Рубрикатор

Культура
«Меремась» вельмевти кезэрень моротнень

Течи те морокурось содавикс республиканть, масторонть келес ды омбо масторонь ламот ёнкстнэсэ. Сонзэ юрс совить эрзянь ды мокшонь культурань ды фольклоронь вечкицятне. Эсь прявт тевекс сынь ловить раськень койтнень-кирдатнень, кезэрень моротнень вельмевтеманть ды ванстоманть. Эсь ловныцятненень минь ёвтнетяно «Мерема» этнографической фольклорной студиядонть ды сонзэ пурныцянть-арсиц янть Екатерина Модинадо.

 – «Мерема» морокурось пурназель-теезель 2010 иень таштамковсто. Сонзэ теемадо мелесь сась апак учне. Мон сестэ ульнинь Н.П.Огарёв лемсэ МГУ-нь Раськень культурань институтонь меельце курсонь тонавтницякс. Весть кода-бути вастовинь «Ладушка» ансамблянь икелень прявтонть марто, кортазевинек. Сон кевкстимим, ули-арась мелем арамс те коллективенть ветицякс? Мон кувать эзинь арсе, сынь. Саранскоень Культурань кудонь прявтокс се шкастонть ульнесь Анна Петровна Чигажёва. Вастымим пек парсте ды мерсь, «Ладушканть» юрсо пурнак эсеть морокуро, – ёвтни «Мерема» этнографической фольклорной студиянь прявтось Екатерина Модина. – Мон чачинь Пенза ёнксонь Сосновоборской райононь Вачелай эрзянь велесэ. Секскак покш мелем ульнесь пурнамс эрзянь-мокшонь морокуро. Вешнинь ёроков од ломанть университетэнь Раськень культурань институтонь студенттнэнь ютксто ды 2010 иень таштамковонь 1-це чинтень пурнавсь од коллектив.

Зярыя шкань ютазь, 2014 иестэ, ансамблясь лемдявсь этнографической фольклорной студиякс. 2017 иестэ «Меремантень» максозель народной лемесь. Составось аволь весть полавтневсь, сеедьстэ сыльть од морыцят,  а полавтовиксэкс свал ульнесь вейкесь – раськень койтнень вельмевтемась ды ванстомась. Неень шкане «Меремасонть» морсить кото морыцят. Весе сынь морамонть ловить эрямонь прявт тевекс. Коллективень прявтось – Екатерина Модина, прядсь А.А.Архангельский лемсэ Пензань музыкальной училища, Н.П.Огарёв лемсэ университетэнь Раськень культурань институтонь дирижёрско-хоровой отделения. Теде башка, сон Н.П.Огарёв лемсэ МГУ-нь Раськень культурань институтонь раськень музыкань кафедрань тонавтыця. Истя жо коллективсэнть Анна Шулугина (сонзэ ловить морокуронь оймекс), Сергей Фудин, Анна Фёдорова, Анастасия Старцева ды Наталья Дворянцева. Малав весе сынь Н.П.Огарёв лемсэ университетэнь Раськень культурань институтонь икелень ды неень студентт.

Кода ёвтни Екатерина, ансамблянть пурнамодо мейле ламо арсемат ульнесть лементь коряскак. Раськень ёнкс марто морокуронтень лемеськак эрявсь истямо.

Ды сон сась апак учо. «Мерема» – сон рузонь келенть мартояк сюлмави ды, васняяк, сон эрзянь. Мерема – ёвтамо. Прязон валось сась, карминь ваномо Интернетсэ сонзэ смустензэ. Ды понгсть сёрмадовкст, эстонтнэнь Меремась – те иневедь чирень Пазаванть лемезэ. Теке марто, истя мерильть Мария Пазонь авантень. Лемесь муевсь ды мельскак весенень тусь, – корты Екатерина Модина.

«Меремась» курок стясь пильге лангс, шождасто муинзе эсь кунсолыцятнень, раськень творчествань вечкицятнень. Тевесь, васняяк, тесэ сеньсэ – коллективесь морась ды нейгак моры эрзянь ды мокшонь кезэрень моротнень, конатнестэ ламот уш стувтовсть, лиятнень жо содасть ды морсесть ансяк сыре ломантне. Репертуарось пек покш ды свал сюпалгавтови од моросо.

