Рубрикатор

Культура
Моры Николай Карпов

Неть читнестэ Эрзянь ды мокшонь народной культурань музейсэ ютась «Тундонь лей» творческой чокшне. Те вастовомасонть морась Николай Карпов од морыцясь. Николай морась эрзянь поэтэнть Александр Араповонь ды эсензэ стихензэ лангс морот. Лездасть церантень те тевсэнть аранжировщикесь С.Тарпищин, истя жо А.Ромашкин, А.Арапова (Александр Васильевичень тейтерезэ), В.Фролкин ды А.Кузнецов седицятне.

Николай Карпов чачсь Саранскойсэ. Семияст зярыя иеть эрясь тесэ. Тетязо важодсь врачокс, авазо – экономистэкс. Тетянзо жо чачома енксось – Орданьбуень Куцян велесь. Сынь свал ардтнесть велев покштяст-бабаст туртов. Шкань ютазь састь эрямо Алатырь енксонь Алтышовав. Васенце классос Николай сыргась самай тосо. Велесэнть ульнесь музыкальной школа. Сергей лелянзо мельга Коляяк кармась якамо музыкальной школав. Тонавтнесь баянсо седямо.

Школанть прядомадо мейле Коля Карпов тонавтнесь Чебоксары ошонь Ф.П.Павлов лемсэ музыкальной училищасо. Ниле иень перть тонавтнесь народной отделениясо баянонь классонь коряс. Седе тов сыргась Самарань консерваторияв. Шкань ютазь кадызе сонзэ. Чарькодсь: те аволь сонзэ. Эрявсь чинь-чоп тонавтнемс музыканть, конань сермадызь лия композиторт. Сон жо арсесь сермадомс эсензэ морот.

Мейле Николай теевсь содавиксэкс эрзянь поэтэнть Александр Араповонь творчестванзо марто. Ловнынзе стихензэ, конат пек тусть мелезэнзэ. Сеске чачсь мелезэ сермадомс лангозост музыка. Тень коряс сон вастовсь поэтэнть марто ды тевесь ушодовсь.

Колмо ковткак эзть юта, кода анокольть кемень стих лангс морот. Истя лиссь «Зярдо сы се шкась» моронь альбомось. Курок Николаень лиси омбоце альбомозо. Неень шкане Н.Карпов важоди Республикань камерной хорсо.

Т.Маторкина

 
Вешнить табаковонь раськензэ

Смоленскоень поисковиктне Мордовиясо вешнить солдатонть Максим Табаковонь малавикс раськензэ, конась маштовсь Ине Отечественной войнасонть. Сонзэ ловажанзо муезельть Смоленской областень Богодилово веленть эйстэ аволь васоло таркастонть экспедициянь ютавтома шкастонть. Якстереармеецтэнть содазь се, сон чачсь Мордовиянь Рузаевкань райононь Мордовской Пишля велесэ.

Максим Табаков чачсь 1915 иестэ, тиринь велестэ сон туекшнесь ды Якстере Армияв тердезель Кемеровань областьстэ. Кода евтнесь 1941-1945 иетнень войнань ды трудонь подвигень мемориальной музеень директорось Николай Кручинкин, келя, Максим Табаков тюрсь 107-це дивизиянь составсонть, конась пурназель Алтаень крайсэ. 1941 иестэ те подразделениясь участвовась Смоленск ало Ельня веленть маласо стака тюрематнесэ. Те иестэнть саезь минек енкссо чачозесь ловови кулявтомо емазекс.

Мордовской Пишлясо солдатонть раськедензэ мезеяк эзть пачтя, ансяк поисковиктне ды велень эрицятне а кадыть вешнеманть, кемеви, Максим Табаковонь малавикс раськензэ эйстэ кияк ды муеви.

 
Композиторонь союзонь теиця

Мартонь 28-це чистэ Мордовиянь культурань заслуженной деятелентень, композиторонтень ды педагогонтень Гавриил Григорьевич Вдовиннэнь топодевельть бу 72 иеть. Зярыя иеде икеле сон тусь эрямосто, мельганзо жо кадсь сюпавчи.

