Рубрикатор

Культура
Финнэнь-угрань раськень конференциясь саранскойсэль

Ноябрянь 19-22-це читнестэ Саранскойсэ ютась покш промкс – финнэнь-угрань раськетнень уставной Весемирэнь конгресстнэнь ютксо «Реализация решений V Всемирного конгресса финно-угорских народов» раськеютконь промежуточной конференциясь. Теке жо читнестэ РФ-нь Региональной кемекстамонь министерствань мереманзо коряс Мордовиянь прявтошсо ютавтозель РФ-нь финнэнь-угрань раськетнень Ассоциациянь Советэнь заседаниясь. Конференциянтень састь сядодо ламо делегатт ды наблюдательть финнэнь-угрань 23 раськетнень пельде. Ульнесть делегатт Россиянь регионтнэстэ, конатнесэ эрить финнэнь-угрань раськетне ды омбо масторсто: Венгриясто, Финляндиясто, Эстониясто, Норвегиясто.

Подробнее...
 
Краеведениянь музеенть чачома чинтень

И.Д.Воронин лемсэ Мордовиянь краеведениянь музеесь минек республикасо ловови сехте кезэрень музеекс. Сундерьковонь 29-це чистэ сонензэ топодить 92 иеть. Панжозель сон 1918 иестэ, кода Саранскоень тиринь масторонь музей. Васняяк музеенть туртов максозель вейке нупаль инсаронь мещанинэнть Н.П. Ветчинкинэнь кудосо, кона аштесь Пензенской ульцясо (ней Робочей). Ушодозель экспонатонь пурнамось. 1919 иень панжиковонь 7-це чистэ «Саранская правда» газетасо лиссь яволявтома, конаньсэ тиринь масторонь вечкицянь вейсэндявксонь члентнэ энялдома марто пшкадсть Мордовиянь эрицятнень туртов музеев экспонатонь кандомадо. Зярыя чинь ютазь максозельть васенце экспонаттнэ. Саранск ошонь священникесь А.И. Любимов макссь 400 экспонатт нумизматикань коряс. Ромоданова велень эрицясь Н.Карев максызе Пензенской губерниянь тикшень гербариенть. Покш лезкс экспозициянь пурнамосо путокшнось Саранскоень тиринь масторонь вечкицянь вейсэндяв ксось («Саранское общество любителей родного края»), конантень се шкастонть совакшность 100 ламо ломанть. Неть: врачт, тонавтыцят, библиотекарть, сокицят-видицят ды лият. Музеень экспозициясь панжозель 1919 иень аштемковонь 15-це чистэ. Тесэ невтезельть фарфоронь, артовксонь, скульптурань, ули-паронь коллекционной выставкат. 92 иес музеесь зярыяксть полавтокшнызе эсь тарканзо.

Подробнее...
 
Выставкась алтазель краеведэнтень

 

Аволь умок МР-нь Центральной государственной архивсэ панжозель И.П.Ениватов краеведэнть лемс алтазь выставкась. И.П.Ениватов весе эрямонзо максызе тиринь енкстонть од содамочинь пурнамонтень, Мордовиясто Геройтнень вешнемантень, Теньгушевань ды лия райононь велетнень историяст тонавтомантень. Чачсь ды эрясь сон Теньгушева енксонь Стандрова велесэ. И.П.Ениватовонь чачома чистэ 65 иетнень топодемантень алтазь выставканть архивень важодицятне лемдизь «Краевед из Стандрова».

Подробнее...
 
"Сюлгамасо" - кенярксчи

Неть читнестэ «Сюлгамо» арт-салонсо ютавтозель «Кузьминки» кенярксчись. Сон алтавсь Козьма ды Демьянонь святойтнень лемест ледстнемга. Кезэрень шкане од ломантне пек вечкелизь те покшчинть. МГУ-нь ИНК-нь студенттнэ аволь васенцеде тешкстыть те кенярксчинть.

Вана нейгак арт-салонсо пурназель выставка-ярмунка. Тесэ невтезельть декоративно-прикладной искусствань отделениянь студенттнэнь ды преподавательтнень курсовой, дипломной важодемаст. Истя жо инжетнень туртов невтезельть мастер-класст: чувтосто керсемань, викшнемань, севоньстэ ули-паронь теемань коряс.

Пек паро, зярдо ютавтневить истят мероприятият. Од ломантне вельмевтить кезэрень койтнень-кирдатнень, раськень ремеслатнень. Ды, алкукскак, Национальной культурань институтсо анокстыть истят ломанть, кить эсь мазый, ероков теевкссэст дивавтсызь весень.

