Рубрикатор

Культура
Инедеяк ине скульптор

 

Ноябрянь Скульптор Эрзя8-це чистэ топодсть 135 иеть ине скульпторонть Степан Дмитриевич Эрьзянь (Нефедовонь) чачома чистэнзэ саезь. Мирэнь келес содавикс ломаненть творчествантень иеде иес явови покш мель, появить од вечкицянзо. Те юбилеентень Мордовиясо алтавсть зярыя мероприятият. Скульпторонть чачома чистэнть С.Эрьзя лемсэ музеесь панжадоль весенень, кинь ульнесь мелезэ – совасть питневтеме. Омбоце чистэнть путозельть цецят С.Эрьзянь калмолангс ды музеенть икеле сонзэ кеврунгонтень. Седе тов панжовсть «Эрьзянь ловномат». Скульпторонть ледстнемга истят вастовоматне ютавтовить уш ветецеде.

Неть ловноматнес сакшность ученойть, МГУ-нь профессорт, школань тонавтницят, Новороссийск ды Дзержинск оштнестэ инжеть. Новороссийскойстэ Ю.Немирович анокстась доклад сынст ошсо С.Эрьзянь эрямодонзо. Лия Аронович поэтэсь тейсь «Ракурсы. Письма об Эрьзе» книганзо презентация. Истя жо ютась «Степан Эрьзя» мазыйстэ теезь од альбомонть-казненть презентациясь. Музеень важодицятне сонзэ анокстызь скульпторонь юбилеентень. Тозо совавтозь архивной фотографият, документт, конатне икеле косояк эзть лисне. Теде башка, MicroPlan Московонь творческой вейсэндявксось, минек музеень важодицятне, Н.П.Огарев лемсэ МГУ-нь культурологиянь кафедрась нолдасть DVD медиа-диск С.Эрьзянь произведениянзо марто, конатне ванстовить МРМИИ-нь, Московсо Третьяковской галереянь, Санкт-Петербургсо Рузонь музеень коллекциятнесэ. С.Эрьзянь искусстванзо вечкицятненень те, алкукс, покш казне.

Подробнее...
 
"Шумбрат, Мордовия!"

 

Алкуксонь кенярксчиШумбрат Мордовия тейсть Отяжелень райононь эрицятнень туртов велень ды райцентрань самодеятельной артисттнэ.

Отяжелень «Сараст» совхозонь Культурань кудосонть ютавтозель «Шумбрат, Мордовия!» отчетной концертэсь.

Сехте вадря солисттнэ, творческой коллективтне невтизь ерокчист. Сынст ваномо ды кунсоломо сакшность республикань келес ламо содавикс инжеть. Те – МР-нь Правительствань Прявтонь полавтыцясь – Культурань министрась П.Н.Тултаев, республикань Госсобраниянь депутатось С.Ф.Сорокин, трудонь ветеранось В.Баринов ды ламо лият.

Васенцекс валонть саизе П.Н.Тултаев. Сон евтась весень туртов ламо поздоровт покш праздникенть кувалма. Тешкстызе кодамо покш перспектива ашти енксонть икеле. Тесэ панжови эрзянь этно-культурань центра, косо карми невтневеме ероков ломантнень творчестваст.

Фольклорной коллективтне морасть эрзякскак, рузокскак. Ваныцятнень пек дивавтызь Аловелень «Лисьмапря» вокальной ансамблясь ды Отяжелестэ «Валскень зоря» народной ансамблясь. Пек мазыйстэ морасть солисттнэяк. Ванькс, гайтев вайгельсэ кенярдовтсь «Килейне» эйкакшонь фольклорной ансамблясь. Сынь морызь «Семань ульця» произведениянть. Ваныцятнень мельс тусть пенчсэ налксицятне.

Отяжелень эрицятне ды инжетне мельспаросо кунсолость «Командир» моронть, конань морызе енксонь содавикс морыцясь Владимир Титяпкин.

Седейс кундыця моронть «В земле наши корни» морызе РДК-нь ветеранонь хорось. Башка эряви тешкстамс И.В.Котинань. Сон аволь ансяк мазыйстэ морась ды ловнось стихть, истя жо топавтсь концертэнь ветицянь тевенть. Эряви меремс, отчетной концертэсь удалась.

Лия невтемань залсонть важодсть декоративно-прикладной искусствань выставкат. Тосо ульнесть живопись, чувтосто керсевкст, ставкст-кодавкст ды ламо мезе лия. Эрьва экспонатонь теемстэ мастертнэ путсть оймест.

