Рубрикатор

Культура
Эрзя-мокшонь раськень VI-це Инекужось М.Мосин: «КОРТАСЫНЕК ТАЛНОВТЫЦЯ КЕВКСТЕМАТНЕНЬ»

Тедедень сексня Саранскойсэ ютавтови эрзянь-    мокшонь раськень      VI-це Инекужось. Тосо кепедевиця прявт кевкстематнеде евтнесь Эрзянь-мокшонь раськень регионъютконь общественной движениянь исполкомонь прявтось, филологиянь наукань докторось, профессорось, Инекужонь делегатось Михаил Васильевич Мосин:

– Те Инекужось пек эрявикс весе минек раськенть, республикань министерстватнень ды ведомстватнень туртов. Тосо кармить кепедевеме ламо пшти кевкстемат, конатнень коряс максовить каршо валт. Сынст лангс нежедезь, кармить важодеме республикань ламот министерстватне: образованиянь, культурань, печатень ды информациянь ды лиятне. Тосо кемекстазь решениятне путовить важодемань лувокс минек вейсэндявксонть икелевгак.

Подробнее...
 
РАСЬКЕНЬ ПРЯВТ

Ванкшнан зяроцеде уш Александр Степановичень книганзо. Сеедьстэ варштнян эйзэст – мезеяк ды эряви тосто ловномс. Мон эзинь стувто, кода сынь анокставсть издательствасо. Васенцесь лиссь 1993-це иестэ. Шкатне уш полавтовкшность, ансяк минь сестэ пек эзинек чарькоде, мезе учи седе тов эйсэнек. Кода икелеяк, оштё лиснесть книгань нолдамонь коряс плант, лиснесть книгат эрзянь, мокшонь, рузонь кельтнесэ. Ансяк шкатне истя пек полавтовсть – минек издательствась натой аноколь уш овсе ёмамс-пекставомс… бути аволь минсь ды аволь Лузгин, издательствань од директорось. Кода весе теевсь, кода изнявсть стакачитне?

Подробнее...
 
АРТЫЦЯНЬ ПЛЕНЭР – ВИРЬ АЛО ТАВЛАСО

Кочкурбуень Вирь ало Тавлань В.Ромашкин лемсэ этно-кудосонть ушодызе важодеманзо художникень пленэрэсь. Те таркасонть сон ютавтови васенцеде. Художникень истят вастовоматне эрсить чуросто. Зярыя иеде икеле пленэрэсь ульнесь Ташто Синдровасо. Ды вана ней Петр Владимирович Рябов ёвтась мель ютавтомс пленэр Тавласо. Тей састь кавксо художникть. Сынст ютксо МР-нь Заслуженной художникесь Малик Ямбушев ды Руслан цёразо, истя жо кавто сазоркатне Алёна ды Оксана Егороватне, Юлия Бакаева ды лият.

Кемень чинь перть художниктне кармить эрямо Вирь ало Тавласо.

Подробнее...
 
ТИРИНЬ КЕЛЕНЬ ДЫ КОЕНЬ ВАНСТЫЦЯ

Петр Дмитриевич Гавриловдо марсинь ламоксть, содавиксэкс теевинек «Эрзянь правда» тиринь газетань редакцияв инжекс аволь умок совамстонзо. Те эрзянь цёрась чачсь-кассь Ицялонь райононь Селища велесэ. Малав колоньгемень иеде икеле те эрзянь велесэнть савсь  тень улемс васень командировкасо, ульнинь инжекс Шаляевтнень семиясо. Вастымизь тосо пек вадрясто, лездасть саемс весе эрявиксэнть сёрмадовксон коряс. Эштё сестэ редия, кодат лембе седейть, паронь арсиця ломанть эрить те велесэнть. Истятнэнь юткс бу совавтовлия Петр Дмитриевич Гавриловоньгак. Текенень эштё поладса, те эрзянь цёрась ламонь содыця, эрзянь койтнень-кирдатнень ванстыця, тиринь раськенть идиця. Мартонзо аламодо кортазь, сеске редявсь, сон аволь минек республикасо эриця, лия ёнкссо ламо иень перть улемась совавтсь башка тешкст те ломаненть обуцязонзо. Астяко васень кевкстемась ульнесь истямо – кода Петр Дмитриевич тусь эйстэнек васоло Красноярской краень Лесосибирск ошов?

