Рубрикатор

Культура Тартусь пурнакшнынзе финнэнь-угрань од ломантнень
Тартусь пурнакшнынзе финнэнь-угрань од ломантнень

Тиринь келенть, койтнень-кирдатнень ванстомантень, сынст виевгавтомантень эрьва раськентень эряви явомс покш мель. Апак пеле кортамс талновтыця кевкстематнеде, икелест аштиця стакачитнеде. Муемс виде кить-янт неть кевкстематнень витемга. Пек вадря, бути тиринь келентень покш мель явить од ломантне. Те лезды аволь ансяк сонзэ ванстомантень, истя жо сюпалгавтомантень. Истя, тедедень майстэ Эстониянь Тарту ошсо ютавтовсь «IFUSCO-2012» финнэнь-угрань студентэнь, аспирантонь, од ломанень Раськеютконь XXVIII-це научной конференциясь. Тешкстасынек, васенцеде сон ютавтовсь 1984 иестэнть, сонзэ анокстызь Германиянь Геттинской университетэнь финнэнь-угрань раськень студенттнэ.

Истя, Тартув пуромкшность 100 ламо од ломанть, конат кандовить финнэнь-угрань раськетненень: Россиянь енкстнэстэ – Мордовиясто, Удмуртиясто, Марий Элстэ, Карелиясто, Комистэ ды лиясто, сакшность Венгриянь, Финляндиянь, Германиянь студентт ды аспирантт. Мордовиянь делегациянтень совасть Н.П.Огарев лемсэ университетэнь ды М.Е.Евсевьев лемсэ пединститутонь студенттнэ ды аспиранттнэ, МР-нь Од ломанень центрань, «Вайгель» радиостанциянь ды «Эрзянь правда» газетань важодицятне. Конференцияв молемантень пек лездась МР-нь Национальной политикань коряс министерствась. Минек делегациянть кецявтызе се, лия масторонь од ломантне вадрясто содасызь эрзянь келенть, редявикс стакачивтеме кортыть эйсэнзэ ды бажить тонавтнемс сонзэ седе товгак.

Конференциясь мольсь ниле чинь перть. Те шкастонть рединек, те енксонь эрицятне инжень вечкицят, ломанест мизолдыцят, паронь арсицят. Пертьпельксэськак, мерят, кенярдсь финнэнь-угрань раськетнень од ломантнень вастовомантень. Чись сюпавсто казсь лембензэ.

Финнэнь-угрань студентэнь XXVIII-це конференциянть торжественной панжомазо ютавтовсь Тартунь университетэнь актовой залсо. Шумбракстнемань вал марто васенцекс пшкадсь уральской келень ды хунгарологиянь доцентэсь, Тартунь университетэнь финнэнь-угрань кафедрань прявтось, Эстониянь малавикс раськетнень Программань Советэнь прявтось Тану Сейленталь. Пуромозтненень сон пшкадсь колмо кельсэ: эстононь, рузонь ды англань. Сон евтнесь Тартунь университетсэ финнэнь-угрань раськень кельтнень тонавтнемань историядонть. Башка тешкстызе Пауль Аристэнь те тевентень покш путовксонзо. Эсь докладонзо прядызе Эстониянь малавикс раськетнень Программанть коряс П.Аристэнь лемсэ центрадонть евтнемасонть.

Финнэнь-угрань раськень од ломанень ассоциациянть пельде кортась вейсэндявксонть вице-президентэсь Сампса Холопайнен. Весенень пек вечкевсь финнэнь-угрань писательтнень вейсэндявксонь икелень прявтонть, Эстониянь содавикс сермадыцянть ды ютавтыцянть Арво Валтононь кортамозо. Сон евтнесь вишка раськетнень емамодост, кельтнень-койтнень стувтомадост. Арво Валтон мерсь:

– Кельтнень ванстомадонть эряви мелявтомс сетненень, кие корты эйсэст. Бути бажатадо сынст ванстомс – весемесь тынк кедьсэ.

Валтон башка тешкстызе тиринь кельтнень школасо тонавтоманть. Бути государствась а кирди те меленть, эряви панжомс частной школат. Кортамонзо прядовомга сон пшкадсь од ломантненень:

Кортадо эсь юткованк тиринь кельсэ. Вешеде, кадык тынк кельтне, конат лововить государственноекс, кармить тевс нолдавомо госучреждениятнесэ. Максодо эйкакшонк туртов раськень мазый лемть.

