Рубрикатор

Культура
Содавикс морыцянть ледстнемга

Ютазь пецясто Саранскоень Боевой подвигень ды трудовой славань мемориальной музейсэ ютась ледстнемань чокшне, кона алтазель морыцянтень, артистэнтень Владимир Сергеевич Киушкиннэнь. Сон – эрзя, чачсь 1915 иестэ Кочкурова енксонь Вирь Тавласо. Тонавтнесь Саранскоень музыкально-драмань училищасо. 1941 иестэ саезь 1943 иес воевась фронтсо. 1943-1948 иетнестэ роботась Мордовиянь оперань театрасо солистэкс, эште седе мейле – драмань театрань солист ды республиканской филармониянь художественной руководитель. Ледстнемань чокшнентень пурнавкшность В.С.Киушкинэнь творчестванзо вечкицятне, малавиксэнзэ, музыкальной училищань тонавтницятне. Эсь мелензэ-арсеманзо ды ледстнеманзо пурнавозтненень евтнинзе Мордовиянь заслуженной артисткась Галина Петровна Камынина. Мордовиянь народной артисттнэ Сергей Семенов ды Сергей Эскин морасть ваныцятнень туртов содавикс композитортнэнь оператнестэ саевкст. Эряви тешкстамс, Владимир Сергеевич, теде башка, ульнесь музыкальной училищасо тонавтыця. Самай тень кувалма залсонть ульнесть музыкальной училищань ламо тонавтницят. Сынь налксесть эсь музыкальной инструменттнэсэ. Моразельть морот, седязельть эрьва кодат киштемат. Сынст налксизь училищань тонавтницятне Василий Василькин, Иван Полежайкин, Юлия Щеголькова ды Константин Стрижеус. Меельцекс В.С.Киушкиндэ эсь ледстнемаст евтнизь артистэнть раськезэ Иван Степанович Киушкин ды музеень сотрудникесь Иван Степанович Бурнайкин.

Н.Евдокимов

 
"Литовантень" - 15 иеть

«Литова» эрзянь авань вейсэндявксось неть читнестэ тешкстызе юбилеензэ. Тень кувалма Эрзянь ды мокшонь национальной театрасо ютась вастовома, ков сакшность ламо инжеть. Сынст туртов панжозель выставка, косо невтневсть печатной изданиятне, конат сермадсть «Литова» вейсэндявксонть важодемадонзо. Инжетненень явшевсть «Литовантень» – 15 иеть. Мезе теезь ды мезе тееви сы шкасто» буклетт, теде башка – «Ламзурь» народной фольклорно-этнографической ансамблянть моронь од дискт.

Эрзянь авань вейсэндявкстонть невтезель фильмаяк. Седе тов ушодовсь литературно-музыкальной чокшнесь. Васняяк кортась «Литовань» ветицясь Р.Б.Щанкина. Раиса Борисовна пачтясь мезе теезь-топавтозь неть 15 иетнень перть ды кода тевесь ашти ней:

– Весе мероприятиятнеде, конат ютавтозь «Литова» эрзянь авань вейсэндявксонть вийсэ, а евтневат. Сындест пек ламо. Евтан ансяк, вейсэндявксонок эрьва иестэ ютавтни комсте ламо мероприятият. Зняро тев а топавтыть государствань структуратнеяк, конатнень кедьсэ ули весемесь. Минек аватне жо весе тень теить питневтеме. Тень кисэ тенст кияк а панды. Эрзянь, мокшонь моротнень, койтнень-кирдатнень ванстомаст кисэ организациянь аватне, шкань апак вансто, роботадо мейле ютко шкасто вастневить репетициясо, ютавтнить эрьва кодат вастовомат, чокшнеть, концерт марто якить велева, снимить фильмат. Тень кис тенст сюконятано.