– Армиясо служинь Марий Эл Республикасо. Ульнесть ялган, конат эрясть Красноярской ёнкссонть. Сынь ламо ёвтнесть сеть таркатнень мазычидест, сюпав пертьпелькстэнть. Виде, од ульнинь, романтика тень эрявсь. Тов самсто весемесь тусь мелезэнь ды секс кадовинь эрямо.

Кить ульнесть тетянк-аванк, кода ютась эйкакш пингенк, покш-аволь семиянк?

– Мон касынь ламо эйкакшонь триця семиясо, сисеменек ульнинек. Тетям, Дмитрий Петрович, ульнесь кадровой военной, кемгавтово иеть служась. Авам, Устинья Васильевна, велень мазый тейтертнень юткс совась. Кемгавксовоксть сакшность ладямонзо, тетям ульнесь кевейксэеце. Сонзэ неемстэ седеезэ солась ды лиссь тензэ мирденень. Сон ульнесь пек виев ды алкуксонь цёра. Весть лиссь истямо тев. Минек велев ветясть айгор, весе пельсть эйстэнзэ. Тетям ульнесь кавалерист, вечксь лишметь, ламо ардтнесь. Кода-бути ардсь айгор лангсо Ратор леенть чирева. Чись псиль, сизекшнесь. Пачкодсь Катянь ваямо таркантень, тува ютамсто айгорось кирнявтсь ведьс, понгсь ведень чарамо таркас, косо копачавсть ведьсэ. Тетянь сатотсть виензэ тосто лисемс, а лишмесь эзь цидярдо, тусь ведь алов. Лисемадонзо мейле кувать эзь эря.

Пётр Дмитриевич, покштянк, кортыть, ламо паро тейсь Ицял ёнксонь эрицятненень. Инескеть, ледстясынк сонзэ?

– Алкукскак, истя. Авань ёндо  Василий Максимович Буянкин покштянь те шкас паро валсо ледстнить тиринь велень эрицятне ды сынст малавиксэст. Сон весе войнатнень ютынзе, Финскойсэяк ульнесь, Ине Отечественной войнанть пингстэяк тензэ сатотсь.

Васняяк, се шкане сон ульнесь колхозонь теицякс, астяко ладизь од хозяйстванть прявтокс. Текенень поладса, обуцянь коряс пек седеймарицяль. Иетне стакальть, ламот кирдсть вачочи. Сюронть пурнамодо мейле сон явнызе урожаенть ломантнень ланга, кие кода важодсь. Састь ванкшныцят, тень редизь ды саизь покштянь олячинзэ. Идизь велень эрицятне. Эряви меремс, сонтемензэ лепамсть тевтне, колхозось каладома лангсоль. Эрицятне вейке-омбоце мельга кучнесть сёрмат покштянь тюрьмасто нолдамодо. Алкукскак, чарькодизь ильведевксэнть ды покштянь нолдызь. Кудов велявтомадо мейле одс ладизь хозяйствань прявтокс, сон седеяк виевстэ ушодсь колхозонть кепедеме, весе ломантнень эрямост паролгавтомо. Покш семиятненень тейсь од кудот. Кияк эйстэнзэ беряньстэ эзь корта, кудолеменек ульнесь нармунень, мерсть эйстэнек письмаронь. Ледстневи, вишкинестэ вастылимизь минек велень ломантне ды кевкстилимизь, келя, тон аволь письмаронь нуцькась? Те шкас ледстнить эйсэнзэ.

Пётр Дмитриевич, эрямонь кодамо тев эстенк кочкиде, пингень перть кодамо тев топавтыде?

– Эсь шкасто прядынь лесотехнической училища, косо тень макссть содамочить кавто специальностень коряс: вирень производствань технолог ды кранонь ветиця.  Пингень перть важодинь «Красноярсклесэкспорт» предприятиясо мастерэкс, технологокс. Лиясто, бути эрявсь, крановщикекскак ульнинь. Видькстан, важодицятнеде тосо аволь  пек ламо ульнесть, секс кодамо тев ульнесь, истямо топавтынь.

Пётр Дмитриевич, неень шкане эрямо таркасонк ламо-аволь  минек раськень ломантнеде?

– Меельце сёрмадстомась невтизе, эрзятнеде 222 ломанть. Сынь састь Мордовиянь истят ёнкстнэстэ: Кочкуровань Сабаева, Покш Березникень – Пермизь велетнестэ. Истя жо улить Отяжбуень Дюрькинасто, Селищасто, Ицяло енкссто.

