Рубрикатор

Культура
"ВКОНТАКТЕ" сайтэсь ютавтозь эрзякс!

Россиясо ды СНГ-нь мастортнэсэ содавикс сайтэсь «Вконтакте» Од иеде икеле кармась важодеме эрзянь кельсэяк. Зярыя иеде икеле те сайтэсь ютавтозель татаронь, чувашонь, удмуртонь ды ламо лия кельтнес. Ломантне паро мельсэ полавтыть сайтэнь рузонь келенть эсест тиринь кельс.

Окойники, ней сайтэсь лиссь эрзянь кельсэяк. Кинь ульнесь те арсемась? Кода топавтовсь? Неть кевкстематнень коряс минь сюлмавинек «Охотник и рыболов» телеканалонь редакторонть, эрзянь церанть, васенце ютавтыцянть Андрей Петровонь марто.

Андрей, евтнек тенек, кода чачсь те мелесь – ютавтомс «Вконтакте» сайтэнть эрзянь кельс?

Те арсемась аволь вейке чинь. Се шкастонть мон ютавтылинь ды пештилинь Википедиянть эрзякс. Маринь, «Вконтакте» ресурсонть ютавтыть эрьва кодамо кельс. Мейле Санкт-Петербургсо панжозель «Келень фестиваль». Тосо мон теевинь содавиксэкс сеть ломантнень марто, кить домкасто содасызь те ютавтома тевенть. Карминь содамо – бути ули мель ютавтомс, те тееви эрьвантень. Вейке ломань пурны перьканзо зярыя лездыцят, улезэ Интернет-сюлмавкс ды покш мель. Весе те монь ульнесь. «Вконтакте» теицятнень пельде сась тень каршо вал – ушодомс ютавтоманть эрзякс. Истя ськамон ушодыя ютавтоманть.

Кодат стакачить вастовкшность васень шкастонть?

Сехте васенце стакачись – пек ламо ютавтомс валт, омбоцесь – муемс шка весе тень ютавтомс. Те эдь аволь кавто минутань тев, аволь вейке ковоньгак... Эрьва чистэ чить эли веть, кавто-колмо часонь перть мон ютавтылинь. Ансяк истя тевесь састыне-састыне сыргавтозель.

Подробнее...
 
Совавтызь энциклопедияс

Мордовиясто Карина Поповань лемезэ сермадозь Ломоносовонь энциклопедияс. Эйзэнзэ совавтозь ероков эйкакштне.

Каринанень изнявкстнэ састь сестэ, зярдо сон тонавтнесь вокалонь классонь коряс МР-нь культурань заслуженной роботникенть Мария Громовань кедьсэ. Тейтерьканть пек мазый вайгелезэ. Сонзэ репертуарсонзо 30 ламо морот, ютксост башка тарка саить эрзя-мокшонь раськенсетне. Карина ерокчинзэ невтни правительственной концерттнэсэ, морси Россиянь ды Мордовиянь народной артистканть Александра Куликова, «Росичи» моронь театранть, «Умарина» моронь ды киштемань ансамблянть марто вейсэ. Аволь весть лиснесь изницякс республикань, ошонь, райононь, региононь, весероссиянь ды раськеютконь фестивальтнесэ ды конкурстнэсэ. Каринань казнетнень ютксо – «Бегущая по волнам» раськеютконь фестивалень-конкурсонь Гран-прись, Россиянь од ломанень VI Дельфийской налксематнесэ «Народное пение» номинациясонть сырнень медалесь, «Молодые дарования России» Общероссийской пелькстамонь лауреатонь дипломось, «Адрес детства – Россия» эйкакшонь художественной творчествань весероссиянь X фестивалень итогтнень коряс Президентэнь грантось. Ниле иень перть Карина «Шумбрат, Мордовия!» раськень творчествань фестивалень лауреат.

Тешкстама, Ломоносовонь энциклопедиясь – ине М.В.Ломоносовонь чачома чистэнзэ саезь 300 иетнень топодемантень алтазь покш проекттнэстэ вейкесь. Васенце томось алтазь сонстензэ М.В.Ломоносовнень. Омбоцесь – тонавтыцятненень, врачтненень, образованиясо важодицятненень ды тетятненень-аватненень, конатнень кувалма Россиясо касыть икелепелень ученойтне. Колмоце томось алтазь сы шкань 300 Ломоносовтненень: тонавтницятненень ды студенттнэнень, конатнень ютксо раськеютконь олимпиадатнесэ ды интеллектуальной пелькстамотнесэ изницятне, культурасо ды искусствасо престижной премиятнень лауреаттнэ, раськеютконь классонь спортонь мастертнэ, социально-эрявикс проектэнь арсицятне ды участниктне.