А.Лапаев

 

 
"Паронь Пандома" коенть вельмевтизь сызраньсэ

Ютазь оймсема читнестэ Самара енксонь Сызрань ошсо ютась финнэнь-угрань раськень фестиваль. Омбоце лемезэ – «Паронь пандома» сексень озкс. Тедеде тунда Сызраньсэ панжозель эрзянь ды мокшонь национально-культурной автономия. Сестэ тей сакшность эрьва ендо пек ламо инжеть. Ошсонть эрить кавто тежадо ламо эрзят ды мокшот. Сынь саить нилеце тарка рузтнэнь, татартнэнь ды украинецтнэнь мельга. Мордовиясто Сызранев якась цела делегация: МР-нь Национальной политикань министерствасто главной специалистэсь Т.Т.Ширманкина, Равчирень финнэнь-угрань раськень культурань центрань отделэнь прявтось Р.Б.Щанкина, морыцят, журналистт.

«Горизонт» культурань кудонтень сакшность ламо ломанть, весе сеть, кить бажасть вастовомс тиринь раськень ломантнень марто, кунсоломс вечкевикс морот. Васняяк тесэ панжовсь национальной ярсамопелень выставкась. Эрьва инжентень меревсь варчамс тантей каванявкстнэнь: медь марто пачалксеть, салтозь пангт, прякат ды ламо лия мезе. Весе сынст анокстызь «Нармунь-морыця» ансамблянь аватне.

Седе тов ушодовсь сонсь кенярксчись. Поздоровонь евтамо сцена лангс лиснесть Сызрань ошонь прявтось В.В.Хлыстов, эрзянь ды мокшонь национально-культурной автономиянь председателесь И.В.Кистанов, Самарань «Лисьмапря» эрзянь ды мокшонь вейсэндявксонь прявтось А.М.Кузнецов.

Минь кемтяно, течинь покшчись карми совавтозь ошонь кенярксчитнень юткс ды карми ютавтовомо эрьва иестэ, тень коряс пшкадтяно ошонь думас – мерсь И.В.Кистанов, – финнэнь-угрань раськень ломантне ламо иень перть ютавтнить эсь культурань чист.

«Паронь пандома» кенярксчинть пурныцянзо – И.В.Кистанов ды А.М.Кузнецов.

Подробнее...
 
"Морденсэсь" туи удмуртияв

Саранскоень «Морденс» арт-фолк группась содавтсынзе эсь творчестванзо марто Удмуртиянь эрицятнень. Октябрянь 18-19-це читнестэ Ижевскойсэ ютавтови «Палэзян» («Пизел») финно-угрань од ломанень раськеютконь фестиваль.

«Палэзян» фестиваленть лувсо «Морденс» группась ерокчинзэ невтьсы «Время собирания плодов» художницанть Любовь Грачевань выставканзо панжомсто. Удмуртиянь ваныцятненень апак учнень казнекс карми Саранскойстэ инжетнень тосонь содавикс морыцянть Надежда Уткинань марто вейсэнь импровизациясь.

Октябрянь 18-це чистэ ютавтови «День мордовской культуры в Удмуртии» культурно-просветительской акциясь, конась алтави эрзя-мокшонь раськенть Россиянь государствань лия раськетнень марто вейсэндявомань 1000 иетненень. Акциясонть участвовить «KEIKU» ды «RYMAKKA» финнэнь группатне, кантелесэ седицясь Минна Раскинен, «Морденсэсь», истя жо Удмуртиясо эрзя-мокшонь раськень обществань «Валдо лей» фольклорной ансамблясь.

Октябрянь 19-це чистэ Мордовиясто музыканттнэнь вечкицяст несызь «Палэзян» фестивалень гала-концертсэнть, конась ютавтови Удмуртиянь Национальной театрасонть. Тесэ ваныцятненень сынь морасызь кода содавикс композицияст, истя жо кенярдовтсызь од моросо.

Тешкстама, «Морденс» группась Удмуртиясо уш аволь васенцеде. 2005 иестэ музыканттнэ ерокчист невтнизь «АРТАНА» этнофутуристической раськеютконь X фестивальсэнть-симпозиумсонть.

 
Эрзянь фольклорист, литературовед...

Те иестэнть Лука Семенович Кавтаськиннэнь чачома чистэнзэ саезь топодить 100 иеть. Сон – эрзянь фольклорист, литературовед, ютавтыця, критик, филологиянь наукань кандидат, Мордовиянь культурань заслуженной роботник, СССР-нь Писателень союзонь член.

Л.С.Кавтаськин чачсь 1911-це иестэ Самара енксонь Покш Толкан велесэ сокицянь-видицянь семиясо. Тесэ ушодовсь творческой кизэ, теевсь содавикс ученоекс, устной народной творчествань коряс специалистэкс. Эрямопингензэ покш пельксэсь сюлмазь Мордовиянть марто.

Эсь раськенть устной народной творчествантень вечкемась чачсь вишка пингстэ саезь. Се енксось, косо сон чачсь – морыця, поэтической. Ламо мезе содыль авазо – Елизавета Матвеевна.