Морокуронтень совицятне а аштить ве таркасо, свал тевсэть. Ардтнить эрзянь, мокшонь, шокшонь велетнева, кортнить сыре ломантнень марто ды сёрмадыть раськень кезэрень моротнень. Истят экспедициятнень покш тевекс кармась эрзянь кельсэ кезэрень моротнень марто дискень нолдамось. Те дискесь лиссь уш зярыя иеде икеле, сонзэ юрс совасть сеть моротне, конатнень кезэрень эрзятне морсесть свадьбатнесэ. Кода тешксты «Меремань» прявтось, те дискесь пек паро информационной ёнксонть коряс. Тесэ максови ламо эрявикс информация. Течинь чине морокуронть уш анок материалозо мокшонь кельсэ. Моротне пурназь, студиясо дискесь сёрмадозь, кадовсь ансяк нолдамс сонзэ. Ансяк кода содатано, тень туртов эрявить ярмакт ды аволь аламо. Студиянть сынь зярс арасть.

Минек, эрзятнень ды мокшотнень, пек мазый, сюпав ды лия ёнов а молиця культуранок. Ды бути сонзэ ланга седе ламо ёвтнемс, содыцятнеде ды вечкицятнеде кармить пек ламо, – тешксты Екатерина.

Тень туртов арсезель «Предания старины» фестивалесь, конань Екатерина Модина ютавты уш аволь вейке ие. Васень шкастонть фестивалень участникекс ульнесть ансяк эсенек республикань фольклорной коллективтне. Ютазь иестэ жо пелькстамосонть эсь раськень творчестваст невтизь Тувасто, Чувашиясто, Удмуртиясто, Архангельской областьстэ коллективтне.

«Меремась» свал тевсэ, свал вешнемасо. Овсе аволь умок морокурось эсь творчестванзо невтизе «Песни России» Весероссиянь XII-це фестивальсэнть-марафонсонть, конань ютавты «Русская песня» народной моронь театрась ды сонзэ ветицясь Надежда Бабкина. Фестивалесь Башкортостансоль.

«Мерема» этнографической фольклорной студиясь ламоксть изнякшнось регионъютконь ды раськеютконь пелькстамотнесэ, конат ютавтневсть Саранскойсэ, Пензасо, Набережной Челнысэ, Самарасо, Саратовасо, Ижевскойсэ, Сочисэ ды лия оштнесэ, истя жо Эстониясо, Суомисэ ды Австриясо. Теке марто, кавто иеде икеле морокуронтень максозь Russian World Music Awards премиясь «Лучший аутентичный коллектив» номинациясонть. Эсь творчестванзо коллективесь эрьва ие невтни Эстониясо, косо сонзэ ули фан-клубозояк. Ютазь иестэ «Меремась» тешкставсь «МИР Сибири» Этнической музыкань ды ремеслань раськеютконь фестивальсэнть, кона ютавтовсь Красноярской ёнксонь Шушенское велесэ.

Те иестэ таго пурнатано невтемс эсь творчестванок «МИР Сибири» фестивальсэнть. Те фестивалентень анокстатано аволь ансяк минсь, анокстатано эсь инструменттнэньгак, – ёвтни Екатерина. – Аволь умок Сибирень вейке кедьчелькев ломань тейсь тенек эрзянь кезэрень волынка. Инструментэсь теезь Николай Бояркинэнь артовкстнэнь-тешкстнэнь коряс, ды сон пек моли кезэренсенть ёнов.

Теке марто, морыцятне эсь кедьсэ теить нюдитнень, кодыть-викшнить оршамотнень-мазылгавтомапельтнень. Ды эрьва экспедициястонть ускить эрзянь-мокшонь кодамояк кедьёнкс. Студиянь те сюпавчиденть пурназь цела музей. Тесэ седикелень оршамот, чакшт-парть, тейтерень мазылгавтомапельть, раськень някинеть ды ламо мезе лия.

Меельце шкастонть этнографической фольклорной студиясь пек кассь-раштась. Течи сонзэ юрс совить «Мерема», «Морама» ды «Жива» фольклорной ансамблятне ды «Меремчата» эйкакшонь ансамблясь. Вишкинетнень марто роботась ветяви пек покш.

