Рубрикатор

Культура
"Мон эрян, зярс эрить эрзятне"

Неть читнестэ Эрзянь-мокшонь раськень культурань музейсэ ютавтозель «Мон эрян, зярс эрить эрзятне» творческой чокшне. Сон алтазель эрзянь содавикс поэтессанть, Россиянь Писателень союзонь членэнть Маризь Кемалень (Р.С.Кемайкинань) творчествантень. Истямо чокшненть ютавтыцятне – «Литова» эрзянь авань вейсэндявксось, Равчирень финнэнь-угрань раськень культурань центрась.

Пек талновтымизь, шумбрачинзэ кувалма Раиса Степановна эзь саво те мероприятиянтень…

Те вастовомантень пурнавкшность ламо ломанть. Раиса Степановнань содыцянзо, вечкицянзо. Пурназель а покш выставка, косо невтевсть поэтессанть произведениянзо, лисезь книганзо. Равчирень финнэнь-угрань раськень культурань центрань важодицясь Т.Т.Чекушова домкасто евтнесь М.Кемалень творчествадонзо.

Подробнее...
 
"Умаринась" гайги масторлангонть келес

Мордовиянь морамонь ды киштемань «Умарина» государственной ансамблянть содасызь аволь ансяк минек республикасо, истя жо васоло томбалеяк. Зярдо артисттнэ ушодыть морамо, ваныцятне, мерят, стувтсызь весе мелявксост, чамасост неяви ансяк кеняркс. Концерт марто весть самодост мейле покш мельсэ учить седе товгак. Ламот дивсить, ансамблянь артисттнэ ве шкане киштить, морыть, невтить вокально-хореографиянь произведеният. Нама, секс сынст выступленияст теевкшныть а стувтовиксэкс.

Декабрянь 9-це чистэ «Умаринась» тешксты 70 иетнень юбилеензэ. Комсь иеть уш ансамблянть художественной руководителекс важоди В.И.Четыркин. Юбилейденть икеле минь кортнинек Василий Иванович марто коллективенть эрямодонзо.

Подробнее...
 
Морот - тиринь кельсэ

Неть читнестэ редакцияв тенек сакшнось Орданьбуень Чукало велень Михаил Архангелэнь лемсэ храмонь настоятелесь отец Евгений. Те валдо ойме, чевте седей эрзянь церантень Пазось макссь аволь ансяк мазый вайгель, истя жо моронь ладсеме маштомачи. Ламо иень перть батюшкась кенярдовты духовной моросонзо аволь ансяк Орданьбуе енксонь эрицятнень, весе Мордовиянь ды мик масторонь.

Ледстясынек, отец Евгений аволь весть лиснесь лауреатокс «Шумбрат, Мордовия!» республикань фестивальсэнть. Сонзэ вайгелентень ды валонь ладсемантень покш питне путокшность Московсо ютавтовиця фестивальсэнть, косо отец Евгений истя жо лиснесь изницякс. Тешкстасынек, аволь пек умок «Звезда» федеральной телеканалось невтсь масторонь ваныцятненень интервью отец Евгений марто.

Подробнее...
 
"Шумбрат. Мордовия"

Неть оймсема читнестэ РДК-нь сценанть лангсо невтезельть «Шумбрат, Мордовия!» фестивалень меельце концерттнэ. Эсь программаст невтизь Ицялонь, Отяжелень енкстнэ ды Саранск ошонь округось. Васенце ды омбоце этажтнесэ важодсть «Мастерство и щедрость земли мордовской» декоративно-прикладной творчествань ды ярсамопелень выставкатне.

Концертэнть ушодовомсто вал максозель Ицял енксонь прявтонтень В.Г.Дмитриеванень.

– Пек паро, те фестиваленть ютавтомась теевсь коекс. Арсян, кодамояк покшчи а пурнакшны зняро ломанть, ваныцят. «Шумбрат, Мордовиясь!» муи таланттнэнь, од тештинетнень. Минек артисттнэ мельспаросо анокстасть те фестивалентень, путодо тенст питне, – кортась В.Г.Дмитриева.

