Рубрикатор

Культура
Библиотекатнень ютксо яволявтозь пелькстамо

Аволь умок Мордовия Республикань Центральной избирательной комиссияс совицятне пуромкшность эсь заседанияс. Чинь повесткантень совавтозельть 26 кевкстемат, ютксост: Мордовия Республикасо муниципальной представительной органтнэс депутаттнэнь кочкамодо, Ташто Шайговань территориальной кочкамонь комиссиянь прявтонть олякстомадо ды истя седе тов. МР-нь ЦИК-нь члентнэ покш мель явсть Мордовия Республикасо ошонь ды муниципальной библиотекатнень ютксо кочкицятнень гражданско-правовой культураст кастомга республикань конкурсонть яволявтомадо темантень.

Те пелькстамонть ютавтомадо кевкстинек Мордовия Республикань Центризбиркомонь секретаренть Нина Ивановна Чудаевань:

– Тешкстаса, Мордовиясо ошонь ды муниципальной библиотекатнень ютксо кочкицятнень гражданско-правовой культураст кастомга республикань конкурсось анокстави ды ютавтови МР-нь ЦИК-нь ды Мордовия Республикань Культурань министерстванть ушодксост ды финансонь лезксэст вельде. Конкурсонь кемекстыцясь – МР-нь Центризбиркомось, ютавтома таркась (организационно-методической центрась) – А.С.Пушкин лемсэ Национальной библиотекась.

Конкурсось путы икелензэ истят задачат: виевгавтомс библиотекатнень роботаст эрицятнень гражданско-правовой культураст кепедемга, кочкицятнень электронной активностест кастомга, кочкицятнень гражданско-правовой культураст кепедемасо библиотекатнень опытэст тонавтнемга ды лиятненень невтемга.

Подробнее...
 
Эрзянь содавикс учёной

 

Эрзянь содавикс ученоесь И.С.Бузаков чачсь Отяжелень Ламбаське велесэ августонь 28-це чистэ. Те шкас мельсэм кирдевить аванзо Поля бабань валтнэ: «Пире песэ нуилинек товзюро. Весе аватне ойсесть ярсамо: обед шка. Монгак озынь. Спасовонь чи. Монень теевсь апаро, стинь ды мерян: «Молян тантей умарть кандан». Пачкодинь сенека икелев. Ававтом неимим вальмава, сась кудосто сенекав, кармась лездамо: тей чии, тов велявты, кандсь кудосто ведрасо лембе ведь, таза, нардамот-пацят, нулат-валат, а кувать шкань ютазь чачсь эйкакшке, Иван.

Монь цератне аволь озорникть ульнесть. Ваня, Лексей, Пашка кунсолыцят ульнесть. Аня тейтернеськак истямоль жо. Сон нейгак эри Ламбаськесэ. Ульнесь тонавтыцякс. Ней пенсиясо.

Иван сисем иень школанть прядызе Похвальной грамота марто. Лексейгак, Пашкаяк, Аняяк тонавтнесть вадрясто».

1951-це иестэ Иван кармась тонавтнеме Козловкань педучилищасо, конань прядызе якстере диплом марто. Мейле кучизь роботамо Лувне (Луньга) велев школань директорокс. Велесь мелезэнек тусь, вирь чиресэ, аволь васолга чуди Раторось. Куроксто саизь армияв, служась Узбекистансо педучилищань ялганзо Любаев марто (сон Тазалень). Армиястояк састь ве шкасто, колмо иень ютазь.

Подробнее...
 
Эрзянь литературань "Патриарх"

Истя лемдясть сермадыцянть Андрей Куторкинэнь мартонзо важодицятне.

Порецкоень Студенец велесь Чувашиянь неень шкань картасонть уш умок арась. Сон аволь емась, колмо велеть вейсэндявсть вейкес. Тесэ Куторкинтнэнь семиянть содылизь вадрясто.