Кодат ояксчинь сюлмот кирдтядо вейкенк-вейкенк марто?

– Васняяк тешкстаса, минь вастневтяно умонь шкасто саезь, икеле вейсэндявксонок конёв лангсо апак кемекста ульнесь. 2013 иень ацамковсто «Эрзя» вейсэндявксонть коряс ушодынек коневтнень пурнамо, те иень тунда сонзэ кемекстынек.

Зяро ломанть совить «Эрзя» вейсэндявксонтень, кода сеедьстэ вастневтядо?

– Весемезэ свал сакшныцятнеде комськотово ломанть. Лиясто эрсить ков седе ламо. Минек вейсэндявкссонть седе ламотне эрзят, ули вейке мокшаваяк, сонзэ мирдезэ – эрзя, секс парсте содасы минек келенть, мейсэяк а явови минек эйстэ.

Тедеде Мордовиянь прявт ошсо, Саранскойсэ, карми ютамо эрзя-мокшонь VI Инекужось. Вейсэндявксонк пельде кинь кочкиде делегатокс?

– Виде, минь ютавтынек промкс. Вайгельтнень максынек минек вейсэндявксос совицятнень: Четвергов Михаил Антонович ды Тягушева Валентина Николаевнань кисэ. Тешкстаса, Валентина Николаевнань чачома ёнксозо – Ицялонь Кемля велесь. Эсь шкастонзо тонавтнесь Н.П.Огарёв лемсэ филологиянь факультетсэ. Ней сон «Эрзя» вейсэндявксонь Красноярскоень автономиянь прявт.

Тешкстаса, минек вейсэндявксос совицятнень ютксо ули Оренбург ёнксонь сыре атя, сон сокор, кодамо мельспаросо кунсолы сон эрзянь кельсэ моротнень ды весе кулятнень. Нись сонзэ хакаска, конась истя жо сакшны мирдензэ марто минек вейсэндявксос. Сынь пек весенень вечкевить.

Пётр Дмитриевич, чарькодить-арась эйсэнк малавиксэнк общественной тевенть топавтомань коряс, эдь ламо шка ютавттадо раськень тевтнень перька пиемстэ-паломсто?

– Сюкпря ёвтан Полина Васильевна ним ды ветенест эйкакшон туртов, кить аволь ансяк чарькодить эйсэнь, истя жо свал лездыть тень раськень ванстомань тевтнень топавтомсто. Тешкстаса, Полю ним минек ёнксонь, Отяжелень  райононь Дюрькина велестэ. Вейсэ мартонзо якатано аволь ансяк вейсэндявксос, истя жо вастневтяно од ломантнень марто. Лездыцянок колмонест цёранок ды кавто тейтерень. Сынь весе эрить маласонок, Красноярскойсэ. Сехте покшонтень, Дмитрийнень, 38 иеть, сон парсте тонавтнизе сантехнической оборудованиянь технологиянть, ней содамочинзэ нолды тевс; Софья тейтерем – предприниматель, панжсь эсензэ кафе; седе вишка тейтерем, Татю, важоди строительной вейке компаниясо главной бухгалтерэкс; Василий цёрам зярс эште варчни виензэ, кодамо тевс нолдамс; Петянень, веженсь цёран туртов, комськотово иеть. Сонзэ сырнень кедензэ, кшнистэ машты эрьва мезень тееме: сейфть, кенкшть заказонь коряс тейни. Эйкакштнень коряс визьксчама а кирдян, кияк юткстост а сими, а тарги.

Пётр Дмитриевич, кортыть, ульниде содавиксэкс икелень губернаторонть Александр Лебедь марто?

– Алкукс, истя. Ледстяса, весть сон кортакшнось тень, келя, тонь кондят, Гаврилов, кеменьшка ломанть – весе Красноярской краесь улевель эрзянь ёнксокс…

Сюкпря.

