Рубрикатор

Культура "Литовантень" - 15 иеть
"Литовантень" - 15 иеть

«Литова» эрзянь авань вейсэндявксось неть читнестэ тешкстызе юбилеензэ. Тень кувалма Эрзянь ды мокшонь национальной театрасо ютась вастовома, ков сакшность ламо инжеть. Сынст туртов панжозель выставка, косо невтневсть печатной изданиятне, конат сермадсть «Литова» вейсэндявксонть важодемадонзо. Инжетненень явшевсть «Литовантень» – 15 иеть. Мезе теезь ды мезе тееви сы шкасто» буклетт, теде башка – «Ламзурь» народной фольклорно-этнографической ансамблянть моронь од дискт.

Эрзянь авань вейсэндявкстонть невтезель фильмаяк. Седе тов ушодовсь литературно-музыкальной чокшнесь. Васняяк кортась «Литовань» ветицясь Р.Б.Щанкина. Раиса Борисовна пачтясь мезе теезь-топавтозь неть 15 иетнень перть ды кода тевесь ашти ней:

– Весе мероприятиятнеде, конат ютавтозь «Литова» эрзянь авань вейсэндявксонть вийсэ, а евтневат. Сындест пек ламо. Евтан ансяк, вейсэндявксонок эрьва иестэ ютавтни комсте ламо мероприятият. Зняро тев а топавтыть государствань структуратнеяк, конатнень кедьсэ ули весемесь. Минек аватне жо весе тень теить питневтеме. Тень кисэ тенст кияк а панды. Эрзянь, мокшонь моротнень, койтнень-кирдатнень ванстомаст кисэ организациянь аватне, шкань апак вансто, роботадо мейле ютко шкасто вастневить репетициясо, ютавтнить эрьва кодат вастовомат, чокшнеть, концерт марто якить велева, снимить фильмат. Тень кис тенст сюконятано.

«Литовань» аватне а кандтнить покш лемть. Но сынст седейсэ палы вечкема эсь раськентень, сынст ули мелест лездамс тензэ цидярдомс, а емамс, кода емасть ламо лия раськетне. Ды тень теить аволь прянь шнамонь кисэ, аволь сюпалгадоманзо кисэ, тень сынь теить седеест тердемань коряс. Вейсэндявксонь аватне – вузонь ды школань тонавтыцят, эйдень кужонь воспитательть, морыцят, журналистт ды лия профессиянь ломанть.

Алкукскак, а ловови, зяро важодема ветить аватне. Ютавтнить вастовомат республикань районтнэсэ ды Мордовиянь томбалеяк. Аволь весть ардтнесть Кочкурбуень, Отяжбуень, Покш Игнатбуень эрзянь велетнес, Пенза, Ульяновск, Самара, Саратов ды лия енкстнэс. Сынст паро мельсэ вастыть эйдень кужосо, школасо, библиотекасо, велень клубсо...

«Литовась» вельмевтинзе кезэрень кенярксчитнень ютавтомаст. Истятнэнь, кода: «Роштовань кудо», «Тундонь ильтямот», «Ведявань налксемат», «Норовавань чи», «Пангонь чи», «Прякань чи» ды лият. Саемга, меельце иетнестэ сынь ютавтсть А.Араповонь, М.Кемалень творческой чокшнеть, Россиянь народной артистканть Р.М.Беспаловань ледстнема чокшне.

Теде башка, «Литованть» пек ламо сы шкань арсеманзо, мелензэ-бажамонзо. Стакачитнедеяк ламо. Васняяк, арась эсест кудост, косо бу аватне седе сеедьстэ вастневельть ды ютавтовольть репетицият, сыненст а косо кирдемс-ванстомс архивест, эрявикс тев-коневост. Умок ули мелест панжомс народной театрань студия, някань театра, нолдамс газета эрзянь аватнень туртов. Сынь арсесть лемгак – «Ава». Р.Б.Щанкинань валонзо коряс, финнэнь-угрань лия республикатнесэ аватнень туртов национальной истят изданият лиснить. Истя жо умок ули мелест снимамс «Нуяльке» од телефильма. Сон седе, кода седикеле ломантне ванстсть пертьпельксэнть, озность пазнэнь. Панжовольть интернет-сайт. Весе тень туртов эрявить ярмакт. Сынь жо свал а сатныть. Кить ней максыть лезкс – весенень евтазель сюкпря.

Р.Б.Щанкина ледстинзе сеть аватнень лемест, кить арасть ютксонок ды кинь покш путовксост эрзянь раськенть лезэс. Неть: С.М.Люлякина, В.И.Клементьева, Т.М.Тихонова, Р.С.Ширманкина, Л.И. Пронькина, Р.Г.Климкина.

