Рубрикатор

Культура
"Паронь Пандома" коенть вельмевтизь сызраньсэ

Ютазь оймсема читнестэ Самара енксонь Сызрань ошсо ютась финнэнь-угрань раськень фестиваль. Омбоце лемезэ – «Паронь пандома» сексень озкс. Тедеде тунда Сызраньсэ панжозель эрзянь ды мокшонь национально-культурной автономия. Сестэ тей сакшность эрьва ендо пек ламо инжеть. Ошсонть эрить кавто тежадо ламо эрзят ды мокшот. Сынь саить нилеце тарка рузтнэнь, татартнэнь ды украинецтнэнь мельга. Мордовиясто Сызранев якась цела делегация: МР-нь Национальной политикань министерствасто главной специалистэсь Т.Т.Ширманкина, Равчирень финнэнь-угрань раськень культурань центрань отделэнь прявтось Р.Б.Щанкина, морыцят, журналистт.

«Горизонт» культурань кудонтень сакшность ламо ломанть, весе сеть, кить бажасть вастовомс тиринь раськень ломантнень марто, кунсоломс вечкевикс морот. Васняяк тесэ панжовсь национальной ярсамопелень выставкась. Эрьва инжентень меревсь варчамс тантей каванявкстнэнь: медь марто пачалксеть, салтозь пангт, прякат ды ламо лия мезе. Весе сынст анокстызь «Нармунь-морыця» ансамблянь аватне.

Седе тов ушодовсь сонсь кенярксчись. Поздоровонь евтамо сцена лангс лиснесть Сызрань ошонь прявтось В.В.Хлыстов, эрзянь ды мокшонь национально-культурной автономиянь председателесь И.В.Кистанов, Самарань «Лисьмапря» эрзянь ды мокшонь вейсэндявксонь прявтось А.М.Кузнецов.

Минь кемтяно, течинь покшчись карми совавтозь ошонь кенярксчитнень юткс ды карми ютавтовомо эрьва иестэ, тень коряс пшкадтяно ошонь думас – мерсь И.В.Кистанов, – финнэнь-угрань раськень ломантне ламо иень перть ютавтнить эсь культурань чист.

«Паронь пандома» кенярксчинть пурныцянзо – И.В.Кистанов ды А.М.Кузнецов.

Подробнее...
 
"Морденсэсь" туи удмуртияв

Саранскоень «Морденс» арт-фолк группась содавтсынзе эсь творчестванзо марто Удмуртиянь эрицятнень. Октябрянь 18-19-це читнестэ Ижевскойсэ ютавтови «Палэзян» («Пизел») финно-угрань од ломанень раськеютконь фестиваль.

«Палэзян» фестиваленть лувсо «Морденс» группась ерокчинзэ невтьсы «Время собирания плодов» художницанть Любовь Грачевань выставканзо панжомсто. Удмуртиянь ваныцятненень апак учнень казнекс карми Саранскойстэ инжетнень тосонь содавикс морыцянть Надежда Уткинань марто вейсэнь импровизациясь.

Октябрянь 18-це чистэ ютавтови «День мордовской культуры в Удмуртии» культурно-просветительской акциясь, конась алтави эрзя-мокшонь раськенть Россиянь государствань лия раськетнень марто вейсэндявомань 1000 иетненень. Акциясонть участвовить «KEIKU» ды «RYMAKKA» финнэнь группатне, кантелесэ седицясь Минна Раскинен, «Морденсэсь», истя жо Удмуртиясо эрзя-мокшонь раськень обществань «Валдо лей» фольклорной ансамблясь.

Октябрянь 19-це чистэ Мордовиясто музыканттнэнь вечкицяст несызь «Палэзян» фестивалень гала-концертсэнть, конась ютавтови Удмуртиянь Национальной театрасонть. Тесэ ваныцятненень сынь морасызь кода содавикс композицияст, истя жо кенярдовтсызь од моросо.

Тешкстама, «Морденс» группась Удмуртиясо уш аволь васенцеде. 2005 иестэ музыканттнэ ерокчист невтнизь «АРТАНА» этнофутуристической раськеютконь X фестивальсэнть-симпозиумсонть.

 
Эрзянь фольклорист, литературовед...

Те иестэнть Лука Семенович Кавтаськиннэнь чачома чистэнзэ саезь топодить 100 иеть. Сон – эрзянь фольклорист, литературовед, ютавтыця, критик, филологиянь наукань кандидат, Мордовиянь культурань заслуженной роботник, СССР-нь Писателень союзонь член.