Т.Маторкина

 

 
Памятниктне кортыть тиринь раськень вечкемадонть

 

Эрзянь ды мокшонь раськенть Россиянь лия раськетнень марто вейсэндямонь 1000 иетнень тешкстамонтень Мордовиясь аноксты весе вийсэ. Касыть культурань ды спортонь объектт, ютавтневить ламо эрявикс мероприятият, вастовомат. Республикань творческой ломантнеяк эсь ладсо анокстыть те покшчинтень. Анокставить ды нолдавить 1000 иетненень алтазь книгат, невтневить од спектаклят, ютавтневить фестивальть. Кода карминек содамо, строявиця зданиятнеде башка, Саранск ошонть чачонзо мазылгавтсызь од скульптуратнеяк. Теде газетанок туртов евтнесь Мордовиянь содавикс скульпторось Николай Филатов. Николай Михайлович марто вастовомантень ульнесь эште вейке кенярксов тувталонок: аволь умок сонензэ максозель Россиянь заслуженной художникень лемесь. Те покш лементь максоманзо кувалма сонензэ евтасть поздоровт МР-нь Прявтось Н.И.Меркушкин, РФ-нь Госдумань Председателесь Б.В.Грызлов Мордовиясо улемстэ Госдуманть пельде казсь скульпторонтень част ды ручка, лембе валт евтасть художникть ялганзо, Мордовиянь госуниверситетэнь эрзя-мокшонь коень культурань ды неень шкань искусствань кафедрань сотрудниктне. Тесэ Н.М.Филатов важоди преподавателекс. Неть читнестэ минь вастовкшнынек мартонзо ды кортнинек 1000 иетненень алтазь важодевкстнэде ды скульпторонть сы шкань творческой арсематнеде.

Подробнее...
 
<< Первая < Предыдущая 141 142 143 144 Следующая > Последняя >>

Страница 143 из 144

Новости

Единороссы высадили еловую аллею в Саранске
Акция по высадке саженцев, посвященная 75-летней годовщине Великой
Победы, состоялась сегодня в Саранске в микрорайоне Юбилейный.
Представители регионального отделения Партии «Единая Россия», МГЕР
Мордовии, молодежных общественных организаций, студотрядов,
юнармии, поисковых отрядов посадили более 40 саженцев, которые
доставили из Краснослободского района республики.


Подробнее ...
 
В Краснослободском районе успешно реализуется проект «Наследники Гиппократа»
Сегодня в медицинском колледже прошло занятие для волонтеров-медиков
Одним из победителей конкурса общественно-значимых проектов первичных отделений Партии «Единая Россия» стал проект первичного отделения №381 Краснослободского района «Наследники Гиппократа». Этот проект уже успешно реализуется в медицинском колледже в рамках реализации партийных проектов «Здоровое будущее» и «Старшее поколение», его участниками стали студенты-волонтеры.
Как отмечает секретарь первичного отделения 381 Краснослободского района Татьяна Кутузова, на средства, полученные в рамках гранта, были закуплены тонометры для измерения артериального давления, медицинская литература.
Подробнее ...
 
Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...
 
Кочкицятне ёвтызь мелест


Сентябрянь 8-це чистэ Россиясо ютасть кочкамот местной самоуправлениянь органтнэс. Тенень алтазель журналисттнэнь туртов пресс-конференциясь, конань сентябрянь 9-це чистэ Саранскойсэ, Союзонь кудосо ютавтызе «Единая Россия» политической партиянь региононь отделениясь. Журналисттнэнь кевкстемаст лангс отвечась МР-нь Государственной Собраниянь Председателесь, «Единая Россия» Мордовиянь региононь отделениянь прявтось В.В.Чибиркин.

Пачтязель, Мордовиясо истя жо ульнесть кочкамот. 407 мандаттнэнь кис снартнесть 1054 ломанть. Республикань келес вайгелест максомо сакшность 63 % эрицят. Вайгелест максомо сехте ламо сакшность Ромодановань районсо – 74,24 %. Аламодо эйстэст кадовсть Инсаронь райононь эрицятне. Тосо – 73,01 %. Вейке проценттэ аламо сакшность Отяжелень районсо. Ламо кандидаттнэнь ютксо 98 % вайгельтне максозь «Единая Россия» политической партиянь представительтнень кис. Ды те а стяко. Ламо шкань перть мольсь анокстамонь робота. Сехте паро кандидаттнэнь эрицятне тешкстакшнызь эштё маень 26-це чистэ, зярдо ютавтозель предварительной вайгелень максомась. Сондензэ икеле ютавтозельть эрицятнень марто вастовомат, конатнесэ ломантне теевсть содавиксэкс кандидаттнэнь ды сынст проекттнэнь марто. Сестэнь изницятне вастовоматнень поладокшнызь велесэ эрицятнень марто. Ютавтозельть 114 вастовомат. Эрицятнень ламо кармавтоматне топавтозельть.

Мордовиясо кочкамотне ютатсть закононь колсемавтомо.

Подробнее ...