Рубрикатор

Культура
Кенярксчи

Ульяновской областьсэ маень 31-це чистэ ютавтови «Шумбрат» эрзя-мокшонь национальной кенярксчи, конасонть ёрокчист невтьсызь Ульяновскоень ды Самарань областтнень, Мордовиянь ды Татарстанонь муниципальной образованиятнень 20 ламо творческой коллективтне.

Кенярксчисэнть кармить важодеме интерактивной площадкат – «Сиянь рисьминеть», «Седяк, гармония, морак нурька морот!». «Тюштянь налксематнесэ» мероприятиянтень пурнавозтне пелькстыть палкань усксемасо, чочконь кепсемасо, чувтонь шаронь эли гирянь ёртнемасо, кескавсо тюремасо ды спортонь лия состязаниясо.

Теде башка, «Шумбрат» кенярксчинь инжетнень туртов невтеви книгань, артовксонь, декоративно-прикладной творчествань тейневксэнь выставка. Ютавтовить эрзя-мокшонь авань оршамопелень ды эйкакшонь пряс путомкань стамонь коряс мастер-класст.

 

 
Кода вастыть Троицянть

 

Те чистэнть православиянь храмтне ды кудотне мазылгавтовить килеень тарадсо.

Краснослободской райононь эрицятне Иневанькс Троицянь чинть вастыть региононь васенце лицятнень марто. Тиринь ёнксост содавтнить Мордовия Республикань Прявтось Владимир Волков, МР-нь Правительствань Председателесь Владимир Сушков ды Саранскоень мэрэсь Пётр Тултаев.

Тесэ, Мокша леенть чиресэ, Троицянть праздновамось теевсь коекс. Тедеде раськень элякалематне ютыть кевейкеецеде. Паксясо сехте вадрясто важодицятненень, тонавтыцятненень ды трудонь ветерантнэнень максовить Республикань Прявтонь, Правительствань Председателень ды райононь администрациянь Благодарностть. Сцена лангсто гайгезевить вечкевикс моротне ды киштематне. Тесэ ёрокчист невтьсызь тескень ды эрзя-мокшонь филармониянь артисттнэ.

Подробнее...
 
Од Программась виевгавтсы раськень ояксчинть

Мордовия Республикань Правительствась кемекстызе «Гармонизация межнациональных и межконфессиональных отношений в Республике Мордовия» Программанть, конань анокстызе МР-нь Национальной политикань коряс министерствась. Весе проектэнть аравтлувозо – республикасо эриця эрьва кодамо раськень ломантнень ютксо ялгаксчинь кастомась. Неень шкане Мордовиясо межнациональной ды межконфессиональной тевтнесэ покш стакачить арасть. Ды тень эряви ванстомс седе товгак. Од Программась арсезь 2014-2020-це иетнес. Мезе ули Программасонть, ды кодат покш тевть ютавтовить тень коряс, минь кортнинек МР-нь Национальной политикань коряс министрань васенце полавтыцянть А.И.Карьгин марто.

Подробнее...
 
Культурань автопоездэсь - Мордовиясо

Мезе те истямось? 2014 иесь – Культурань ие, секскак МР-нь Культурань ды туризмань министерствась арсесь ламо кенярксчить, проектт, вастовомат. Республикань весе районтнэва кармить ютамо писательтнень марто творческой вастовомат, «кругловой стольть», музеень ды библиотекань важодицятнень семинарт, морамонь коллективтнень концертт, театратнеяк невтьсызь путовксост. «Культурань автопоезд» программасонть истя жо С.Эрьзя лемсэ изобразительной искусствань музеень 3-D форматонь выставка.

Саемга, Эрзянь ды мокшонь национальной драмтеатрась карми невтеме районтнэва вете спектаклят. Чаунзасо уш невтизь В.Распутинэнь «Живи и помни» спектаклянть, маень 31-це чистэ кармить Отяжбуесэ – К.Петровань «Ташто койсэ», июнень 20-це чистэ Атюрьевасо невтьсызь В.Мишанинань «Толмар» путовксонть, июнень 26-це чистэ – Ицялбуесэ «Живи и помни» спектаклянть, июнень 27-це чистэ – Ташто Шайговасо «Толмаронть».

Рузонь драмтеатрась – «Ночь ошибок» комедиянть. Някань театраськак эзь кадово ве ено. Сынь невтьсызь Е.Шварцонь «Два клёна», Л.Жадановонь «Жадный шах» путовкстнэнь.

Районтнэва сыргить государственной филармониянь морыцятнеяк. Истя жо «Росичи», «Торама», «Умарина» морамонь ды киштемань ансамблятне, государственной камерной хорось, «Биг-Бенд Саранск» джазонь оркестрась, Саранскоень музыкальной училищань духовой оркестрась. Панжовить декоративно-прикладной творчествань выставкат-ярмункат. Велень ды райононь эрицятненень – те алкуксонь кенярксчи. Ансяк бу савольть ваныцят, илязт уле чаво таркат, илязо стяко ёма шкаст артисттнэнь-инжетнень. Косто ломантне несызь неть спектаклятнень, кунсолосызь морыцятнень? «Культурань автопоездэсь» малавгавтсынзе ломантнень.