Минь касттано эсь тевенек поладыцят, – пейди Екатерина. – «Меремчата» эйкакшонь ансамблясь эсь важодеманзо ушодызе 2017 иестэ. Ды васенце чистэ саезь минь тенст ёвтнетяно эрзянь-мокшонь культурадонть, койтнеде-кирдатнеде. Ды, эряви меремс, эйкакштненень неть ёвтнематне пек вечкевить. Эдь кортамотне ютыть минек музейсэнть-студиясонть, косо неть раськетнень культуранть можна неемс эсь сельмсэть.

Юлия Еремина

 
Анатолий Кондратьевень эрямозо сезевсь мазый шкасто

Киржеманось эли Трокскужось, истя лемдить те веленть Отяжелень райононь эрицятне – эрзянь веле, кона сови Отяжелень райононтень, ашти Нуя леенть чиресэ. «Список населенных мест Симбирской губернии» (1863 ие) документсэнть тешкстави: «Киржеманы  – село удельное, состоящее из 151 двора».

«Генеральная перепись мордвы Алатырского уезда» книгасонть сёрмадови: «В 1671 году деревня Киржеманы состояла из 20 дворов».

Лемезэ – антропоним. Киржеманы – аволь христианонь, алкуксонь эрзянь лем. Киржеман минек раськень цёрась ульнеськак неть таркатнес васенце кудонь стявтыцякс. (Саезь «Топонимический словарь Мордовской АССР» валксстонть, кона лиссь 1987 иестэ Саранск ошсо, Мордовской книжной издательствасо).

Подробнее...
 
Троицясто – «Одирьвань ютамо»

Орданьбуень Орозбие велесэ эрьва иень Троицясто – покш кенярксчи. Тесэ тешкстыть велень чачома чинть. Велень администрациясь аноксты тенень зярыя ковт. Орозбиесэ чачозь ломантне эрить эрьва кува. Троицясто весе бажить самс тиринь велев. Субутасто молить лемень кундамо тетяст-аваст, покштяст-бабаст калмолангов. Недлячистэ веленть куншкасо Культурань кудонть ды парконть вакссо ушодови кенярксчись.




Орозбиесэ ванстызь кезэрень коест. Те – «Одирьвань ютамо». Весе, кить лиссть мирденень меельце иестэнть, ютыть велеванть наряжазь. Нама, седикеле ульнесть пек ламо ютыцят. Ней аламо, ялатеке велесэнть бажить а ёмавтомс те коенть. Невтить эйкакштненень, инжетненень, кода ульнесь икеле. Мезе жо ванстовсь те шкас? Одирьватне оршить истя, кода Орозбиесэ: мазый тюссо цитниця панарт-юбкат. Пряс свал путыть цецянь каштазт. Ды сыргить моро марто веленть куншкава. Мельгаст молить эйкакшт, малавиксэст. Велева ютамсто эрицятне одирьватненень явшить ярсамопельть: сюкорот, прякат, умарть, алт, конфеткат, шоколадкат. Неть казнетне путовить паця потс ды эйсэст кандыть эйкакшт. Мейле вейсэ пурнавить веле куншкасо Манай эрькенть чирес. Коень коряс, каштазтнэнь эрявить ёртомс ведьс. Бути каштазось ашти ведь лангсо эли туи уезь – те парос. Тедеде ютасть кото одирьват, сындест ульнесть седе ламо, ансяк аволь весе савсть. Орозбиень цёратне муизь вечкевиксэст эсест ды шабра велестэ, истя жо республикань томбальдеяк. Одирьватне паро мельсэ кирдизь велень коенть.

Анокстазельть ламо выставкат. Сельмс каявсть тантей ярсамопелень каванявкстнэ. Орозбиень паро азораватне анокстасть покш прякат, оев сюкорот, пачалксеть, пидесть кулага, тейсть поза. Эрьва инженть каванясть пуштазь алдо, рестазь калдо, кашадо, чапамо ловсодо ды лия ярсамопельде. Ярсамопелень выставка пурнасть Кеченьбуе ды Ташто Орданьбуе шабра велетнеяк.

Иесэнть ули ансяк вейке истямо чи, зярдо ломантне свал сыть тиринь ёнксов. Те – Троицянень. Покшчисэнть вастовить малавиксэст, ве классо тонавтницятнень марто, кинь эзизь некшне ламо иень перть. Зяро кецямо ломантнень чаматнесэ ды валдо мизолкст!

