Рубрикатор

Культура
Нацтеатрань сцена лангсо – «Капитанская дочка»

Эрзянь ды мокшонь Национальной драматической театрась важоди од спектакля лангсо. Тесэ путсызь А.Пушкинэнь «Капитанская дочка» драманть коряс спектаклянть. Режиссёрось – Марий Элэнь искусствань заслуженной деятелесь, Государственной премиянь лауреатось В.А.Пектеев. Сон –содавикс режиссёр. Зярдо-бути уш путнесь спектаклят Мордовиясо. Режиссёронть сеедьстэ тердтнить Россиянь эрьва кодамо региононь театратне.

Подробнее...
 
Александр Рябовонь «Удалов варштазь» выставказо

С.Д.Эрьзя лемсэ республикань изобразительной искусствань музейсэ панжовсь «Удалов варштазь. Возвращение в прошлое» Россиянь народной мастерэнть Александр Рябовонь выставказо. Александр Владимирович – РФ-нь Артыцянь союзонь член. Мартонь 4-це чистэ сонензэ топодсть 50 иеть. Самай юбилеентень алтазель покш выставкась, мастерэнть важодематне васенцеде невтевить те музейсэнть. Тесэ малав 80 произведеният, конат теезь меельце шкастонть ды икеле.

Подробнее...
 
Юбилеень сезонсто – ламо гастрольть ды од путовкст

2018 иень январень 1-це чистэ МР-нь Някань государственной театрантень топодсть 80 иеть. Театрань те юбилейной сезонось пешксе эрьва кодамо паро тевде ды вастовомадо. Февральстэ Някань театрась ды МР-нь эйкакшонь библиотекась поладызь «Театратне – эйкакштненень» проектэнть од лувсо. Театрасо важоди библиотекань фондтнэстэ книгань экспозиция.

Подробнее...
 
Човалясто теевксэнь выставка

Мартонь 13-це чистэ Эрзянь ды мокшонь раськень культурань музейсэ панжовсь «Волшебный бисер» декоративно-прикладной творчествань республикань выставка. Сонзэ ютавтыцянзо – Республикань Раськень творчествань кудось ды С.Д.Эрьзя лемсэ изобразительной искусствань музеесь.

– Минек музейсэ теевсь паро коекс иезэнзэ весть ютавтомс декоративно-прикладной творчествань выставка. Истя, тесэ важодсть керамикань, илёвсто кодазь теевксэнь ды лия выставкат. Течи – човалясто теевксэнь. Койсэнь, вейкеяк ава а юты те мазычинть вакска, – кортась Эрзянь ды мокшонь раськень культурань музеень прявтось Н.П.Баулина.

Подробнее...
 
Кенярдовтызь классикань музыкань вечкицятнень

Те сезонстонть Мордовиянь ды Московонь госфилармониятнень вейсэнь важодемаст вельде минек республикань музыкань вечкицятне теевсть содавиксэкс классической музыкань ёроков од седицятнень-морыцятнень марто. Неть читнестэ «XXI пингень тештеть» программанть лувсо Республикань Культурань дворецэнь сценанть лангсо пек виев концерт ютавтсть  ёроков од седицятне: Михаил Почекин скрипачось ды Арсений Тарасевич-Николаев пианистэсь. Сынь налксизь фортепианонть ды скрипканть туртов Моцартонь, Яначекень, Дебюссинь, Шоссононь ды Равелень произведенияст. Эсест музыканттнэнь мелест-арсемаст коряс, концертэнь программась пек мазый ды мельстуиця.

Подробнее...
 
<< Первая < Предыдущая 1 2 3 4 5 6 7 8 9 10 Следующая > Последняя >>

Страница 3 из 101

Новости

«Маска» АРТ-кафесэнть – кулинаронь-футболонь матчт

 Мейсэ Мордовиясь карми андомо ды дивавтомо 2018 иень Футболонь коряс масторлангонь чемпионатонь инжетнень? Неть салавачитнень панжомга «Маска» АРТ-кафесь ютавты кулинаронь-футболонь матчт. Кафень инжетнень туртов тесэ пидевить-паневить чемпионатонь мастортнэнь-участницатнень раськень ярсамопельть. Сынст варчамодост мейле эряви максомс вайгель вечкевикс ярсамопеленть кисэ ды анокстамс-пурнамс 2018 иень Футболонь коряс масторлангонь чемпионатонь ваныцятнень ды эсенк туртов меню.

Подробнее ...
 
Инжетненень невтема национальной культуранть мазычинзэ

Мордовиянь Прявтось Владимир Волков неть читнестэ вастневсь «Ассоциация финно-угорских народов» общественной вейсэндявксонь председателенть, Саранск ошонь администрациянь прявтонть Пётр Тултаев, ды эрзя-мокшонь раськетнень регионъютконь общественной вейсэндявксонь исполкомонь председателенть Александр Лузгин марто.

Подробнее ...
 
Кулят Ошонь Администрациясто

Пондельникстэ, мартонь 26-це чистэ, ошонь Администрациясо ютась оперативной совещания, конань ветясь ошонь округонь прявтось Петр Тултаев. Промксось ушодовсь Кемерова ошсо чавовозтнень коряс чатьмонемань минутасто. Саранскоень мэрэсь тешкстызе: «Объекттнэнь эксплуатацияс совавтомга вешематнень эрявить полавтомс. Минек ошсояк, койсэнь, микшнемань ламо комплекстнэ кандыть зыян. Саемга, ульнинь «Киномакс-Победа» кинотеатрасо ды сеансто мейле дивазевинь, лисема таркась вейке! Бути мезеяк тееви, арседе тынсь, мезе карми! Икелень шкатнестэ тосо ульнесть совамонь-лисемань кавто таркат. Сестэ строительтне арсесть зыяндо ванстоманть коряс. Паряк эряви анокстамс законодательной инициатива, проектно-сметной документациясь ютаволь экспертиза безопасностень лувтнень коряс».

Подробнее ...
 
Шумбрачинь чи

Эйзюрковонь 3-це чистэ Саранскойсэ ютавтови ошонь Шумбрачинь чи. Ленинской ды Пролетарской райононь парктнесэ, Экопарксонть ды конькасо кирякстнема таркатнесэ (Коваленконь, Гожувской куротнесэ ды «Саранск» стадионсонть) 11.00 чассто ушодовить концерттнэ, 12.00 чассто – спортонь пелькстамотне. Ленинской районсо арсевить «Тетям, авам, мон – спортонь семия» стартось, эрьва кодат пелькстамот ды квестт.

Подробнее ...
 
Чемпионатонть шкасто транспортонть ды общественной таркатнень важодемадо

Ошонь мэрэнтень эрицятнень пельде сеедьстэ максовить кевкстемат, кода Футболонь коряс масторлангонь чемпионатонь шкастонть кармить важодеме общественной транспортось, рынкатне ды микшнемань лия таркатне.

Подробнее ...