Рубрикатор

Культура "Умаринась" гайги масторлангонть келес
"Умаринась" гайги масторлангонть келес

Мордовиянь морамонь ды киштемань «Умарина» государственной ансамблянть содасызь аволь ансяк минек республикасо, истя жо васоло томбалеяк. Зярдо артисттнэ ушодыть морамо, ваныцятне, мерят, стувтсызь весе мелявксост, чамасост неяви ансяк кеняркс. Концерт марто весть самодост мейле покш мельсэ учить седе товгак. Ламот дивсить, ансамблянь артисттнэ ве шкане киштить, морыть, невтить вокально-хореографиянь произведеният. Нама, секс сынст выступленияст теевкшныть а стувтовиксэкс.

Декабрянь 9-це чистэ «Умаринась» тешксты 70 иетнень юбилеензэ. Комсь иеть уш ансамблянть художественной руководителекс важоди В.И.Четыркин. Юбилейденть икеле минь кортнинек Василий Иванович марто коллективенть эрямодонзо.

– Василий Иванович, инескеть, евтнеде ансамблянть историядонзо, кода сон пурнавсь.

– Ансамблясь пурнавсь войнадо икелень 1939-1940 иетнестэ. Васня те ульнесь хоровой капелла. Мейле, зярдо ушодовсь войнась, теезельть бригадат, конат ардтнесть фронтов концертт марто. Неть бригадатнень юрсо седе тов пурназельгак ансамблянь хоронь группась. Шкань ютазь газетатнесэ кармасть печатавкшномо яволявтомат: эрявить киштицят. Истя чачськак морамонь ды киштемань ансамблясь. Лемезэ васня арасель. 1961-це иестэ Московсо ютась од ломанень ды студентэнь масторлангонь фестиваль, косо минек содавикс артисткась М.Н.Антонова морызе «Умарина» моронть. Зярдо ледстнян эйкакшпорам, мелезэнь свал сы те морось. Сестэ сон ульнесь алкуксонь гимнакс, эрьвась содылизе. Ансамблянтеньгак мейле кочказель те мазый лемесь – «Умарина».

– Тедеде коллективенк тешксты юбилей. Кода арсетядо, 70 иетне ансамблянть туртов ламо-аволь?

– Койсэнь, ансамблянть туртов неть иетне аволь ламо. Минь ловтано сонзэ одокс. Ансяк те шканть перть коллективенть эрямосо ульнесть ламо полавтомат. Пачколинек славань текшонтеньгак, ульнесть шкат, зярдо кармакшность стувтомонок. Эрьва мезе ульнесь. Кода 1990-це иестэ сынь важодеме прявтокс, видьстэ меремс, «Умаринанть» ансамблякс сестэ стакаль лемдямс. Мондень икеле весе художественной руководительтне ульнесть рузт. Ды, теде башка, сынь весе сакшность лия регионсто. Эрзят ды мокшот морыцятнень ютксо пек аламольть. Тешкстама, эйсэст кияк пек эзь учояк. Национальной ансамблянть туртов те ульнесь сехте покш кажокс. Ды кода тесэ а ледстямс Г.И.Сураев-Королевонь лемензэ, конась 60-80 иетнестэ пек лездась «Умаринантень». Эдь сон ульнесь аволь ансяк композиторокс, истя жо научной деятелекс, фольклористэкс, пурнась материалт раськень культурадонть. Сон сестэ «Келунтькак» пурнызе, ламо тейсь «Умаринанть» туртовгак.

– «Умаринанть» содасызь весе масторонть келес. Коллективенк свал икельцетнень ютксо. Чарькодеви, истямо вадрякс ансамблянть теизь ероков артисттнэ. Косто сайтядо сынст?