Композиторонть творчествазо свал нежедсь тиринь народонь культуранть лангс. Гавриил Вдовинэнь музыказо кеместэ сюлмазь Мордовиясо эриця ды лия регионтнэсэ финнэнь-угрань раськетнень койтнень-кирдатнень марто. Репертуарсонзо – операт, сюитат, моротнес музыка ды уш уликс произведениятненень обработкат. Сонзэ произведениятнесэ – тиринь енксонь мазычись, ломанень эрямот ды уцяскат. Теде башка, Г.Г.Вдовин – Мордовиясо Композиторонь союзонь теиця. Неть читнестэ те союзонтень топодсть 30 иеть. Тень ловозь, Мордовиянь Композиторонь союзось мартонь 29-це чистэ Национальной театрасо ютавтсь Гавриил Григорьевич Вдовинэнь творчестванзо коряс чокшне. Тей пурнавкшность Мордовиянь культурань деятельтне, Л.П.Кирюков лемсэ музыкальной училищань студенттнэ ды тонавтницятне, раськензэ ды малавиксэнзэ.

Пурнавозтнень икеле кортась Мордовиянь Культурань министрань полавтыцясь В.Ф.Цилин, Композиторонь союзонь прявтось Н.В.Кошелева. Мейле ульнесь покш концерт, косо седязельть, моразельть Вдовинэнь моронзо, произведениянзо. Ваныцятненень пек тусь мельс Л.П.Кирюков лемсэ музыкальной училищань студенттнэнь «Музыкальные струны» ансамблянть выступлениязо. Ваныцятне кувать цяпасть «Ветер с понизовья» ды «Шесть часов вечера после войны» оператнестэ саевкстнэнь морамодо мейле.

Н.Евдокимов

 
Раськень мазычинь казиця

Ольга Ульянкинань (Янина) марто теевинь содавиксэкс Интернетэнть вельде. Социальной сетень Мордовиянь вейке группасо ульнесь «Сырнень кедть» фотоальбом. «Кие мезе машты тееме – се ладсесь эсензэ теевксэнь фотографият. Кие артсь картинат, кие тейнесь чувтосто керсевкст, кие викшнесь-стась… Ольгаяк ладсесь фотот: мазыйстэ артозь керсемань лазт, матрешкат. Матрешкатне – лия енов а молицят. Сынь – эрзянь ды мокшонь оршамопельсэть. Истямо мазычи мон эзинь нее вейкеяк выставкасо ды лавкасо. Шнамо валт сермадынь авторонтень. Истя ушодовськак кортамонок. Ней ули мелем евтнемс Ольгадо минек ловныцятненень.

Чачсь Ольга Ульянкина Саранскойсэ. Тонавтнесь 24-це школасо, тосо якась кружоков, конасонть сынь артсть чувто ланга. Кедь алдост лисильть мазыйдеяк мазый налкшкеть, керсемань лазнэть. Теке жо шкастонть Ольга вете иеть тонавтнесь Саранскоень эйкакшонь художественной 4-це школасонть. Мелезэль поладомс тонавтнеманть художественной училищасо, ансяк истя эзь лисе. Школань прядомадо мейле Ольга кармась тонавтнеме Н.П.Огарев лемсэ МГУ-нь географической факультетсэ.

Тонавтнемась эзь меша тензэ поладомс вечкевикс тевензэ. Сон малавиксэнзэ ды ялганзо туртов артсь эрьва кодат казнеть. Косто саевсь сонзэ истямо ерокчись? Ольгань валонзо коряс, тетязо вадрясто рисови-арты.

Эрзянь матрешкань артомо од тейтересь ушодсь мелят. Ламо шкань перть сон тонавтнесь рузонь культуранть ды искусстванть. Мейле жо лия сельмсэ варштась се республиканть лангс, косо эри. Сюкпря евты довузовской факультетэнь деканонтень М.И.Ломшиннэнь. Ольга важодсь кедьсэнзэ средней образованиянь коряс методистэкс. Михаил Иванович содавтызе эрзя-мокшонь масторонть, койтнень-кирдатнень марто.

Подробнее...
 