Т.Маторкина

 
ЭРЗЯ-МОКШОНЬ ВИКШНЕВКССЭНТЬ УЛИ КОДАМО-БУТИ АЕВТАМО ДЫ МЕЛЕНЬ КЕПЕДЕМА

Лиятнень эйстэ эрзя-мокшонь викшневксэнть яви художественностесь, орнаментэнть стакачись. Сонзэ эйсэ ули кодамо-бути аевтамо ды мелень кепедема. Неень шкане кедьчелькев викшницятне кенярдовтыть ды дивавтыть эрьва-кодамо тюсонь викшневкссэ. Течинь номерсэнть ловныцятненень минь евтнетяно декоративно-прикладной искусствань художникенть Галина Алексеевна Полянскаянь творчествадонзо. Кодамо тарка сонзэ эрямосонть саи эрзянь ды мокшонь викшневксэсь.

Галина Алексеевна, творчествантень вечкемась Тынк эйкакш порасто?

– Вишкинестэ ульнинь пек эряза эйкакшокс. Покш мель явинь спортонтень, тонавтнинь омбо масторонь кельть. Зярдо Саранскойсэ панжовсь художественной школась, кочкия прикладной отделениянть. Школанть панжицясь Петр Рябов эсь тонавтницятненень ламо евтнесь эрзянь ды мокшонь раськетнень шкинемадост, койдест-кирдадост. Велетнестэ ускокшнось човалясто теезь мазылгавтомат, кодазь варьгат, носкат, викшнезь нардамот. Ледстнян, кода Пётр Фёдорович Теньгушевасто усксь понань суреть, ды минь карминек тонавтнеме «теньгушевань семицветкань» кодамо. Лиякс меремс, сисем тюсонь сурестэ эрьва-мезень кодамо. Ансяк сехте пек мелезэнь свал тукшныльть викшневкстнэ. Зярдо неинь эрзя-мокшонь викшневкстнэнь, весе икелень тевень сеске стувтовсть. Викшнинь чить ды веть.

Подробнее...
 
<< Первая < Предыдущая 81 82 83 84 85 86 87 88 89 90 Следующая > Последняя >>

Страница 86 из 103

Новости

20 лучших водных ревизоров Мордовии продолжат свою работу в Артеке
Сегодня в Саранске прошло заседание регионального штаба Всероссийской
экологической акции «Вода и здоровье». Там были названы имена 20 лучших
водных ревизоров республики, которые станут участниками федерального этапа
акции «Вода и здоровье»
Подробнее ...
 
Директор спортивной школы попросил депутата ГД Александра Воробьева помочь мордовской биатлонистке
 9 июня депутат Госдумы РФ, член Комитета Госдумы по
аграрным вопросам Александр Воробьев встретился с жителями
Мордовии на личном приеме. Люди обращались по разным вопросам
– в сфере ЖКХ, обеспечения лекарствами, помощи в получении жилья
и другим.
Подробнее ...
 
Молодогвардейцы - победители «Школы парламентаризма«посетили высшие законодательные органы страны
Первым пунктом экскурсии для ребят из Мордовии стал Совет Федерации Федерального
Собрания Российской Федерации, внутренний интерьер и дизайн которого поразил их своей
красотой и величием. Экскурсовод познакомила ребят с особенностями здания, провела по
главным местам Совета Федерации. Ребятам также удалось побывать в большом зале
заседаний, увидеть своими глазами рабочие места сенаторов и кресло председателя
Валентины Матвиенко. Также молодогвардейцы узнали, как проходит подготовка к
заседанию и собственно
сама
работа
заседаний.
Подробнее ...
 
Путин казизе Мордовиясто семиянть «Родительская слава» орденсэ

Июнень 1-це чистэ, Эйкакшонь ванстомань раськеютконь чистэ, РФ-нь Президентэсь Владимир Путин казинзе ламо эйкакшонь триця семиятнень «Родительская слава» орденсэ. Покш казнесэ тешкстазель Мордовиянь Зубова-Полянань райононь Ширингуши велень Урсовтнень кудораськесь. Покш промксонтень истя жо тердевсть РФ-нь ёнкстнэнь прявттнэ, косто састь семиятне, сынст ютксоль МР-нь Прявтось Владимир Волковгак.

Подробнее ...
 
Эрзянь моротне гайгсть омбо масторсо

Швейцариянь Тоггенбургс пурнавкшность Европасто ды масторлангонь эрьва кодамо масторсто исполнительть. Тосо ютась «Природный голос» раськеютконь вокальной фестиваль. Россиянь вейкине представителекс тосо ульнесь Мордовиянь «Мерема» фольклорной группась, конась эсь морамосонзо токакшнынзе седеест ваныцятнень Финляндиясо ютавтозь теке фестивальсэнть. Ды швейцарецтнэ тердизь Екатерина Модинань прявтсо «Мерема» группанть эстест. Эдь сынст творчестваст пек лади музыкальной форумонь форматонтень. Фестиваленть лиятнень ёнов амолемачись сеньсэ, весе вокалисттнэ – хортнэяк, солисттнэяк, невтить национальной фольклор седямопелень тевс апак нолда.

Подробнее ...