– Икеле республикасонок важодсь культпросветучилища. Сехте вадря выпускниктнень терделинек миненек. Ней жо сайтяно од ломанть музучилищасто, Национальной культурань институтсто. Истя жо касттано эсенек артистт. Шкань ютазь сынь теевить алкуксонь профессионалокс. Коллективсэнек неень шкане малав 60 ломанть. Юткстост пеледест ламотне эрзят ды мокшот. Кода уш меринь, зярдо 90-це иестэ сынь тей важодеме, ансамблясонть малав весе морыцятне ульнесть лия региононь: Челяба, Самара енксонь, натой Украинастояк. Ды васенце бажамом ульнесь – пурнамс эсенек ломанть. Эдь стака важодемс сетнень марто, конат а содасызь эрзянь ды мокшонь кельтнень. Ней, зярдо мольтяно концерт марто ковгак лия енксов, артисттнэнень свал мерян: кортнеде ансяк тиринь кельсэ. Эдь диаспорасо эрицятнень туртов марямс эрзянь эли мокшонь валтнэнь – те покш кеняркс. Тосонь ломантне аштест каштанчисэ ероков раськенек кувалма.

– Тедедень кизна «Умаринась» ардтнесь Испанияв ды Францияв. Кодат мельть-ежомарямот кадовсть неть гастрольтнеде мейле?

– Испаниясо минь ульнинек ансяк колмо чить. Франциясо седе кувать – комсьветее. Тосо ютась «Юга фестиваль». Коллективть сакшность весе масторлангстонть: Мексикасто, Канадасто, Болгариясто, Польшасто, Индиясто. Видькстан, пек пелинек молемс тов. Эдь Европасо Франциясь ловови культурань прявтошокс. Васняяк талнынек, кода вастсамизь тосо французтнэ, туить-арась мелезэст моронок. Ардомсто эсь прянок оймавтынек истя: куш минь вишка республикасто, теке марто, невтяно покш масторонок культуранзо.

Эряви меремс, коллективенек вастызь пек парсте, лембестэ. Франциясо максынек малав колоньгемень концертт. Ды вестькак арасель истямо ежомарямо, што моронок а чарькодьсызь. Мекевланк, тосо пек вечкить лирической морот ды неявсь, эрзя-мокшонь культурась тенст малавикс. Ваныцятне киштицятненень-морыцятненень цяпасть стядо. Артистэнть туртов те, нама, сехте покш казне. Россиясо а свал истя васттадызь.

Тешкстаса, Франциясо эрить Россиянь пек ламо ломанть. Ютксост улить эрзяткак, мокшоткак. Вастынек эрзянь ава. Сон лиссь тосонь церанень мирденень ды ней уш зярыя иеть эри Франциясо. Концертт марто ардтнинек эрьва кодамо районга. Ды ков илязтано моле, сон свал сакшнось ваномонок. Вейкеяк концерт эзь нолда, бажась куш зярскак улемс эсензэ раськень ломантнень вакссо.

Кенярдтано, концертэнек пек тусть весень мельс. Теде кортась «Юга фестивалень» оргкомитетэнь президентэнть Ив Оронь сермазояк, конань сон кучизе Мордовиянь Пряв тонтень Н.И.Меркушкиннэнь.

Аволь умок Франциясто сась тердема «Танцы и музыка мира» фестивалев, кона карми ютамо сы иестэ Конфолан ошсо. Сермасонть тешкстазель, те фестивалентень кочкавить масторлангонь 15 сехте вадря ансамблятне. Сынст юткс ней сови «Умаринаськак». Те, койсэнь, покштояк покш изнявкс.

– 2012 иестэ карми тешкставомо эрзянь ды мокшонь раськенть Россиянь государствань лия раськетнень марто вейсэндямонь 1000 иетнень топодемась. Кодамо репертуар анокстатадо те кенярксчинтень?

– Анокстамо уш ушодынек, материалдонть пек ламо. Репертуарс арсетяно совавтомс войнань теманть лангс морот, неень шкань произведеният. Покш тарка репертуарсонть карми явозь национальной темантень, эдь прявт арсеманок – невтемс те кенярксчисэнть раськень культуранть сюпавчинзэ. Шка эште ули, карматано важодеме.

– Тынь умок важодтядо «Умаринань» художественной руководителекс. Кодамо изнявксос пачкодиде те шканть перть?

– Изнявкстнэде ламо. Бути ваномс, кодамо ансамблясь ульнесь икелень шкатнестэ ды ней – явовкстнэ покшт. Саемс хоронть – сынь ней морытькак, киштитькак, вишка спектакляткак невтить. Ламот дивсить, кодат ероковт артистэнек. Ансамблясонть ули балет, конань техниказо эрьва иестэ касы ды кемексты. Покш мель тенек яви республикань Прявтось Н.И.Меркушкин ды МР-нь Культурань министрась П.Н.Тултаев. Сынст лезкстэмест, нама, истят изнявкстнэс аволинек пачкоде.

