истя седе тов.

Содазь, Чаунзань районсо центранть ули эсензэ тонавтнемань базазо. Зярдо сон панжозь?

Сон панжозель 2013 иень июль ковсто. Тосо кирдтяно-трятано 250 левксыиця тувот. Тосо ютавтнетяно научной исследованият. Мордовиянь велень хозяйствань специалисттнэнь ды аграрной специальностень студенттнэнь тонавттано кода андомс ды якамс тувотнень мельга, кода совавтомс эрямос те тевсэнть инновационной разработкатнень.

Тедеде февралень 8-це чистэ Чаунзань районсо тувонь ферманть важодеманзо марто теевсть содавиксэкс МР-нь Правительствань Председателесь Владимир Фёдорович Сушков ды сонзэ васенце полавтыцясь, велень хозяйствань ды продовольствиянь министрась Владимир Николаевич Сидоров. Сынь ванкшнызь тувонь комплексэнть, тонавтнизь минек учёнойтнень меельце исследованиятнень, кода тонавтовить, кода кастыть эсь ёрокчист велень хозяйствань предприятиянь специалисттнэ.

Николай Фёдорович, центранть улить казнензэ?

Улить. Ниле иеть мельга-мельцек Мордовиянь велень хозяйствань специалисттнэнь практической тонавтомань куншкакурось казезь «Сырнень сёксь» Россиянь агропромышленной выставкань вейке сиянь ды колмо сырнень медальсэ. 2013 иестэ центрась казезь «Россиясо велень туризмась» раськеютконь омбоце форумонь сырнень медальсэ ды дипломсо.

Николай Фёдорович, арсетяно Тенк кеме шумбрачи, велесэ важодицятнень ёрокчист кастомасо од изнявкст, сень, мезе арсиде теемс тедеде, топавтовлинк.



Кортамонть сёрмадызе Пётр Зиновьев



 

Новости

В «Единой России» проверят состояние детских площадок по всей России
До конца июня 2019 года активисты партпроекта «Единой
России» «Народный контроль» проведут проверку состояния детских
площадок в 85 регионах - насколько они соответствуют нормативам и
безопасны для жизни и здоровья детей. Информация о выявленных
нарушениях будет передана в администрации муниципалитетов,
управляющим
компаниям,
товариществам
собственников
недвижимости с требованием устранить выявленные недостатки. Об
этом заявила координатор партпроекта «Народный контроль»,
депутат Госдумы Анна Кувычко.
Подробнее ...
 
Аршинова направила в Правительство РФ пакет предложений для включения в программу «Земский учитель»
В целях реализации Послания Президента Владимира Путина
Федеральному Собранию в регионах активисты партпроекта «Новая школа»
организовали широкое обсуждение проекта программы «Земский учитель» с
привлечением представителей профильных ведомств и институтов развития
образования, ведущих экспертов, педагогического и родительских
сообществ. По их итогам был выработан комплекс важных предложений для
включения в программу «Земский учитель», которые были отправлены на
имя вице-премьера Правительства РФ Татьяны Голиковой. Об этом заявила
координатор партпроекта «Новая школа», член комитета Госдумы по
образованию и науке Алена Аршинова.
Подробнее ...
 
Жители Мордовии обратились к главному федеральному инспектору за содействием в решении проблем

В соответствии с поручением полномочного представителя Президента России в Приволжском федеральном округе Игоря Комарова 22 мая 2019 года в приемной Президента Российской Федерации в Республике Мордовия состоялся прием граждан. Провел его главный федеральный инспектор Михаил Сезганов.


Подробнее ...
 
Госдума приняла во втором чтении поправки «Единой России», разрешающие продажу театральных билетов без кассовых аппаратов
Депутаты Государственной Думы поддержали во втором чтении
поправки, разработанные депутатами от «Единой России», в закон «О
применении контрольно-кассовой техники», которые в том числе
предусматривают освобождение распространителей театральных билетов от
обязанности использовать кассовые аппараты с 1 июля 2019 года.
Подробнее ...
 
Медведев поддержал предложения участников Форума сельских депутатов «Единой России»
Председатель «Единой России», премьер-министр Дмитрий Медведев
поддержал предложения участников Форума сельских депутатов, который
прошел 21 мая в Воронеже.
Подробнее ...