Шка тонеть

лисемс ломаньс

Андрей Куторкинэнь авазо, Наталья Ивановна (тейтерькс Шитова), ловномо-сермадомо эзь машто, тень лангс апак вано, мельсэнзэ кирдсь пек ламо кезэрень морот, евтавкст. Мирденень лисемадо икеле велень весе од тейтертне яксесть тензэ, сон тонавтсь эйсэст урнеме. Вадря евтницякс лововсь тетязояк Дмитрий Тимофеевич. Эрсекшнесь, коды карть, перьканзо пуроми весе покш семияст, кунсолыть евтнеманзо. Сехте ероковось, Андрей, ульнесь ветецекс, сондензэ мейле эште кавто эйкакшт. Андомс весень ульнесь а шожда. Кудонь прявтось эзь пеле кодамояк тевде.

Весть тетязо тердизе Андреень ды невтсь пила лангс: «Вана, церам, ванан те пиланть лангс ды арсян: малав 30 иень перть усксян эйсэнзэ. Тонгак кармат весе эрямот перть мартонзо роботамо, сюпавчи жо а таштат. Тонеть эряви кочкамс лия ки. Эряви тонавтнемс, превей ломанесь а еми». Неть валтнэ кармавтызь арсезевемс аволь иень коряс превей церыньканть. Сонзэ ульнесь мелезэ содамс весементь. Тонадомс ловномо ды сермадомо – арази сонзэ мелезэ топавтови?

Подробнее...
 
Скульптуратне теевить панжадо менель ало

Коммунистической ульцясо аштиця С.Д.Эрьзянь музеень главной корпусонть икеле неявить кевень покш глыбат. Ютыцятне лангозост ваныть а чарькодевиксстэ. Мезе те истямось?

Тевесь жо сеньсэ, августонь 15-це чистэ саезь сентябрянь 5-це чис Саранскойсэ васенцеде ютавтови скульптурань раськеютконь биеннале, конань пурныцянзо-ютавтыцянзо – РФ-нь ды МР-нь культурань министерстватне ды С.Д.Эрьзянь лемсэ изобразительной искусствань музеесь.

Те творческой смотрась алтави эрзя-мокшонь раськенть Россиянь государствань лия раськетнень марто вейсэндявомань 1000 иетнень тешкстамонтень. Неень шкань скульптурань биенналесэнть участвовамо мелест евтызь маласо ды васоло томбальксэнь ламо художниктне, ютксост Аргентинасто, Сириясто, Украинасто, Булоруссиясто. Ансяк аволь весенень удалась теемс визат. Тень лангс апак вано, уш састь неень шкань ваятельтне Смоленскойстэ, Башкириясто, Чувашиясто, Саранскоень ваныцятненень содавикс Самарасто скульпторось Иван Мельников ды минек енкссо чачозесь, Суриковской училищань профессорось Иван Черапкин.

Евтама, кевень 10 глыбатнень, конатнень марто скульптортнэ кармить важодеме, Саранскоев ускозельть Владимирской областьстэ.

Подробнее...
 
Снимканзо кадовить свалшкас

Июлень 29-це чистэ С.Д.Эрьзя лемсэ изобразительной искусствань музейсэ панжовсь выставка фотожурналистэнть, МР-нь Культурань заслуженной роботникенть Анатолий Макеевень ледстнемга. Выставканть анокстызь МР-нь Печатень ды информациянь министерствась, «Известия Мордовии» газетань редакциясь, Макеевень ялганзо.

Экспозициясонть пурназь Макеевень 50 ламо фотографиянзо. Репортажнойть ды художественнойть, конатнесэ невтевить республиканть эрямосо сехте редявикс событиятне. Важодеманзо ютксо снимкат В.В.Путин марто Н.И.Меркушкинэнь, тесэ жо Д.Медведев, Алексий II Патриархось, Б.Грызлов ды Мордовиянь ламо лия покш инжеть. Анатолий Макеевень сельмензэ икеле ульнесть ламо полавтомат, конат сюлмавозь Мордовиянь Прявтонть Н.И.Меркушкинэнь важодеманзо марто. Производствась ды велень хозяйствась, культурась ды здравоохранениясь, спортось ды эрьва чинь эрямось – весе те, Анатолий Макеевень объективезэнзэ понгозь, теевсь историянь ледстнемакс. «Шканть лоткавтсы ансяк фотось!» – кортась фотографось.