– Василий Иванович, кода арсетядо тешкстамс «Умаринанть» юбилеензэ?

– Анокстатано покш концерт, конантень совавтсынек сехте вадря номертнэнь. Программась ашти кавто пельксстэ. Васенцесэнть кармить Ине Отечественной войнасо Изнямонь 65 иетненень алтазь морот. Омбоце пельксэсь ашти «Умаринань» сырнень фондонь моротнестэ. Концертэсь карми ютамо декабрянь 9-це чистэ 18:30 чассто республикань Культурань кудосонть.

Л.Адмайкина

 

Новости

Эрицятнень сёрмадстомантень анокстамотне ушодовсть



Малав ие кадовсь эрицятнень Весероссиянь сёрмадстоманть самс. Аволь умок МР-ва Федеральной службань государственной статистикань территориальной органсонть ютавтовсь вастовома, конанть шкасто видео-конференциянь лувсо ветявсь кортамо Росстатонь прявтонть Павел Малков марто. Вановсть сёрмадстомань шкатне ды невтевсь официальной тешксэсь.


Подробнее ...
 
В Мордовии собрано более 700 подписей на запрет «наливаек»
 
В Республике Мордовия завершились мероприятия по сбору информации и
подписей в поддержку инициативы об ограничении работы питейных заведений,
расположенных на первых этажах многоквартирных домов и придомовых
территориях в Республике Мордовия.

Подробнее ...
 
Награждение победителей акции «Здоровое питание - активное долголетие»
 
  Уже сегодня, 17 октября,  34 ученика из Мордовии отправятся на 12-ю  смену  
Международного детского центра «Артек». Победителей акции, их наставников и кураторов 
поприветствовал  секретарь Регионального отделения «Единой России» Владимир
Чибиркин. Он  подчеркнул, что пропаганда  здорового образа жизни и оздоровление нации 
являются одними из ведущих направлений деятельности «Единой России», акция 
реализуется в рамках партийного  проекта «Здоровое будущее».  Это дает свои плоды - с
каждым годом в нашей стране увеличивается  число неравнодушных людей,  которые 
начинают сами вести здоровый образ жизни и ведут за собой других.

Подробнее ...
 
В республике успешно реализуются социально значимые проекты первичных отделений «Единой России»
 
Первичные отделения поселка  Ромоданово и поселка  Зубова Поляна   успешно
реализуют на практике  свои социально  значимые проекты, удостоенные грантовой
поддержки по итогам конкурса проектов первичных отделений, инициированного 
«Единой Россией»
  Цель проекта  «Мы рядом», реализуемого в Ромоданове - помощь пожилым людям и 
инвалидам, имеющим  заболевания опорно-двигательного  аппарата.   Прокат технических 
средств реабилитации  организован на бесплатной основе для граждан пожилого возраста, не 
имеющих группы инвалидности, но,  в силу возрастных изменений или перенесенных 
заболеваний, травм, потерявших способность свободно передвигаться. В июле этого года в 
Ромодановском  местном отделении партии прошла  презентация проекта.  Открывая
презентацию,  секретарь  Ромодановского местного отделения Партии  Наталья Хомякова  
отметила, что  основная  задача проекта   помочь людям в трудный для них период 
реабилитации.


Подробнее ...
 
Баталина: Предложение Минтруда о новых правилах выплаты пособий по уходу за ребёнком создаст проблемы родителям
 
Предложение Минтруда, согласно которому претендовать на выплату 
пособия по уходу за ребенком до полутора лет может только тот, кто 
фактически ухаживает за ребенком, избыточно и может создать лишние 
проблемы родителям. Не исключено, что Фонд социального страхования при 
назначении будет требовать документально подтвердить, что именно 
заявитель (мать или отец ребенка) фактически за ним ухаживает. Об этом 
заявила первый заместитель секретаря Генерального совета «Единой России»
Ольга Баталина.
Подробнее ...