Рубрикатор

Культура
"Корты ды невти Мордовиясь"

Мордовиясо телевидениянть касомазо ушодовсь 1956 иестэ любительской телецентранть панжомаднзо мейле. Февралень 24-це чистэ ютавтовсь васенце ТВ-трансляция Саранскойсэ, Рузаевкасо, Ромодановасо. Вете иень ютазь, 1961 иестэ, Саранскойсэ стявтозель антенна марто 198 метрань сэрьсэ васенце ретранслятор ды макетно-дикторской студия. Се шкастонть саезь кармасть невтневеме телепередачат, конат 50 иеде ламо кенярдовтыть ваныцятнень эрьва кодат программасо. Те одксчись куроксто совась эрямос. Ансяк телевизорось сестэ ульнесь чуросто вастневицякс, питнеекс ды аволь эрьвантень сон рамавиль. Аламонь-аламонь телевидениясо появакшнось од техника, редакциясо паролгавтовсть важодемань условиятне. 1963 иестэ саезь республикань эрицятне кармасть ваномо центральной телевидениянь 1-це программань передачатнень. 1965 иестэ ушодовсь прямой трансляциянь ветямось. Ламот оштнес ды велетнес сась телевидения. Ды 60-це иетнень прядовомсто телевизор ульнесь малав эрьва кудосо. 80-це иетнень самс Саранскоень ТВ-центрас кармасть пачкодеме Московсто 3-це ды 4-це телеканалтнэнь передачатне.

Подробнее...
 
"Морденсэнть" содасызь омбо масторсояк

Кода сермадокшнынек, аволь пек умок Берлинсэ ютась «Зеленая неделя -2011» раськеютконь агропромышленной выставкась-ярмункась. Эйсэнзэ примасть участия малав 1,5 тыща компаният масторлангонь 57 масторсто. Выставкасонть невтезель Мордовиянь велень хозяйствань предприятиятнень продукциясткак. Ды минек республикантень форумсонть явозель покш мель. Предприятиятнень вадря презентациятнеде башка теньсэ ули таликаст Мордовиясто сазь артисттнэньгак. Аволь эрьва региононтень «прась уцяска» саемс мартост эсь творческой коллективест. Весемезэ форумонтень Россиянть пельде якасть ансяк зярыя коллективть. Минек региононть тесэ невтсь «Морденс» фолк-арт группась. Сон кочказель а стяко: группась лиятнень енов а молиця, ды эйсэнзэ свал вадрясто вастыть кода Мордовиянь кунсолыцятне, истя жо лия региононь ды омбо масторонсетнеяк. Неть читнестэ минь вастовкшнынек «Морденсэнь» прявтонть Юрий Буянкинэнь ды солистканть Елена Алышевань марто. Сынь евтнесть Берлинсэ улемадост. – Евтадо, кода целанек форумсонть невтезель республиканок ды кода вастызь коллективенк?

Подробнее...
 
Седяк, гармония, седяк седе пек!

Ютазь оймсема читнестэ Отяжелесэ ды Краснослободскойсэ ютась «Седяк, гармония!» раськень творчествань Республикань пелькстамось.

Ваныцятнень ды жюринть икеле концертной программаст невтизь Мордовиянь вейксэ районсто седицятне. Сехте вадря седицятненень, гармонистэнь ансамблятненень, гармония мельга моронь морыцятненень залось казсь виев цяпамот.

Пелькстамось алтави эрзянь ды мокшонь раськенть Россиянь лия раськетнень марто вейсэндявомань 1000 иетнень топодемантень. Ды ламот районтнэнь программаст сюлмазель те теманть марто. Атюрьевасто гармонистэсь Николай Турусов пек вадрясто налксизе рузонь, эрзя-мокшонь ды татаронь мелодиятнестэ композициянть. Краснослободскоень гармонисттнэ невтизь «Наигрыши единения» номерэнть. Пелькстамонь тематикась невтезель нурька моротнесэяк. Отяжелень ды Зубова-Полянань гармониятнень мазый вайгелест пек вечкевсть ва ныцятненень.

Бажасть а кадовомс покштнень эйстэ вишка седицятнеяк, сынь снартнесть невтемс весе ерокчист. Лембестэ вастозельть Отяжеле енксонь Покш Манадышинь Валерий ды Андрей Ануфриевтнень выступленияст. Тетясь, Валерий, тонавтызе вечкевикс тевентень Андрей церанзо. Отяжелень «Валскень зоря» раськень ансамблясь морызе Геннадий Заволокинэнь «Бабушкин сундук» моронть.

Лиятнестэ явовсь Ельникень Эйкакшонь музыкальной школань инструментальной ансамблясь, эйсэнзэ гайгсть баян, скрипка, гармония. Виев цяпамот алтазельть эрзянь (Отяжелестэ ды Дубенка енкссто) ды мокшонь (Ельникень ды Теньгушевань районсто) частушкатненень.

Февралень 12 ды 13 читнестэ «Седяк, гармония!» пелькстамонь концерттнэ ютыть Покш Березникень ды Инсаронь Культурань кудотнесэ.

Л.Марченкова,

РДНТ-нь отделэнь прявт.