«Литовань» аватне а кандтнить покш лемть. Но сынст седейсэ палы вечкема эсь раськентень, сынст ули мелест лездамс тензэ цидярдомс, а емамс, кода емасть ламо лия раськетне. Ды тень теить аволь прянь шнамонь кисэ, аволь сюпалгадоманзо кисэ, тень сынь теить седеест тердемань коряс. Вейсэндявксонь аватне – вузонь ды школань тонавтыцят, эйдень кужонь воспитательть, морыцят, журналистт ды лия профессиянь ломанть.

Алкукскак, а ловови, зяро важодема ветить аватне. Ютавтнить вастовомат республикань районтнэсэ ды Мордовиянь томбалеяк. Аволь весть ардтнесть Кочкурбуень, Отяжбуень, Покш Игнатбуень эрзянь велетнес, Пенза, Ульяновск, Самара, Саратов ды лия енкстнэс. Сынст паро мельсэ вастыть эйдень кужосо, школасо, библиотекасо, велень клубсо...

Подробнее...
 
Эрзянь келесь - эйдень кужотнесэ

Саранскоень 88-це номер эйдень кужосо ютась Равчирень национальной культуратнень тонавтнемаст коряс ошонь методической центранть заседания. Тей пурнавкшность ошонь эйдень кужосо важодицятне. Заседаниянь темакс лемдязель – «Театральная этнокультура как комплекс формирования духовных ценностей у детей дошкольного возраста».

Кужонь прявтось О.В.Борисова евтнесь кужонть важодемадо. Тосо эйдень 11 группа, мартост важодить 28 педагогт. Инновациянь енкстнэде башка, тесэ явить мель этнокультурной тонавтомантень. Кужосонть ветявить зярыя кружокт. Саемга, «Щелкунчик» дополнительной образованиянь, «Лейне» фольклорной, «Баягине» эрзянь келень тонавтнемань коряс кружоктне.

Равчирень финнэнь-угрань раськень культурань центрань важодицясь О.О.Кулаева пачтясь пурнавозтненень: маласо шкастонть нолдавить эйдень кужотнень туртов методической разработкатне. Сынст уш ваннызь минек ученойтне, макссть покш питне.

«Вана ламот пеняцить важодемаст лангс, маряви тенст стака. А мон свал сынст каршо мерян: азедо ве ковшка важодеде эйдень кужосо, мейле уш мереде, косо стака важодемс, а косо аволь», – кортась О.О.Кулаева.

Инжетнень туртов эйдетне невтсть евксонь коряс кавто путовкст. Рузонь народной евксонть «Зимовье зверей» ды эрзянь – «Тейтерь-килей». Эрзянь келень кружоконть кужосонть вети В.П.Глухова. Малав кото иеть ветяви те кружокось. Евкссонть примасть участия ламо эйдеть. Весень сынст лангсо оршазельть национальной оршамопельть. Стызь теске, кужосо. Пек мазыйстэ аштесть тейтерькатнень лангсо эрзянь палятне ды пряс путоматне, церакайтнень лангсо – панартнэ. Покш инжекс ульнесть те евкссонть «Торама» фольклорной ансамблянь морыцятне. Те седеяк виевгавтызе театральной путовксонть. Эйдетнень туртов жо пек вадря тев – алкуксонь морыцятнень марто сцена лангс лисемась, сынь киштсть, морасть, евтнесть стихть, налксесть.

Т.Маторкина

 
Университетэнтень - 51 тыща еврот

Декабрясто Брюссель ошсонть ютась «TEMPUS-IV» проектэнть коряс покш вастовомась. Комиссиясь вансь 557 яволявтомат ды ансяк 62 туртов Европань комиссиясь макссь программатнень топавтомс ярмакт. Изницятнень ютксо минек университетэнь омбо масторонь келень факультетэнь программась, конанть анокстызь вейсэ тосонь деканось, филологиянь наукань кандидатось, доцентэсь Н.В.Буренина ды философиянь наукань кандидатось, доцентэсь О.С.Сафонкина.

