Рубрикатор

Культура
Земляктнень эрямодост ды творчествадост

Аволь умок содавикс писателенть Тимофей Тиминэнь лиссь «Орлиный полет» од книгазо. Тимин сермады эрзя-мокшонь содавикс ломантнеде: политиктнеде, военачальниктнеде, художниктнеде ды лиятнеде. «Орлиный полет» книгась алтави минек писательтненень. Евтни сынст эрямодоcт ды творчествадоcт.

Книгантень совасть сисем повестть. Сехте покшонть лемезэ – «Артур Моро». Сон зани малав пелензэ книганть.

Артур Моро – поэтэсь, заслуженной писателесь, кадсь мельганзо молиця поколениятненень 19 поэтической книгат. Моро ульнесь аволь ансяк поэт, педагог, ученой, общественной деятель, истя жо Ине Отечественной войнань ветеран, пачкодсь эсензэ дивизиянзо марто Будапештс ды Бухарестс. Артур Моро ашти сеть ломантнень ютксо, конат ушодызь национальной культуранть ды эрзя-мокшонь кельтнень вельмевтемаст. Чачсь поэтэсь Самара енкссо. Кассь уроз эйкакшонь кудосо. Бугуруслан ошсто, ловт, ялго пачкодсь Московов. Тонавтнесь ФЗО-со, рабфаксо ВГИК-сэ, пединститутсо, Общественной наукань академиясо. Теде весемеде евтневи писателенть од книгасонзо.

Тиминэнь книгасо эште вейке, «Армия учителя», повестенть героекс ашти педагогось Александр Куманев.

Подробнее...
 
"Покш равось" - саранскойсэ

Маень 13-це чистэ Саранскойсэ панжовсь «Большая Волга – искусство республик Поволжья» весероссиянь художественной выставкась. Сонзэ пурныцятне-теицятне – РФ-нь Культурань министерствась, Россиянь Художникень союзось, МР-нь Культурань министерствась, Мордовиянь Художникень союзось ды С.Д.Эрьзя лемсэ изобразительной искусствань музеесь. Выставкась ютавтови эрзя-мокшонь раськенть Россиянь лия раськетнень марто вейсэндявомань 1000 иетнень тешкстамонть лувсо. Сонзэ прявт арсематнень ютксо – финнэнь-угрань, тюркань, славянонь ды минек масторонь лия раськетнень вейкест-вейкест чарькодемась ды ялгаксчисэ эрямось.

Васенцеде те выставкась панжозель 1964 иестэ, ансяк зярыя иень ютазь сон лоткась пурнавкшновомо. Истямо покш творческой проектэнь коесь МР-нь Прявтонть Н.И. Меркушкинэнь лезксэнзэ вельде 2004 иестэ вельмевтезель Мордовиясо ды мейле сонзэ поладызь лия республикатне ды областтне. Эряви тешкстамс, 2009 иестэ Рав чирень художниктнень искусстваст невтезель Московсо ды Белоруссиясо.

Мордовияв «Покш Равось» сась омбоцеде. Выставкань панжома чистэнть С.Д.Эрьзя лемсэ музейсэнть ютавтозель «кругловой столь», конасонть кортасть МР-нь Правительствань Председателень полавтыцясь – МР-нь Культурань министрась П.Н.Тултаев, Россиянь Художникень союзонь председателесь, Россиянь народной художникесь А.Н.Ковальчук, Россиянь Художествань академиясто сазь инжетне. П.Тултаев тешкстызе, проектэсь пек эрявикс республикань культурной потенциалонть касоманзо-кепетеманзо туртов. Выставканть вельде ламот ломантне теевить содавиксэкс Мордовиянь художникень од лемтнень марто.

Подробнее...
 
Панжсть од сайтт

Интернетсэнть неень шкане киньгак а дивавтсак. Сон совась минек эрямонтень пек кеместэ. Мордовиянь малав весе газетатнень улить сайтост. Эряви меремс, виртуальной ловныцятнеде аволь аламо. Мезе парось – косо бу илязо эря-аште ломанесь, мода-масторонь куш кодамо таркасо, бути ули интернетэзэ – сови ды весе ловносы.

Аволь умок «Чилисема» эрзянь эйкакшонь ды од ломанень журналонть панжовсь сайтозо. Те журналось содавикс аволь ансяк минек республикасо, истя жо сонзэ томбалеяк. Васоло енкстнэсэ, косо эрить эрзятне, бажить сермадстнемс тиринь журналонть. Те тевесь моли аволь шождасто. Пек питнейстэ сти сермадстомась, эрси истяяк – журналтнэ мекс-бути а пачколить ломантненень. Ловныцятне а весть пшкалесть прявт редакторонтень Н.И.Ишуткиннэнь кевкстема марто: мекс журналонть арась сайтозо?

Тевесь сыргась аволь умок. Кавто цератне – Антон Резниченко ды Влад Луконин – сынсь пшкадсть мелест-бажамост марто Н.И.Ишуткиннэнь. Ды вана – сайтось анок. Тозо путозельть ниле номерт, весе материалтнэ. Икелепелев арсеви путнемс эрьва од номерэнть ды одкстомтомс. Истя жо тосо путозь башка пелькс – ловныцятнень мельть-арсемат. Кой-кить пелькстазевсть: а еми лия журналтнэнь сермадстомась? А еми, аволь весень ули Интернетэст, улить журналонь истят вечкицят, кить а полавтсызь изданиянть лопанзо Интернет-версиянть лангс. «Чилисемань» сайтс совадо те адресэнть коряс: chilisema.ru

Подробнее...
 