 
Ёвтнить финно-угрань кенярксчитнеде

Саранскойсэ паро коекс теевсь эрьва кенярксчинтень анокстамс стендэнь галереят, конат ладсевить ошонь Советской площадьс. Эйсэст евтневи эрьва мезде: республикань содавикс ломантнеде, Ине Отечественной войнань Геройтнеде, трудонь ветерантнэде, содавикс спортсментнэде. Ней, Од иенть каршо, стендтнэ таго полавтызь чачост. Эйсэст евтневи финнэнь-угрань раськетнень кенярксчитнеде. Ошонь эрицятненень сон пек тукшны мельс. Эрьва стендсэнть евтневи кодамояк башка раськень кенярксчиде.

Экспозициянть ушоды эрзятнень Мастянь тешкстамось. Сынст туртов тельня те меельце кенярксчи. Икеле – тундонь видемат, секскак Мастянть тешкстасть парсте. Тень туртов эрьва велесэ теильть нурсемат, конась молиль чипаенть енов. Зярыя ломанть эйсэнзэ чаравтыльть, лиятне нурсильть.

Стендэнь ваныцятне кармить содамо, кода тешкстыть Роштуванть карелтнэ. Тень коряс сынст ламо коест. Карелтнэ сюлмсить стулонь пильгтнень вейс, штобу кизна кудоютконь ракшатне а оргодевельть. Тапарильть суреть калгодо тапарксос, штобу кизна чачоволь капстась, пансильть пачалксеть ды васенценть максылизь тейтерьканень, штобу алашатне вашиявольть, скалтнэ вазыявольть. Од ломантне салылизь васенце пачалксенть ды мейле орожиильть, бажасть содамс, мезе учи эйсэст.

Роштувадо мейле покш кенярксчись финнтнэнь туртов – «День святого Стефана». Те чистэнть сынь васенцеде кильдильть вашот ды ушодыльть тонавтомост. Ютавтневильть алашасо пелькстамот. Те чистэнть цератнестэ ламот ласте совильть кудос ды аштильть семс, зярс алашась сэвсынзе путозь лавтнень эли пинементь. Ламо таркатнесэ те чинтень панильть свежа кши, конань сэвилизь пелькстамотнень ушодовомсто. Кой-кона таркатнесэ истямо кшиденть ярсыльть ансяк цератне пелькстамодо икеле.

Подробнее...
 
Бузакованень - 80 иеть

Эрзянь содавикс ученоесь, филологической наукань докторось, профессорось Бузакова Раиса Николаевна чачсь 1931 иень декабрянь 13-це чистэ Отяжбуень Ламбаське велесэ сокицянь-видицянь семиясо.

Раиса Николаевна ледстни: «Эрьва иестэ тунда тетям пурныль церат ды кизэ лангс туильть Ленинградонь областень Назияв, косо важодильть кизэнь перть, анокстыльть торф ды уголия. Сексня велявтыльть кудов. Лия иетнестэ тетям минекак сайнилимизь мартонзо ды авань марто кадовилинек тоско тельняяк. Сонсь жо тетям туиль Ламбаськев, маласо велетнева пурныль робочейть.

Войнань ушодовомань иестэнтькак ульнинек Ленинградсо. Весть тетям сась кудов ды мери аванень: «Эряви пурнамс кудов, саема ансяк сехте эрявиксэнть ды эйкакштнень». Авам мезеяк эзь кенере пурнамо, саимизь монь, Танянь ды вишка Лесань. Валске марто пекстызь комнатанть ды туинек кукушка поездсэ Ленинградов. Тосо тетям рамась билет, миненек Таня марто мороженойть, прякинеть ды озынек Московонь поездс. Московсто уш сыргинек Мордовияв, истя пачкодинек Ламбаськев.

Ламбаськесэ ульнесь сэтьме, вадря. Сехте пароль минек умарь пиресэ ды кудосо бабань вакссо. Тетям-авам чоподас паксясольть, нусть-пивсэсть сюро. Тельня минь Таня марто якинек школав. 1941 иень декабрянь 17-це чистэнть тетянь саизь войнав. Икеле чистэнть авам чачтызе Колянь, тетянь ильтямо эзь молеве, якинек минь Таня марто. Секе телестэнть тетянь пельде сась серма, косо сермадсь, келя, ранявсь Угра леенть трокс уемстэ. Ней сон Арзамассо госпитальсэ. Мартонзо госпитальсэ Ламбаськень цера. Кизна авам ды се церанть низэ якасть Арзамасов. Сайсть кой-кодат ярсамопельть: алт, ой, велькске ды сыргасть ялго Оброчноев. Тосто поездсэ – Арзамасов. Тов ардомсто кодат-бути алюхат саизь каванямопелесткак ды ярмакосткак. Ялатеке аватне мирдест муизь, вейкенть пильгензэ а якить, омбоценть кедензэ а кандыть, ранязельть. Састь кудов авардезь-мелявтозь, ялатеке кодамо-бути валдомгадозь ежосо: мирдест живть. Миньгак, эйкакштне, кенярдынек – тетянок живть.