 
Тиринь раськень искусствань содыця

Меельце шкастонть аламо кие корты ды сермады сетнеде, кить алтызь эрямост Мордовиянь народной театральной искусствань тонавтнемантень ды сонзэ виевгавтомантень. Эрзянь ды мокшонь раськенть Россиянь лия раськетнень марто вейсэндявомань 1000 иетнень топодемадонть икеле ули меленек евтнемс ломанденть, кона 40 иеде ламо важоди эрзя-мокшонь раськень культуранть, искусстванть, образованиянть лезэс. Те – Василий Сергеевич Брыжинский. Те ломаньсэнть вейсэндяви весемесь: драматург, фольклорист, театровед, режиссер, педагог, искусствоведениянь кандидат, доцент, культурань заслуженной роботник.

Сон анокстась 150 ламо научной важодемат, ютксост монографият ды учебной пособият. Седе ламотне алтавить эрзя-мокшонь раськень искусствантень.

Подробнее...
 
"Седяк, гармония"

Даволковсто (февральстэ) ушодови «Седяк, гармония!» народной творчествань республикань конкурсось. Сонзэ ютавтыцянзо – МР-нь Культурань министерствась, Раськень творчествань кудось ды муниципальной районтнэнь культурань управлениятне.

Те конкурсонть прявт путоманзо ламо: Россиясо ды Мордовиясо зярыя раськетнень вейсэнь эрямонь койтнень пропагандась, народной инструментальной, вокальной музыкань ды гармониясо седямонь койтне, од таланттнэнь муемась-редямось.

Конкурссонть невтьсызь маштомачист гармонисттнэ, гармонистэнь ансамблятне, гармонисттнэ, конатсынсь морсить морот, частушкат. Участниктнень иест – 5 иестэ саезь 70 иес.

Конкурсонь зональной турось карми молеме Мордовиянь районтнэсэ: февралень 5-це чистэ – Отяжвелесэ, февралень 6-це чистэ – Покш Березниксэ, февралень 13-це чистэ –Инсарсо.

Саранск ошонь округонь участниктнень концертэсь карми февралень 19-це чистэ «Луч» Культурань кудосонть.

Участниктненень мереви морамс морот Россиянь куш кодамо раськень кельсэ.

«Седяк, гармония!» республикань конкурсонть гала-концертэсь карми февралень 27-це чистэ 13:00 чассто И.Яушев лемсэ государственной музыкальной театрасонть. Тердтяно весень самс ваномо!

Л.Марченкова,

МР-нь Раськень

творчествань

кудонь отделэнь прявт.

 
<< Первая < Предыдущая 91 92 93 94 95 96 97 98 99 100 Следующая > Последняя >>

Страница 100 из 105

Новости

В «Единой России» предлагают сделать 22 октября Днем российского футбола

Фракция «Единой России» в Государственной Думе предлагает установить в России новую памятную дату и сделать 22 октября Днем российского футбола. Как заявил сегодня на пленарном заседании член комитета Госдумы по контролю и регламенту Дмитрий Белик, соответствующий законопроект внесен в нижнюю палату парламента.

Подробнее ...
 
Законопроект о расширении категорий пенсионеров, получающих компенсацию оплаты взносов на капремонт, будет принят в третьем чтении 19 июля
Сегодня, 10 июля, Госдума приняла во втором чтении законопроект, подготовленный депутатами партии «Единая Россия», которым предлагается с 1 января 2019 года расширить перечень собственников жилых помещений, достигших возраста 70 или 80 лет, которым субъекты РФ вправе предоставлять компенсации расходов на уплату взноса на капитальный ремонт.
Подробнее ...
 
«Единая Россия» добилась гарантий компенсаций учителям за проведение государственной итоговой аттестации
Президент России Владимир Путин на днях подписал федеральный закон №
188-ФЗ «О внесении изменения в статью 47 Федерального закона «Об
образовании в Российской Федерации» в части выплаты компенсации
педагогическим работникам за работу по подготовке и проведению
государственной итоговой аттестации (ГИА) по образовательным
программам основного общего и среднего общего образования любых форм.
Закон вступит в силу с 1 января 2019 года.
Подробнее ...
 
Пакистанонь эрицясь ёвтась сюкпря полициянь важодицятненень ёмавтозь документтнэнь велявтомаст кисэ

Саранск ошонь полициянь важодицятне лездасть Пакистанонь эрицянтень, конась ёмавтызе документт ды банконь карта марто кескавненть. Цёра-ломанень портмоненть, конась ульнесь омбо масторонь эрицянть, муизь Отяжбуе ёнксонь школасо тонавтницятне Мордовиянь прявтошонь куншка куростонть. Муевкстэнть эйкакштне сеске пачтясть полициянь важодицятненень.

Подробнее ...
 
Турчак заявил о запуске конкурса социальных проектов первичных отделений «Единой России»
В ближайшее время стартует конкурс социальных проектов первичных
отделений «Единой России», лучшие проекты смогут претендовать на
грантовую поддержку Партии. Об этом сообщил секретарь Генсовета Партии
Андрей Турчак, выступая на пленарном заседании форума первичных
отделений «Единой России» в Северо-Кавказском федеральном округе.
Подробнее ...