Л.С.Кавтаськин чачсь 1911-це иестэ Самара енксонь Покш Толкан велесэ сокицянь-видицянь семиясо. Тесэ ушодовсь творческой кизэ, теевсь содавикс ученоекс, устной народной творчествань коряс специалистэкс. Эрямопингензэ покш пельксэсь сюлмазь Мордовиянть марто.

Эсь раськенть устной народной творчествантень вечкемась чачсь вишка пингстэ саезь. Се енксось, косо сон чачсь – морыця, поэтической. Ламо мезе содыль авазо – Елизавета Матвеевна.

Л.С.Кавтаськинэнь эйкакшпингезэ а шождаль. Савсь ламо важодемс, эрямс нужачисэ. Школасо тонавтнесь вадрясто. Средней школанть прядызе Вишка Толкансо, кона ашти 10 вайгельбень тарка. 1930-це иестэ сон мольсь тонавтнеме Ленинградонь историко-лингвистической институтонь финнэнь-угрань отделенияс. Тосо тензэ прась уцяска кунсоломс лекцият содавикс ученоенть, академикенть Д.В.Бубрихень. Шумбрачинь коряс Л.С.Кавтаськиннэнь савсь кадомс тонавтнеманзо. Кавто иень перть важодсь Башкириясо тонавтыцякс. Тосо ушодсь сермадомо стихть, конат лиснесть «Сятко» журналсо.

1933-це иестэ сон сась Саранскоев. Рабфаксо ветясь тиринь кель ды литература. Тесэяк поладызе стихень сермадоманть. Сынь лиснесть «Пионерэнь вайгель», «Якстере галстук» журналтнэсэ. Секе жо шкастонть Лука Семенович заочна тонавтнесь Мордовиянь государственной пединститутонь рузонь келень ды литературань факультетсэ.

Подробнее...
 
Библиотекатнень ютксо яволявтозь пелькстамо

Аволь умок Мордовия Республикань Центральной избирательной комиссияс совицятне пуромкшность эсь заседанияс. Чинь повесткантень совавтозельть 26 кевкстемат, ютксост: Мордовия Республикасо муниципальной представительной органтнэс депутаттнэнь кочкамодо, Ташто Шайговань территориальной кочкамонь комиссиянь прявтонть олякстомадо ды истя седе тов. МР-нь ЦИК-нь члентнэ покш мель явсть Мордовия Республикасо ошонь ды муниципальной библиотекатнень ютксо кочкицятнень гражданско-правовой культураст кастомга республикань конкурсонть яволявтомадо темантень.

Те пелькстамонть ютавтомадо кевкстинек Мордовия Республикань Центризбиркомонь секретаренть Нина Ивановна Чудаевань:

– Тешкстаса, Мордовиясо ошонь ды муниципальной библиотекатнень ютксо кочкицятнень гражданско-правовой культураст кастомга республикань конкурсось анокстави ды ютавтови МР-нь ЦИК-нь ды Мордовия Республикань Культурань министерстванть ушодксост ды финансонь лезксэст вельде. Конкурсонь кемекстыцясь – МР-нь Центризбиркомось, ютавтома таркась (организационно-методической центрась) – А.С.Пушкин лемсэ Национальной библиотекась.

Конкурсось путы икелензэ истят задачат: виевгавтомс библиотекатнень роботаст эрицятнень гражданско-правовой культураст кепедемга, кочкицятнень электронной активностест кастомга, кочкицятнень гражданско-правовой культураст кепедемасо библиотекатнень опытэст тонавтнемга ды лиятненень невтемга.

Подробнее...
 
Эрзянь содавикс учёной

 

Эрзянь содавикс ученоесь И.С.Бузаков чачсь Отяжелень Ламбаське велесэ августонь 28-це чистэ. Те шкас мельсэм кирдевить аванзо Поля бабань валтнэ: «Пире песэ нуилинек товзюро. Весе аватне ойсесть ярсамо: обед шка. Монгак озынь. Спасовонь чи. Монень теевсь апаро, стинь ды мерян: «Молян тантей умарть кандан». Пачкодинь сенека икелев. Ававтом неимим вальмава, сась кудосто сенекав, кармась лездамо: тей чии, тов велявты, кандсь кудосто ведрасо лембе ведь, таза, нардамот-пацят, нулат-валат, а кувать шкань ютазь чачсь эйкакшке, Иван.