Подробнее...
 
"Эрьмезь" вейсэндявксонь прявтонтень - 50

Кочкурбуень Вирь ало Тавла велесь содавикс аволь ансяк минек республикасо, сонзэ томбалеяк. Те эрзянь велесэнть чачсть зярыя содавикс ломанть. Вана уш 30 иеде ламо тосо важоди чувтосто керсемань эйкакшонь художественной школась. Чувтосто керсезь Тавлань налкшкетне ды лия теевкстнэ вастневить малав эрьва выставкасо. Истямо седейстокиця мазычи, а зяро ойме эйзэст путозь! Течи минь евтнетяно чувтосто вейке керсицядонть, кедьчелькев ломанденть – Петр Владимирович Рябовдо. Неть читнестэ сонзэ ульнесь 50 иень юбилеезэ. Тень коряс вастневинек мартонзо, паро мельсэ кортынек эрямодонзо, творчествадонзо…

Чачсь Петр Рябов Кочкурбуень Вирь ало Тавласо эрзянь покш семиясо, косо чачсть-кассть кото эйкакшт. Аванзо пельде сон сайсь пек ламо. Ульяна Тихоновна авась превей, фольклоронь содыця, моронь вечкиця. Зярдо Петр тонавтнесь 6-це классо, школазост сась чувтосто содавикс керсицясь Н.И.Мастин, кармась ветямо рисованиянь ды трудонь урокт. Сон пурнынзе перьканзо эйкакштнень, вансь, кие машты керсеме, изняви-арась чувтось. Николай Иванович теевсь тенст пек вадря тонавтыцякс. Истя Петр Рябов кармась якамо чувтосто керсицянь кружокс. Покш класстнэнь прядынзе Пакся Тавлань школасо. Истя лиссь, школань прядомадо мейле сась важодеме тиринь велев. Тосо панжовсь чувтосто керсемань эйкакшонь школась. Петя Бочкин ялганзо марто ульнесть васенце тонавтыцякс.

Седе тов Петр Владимирович служась армиясо, Белоруссиянь Могилев ошсонть. Сон паро мельсэ ледстни се шкадонть:

Подробнее...
 
<< Первая < Предыдущая 91 92 93 94 95 96 97 98 99 100 Следующая > Последняя >>

Страница 92 из 105

Новости

В Рузаевке обсудили изменения пенсионной системы

В Рузаевском районе Республики Мордовия  состоялось обсуждение совершенствования пенсионной системы.  В дискуссии приняли участие депутаты, представители пенсионного фонда и профсоюзов, партийный актив района.

Подробнее ...
 
«Единая Россия» призвала агрегаторов к ответственности при оказании услуг гражданам


С принятием поправок в закон «О защите прав потребителей» в части усиления защиты прав потребителей, приобретающих товары и услуги через Интернет, будет сделан очередной шаг на пути к более цивилизованному рынку онлайн-торговли. Этот закон защитит граждан. Об этом заявил заместитель председателя комитета Государственной Думы по экономической политике, промышленности, инновационному развитию и предпринимательству, координатор проекта партии «Единая Россия» «Локомотивы роста» Денис Кравченко, комментируя соответствующий документ, принятый Госдумой во втором чтении. 

Подробнее ...
 
«Единая Россия» продолжит работу над совершенствованием механизмов обеспечения жильем детей-сирот

Государственная Дума 17 июля приняла в третьем чтении законопроект об изменении в порядке обеспечения жильем детей-сирот и детей, оставшихся без попечения родителей, которым законные представители детей-сирот наделяются возможностью самостоятельно подавать заявления о включении детей в соответствующий список. 
Следующим этапом станет подготовка и утверждение Правительством единого для всех регионов порядка учета детей-сирот, подлежащих обеспечению жилыми помещениями.

Подробнее ...
 
Елена Анюшина сайсь кавто «сырнеть»

Июлень 11-15-це читнестэ Московсо «Крылатское» каналсонть ютавтовсь байдаркасо ды каноэсэ греблянь коряс Россиянь чемпионат.
Елена Анюшина чачсь Орданьбуе ёнксонь Жабина велесэ, сайсь кавто сырнень медальть. Спортсменкась невтсь сехте вадря результатт 500 ды 200 метрань дистанциятнесэ.

 
В «Единой России» предлагают сделать 22 октября Днем российского футбола

Фракция «Единой России» в Государственной Думе предлагает установить в России новую памятную дату и сделать 22 октября Днем российского футбола. Как заявил сегодня на пленарном заседании член комитета Госдумы по контролю и регламенту Дмитрий Белик, соответствующий законопроект внесен в нижнюю палату парламента.

Подробнее ...