Минек кенярксчинтень сакшность ламо инжеть. Пурнавозтнень туртов лембе вал марто пшкадсть велень администрациянь прявтось А.И.Аржаев, Орданьбуень райононь прявтось А.Н.Антипов, Орданьбуень ды Отяжбуень епархиянь епископось Вениамин ды лият.

Теде мейле ушодовсь покш концертэсь. Сцена лангс лиснесть кода Орозбиень морыцятне, истя жо Низовка велень «Цёковне» ансамблясь ды Орданьбуестэ сазь киштицятне-морыцятне.

Татьяна Маторкина

 

 
«Кобалестэ…»

А.С.Пушкин лемсэ Национальной библиотекасо ютась «Кобалестэ…» поэтической чокшне. Тесэ морась ды ловнось стихть эрзянь цёрась Николай Карпов. Сон – морыця, музыкант, валморонь сёрмадыця. Неень шкане важоди Ромодановасо тонавтыцякс.

Мекс чокшнень темакс кочказель Кобалесь? Дубёнка ёнксонь те эрзянь велесэнть чачсть аволь аламо ёроков ломанть. Ютксост зярыя писательть ды поэтт. Неть:  МР-нь заслуженной поэтэсь, Прявтонь премиянь лауреатось Александр Арапов, прозаикесь Леонид Седойкин, РФ-нь Писателень союзонь членэсь Алина Подгорнова, одтнэнь ютксто – Марина Слугина ды Юлия Демяшкина, эштё ульнесь Евгений Агеев, кона чавовсь Ине Отечественной войнасо. Николай явсь мель А.Араповонь, Л.Седойкинэнь ды А.Подгорновань творчествантень. Сынст произведениятнень ютксто кочкинзе сетнень, конат токизь седеензэ. Токизь седеест кунсолыцятненьгак.


Подробнее...
 
Сабантуйстэ – Троицяв

Ютазь оймсема читне пешксельть эрьва кодамо вастовомасо,  покш кенярксчисэ,   конат ютасть малав весе велетнесэ.  Нурькинестэ ёвтнетяно сетнеде,  косо  савсь улемс миненекак.

 

Лямбирь

Тесэ,  кода  эрьва иестэ, аштемковонь  1-це  чистэ ютась   Сабантуй  покшчись.  Лямбирень эрицятне весе вейкень  пес  анокстасть тензэ эрьва ёндо. Пидесть-пансть тантей каванявкст. Оршнизь мазый  оршамост  ды  састь Лямбирень куншка  куров кеняркшнеме,  моронь морамо,  киштеме-налксеме.  Тесэ пиже валскестэ саезь уш ладсезельть эрьва кодат выставкат,  конатнесэ невтневсть эрьва мезень тееме маштыця ломантнень кедьсэ анокстазь теевкст:  сёвоньстэ чакшт-вакант,  самоварт,    мазыйстэ артозь налкшкеть ды лият-мезть.



Теде  башка инжетнень учость морамо кужонть перька аравтнезь эрьва кодат кудотне,  косо  каванямотнеде   башка   гайгсть эрьва кодамо кельсэ морот.   Татаронь  «Туганавылым»  кудонть вакссо  «Хуторок»   украинецэнь,   маласонзо  «Деревенька»   рузонь кудынесь. Эйстэст  а васоло аштесь  «Велень  кудо»   эрзянсеськак.  Сонзэ пурнызь-анокстызь Александровка  поселкань Культурань кудосо важодицятне  Л.А.Милаевань прявтсо.  Чувтонь келей эземтне,  киякска ацавкстнэ,  стенава понгавтнезь кумботне –   тесэ весемесь ледстнесь сень,   кода  эрясть  велень  ломантне седикеле. Сехте неявома таркасоль пивтеньпаресь,   конань эйсэ икеле пивтнесть   скалой.  Се   чистэнтькак  те тевесь ладязель алкуксонь ладсо.  Кинь  мелезэ ульнесь,   весе  вейке  омбоце мельга ойсесть оень пивтеме. Кавтошка часонь ютазь оесь аноколь.

Кудонть потс совазь,  инжетнень каванясть пачалкседе,  тантей прякадо,  эрзянь койсэ пидезь  «икрадо»,   ламбамосимемапельде.  Сынст ёжост паролгавтызь моротнеяк,  конатнень морасть  кода  Александровкань артисттнэ,  истя  Сабантуев  тердезь  «Ламзурь»  ансамблянь аватнеяк. Седеенть псилгавтсть гармониясо седямотне.