Бороцямонь туртов - од зал

Исяк М.Е.Евсевьев лемсэ МГПИ-нь физической воспитаниянь факультетсэ панжозель бороцямонь зал. Те спортонь видэсь минек республикасо пек содавикс, институтонь студенттнэяк ламо иень перть якить бороцямонь секцияс. Ней жо сынст туртов панжозель башка зал.

Поздоровонь валт ёвтась М.Е.Евсевьев лемсэ МГПИ-нь ректорось В.В.Кадакин. Истя жо те вастовомантень сакшность греко-римской бороцямонь коряс олимпийской чемпионось Алексей Мишин, греко-римской бороцямонь коряс тренерэсь А.П.Тараканов, каркссо бороцямонь коряс мирэнь чемпионатонь призерось Денис Муртазин.

– Пек кенярдан, мекс таго понгинь эсень институтов, конанть прядыя зярыя иеде икеле. Мон меревлинь, Россиянь эрьва кодамо пелькстамосо призертнэ ды изницятне – МГПИ-нь тонавтницят, прядыцят. Нама, зярдо мон тонавтнинь истят условият тесэ арасельть. Ней жо тыненк мереви куш кодамо шкасто самс тей бороцямо, – кортась Алексей Мишин.

Те вастовомасонть Алексей ды ялаксозо Денис невтсть бороцямонь коряс мастер-класст. Бороцямонь эрьва кодат приёмт невтсть Рузаевкань бороцямонь школань тонавтницятне, МГПИ-нь студенттнэ.

Т.Маторкина

 
"Умаринась" пурнынзе эрзятнень ды мокшотнень

Иеде икеле Ижевск ошсо панжозель «Общество мордовского народа Удмуртской Республики «Умарина». Удмуртиянь Ояксчинь кудосонть улить эрьва кодамо раськень национально-культурной 30 вейсэндявкст. Умок арсевсь панжомс эрзятнень ды мокшотнень башка куро. Ды, окойники, тевесь топавтозель. 2002 иень сермадстоманть коряс ловозель: Удмуртиясо эрить тежадо ламо эрзят ды мокшот. Сынь чачозь аволь ансяк Мордовиясо, ламот сеть таркатнестэ, косо эрить минек раськетне: Самара, Оренбург, Татарстан …

«Умарина» вейсэндявксонь прявтокс кармась эрзянь церась Сергей Петрович Селякин. Чачомань коряс сон Мордовиянь Покш Березник енксонь Гузынцы велестэ. Школань прядомадо мейле тонавтнесь Темниковань медучилищасо. Мейле кавто иеть служась армиясо. Седе тов, Минздравонь кучоманть коряс С.П.Селякин тонавтнесь Ижевскоень мединститутонь стоматологиянь факультетсэ. Прядсь аспирантура ды кадовсь важодеме тоско. Ней Сергей Петрович – анатомиянь кафедрань профессор, медицинань наукань доктор. Диссертациянзо идизе Саранскойсэ, Н.П.Огарев лемсэ МГУ-со. Сергей Петрович тонавты студентт, сы шкань врачт.

Подробнее...
 
<< Первая < Предыдущая 81 82 83 84 85 86 87 88 89 90 Следующая > Последняя >>

Страница 86 из 95

Новости

Инжетне содавтовить эрзятнень эрямо коест марто

Мордовия Республикасо Эрзянь культурань ды ремеслань куншкакуронь теемань коряс дизайнерэнь арсемань объектэкс кармась Отяжелесэ пичень чочксто чапозь сокицянь-видицянь семиянь кудось. Сонзэ вакссо анок уш баняськак, кона уштови «раужосто», тунда путневить эмеж марто пандяткак.

Подробнее ...
 
Саранскойсэ панжови приют

Саранскойсэ панжови приют азортомо ракшатнень туртов. Кода пачтясть ошонь администрациясто, ней уш ули тень туртов таркаяк. Панжома шкась – те иень июнь ковс.  Приютонтень кармить кельгеме 100 каткат ды 300 кискат.

Подробнее ...
 
Удостовереният – судьятненень

Ютазь пецясто Мордовиясо Прявт федеральной инспекторось Михаил Сезганов МР-нь судьянь сообществань представительтненень явшесь удостовереният, конатнень лангс кедьчелькензэ путызе сонсь РФ-нь Президентэсь Владимир Путин. Мероприятиянтень сакшнось МР-нь Верховной судонь прявтось Сергей Штановгак.

Подробнее ...
 
Московсо гайгить эрзянь морот!

Москов ошсо поладовить концерттнэ, конатнень анокстыть МР-нь заслуженной артисткась, «Садко» рузонь музыкань ды киштемань государственной ансамблянь морыцясь Вера Прохорова ды «Эрзянь вайгель» культурно-просветительской вейсэндявксось. Эряви меремс, васенце истямо концертэсь ютась декабрянь 17-це чистэ Московонь Раськетнень кудосо. Сон алтавсь велень моротненень.

Подробнее ...
 
Мордовиянь сехте вадря сувенирт

Декабрянь 22-це чистэ яволявтозельть «Мордовия Республикань туристической сувенир» конкурсонь изницятнень лемест. Истямо пелькстамонть ютавтсть МР-нь Культурань, национальной политикань, туризмань ды архивень тевень министерствась, Туристэнь-информациянь куншкакурось. Конкурсонть вельде эрявсть муемс сувенирэнь сехте вадря продукциянть, тешкстамс производительтнень, кочкамс лия ёнов а молиця сувениртнэнь ды невтемс сынст FIFA-нь болельщикень фестивальсэ.

Подробнее ...