Эрьзянь музейсэ пурнавкшность Анатолий Макеевень малавиксэнзэ, оянзо.... Сонзэ содасызь Мордовиянь малав весе журналисттнэ, Ине Отечественной войнань ветеранонть, фронтонь фотографонть С.Грошевень эйстэ саезь сетнес, кить важодеме кармасть аволь умок.

Подробнее...
 
<< Первая < Предыдущая 131 132 133 134 135 136 137 138 139 140 Следующая > Последняя >>

Страница 132 из 143

Новости

Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...
 
Кочкицятне ёвтызь мелест


Сентябрянь 8-це чистэ Россиясо ютасть кочкамот местной самоуправлениянь органтнэс. Тенень алтазель журналисттнэнь туртов пресс-конференциясь, конань сентябрянь 9-це чистэ Саранскойсэ, Союзонь кудосо ютавтызе «Единая Россия» политической партиянь региононь отделениясь. Журналисттнэнь кевкстемаст лангс отвечась МР-нь Государственной Собраниянь Председателесь, «Единая Россия» Мордовиянь региононь отделениянь прявтось В.В.Чибиркин.

Пачтязель, Мордовиясо истя жо ульнесть кочкамот. 407 мандаттнэнь кис снартнесть 1054 ломанть. Республикань келес вайгелест максомо сакшность 63 % эрицят. Вайгелест максомо сехте ламо сакшность Ромодановань районсо – 74,24 %. Аламодо эйстэст кадовсть Инсаронь райононь эрицятне. Тосо – 73,01 %. Вейке проценттэ аламо сакшность Отяжелень районсо. Ламо кандидаттнэнь ютксо 98 % вайгельтне максозь «Единая Россия» политической партиянь представительтнень кис. Ды те а стяко. Ламо шкань перть мольсь анокстамонь робота. Сехте паро кандидаттнэнь эрицятне тешкстакшнызь эштё маень 26-це чистэ, зярдо ютавтозель предварительной вайгелень максомась. Сондензэ икеле ютавтозельть эрицятнень марто вастовомат, конатнесэ ломантне теевсть содавиксэкс кандидаттнэнь ды сынст проекттнэнь марто. Сестэнь изницятне вастовоматнень поладокшнызь велесэ эрицятнень марто. Ютавтозельть 114 вастовомат. Эрицятнень ламо кармавтоматне топавтозельть.

Мордовиясо кочкамотне ютатсть закононь колсемавтомо.

Подробнее ...
 
Единороссы Октябрьского района вручили юбиляру поздравительное письмо от Президента Владимира Путина
10 сентября 90-летний юбилей отмечает жительница Октябрьского района
Новикова Мария Ивановна. Родилась женщина в Нижегородской области,
всю жизнь трудилась звеньевой бригады в колхозе. Военные и
послевоенные годы вспоминает со слезами на глазах: «Мы жили небогато,
растили детей, очень много работали, сил своих не жалели».


Подробнее ...
 
Александр Воробьев осмотрел ход строительства детского сада в Ромодановском районе


6 сентября депутат Госдумы РФ, член комитета по аграрным вопросам Александр Воробьев встретился с главой Ромодановского района Анатолием Гурьяновым. Они обсудили ход строительства детского сада на 160 мест в поселке Ромоданово, который строится в рамках национальных проектов "Демография" и "Образование". По словам Анатолия Гурьянова, на 80% возведение здания завершено, ведутся работы по устройству коммуникаций.
«Мы сумели ликвидировать некоторое отставание по срокам, которое возникло ранее, но теперь строители работают в соответствии с графиком», - отметил глава Ромодановского района.

Александр Воробьев подчеркнул, что детский сад строится по наказам избирателей. По демографическим показателям Ромодановский район занимает вторую строчку в регионе после Саранска, и на данный момент существует потребность в обеспечении малышей местами в детских садах.
Детский сад планируется сдать уже в декабре текущего года.