Рубрикатор

Культура Раськень мазычинь казиця
Раськень мазычинь казиця

Ольга Ульянкинань (Янина) марто теевинь содавиксэкс Интернетэнть вельде. Социальной сетень Мордовиянь вейке группасо ульнесь «Сырнень кедть» фотоальбом. «Кие мезе машты тееме – се ладсесь эсензэ теевксэнь фотографият. Кие артсь картинат, кие тейнесь чувтосто керсевкст, кие викшнесь-стась… Ольгаяк ладсесь фотот: мазыйстэ артозь керсемань лазт, матрешкат. Матрешкатне – лия енов а молицят. Сынь – эрзянь ды мокшонь оршамопельсэть. Истямо мазычи мон эзинь нее вейкеяк выставкасо ды лавкасо. Шнамо валт сермадынь авторонтень. Истя ушодовськак кортамонок. Ней ули мелем евтнемс Ольгадо минек ловныцятненень.

Чачсь Ольга Ульянкина Саранскойсэ. Тонавтнесь 24-це школасо, тосо якась кружоков, конасонть сынь артсть чувто ланга. Кедь алдост лисильть мазыйдеяк мазый налкшкеть, керсемань лазнэть. Теке жо шкастонть Ольга вете иеть тонавтнесь Саранскоень эйкакшонь художественной 4-це школасонть. Мелезэль поладомс тонавтнеманть художественной училищасо, ансяк истя эзь лисе. Школань прядомадо мейле Ольга кармась тонавтнеме Н.П.Огарев лемсэ МГУ-нь географической факультетсэ.

Тонавтнемась эзь меша тензэ поладомс вечкевикс тевензэ. Сон малавиксэнзэ ды ялганзо туртов артсь эрьва кодат казнеть. Косто саевсь сонзэ истямо ерокчись? Ольгань валонзо коряс, тетязо вадрясто рисови-арты.

Эрзянь матрешкань артомо од тейтересь ушодсь мелят. Ламо шкань перть сон тонавтнесь рузонь культуранть ды искусстванть. Мейле жо лия сельмсэ варштась се республиканть лангс, косо эри. Сюкпря евты довузовской факультетэнь деканонтень М.И.Ломшиннэнь. Ольга важодсь кедьсэнзэ средней образованиянь коряс методистэкс. Михаил Иванович содавтызе эрзя-мокшонь масторонть, койтнень-кирдатнень марто.

Ольга кармась пштистэ тонавтнеме-ванномо, кодат эрзянь ды мокшонь палятне-оршамопельтне, кода сынь явовить, кодат улить узорт ды орнаментт, викшнемань тешкст, кодамо смусть сынь кандыть. Тевесь тусь мелезэнзэ. Саранскойсэ аламо кить тейнить ды артыть матрешкат. А уш эрзянь ды мокшонь – малав кияк арась. Истят мастерт муят ансяк Теньгушева енкссо. Сетнеяк эсь важодевксэст ильтить лия енксов. Материалонть Ольга рамси Н.Новгород енкссто (тосо велень-велень тейнить рузонь матрешкат).

Шкань ютазь, Ольга кармась важодеме сюжетной матрешкатнень марто. Истя лиссь мифологиянь персонажтнень марто сериясь: Масторава, Вирява, Ведява, Толава, Норовава. Мордовиянь оштнень марто матрешкатне – республикань сисем оштне теезельть покшолмань коряс, лемест сермадозельть эрзякс ды мокшокс. Ломантне сынсь теить заказт – симемапельтненень штофт вешить. Седе ламо сон важоди заказонь коряс. Мезе вешить – сень топавты. Саемга, эрзянь ды мокшонь раськенть Россиянь лия раськетнень марто вейсэндявомань 1000 иетненень анокстазельть колмо покш матрешкатне – рузава, эрзява ды мокшава. Инечинтень ламот вешить артомс чувтосто алнэть. Пек уш мазыйть сынь лисить.

А кода лиякс, эдь Ольга эсь вечкевикс тевентень путы весе оймензэ. Эрьва важодеманть арты апак капша. Те ансяк лангс ваномс, матрешкатне марявить вейкеть. Алкукс жо сынь а молить вейкест-вейкест енов. Покшт ды вишкинеть. Кодаткак башка тешкст улить эрьвасонть. Ольгань матрешканзо а човорявить лиятнень марто. Эрзявинетне сонзэ сэнь сельмине ды мазый турвине марто, прясост – пангот, удалост – пулайть, паляст викшнезь, мештесэст сюлгамо. Мизолдыть фотостонть каршот – вана, саемак монь!

Ольга Ульянкина эсь важодевксэнзэ зярс эзинзе невтне кодамояк выставкасо. (Арсян, весе те карми сы шкасто). Улить ламо содыцянзо, Интернет вельде теить тензэ заказт. Аволь ансяк Мордовиясто, сонзэ томбальдеяк. Саемга, ульнесть вешемат Ульяновскойстэ, Московсто, Архангельской областьстэ ды Алтай ендо. Эрзянь ундокс марто ломантне паро мельсэ артовтыть национальной матрешкат.