Торжественной пельксэнть прядовомадо мейле инжетненень невтезельть Тарту ошонть мазый таркатне. Арсян, од ломантнень ошось дивавтынзе ваньксчисэнзэ. Весенень мельс тусь Ратушонь площадесь, конань куншкас путозь вечкицятненень алтазь памятник. Чокшне енов конференциянтень пуромозтнень пачтякшнызь Илтматсалунь школав, кона ашти Тартунть эйстэ а пек васоло. Тесэ пуромозь делегациятне евтнесть вейкест-вейкест ланга, теевсть содавиксэкс.

Омбоце чистэнть ушодовсь секциятнесэ важодемась. Докладтнэ явозельть зярыя енкска: финнэнь-угрань раськетнень языкознаниясь; фольклорось ды этнологиясь; литературась ды ютавтомань маштомачитне; археологиясь, историясь ды музееведениясь; социологиясь, правась, экономикась ды лият.

Россиянь ды омбо масторонь 34 университетэнь студенттнэ, магистранттнэ, аспиранттнэ ды докторанттнэ кавто чинь перть тейсть 126 докладт рузонь, финнэнь, англань, эрзянь, мокшонь, маринь, эстононь, удмуртонь, коминь, венгрань кельтнесэ. Од ломантне кортасть эсь раськень кельтнень башка енкстнэде, вешнесть вейкетьксчить финнэнь-угрань лия кельтнень марто. «Вайгель» радиостанциянь важодицясь Е.Кирдяшкина невтизе, кода невтевить венгрань приставкатне эрзянь ды мокшонь кельтнесэ. МР-нь Од ломанень центрань важодицясь Денис Кривошеев анокстась домка доклад, конасонть евтнесь Россиянь финнэнь-угрань регионтнэнь таркадост экономикань мирсэнть. Карелэнь, удмуртонь студенттнэ евтнесть раськень оршамопельтнеде, евкстнэде, кезэрень кудотнеде, те шкас ванстовозь свадьбань койтнеде. Тешкстазель, кодамо покш тарка финнэнь-угрань раськень фольклорсонть саить ракшань образтнэ.

Ламо докладт ловнозельть финнэнь-угрань кельтнесэ сермадыцятнеде. Од ломантне евтызь эсест вановтост эрзянь, маринь, коми-пермяконь, карелэнь ды лия литературатнень сюпалгавтомаст коряс. Тешкстызь вадря енкстнэнь, невтизь асатыкстнэньгак. Покш пелькстамот ветявсть финнэнь-угрань раськетнень правадост кортамсто.

Кавто читнень перть ванкшнозельть финнэнь-угрань раськетнень кельтне, литературатне. Тешкстазельть раськень кельсэ лисиця газетатне ды журналтнэ. Докладтнэнь ловномсто кепедезельть ламо пшти кевкстемат. Покш пельксэсь эйстэст – кельтнень ванстомадо. Од ломантне невтизь весе содамочист, евтызь мелест-арсемаст. Кенярдовты, эрьвась чарькодизе, арась мезеяк седе питней, кода тиринсенть ванстомась: келенть, коенть, оршамопеленть.

Финнэнь-угрань раськень од ломантнень ютксо ялгаксчинь сюлмотнень кемекстамга анокстазель оймсемань мельстуиця программа. Омбоце чокшнестэнть невтезель Ференц Листнэнь алтазь Симфонической оркестрань концерт. Меельце чистэнть весе тердезельть Сетомаа – панжадо менель ало музеев. Сон теезь вирь маласо. Тезэнь путозь эстононь кезэрень кудо, баня, сюронь ды ракшань кирдема кардот. Тесэнь азортнэ инжетнень вастызь раськень оршамопельсэ наряжазь. Лембе мизолкссо эждясть весе пуромозтнень. Ламо евтнесть те раськенть кезэрень шкань эрямодонть, седе вадрясто сонзэ чарькодемга евтневсть содамоевкст. Пертьпельксэсь пештязель гайтев, седеень эждиця пейдемасо. А вана раськень налксематнень тонавтнемс мешась пертьпельксэсь – апак учо тусь пиземе. Тень таркас весе пуромозтне каванязельть раськень ярсамопельсэ.