В.Владимирова

 
Пушкинэнь портретэнть теи Кочетковань бригадась

Кить совить Саранскоень А.С.Пушкин лемсэ культурань ды оймсемань парконтень, а лотксить дивсемеде, кодашка тосо мазычи ды ваньксчи! Зяро тосо путозь цецят, тикшеть-люкшат, куракшт ды од чувтынеть! А весе содыть, кодашка труд путыть парконть мазылгавтомань ды ванськавтомань туртов сонзэ ялганзо, конатне важодить Марина Николаевна Кочетковань прявтсо. Марина Николаевна – А.С.Пушкин лемсэ парконть прявт мастер, «Городские парки» МАУК-нть территориятнень паролгавтомань отделэнь прявт. Важоди те парксонть 2006 иестэнть саезь, се шкастонть ушодовськак, кода мерить, парконть од эрямозо. Николай Петрович Кеняйкин директоронть марто вейсэ сынь прасть ве мельс ды ушодызь сонзэ одкстомтоманть. Итогтнень тынь несынк сеске, зярдо соватадо инжекс те оймсема таркантень. Тесэ оймси весе рунгось, сельметне жо кенярдыть эрьва тюссо лымбакстниця цецятненень.

Подробнее...
 
<< Первая < Предыдущая 121 122 123 124 125 126 127 128 129 130 Следующая > Последняя >>

Страница 122 из 147

Новости

Эрицятнень сёрмадстомантень анокстамотне ушодовсть



Малав ие кадовсь эрицятнень Весероссиянь сёрмадстоманть самс. Аволь умок МР-ва Федеральной службань государственной статистикань территориальной органсонть ютавтовсь вастовома, конанть шкасто видео-конференциянь лувсо ветявсь кортамо Росстатонь прявтонть Павел Малков марто. Вановсть сёрмадстомань шкатне ды невтевсь официальной тешксэсь.


Подробнее ...
 
В Мордовии собрано более 700 подписей на запрет «наливаек»
 
В Республике Мордовия завершились мероприятия по сбору информации и
подписей в поддержку инициативы об ограничении работы питейных заведений,
расположенных на первых этажах многоквартирных домов и придомовых
территориях в Республике Мордовия.

Подробнее ...
 
Награждение победителей акции «Здоровое питание - активное долголетие»
 
  Уже сегодня, 17 октября,  34 ученика из Мордовии отправятся на 12-ю  смену  
Международного детского центра «Артек». Победителей акции, их наставников и кураторов 
поприветствовал  секретарь Регионального отделения «Единой России» Владимир
Чибиркин. Он  подчеркнул, что пропаганда  здорового образа жизни и оздоровление нации 
являются одними из ведущих направлений деятельности «Единой России», акция 
реализуется в рамках партийного  проекта «Здоровое будущее».  Это дает свои плоды - с
каждым годом в нашей стране увеличивается  число неравнодушных людей,  которые 
начинают сами вести здоровый образ жизни и ведут за собой других.

Подробнее ...
 
В республике успешно реализуются социально значимые проекты первичных отделений «Единой России»
 
Первичные отделения поселка  Ромоданово и поселка  Зубова Поляна   успешно
реализуют на практике  свои социально  значимые проекты, удостоенные грантовой
поддержки по итогам конкурса проектов первичных отделений, инициированного 
«Единой Россией»
  Цель проекта  «Мы рядом», реализуемого в Ромоданове - помощь пожилым людям и 
инвалидам, имеющим  заболевания опорно-двигательного  аппарата.   Прокат технических 
средств реабилитации  организован на бесплатной основе для граждан пожилого возраста, не 
имеющих группы инвалидности, но,  в силу возрастных изменений или перенесенных 
заболеваний, травм, потерявших способность свободно передвигаться. В июле этого года в 
Ромодановском  местном отделении партии прошла  презентация проекта.  Открывая
презентацию,  секретарь  Ромодановского местного отделения Партии  Наталья Хомякова  
отметила, что  основная  задача проекта   помочь людям в трудный для них период 
реабилитации.


Подробнее ...
 
Баталина: Предложение Минтруда о новых правилах выплаты пособий по уходу за ребёнком создаст проблемы родителям
 
Предложение Минтруда, согласно которому претендовать на выплату 
пособия по уходу за ребенком до полутора лет может только тот, кто 
фактически ухаживает за ребенком, избыточно и может создать лишние 
проблемы родителям. Не исключено, что Фонд социального страхования при 
назначении будет требовать документально подтвердить, что именно 
заявитель (мать или отец ребенка) фактически за ним ухаживает. Об этом 
заявила первый заместитель секретаря Генерального совета «Единой России»
Ольга Баталина.
Подробнее ...