Монь цератне аволь озорникть ульнесть. Ваня, Лексей, Пашка кунсолыцят ульнесть. Аня тейтернеськак истямоль жо. Сон нейгак эри Ламбаськесэ. Ульнесь тонавтыцякс. Ней пенсиясо.

Иван сисем иень школанть прядызе Похвальной грамота марто. Лексейгак, Пашкаяк, Аняяк тонавтнесть вадрясто».

1951-це иестэ Иван кармась тонавтнеме Козловкань педучилищасо, конань прядызе якстере диплом марто. Мейле кучизь роботамо Лувне (Луньга) велев школань директорокс. Велесь мелезэнек тусь, вирь чиресэ, аволь васолга чуди Раторось. Куроксто саизь армияв, служась Узбекистансо педучилищань ялганзо Любаев марто (сон Тазалень). Армиястояк састь ве шкасто, колмо иень ютазь.

Подробнее...
 
<< Первая < Предыдущая 101 102 103 104 105 106 107 108 109 110 Следующая > Последняя >>

Страница 102 из 114

Новости

Кудотнень перька таркатне паролгавтовить

Пондельникстэ ошонь прявтось П.Н.Тултаев ютавтсь Саранскоень районтнэнь прявттнэнь марто промкс, косо кортамось мольсь кудо вакссо таркатнень паролгавтомадо. Ленинской районсо 32 кудотнень перька тевтне топавтозь весе. Экономиянть вельде паролгавтозель эштё С.Разинэнь куросо 33№ кудонть вакссо таркась.

Подробнее ...
 
Кулят ошонь Администрациясто

Саранскоень мэрэнтень пшкалить ошонь эрицятне, конат ацирьгалить гаражтнень ды утомтнень яжамост коряс. «Весе утомтне-гаражтне стявтозь аволь закононь коряс, каладот, наксадот, сынст эрявить калавтомс! Неть таркатнесэ антисанитария. Веенст энялдыть яжамс сынст, лиятне – молить каршо. Саемга, 20№ гимназиянть вакссто кармасть усксеме аволь закононь коряс стявтозь гаражтнень. Ломантне кортыть, гаражтнень сайсынк ды тарказост стявттадо ламо этажонь кудо. Кодаткак кудот те таркасонть а улить! Гаражтнень таркас ладить эйкакшонь налксемань таркат ды парковкат. Ней прядови 20№ гимназиянть вакссо стадиононь стявтомась, перьканзо таркась истя жо паролгавтови», – мерсь Петр Тултаев.

Подробнее ...
 
Плотников: Фермеры смогут жить на своей земле, а не ездить каждый день туда как на работу

 Госдума приняла в первом чтении законопроект, который разрешает фермерам строить дом для себя на своей земле сельскохозяйственного назначения. Законопроект меняет порядок строительства жилых домов в КФХ. Такое заявление сделал координатор партпроекта «Единой России» «Российское село», депутат Государственной Думы Владимир Плотников.

Подробнее ...
 
Андрей Макаров: Проект бюджета гарантирует выполнение государством всех социальных обязательств

    Внесенный Правительством РФ проект бюджета гарантирует выполнение государством всех социальных обязательств. Об этом заявил председатель комитета Госдумы по бюджету и налогам Андрей Макаров в ходе выступления от фракции «Единой России» на пленарном заседании нижней палаты парламента. 

     - Гарантированное выполнение государством всех социальных обязательств - это важнейшая задача бюджета, которую внесенный Правительством проект, безусловно, решает», - заявил Макаров, отметив, что «Единая Россия» вместе с Правительством РФ в рамках нулевого чтения прорабатывала проект бюджета, чтобы решить задачи, поставленные Президентом России Владимиром Путиным. 

        Он обратил внимание на то, что фактические доходы в 2019 году составили 19,969 трлн рублей, превысив прогноз на 22%. «Это показатель того, в каком состоянии находится наша экономика», - отметил парламентарий. 

Подробнее ...
 
Валдонть кисэ – социальной норма

Россиясо тагояк электричестванть кисэ арсеви совавтомс социальной норманть, зярдо кемекстазь лимитэнть велькска ютавтоматнень сави пандомс седе покш тарифень коряс. Минэнергонь ды Минэкономикань сентябрянь 19-це чистэ ютавтозь промкссонть те схеманть кемекстызе вице-премьерэсь Дмитрий Козак. Ведомстватненень жо документэнь проекттнэнь анокстамат 2019 иень якшамковонтень.

Подробнее ...