Апак кавтолдо тешкстаса, раськень койтнень-кирдатнень марто содавтомась лездась малавгавтомс финнэнь-угрань од ломантнень, муемс од ялгат.

«IFUSCO – 2012» финнэнь-угрань студентэнь конференциясь прядовсь покш промкссо. Од ломантнень лемс евтазельть ламо лембе валт. Эдь сынь а аштить ве ено ине раськенть ванстомань кевкстематнень эйстэ. Меельцекс шназель истямо мелесь, сы иестэ финнэнь-угрань студентэнь конференциясь ютавтови Коми Республикасо – государственной службань ды управлениянь академиянть юрсо.

Конференциясь прядовсь. Од ломантнень чамасост редявсть нусманя тешкст. Ансяк эрьвась кеми, иень ютазь сынь вастовить одс. Те шкастонть ютавтыть покш важодема талновтыця кевкстематнень ванномга. Ламо теить тиринь кельтнень, койтнень, раськетнень ванстомга.

Т.Аксенова

 

Новости

Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...
 
Кочкицятне ёвтызь мелест


Сентябрянь 8-це чистэ Россиясо ютасть кочкамот местной самоуправлениянь органтнэс. Тенень алтазель журналисттнэнь туртов пресс-конференциясь, конань сентябрянь 9-це чистэ Саранскойсэ, Союзонь кудосо ютавтызе «Единая Россия» политической партиянь региононь отделениясь. Журналисттнэнь кевкстемаст лангс отвечась МР-нь Государственной Собраниянь Председателесь, «Единая Россия» Мордовиянь региононь отделениянь прявтось В.В.Чибиркин.

Пачтязель, Мордовиясо истя жо ульнесть кочкамот. 407 мандаттнэнь кис снартнесть 1054 ломанть. Республикань келес вайгелест максомо сакшность 63 % эрицят. Вайгелест максомо сехте ламо сакшность Ромодановань районсо – 74,24 %. Аламодо эйстэст кадовсть Инсаронь райононь эрицятне. Тосо – 73,01 %. Вейке проценттэ аламо сакшность Отяжелень районсо. Ламо кандидаттнэнь ютксо 98 % вайгельтне максозь «Единая Россия» политической партиянь представительтнень кис. Ды те а стяко. Ламо шкань перть мольсь анокстамонь робота. Сехте паро кандидаттнэнь эрицятне тешкстакшнызь эштё маень 26-це чистэ, зярдо ютавтозель предварительной вайгелень максомась. Сондензэ икеле ютавтозельть эрицятнень марто вастовомат, конатнесэ ломантне теевсть содавиксэкс кандидаттнэнь ды сынст проекттнэнь марто. Сестэнь изницятне вастовоматнень поладокшнызь велесэ эрицятнень марто. Ютавтозельть 114 вастовомат. Эрицятнень ламо кармавтоматне топавтозельть.

Мордовиясо кочкамотне ютатсть закононь колсемавтомо.

Подробнее ...
 
Единороссы Октябрьского района вручили юбиляру поздравительное письмо от Президента Владимира Путина
10 сентября 90-летний юбилей отмечает жительница Октябрьского района
Новикова Мария Ивановна. Родилась женщина в Нижегородской области,
всю жизнь трудилась звеньевой бригады в колхозе. Военные и
послевоенные годы вспоминает со слезами на глазах: «Мы жили небогато,
растили детей, очень много работали, сил своих не жалели».


Подробнее ...
 
Александр Воробьев осмотрел ход строительства детского сада в Ромодановском районе


6 сентября депутат Госдумы РФ, член комитета по аграрным вопросам Александр Воробьев встретился с главой Ромодановского района Анатолием Гурьяновым. Они обсудили ход строительства детского сада на 160 мест в поселке Ромоданово, который строится в рамках национальных проектов "Демография" и "Образование". По словам Анатолия Гурьянова, на 80% возведение здания завершено, ведутся работы по устройству коммуникаций.
«Мы сумели ликвидировать некоторое отставание по срокам, которое возникло ранее, но теперь строители работают в соответствии с графиком», - отметил глава Ромодановского района.

Александр Воробьев подчеркнул, что детский сад строится по наказам избирателей. По демографическим показателям Ромодановский район занимает вторую строчку в регионе после Саранска, и на данный момент существует потребность в обеспечении малышей местами в детских садах.
Детский сад планируется сдать уже в декабре текущего года.