Кода лия районтнэньгак, Ицялонь программась алтазель эрзя-мокшонь раськенть Россиянь лия раськетнень марто вейсэндямонь 1000 иетнень топодемантень. Ваныцятненень мельс тусь «Норовава» Сакулькань фольклоронь ансамблясь. Сынь морызь «Сермав бука» кезэрень моронть. Вадря киштемат анокстасть эйкакшонь коллективтне.

Подробнее...
 
Финнэнь-угрань раськень конференциясь саранскойсэль

Ноябрянь 19-22-це читнестэ Саранскойсэ ютась покш промкс – финнэнь-угрань раськетнень уставной Весемирэнь конгресстнэнь ютксо «Реализация решений V Всемирного конгресса финно-угорских народов» раськеютконь промежуточной конференциясь. Теке жо читнестэ РФ-нь Региональной кемекстамонь министерствань мереманзо коряс Мордовиянь прявтошсо ютавтозель РФ-нь финнэнь-угрань раськетнень Ассоциациянь Советэнь заседаниясь. Конференциянтень састь сядодо ламо делегатт ды наблюдательть финнэнь-угрань 23 раськетнень пельде. Ульнесть делегатт Россиянь регионтнэстэ, конатнесэ эрить финнэнь-угрань раськетне ды омбо масторсто: Венгриясто, Финляндиясто, Эстониясто, Норвегиясто.

Подробнее...
 
<< Первая < Предыдущая 121 122 123 124 125 126 127 Следующая > Последняя >>

Страница 125 из 127

Новости

«Единая Россия» возьмет на контроль реализацию закона о паллиативной помощи

Партия «Единая Россия» поддержит парламентский мониторинг за реализацией закона о паллиативной помощи. Об этом заявил член общественного совета партпроекта «Единой России» «Здоровое будущее», член комитета Государственной Думы по охране здоровья Юрий Кобзев. 

Подробнее ...
 
150 человек пройдут обучение в рамках модуля «Политический лидер» Высшей партийной школы «Единой России»

Первые занятия стартуют 25 февраля

Экспертной группой первого модуля Высшей партийной школы «Единой России» «Политический лидер» по итогам всех испытаний из более чем 6,6 тысяч участников были отобраны 150 слушателей. Из них 50 приступят к учебе уже с 25 февраля, еще 100 пройдут обучение в Высшей партийной школе в следующих потоках в марте-апреле. Конкурс на участие в проекте составил 44 человека на место.

Подробнее ...
 
Республикадонть – социальной сетьсэ

Печатень кудонь Пресс-центрасо аволь умок ютавтовсь мероприятия, конанть лувсо невтевсь социальной сеттнесэ Мордовия Республикань официальной аккаунтось. Пилотной нолдамось ульнесь уш даволковонь 1-це чистэ, секскак васень подписчиктне уш ванызь контентэнть вадрячинзэ.

Подробнее ...
 
Ловонть ускома шкастонзо

Неть читнестэ Саранскоень Администрациясо ютавтозь промкссонть башка мель явовсь ошсонть эйсюротнень, эенть ды ловонть урядамонь кевкстемантень. Ленинской райононь прявтось Александр Юткин ёвтнесь, управляющей компаниятне тагояк рамасть сал китнень ды ютамо таркатнень почодомс. «Эйсюротнень урядамонь коряс роботатне ветявить эрьва чистэ. Тевенть топавтыть верьга якицят ды специализированой техника», – пачтясь Александр Юткин.

Подробнее ...
 
Автобусонь од маршрут

Ошонь прявтось сонсь ловны эрицятнень сёрмаст, конат кучовить сонзэ лемс. Мэрэнть кедьсэ промкссонть Пётр Тултаев пшкадсь Транспортонь управлениянь прявтонь полавтыцянтень Елена Потапованень: «Сась пеняцямо, конасонть тешкстави, автобуссо эли троллейбуссо ардоманть кис карточкасо пандомадонть мейле ярмактне саевить аволь сеске эли аволь зняро эряви. Ломантне арсить те «Горэлектротранс» муниципальной предприятиянть вановтост ало. Ёвтадо: кие чумось ды ков пшкадема?»

Подробнее ...