Проектэнть лемезэ «Формирование компетенции и практических навыков оценки языковых знаний преподавателей английского языка». Кода тенек евтнесь проектэнть васенце авторось Наталья Викторовна Буренина, мель анокстамс истямо программа О.С.Сафонкина марто тенст сась сестэ, зярдо сынь неизь ЕГЭ-нть коряс мелявкстнэнь. Школасо ламот англань келень тонавтыцятне сынськак а маштыльть кода теемс тесттнэнь единой государственной экзаментнэнь шкасто. Нама, а содыльть кода лездамс эсест тонавтницяст туртов ды кода тесттнэнь коряс видестэ ванномс эйкакштнень содамочист. Ламо те программанть анокстамсто тенст лездасть Великобританиянь коллегаст.

Наталья Викторовна кеми, те проектэсь лезды кастомс школасо ды ВУЗ-со тонавтыцятнень квалификацияст ды кепедемс студентнэнь содамочист.

Истямо проектэсь карми топавтовомо Россиянь Образованиянь министерстванть марто вейсэ. ВУЗ-тнэс карми совавтомо од тонавтомань курс, конась кепедьсынзе содамочитнень тестированиятнень коряс.

Проектэнть топавтыцятнень ютксо Россиянь 12 ВУЗ-т: Самарань, Ульяновскоень, Челябань ды лия покш оштнень. Н.П.Огарев лемсэ МГУ-сь карми сынст ютксо координаторокс. Омбо масторонь участниктнень ютксо Великобританиянь Бердфордширэнь ды Саутгемптононь университеттнэ, Германиянь Дрездэнэнь технической университетэсь, Чехиянь Южной Богемиянь университетэсь ды лият.

Подробнее...
 
Равчирень центрантень - 5 иеть

Январень 12-це чистэ Финнэнь-угрань раськень Рав чирень центрантень топодсть 5 иеть. Те кенярксчинть кувалма ютавтовсь весе учредительтнень промксось. Васняяк Национальной политикань коряс министрась А.С.Лузгин евтнесь, мезе теезь Финнэнь-угрань раськень Равчирень центрасонть вете иетнень перть.

– Нама, центрась важоди эште аволь пек умок, ялатеке сонзэ ланга кармасть содамо аволь ансяк Мордовиясо ды Россиянь лия регионтнэсэ, истя жо финнэнь-угрань раськень лия мастортнэсэяк. Те лезды кастомс эрзянь-мокшонь ломантнень самосознанияст, ванстомс тиринь раськетнень культураст, – мерсь Александр Степанович.

Центрань важодеманть покш путовксозо: нолдави «Финно-угорская газета», сон вейкине Россиянь келес, ловныть эйсэнзэ омбо мастортнэсэяк. Финнэнь-угрань раськень Равчирень центрась ютавты ламо мельстуиця мероприятият аволь ансяк Саранскойсэ, истя жо республикань районтнэсэяк. Важоди велень эрицятнень марто, ютавты сынст туртов кенярксчить.

А.С.Лузгин истя жо тешкстызе, Равчирень центрасонть важодить ломанть, конат алкукс мелявтыть тиринь раськенть кисэ, содасызь весе стакачитнень. Кемеви, сы иетнестэяк сынь истя жо вадрясто кармить топавтомо икелест аравтозь тевтнень.

Финнэнь-угрань раськень Равчирень центрань прявтось Ю.А.Мишанин евтнесь 2011 иестэнть топавтозь тевтнеде. Мерсь, келя, 2012 иесь карми пек редявиксэкс, тешкставить эрзянь-мокшонь раськенть Россиянь лия раськетнень марто вейсэндявомань 1000 иетне. Равчирень центрась ероковсто аноксты те кенярксчинтень.

Промкссонть истя жо кемекстазель Финнэнь-угрань раськень Равчирень центрань эште вейке учредителесь – те М.Е.Евсевьевень лемсэ пединститутось, ванкшнозель 2012 иентень важодемань аравтлувось, кепедезельть лия кевкстематкак.