Сабантуев  сазь инжетненень поздоровонь ёвтамо сакшнось Мордовия Республикань Правительствань прявтось  В.Ф.Сушков.  Сон  тешкстызе,   кодамо путовкс теи  те покшчись весераськень ломантнень вейсэндямонь,  ютксост ояксчинть кемекстамонь тевсэнть.

     

 

Подробнее...
 
<< Первая < Предыдущая 1 2 3 4 5 6 7 8 9 10 Следующая > Последняя >>

Страница 4 из 140

Новости

К лету 2020 года в рамках акции «Единой России» по лесовосстановлению будет высажено более миллиона деревьев
В рамках акции «Единой России» по лесовосстановлению будет
высажено более одного миллиона деревьев до лета 2020 года. Первые
лесовосстановительные мероприятия начнутся уже в сентябре-октябре этого
года в регионах, климат которых наиболее благоприятен, и продолжатся
весной. Первыми участниками акции станут лесные регионы Сибири,
Дальнего Востока и Северо-Западного федерального округа: Хабаровский,
Забайкальский, Приморский, Красноярский и Алтайский края, Республики
Алтай, Бурятия и Карелия, Амурская, Иркутская, Омская, Томская,
Новосибирская, Архангельская и Новгородская области.
Подробнее ...
 
Партийцы Мордовии провели акцию «Лучший друг»
Акция организована активом сторонников регионального
отделения партии в рамках проекта сторонников партии « Центр
поддержки гражданских инициатив» совместно с
Благотворительным фондом Да Добро. Волонтеры передали в
приют для безнадзорных животных Саранска корм,
медикаменты, аксессуары для животных.
Подробнее ...
 
Александр Воробьев поздравил атяшевцев с Днем поселка
17 августа поселок Атяшево отпраздновал 125 лет со дня образования и 91-ю годовщину образования района. Праздничные мероприятия начались с выставки, на которой местные жители показали свое мастерство кулинарии, пчеловодства, овощеводства, резьбы по дереву. Гостями праздника стали депутат Госдумы РФ, член комитета ГД РФ по аграрным вопросам Александр Воробьев, депутаты Госсобрания РМ Александр Щемеров, Ринат Раимов.


Поздравляя земляков, Александр Воробьев отметил, что гордится своей малой Родиной и успехами местных жителей, и по сей день, даже достигнув высокого поста, продолжает жить на атяшевской земле. В этот день он передал денежные средства в дар поселковой школе. Ему вручили благодарственное письмо, диплом почетного гражданина за достижения перед родным районом и огромный вклад в его развитие.
В этот день награды получили жители Атяшевского района за профессиональные успехи.
Праздник закончился концертом, вечером для гостей был организован салют.
 
Партийцы провели мониторинг реконструкции здания детсада и парковой зоны в селе Большие Березники
Ремонтные работы проходят в рамках партийных проектов «Новая
школа» и «Городская среда»
В 2019 году на ремонтные работы и строительство дополнительного
корпуса к Большеберезниковскому детсткому саду «Теремок» выделено
около 53 миллионов рублей в рамках партийного и национального
проектов. Всего в районе 424 ребенка дошкольного возраста, в райцентре
Большие Березники проживает 326 детей. В электронной очереди на
получение мест в дошкольном учреждении стоят 77 ребят. В Больших
Березниках ждут открытия реконструированного детского сада с
нетерпением. Окончание работ запланировано на 31 октября. Депутат
Государственного Собрания республики Александр Акайкин,
представители районной администрации ,местного отделения партии
остались довольны качеством проведенных работ. Строящийся новый
корпус детского сада рассчитан на 60 мест. Здесь будут размещены
ясельные группы. Уже практически закончены строительно-монтажные
работы.
Подробнее ...
 
В День физкультурника в спортивных сооружениях Мордовии прошли Дни открытых дверей
День физкультурника широко отпраздновали в Саранске и районах республики. В этот день в физкультурно-оздоровительных комплексах и бассейнах, построенных в рамках реализации федерального партийного проекта «Строительство физкультурно-оздоровительных комплексов» в Республике Мордовия прошли спортивные праздники.


 
Подробнее ...