Л.С.Кавтаськинэнь эйкакшпингезэ а шождаль. Савсь ламо важодемс, эрямс нужачисэ. Школасо тонавтнесь вадрясто. Средней школанть прядызе Вишка Толкансо, кона ашти 10 вайгельбень тарка. 1930-це иестэ сон мольсь тонавтнеме Ленинградонь историко-лингвистической институтонь финнэнь-угрань отделенияс. Тосо тензэ прась уцяска кунсоломс лекцият содавикс ученоенть, академикенть Д.В.Бубрихень. Шумбрачинь коряс Л.С.Кавтаськиннэнь савсь кадомс тонавтнеманзо. Кавто иень перть важодсь Башкириясо тонавтыцякс. Тосо ушодсь сермадомо стихть, конат лиснесть «Сятко» журналсо.

1933-це иестэ сон сась Саранскоев. Рабфаксо ветясь тиринь кель ды литература. Тесэяк поладызе стихень сермадоманть. Сынь лиснесть «Пионерэнь вайгель», «Якстере галстук» журналтнэсэ. Секе жо шкастонть Лука Семенович заочна тонавтнесь Мордовиянь государственной пединститутонь рузонь келень ды литературань факультетсэ.

Подробнее...
 
<< Первая < Предыдущая 131 132 133 134 135 136 137 138 139 140 Следующая > Последняя >>

Страница 131 из 143

Новости

Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...
 
Кочкицятне ёвтызь мелест


Сентябрянь 8-це чистэ Россиясо ютасть кочкамот местной самоуправлениянь органтнэс. Тенень алтазель журналисттнэнь туртов пресс-конференциясь, конань сентябрянь 9-це чистэ Саранскойсэ, Союзонь кудосо ютавтызе «Единая Россия» политической партиянь региононь отделениясь. Журналисттнэнь кевкстемаст лангс отвечась МР-нь Государственной Собраниянь Председателесь, «Единая Россия» Мордовиянь региононь отделениянь прявтось В.В.Чибиркин.

Пачтязель, Мордовиясо истя жо ульнесть кочкамот. 407 мандаттнэнь кис снартнесть 1054 ломанть. Республикань келес вайгелест максомо сакшность 63 % эрицят. Вайгелест максомо сехте ламо сакшность Ромодановань районсо – 74,24 %. Аламодо эйстэст кадовсть Инсаронь райононь эрицятне. Тосо – 73,01 %. Вейке проценттэ аламо сакшность Отяжелень районсо. Ламо кандидаттнэнь ютксо 98 % вайгельтне максозь «Единая Россия» политической партиянь представительтнень кис. Ды те а стяко. Ламо шкань перть мольсь анокстамонь робота. Сехте паро кандидаттнэнь эрицятне тешкстакшнызь эштё маень 26-це чистэ, зярдо ютавтозель предварительной вайгелень максомась. Сондензэ икеле ютавтозельть эрицятнень марто вастовомат, конатнесэ ломантне теевсть содавиксэкс кандидаттнэнь ды сынст проекттнэнь марто. Сестэнь изницятне вастовоматнень поладокшнызь велесэ эрицятнень марто. Ютавтозельть 114 вастовомат. Эрицятнень ламо кармавтоматне топавтозельть.

Мордовиясо кочкамотне ютатсть закононь колсемавтомо.

Подробнее ...
 
Единороссы Октябрьского района вручили юбиляру поздравительное письмо от Президента Владимира Путина
10 сентября 90-летний юбилей отмечает жительница Октябрьского района
Новикова Мария Ивановна. Родилась женщина в Нижегородской области,
всю жизнь трудилась звеньевой бригады в колхозе. Военные и
послевоенные годы вспоминает со слезами на глазах: «Мы жили небогато,
растили детей, очень много работали, сил своих не жалели».


Подробнее ...
 
Александр Воробьев осмотрел ход строительства детского сада в Ромодановском районе


6 сентября депутат Госдумы РФ, член комитета по аграрным вопросам Александр Воробьев встретился с главой Ромодановского района Анатолием Гурьяновым. Они обсудили ход строительства детского сада на 160 мест в поселке Ромоданово, который строится в рамках национальных проектов "Демография" и "Образование". По словам Анатолия Гурьянова, на 80% возведение здания завершено, ведутся работы по устройству коммуникаций.
«Мы сумели ликвидировать некоторое отставание по срокам, которое возникло ранее, но теперь строители работают в соответствии с графиком», - отметил глава Ромодановского района.

Александр Воробьев подчеркнул, что детский сад строится по наказам избирателей. По демографическим показателям Ромодановский район занимает вторую строчку в регионе после Саранска, и на данный момент существует потребность в обеспечении малышей местами в детских садах.
Детский сад планируется сдать уже в декабре текущего года.