Т.Аксенова

 
<< Первая < Предыдущая 121 122 123 124 125 126 127 128 129 130 Следующая > Последняя >>

Страница 122 из 136

Новости

Депутат Госдумы РФ Сергей Чиндяскин посетил с рабочим визитом Кочкуровский район
Депутат Госдумы РФ Сергей Чиндяскин в рамках региональной недели в июне посетил Мордовию. Он прибыл в Кочкуровский район. Свой рабочий визит Сергей Чиндяскин начал со встречи с главой Кочкуровского района Светланой Герасимовой. А позже принял участие в работе круглого стола, на котором были рассмотрены вопросы по работе в муниципалитете регионального оператора по обращению с ТКО и действия программы по развитию сельских территорий. Основное внимание было уделено обсуждению проекта госпрограммы по развитию сельских территорий на 2020-2025 гг., благодаря которой у сельских жителей появится возможность решить целый ряд проблем.
В тот же день депутат посетил с.Старые Турдаки, Центр национальной культуры народных промыслов и ремесел села Кочкурово, а также экспериментальную детскую художественную школу в Подлесной Тавле.


 
Жители Мордовии обратились к Сергею Чиндяскину с пенсионными вопросами
14 июня депутат Госдумы Сергей Чиндяскин провел прием граждан в
региональной общественной приемной Председателя Партии «Единая
Россия» Д.А. Медведева.
По поводу назначения льготной пенсии обратилась к нему жительница
Саранска. Она рассказала, что проработала в психиатрии14 лет. Общий
трудовой стаж заявительницы - 32 года. В трудовой книжке имеются все
необходимые записи, но в Пенсионном фонде республики ей отказывают в
назначении досрочной пенсии. Сергей Чиндяскин взял решение этого
вопроса под личный контроль.
Подробнее ...
 
Сергей Чиндяскин обсудил вопросы развития религиозного туризма в Темникове
13 июня Сергей Чиндяскин с рабочим визитом посетил Темниковский
район Мордовии. Вместе с главой района Сергеем Кизимом он принял
участие в работе круглого стола на тему: «Сельский и религиозный туризм –
одно из направлений развития Темниковского муниципального района».
Цель данного мероприятия - привлечь внимание к развитию туризма на
территории района. Темников является старейшим городом Мордовии, имеет
богатую историю. Он связан с именами адмирала Ф. Ф. Ушакова,
основоположника мордовской литературы З.Ф. Дорофеева, первой русской
героини Алены Арзамасской и других. На территории района находится
Рождество-Богородичный Санаксарский мужской монастырь, который уже
является центром паломничества.
Подробнее ...
 
Депутат Госдумы Сергей Чиндяскин посетил Теньгушевский район Мордовии
Июньскую региональную неделю депутат Госдумы Сергей Чиндяскин
начал с посещения Теньгушевского района Мордовии. Парламентарий
провел рабочую встречу с главой района Александром Кузьминым, на
которой были обсуждены вопросы социально-экономического развития
территории. Далее он встретился с руководителем МКП «Коммунальщик»
Александром Макаевым. Тема встречи очень актуальна для всех жителей
районного центра – качество питьевой воды. Чтобы его улучшить, здесь
необходимо реконструировать 18 км водопровода и построить
дополнительный водозаборный узел. В настоящее время готовится проектно-
сметная документация. Сергей Чиндяскин взял на личный контроль решение
данной проблемы.
Подробнее ...
 
При поддержке «Единой России» состоялся Республиканский фестиваль по настольным спортивным играм среди людей с ограниченными возможностями
10 июня при поддержке партийного проекта «Единая страна – доступная среда»
на базе регионального отделения «Всероссийского общества инвалидов»
состоялся Республиканский фестиваль по настольным спортивным играм среди
людей с ограниченными возможностями. Всего на фестивале присутствовало 36
участников.
Подробнее ...