Содавикс морыцянть ледстнемга

Ютазь пецясто Саранскоень Боевой подвигень ды трудовой славань мемориальной музейсэ ютась ледстнемань чокшне, кона алтазель морыцянтень, артистэнтень Владимир Сергеевич Киушкиннэнь. Сон – эрзя, чачсь 1915 иестэ Кочкурова енксонь Вирь Тавласо. Тонавтнесь Саранскоень музыкально-драмань училищасо. 1941 иестэ саезь 1943 иес воевась фронтсо. 1943-1948 иетнестэ роботась Мордовиянь оперань театрасо солистэкс, эште седе мейле – драмань театрань солист ды республиканской филармониянь художественной руководитель. Ледстнемань чокшнентень пурнавкшность В.С.Киушкинэнь творчестванзо вечкицятне, малавиксэнзэ, музыкальной училищань тонавтницятне. Эсь мелензэ-арсеманзо ды ледстнеманзо пурнавозтненень евтнинзе Мордовиянь заслуженной артисткась Галина Петровна Камынина. Мордовиянь народной артисттнэ Сергей Семенов ды Сергей Эскин морасть ваныцятнень туртов содавикс композитортнэнь оператнестэ саевкст. Эряви тешкстамс, Владимир Сергеевич, теде башка, ульнесь музыкальной училищасо тонавтыця. Самай тень кувалма залсонть ульнесть музыкальной училищань ламо тонавтницят. Сынь налксесть эсь музыкальной инструменттнэсэ. Моразельть морот, седязельть эрьва кодат киштемат. Сынст налксизь училищань тонавтницятне Василий Василькин, Иван Полежайкин, Юлия Щеголькова ды Константин Стрижеус. Меельцекс В.С.Киушкиндэ эсь ледстнемаст евтнизь артистэнть раськезэ Иван Степанович Киушкин ды музеень сотрудникесь Иван Степанович Бурнайкин.

Н.Евдокимов

 
<< Первая < Предыдущая 121 122 123 124 125 126 127 128 129 130 Следующая > Последняя >>

Страница 128 из 143

Новости

Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...
 
Кочкицятне ёвтызь мелест


Сентябрянь 8-це чистэ Россиясо ютасть кочкамот местной самоуправлениянь органтнэс. Тенень алтазель журналисттнэнь туртов пресс-конференциясь, конань сентябрянь 9-це чистэ Саранскойсэ, Союзонь кудосо ютавтызе «Единая Россия» политической партиянь региононь отделениясь. Журналисттнэнь кевкстемаст лангс отвечась МР-нь Государственной Собраниянь Председателесь, «Единая Россия» Мордовиянь региононь отделениянь прявтось В.В.Чибиркин.

Пачтязель, Мордовиясо истя жо ульнесть кочкамот. 407 мандаттнэнь кис снартнесть 1054 ломанть. Республикань келес вайгелест максомо сакшность 63 % эрицят. Вайгелест максомо сехте ламо сакшность Ромодановань районсо – 74,24 %. Аламодо эйстэст кадовсть Инсаронь райононь эрицятне. Тосо – 73,01 %. Вейке проценттэ аламо сакшность Отяжелень районсо. Ламо кандидаттнэнь ютксо 98 % вайгельтне максозь «Единая Россия» политической партиянь представительтнень кис. Ды те а стяко. Ламо шкань перть мольсь анокстамонь робота. Сехте паро кандидаттнэнь эрицятне тешкстакшнызь эштё маень 26-це чистэ, зярдо ютавтозель предварительной вайгелень максомась. Сондензэ икеле ютавтозельть эрицятнень марто вастовомат, конатнесэ ломантне теевсть содавиксэкс кандидаттнэнь ды сынст проекттнэнь марто. Сестэнь изницятне вастовоматнень поладокшнызь велесэ эрицятнень марто. Ютавтозельть 114 вастовомат. Эрицятнень ламо кармавтоматне топавтозельть.

Мордовиясо кочкамотне ютатсть закононь колсемавтомо.

Подробнее ...
 
Единороссы Октябрьского района вручили юбиляру поздравительное письмо от Президента Владимира Путина
10 сентября 90-летний юбилей отмечает жительница Октябрьского района
Новикова Мария Ивановна. Родилась женщина в Нижегородской области,
всю жизнь трудилась звеньевой бригады в колхозе. Военные и
послевоенные годы вспоминает со слезами на глазах: «Мы жили небогато,
растили детей, очень много работали, сил своих не жалели».


Подробнее ...
 
Александр Воробьев осмотрел ход строительства детского сада в Ромодановском районе


6 сентября депутат Госдумы РФ, член комитета по аграрным вопросам Александр Воробьев встретился с главой Ромодановского района Анатолием Гурьяновым. Они обсудили ход строительства детского сада на 160 мест в поселке Ромоданово, который строится в рамках национальных проектов "Демография" и "Образование". По словам Анатолия Гурьянова, на 80% возведение здания завершено, ведутся работы по устройству коммуникаций.
«Мы сумели ликвидировать некоторое отставание по срокам, которое возникло ранее, но теперь строители работают в соответствии с графиком», - отметил глава Ромодановского района.

Александр Воробьев подчеркнул, что детский сад строится по наказам избирателей. По демографическим показателям Ромодановский район занимает вторую строчку в регионе после Саранска, и на данный момент существует потребность в обеспечении малышей местами в детских садах.
Детский сад планируется сдать уже в декабре текущего года.