– Те аволь монь важодемам, теде а саян ламо ярмакт. Те весе – вечкевикс тевем. Кенярксонь кандома кода эстень, истя жо лиятнененьгак. Бути кувать шкань перть а сави артомс, пек тошнакадан, – евтни Ольга.

Ды косто саевемс ютко шкантень? Ольга мирдензэ марто трить кавто вишка эйдеть, Дениснэнь – вете иеть, Машанень – кавто пель марто, маласо шкасто сынь учить колмоце эйдине. Ней од авась ашти декретсэ.

Эсензэ кедьсэ аламо мезе кирди. Мезе арты – матрешкатне, лазтнэ, алтнэ, кенкш пряс путовиця подковатне-магниттнэ – сеске туить, миевить. Кой-мезть миевить «Сюлгамо» лавкасонть. Ошонь инжетне паро мельсэ рамсить эрзянь тешкс марто подковатнень, конатнесэ авторось сермады «Шумбрат» ды арси уцяска эрьвантень. Миньгак арсетяно те мазый тейтерь-авантень ансяк шумбрачи ды уцяска, кадык топавтовить весе мелензэ-бажамонзо, кемтяно, теевксэнзэ несынек ламо эрьва кодамо выставкасо.

Т.Маторкина

 

Новости

Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...
 
Кочкицятне ёвтызь мелест


Сентябрянь 8-це чистэ Россиясо ютасть кочкамот местной самоуправлениянь органтнэс. Тенень алтазель журналисттнэнь туртов пресс-конференциясь, конань сентябрянь 9-це чистэ Саранскойсэ, Союзонь кудосо ютавтызе «Единая Россия» политической партиянь региононь отделениясь. Журналисттнэнь кевкстемаст лангс отвечась МР-нь Государственной Собраниянь Председателесь, «Единая Россия» Мордовиянь региононь отделениянь прявтось В.В.Чибиркин.

Пачтязель, Мордовиясо истя жо ульнесть кочкамот. 407 мандаттнэнь кис снартнесть 1054 ломанть. Республикань келес вайгелест максомо сакшность 63 % эрицят. Вайгелест максомо сехте ламо сакшность Ромодановань районсо – 74,24 %. Аламодо эйстэст кадовсть Инсаронь райононь эрицятне. Тосо – 73,01 %. Вейке проценттэ аламо сакшность Отяжелень районсо. Ламо кандидаттнэнь ютксо 98 % вайгельтне максозь «Единая Россия» политической партиянь представительтнень кис. Ды те а стяко. Ламо шкань перть мольсь анокстамонь робота. Сехте паро кандидаттнэнь эрицятне тешкстакшнызь эштё маень 26-це чистэ, зярдо ютавтозель предварительной вайгелень максомась. Сондензэ икеле ютавтозельть эрицятнень марто вастовомат, конатнесэ ломантне теевсть содавиксэкс кандидаттнэнь ды сынст проекттнэнь марто. Сестэнь изницятне вастовоматнень поладокшнызь велесэ эрицятнень марто. Ютавтозельть 114 вастовомат. Эрицятнень ламо кармавтоматне топавтозельть.

Мордовиясо кочкамотне ютатсть закононь колсемавтомо.

Подробнее ...
 
Единороссы Октябрьского района вручили юбиляру поздравительное письмо от Президента Владимира Путина
10 сентября 90-летний юбилей отмечает жительница Октябрьского района
Новикова Мария Ивановна. Родилась женщина в Нижегородской области,
всю жизнь трудилась звеньевой бригады в колхозе. Военные и
послевоенные годы вспоминает со слезами на глазах: «Мы жили небогато,
растили детей, очень много работали, сил своих не жалели».


Подробнее ...
 
Александр Воробьев осмотрел ход строительства детского сада в Ромодановском районе


6 сентября депутат Госдумы РФ, член комитета по аграрным вопросам Александр Воробьев встретился с главой Ромодановского района Анатолием Гурьяновым. Они обсудили ход строительства детского сада на 160 мест в поселке Ромоданово, который строится в рамках национальных проектов "Демография" и "Образование". По словам Анатолия Гурьянова, на 80% возведение здания завершено, ведутся работы по устройству коммуникаций.
«Мы сумели ликвидировать некоторое отставание по срокам, которое возникло ранее, но теперь строители работают в соответствии с графиком», - отметил глава Ромодановского района.

Александр Воробьев подчеркнул, что детский сад строится по наказам избирателей. По демографическим показателям Ромодановский район занимает вторую строчку в регионе после Саранска, и на данный момент существует потребность в обеспечении малышей местами в детских садах.
Детский сад планируется сдать уже в декабре текущего года.