Те чистэнть «Литовантень» евтазельть ламо лембе валт ды поздоровт. МР-нь Прявтонть, Правительстванть ды Госсобраниянть пельде валт евтась Госсобраниянь Председателень полавтыцясь Р.З.Аширов. Рафаил Закиевич паро мельсэ евтась зярыя валт эрзякс. Правительстванть пельде казинзе «Литовань» аватнень Шнамонь коневсо. Истя жо поздоровт евтасть МР-нь Национальной политикань коряс министрась А.С.Лузгин, МР-нь Культурань министрань полавтыцясь Н.Л.Храмов, Равчирень финнэнь-угрань раськень культурань центрань прявтось Ю.А.Мишанин ды ламо лият. Сынь истя жо «Литовань» ламо аватнень казизь Шнамонь коневсо, Сюконямо валсо. Теде башка, поздоровт састь Россиянь кемень регионсто. Вейкесь натой – Калининградсто, «Эрзя-мокша» Калининградонь мокшэрзянь землячествань прявтонть А.С. Чаткинэнь пельде. А вана Сызранень эрзя-мокшонь национально-культурной автономиянь прявтось И.В.Кистанов сакшнось сонсь.

Моронь казнесэ пурнавозтнень кенярдовтызь Анна Атласова, Галина Макшева, Елена Воронина, Лияна Бакайкина, «Мерема» ансамблясь. «Вастома» ансамблясь сакшнось Ицялбуестэ, «Валскень зоря» – Орданьбуень Кельведнестэ.

Сонсь «Литова» вейсэндявксось юбилеентень нолдась вадря буклет (косо евтневи «Литованть» историядонзо ды неень шкадонзо) ды «Ташто веле» эрзянь кезэрень моро марто кавто дискт. Сынст нолдамс лездасть М.А.Кастренэнь лемсэ Суоминь вейсэндявксось ды МР-нь Культурань министерствась.

Эсень пельде евтавлинь: аволь весть ульнинь сеть ламо мероприятиятнесэ, конань ютавты «Литовась» ды «Ламзурь» ансамблясь. Свал сынь ютыть парсте, эрьвась анокстазь вадрясто, мелень путозь. Косо бу авольть уле – эрьва таркасо вастыть сынст лембестэ. Вана кода ледстнесь Ламбаське велень школань тонавтыцясь Л.С.Русяева («Литовась» якась школань юбилеезэст ды выпускниктнень марто вастовомантень): «Сынь тейсть тенек покш кеняркс, зярдо састь, шумбракстнесть ды седе тов кортасть эрзякс, ламо морасть. Сындест мейле весе пурнавозтне апак визде кортасть тиринь кельсэ».

Юбилей марто, «Литова»! Кеместэ эскеляк икелев ды кадык топавтовить тонь весе мельтне-бажамотне.

Т.Маторкина

 

Новости

Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...
 
Кочкицятне ёвтызь мелест


Сентябрянь 8-це чистэ Россиясо ютасть кочкамот местной самоуправлениянь органтнэс. Тенень алтазель журналисттнэнь туртов пресс-конференциясь, конань сентябрянь 9-це чистэ Саранскойсэ, Союзонь кудосо ютавтызе «Единая Россия» политической партиянь региононь отделениясь. Журналисттнэнь кевкстемаст лангс отвечась МР-нь Государственной Собраниянь Председателесь, «Единая Россия» Мордовиянь региононь отделениянь прявтось В.В.Чибиркин.

Пачтязель, Мордовиясо истя жо ульнесть кочкамот. 407 мандаттнэнь кис снартнесть 1054 ломанть. Республикань келес вайгелест максомо сакшность 63 % эрицят. Вайгелест максомо сехте ламо сакшность Ромодановань районсо – 74,24 %. Аламодо эйстэст кадовсть Инсаронь райононь эрицятне. Тосо – 73,01 %. Вейке проценттэ аламо сакшность Отяжелень районсо. Ламо кандидаттнэнь ютксо 98 % вайгельтне максозь «Единая Россия» политической партиянь представительтнень кис. Ды те а стяко. Ламо шкань перть мольсь анокстамонь робота. Сехте паро кандидаттнэнь эрицятне тешкстакшнызь эштё маень 26-це чистэ, зярдо ютавтозель предварительной вайгелень максомась. Сондензэ икеле ютавтозельть эрицятнень марто вастовомат, конатнесэ ломантне теевсть содавиксэкс кандидаттнэнь ды сынст проекттнэнь марто. Сестэнь изницятне вастовоматнень поладокшнызь велесэ эрицятнень марто. Ютавтозельть 114 вастовомат. Эрицятнень ламо кармавтоматне топавтозельть.

Мордовиясо кочкамотне ютатсть закононь колсемавтомо.

Подробнее ...
 
Единороссы Октябрьского района вручили юбиляру поздравительное письмо от Президента Владимира Путина
10 сентября 90-летний юбилей отмечает жительница Октябрьского района
Новикова Мария Ивановна. Родилась женщина в Нижегородской области,
всю жизнь трудилась звеньевой бригады в колхозе. Военные и
послевоенные годы вспоминает со слезами на глазах: «Мы жили небогато,
растили детей, очень много работали, сил своих не жалели».


Подробнее ...
 
Александр Воробьев осмотрел ход строительства детского сада в Ромодановском районе


6 сентября депутат Госдумы РФ, член комитета по аграрным вопросам Александр Воробьев встретился с главой Ромодановского района Анатолием Гурьяновым. Они обсудили ход строительства детского сада на 160 мест в поселке Ромоданово, который строится в рамках национальных проектов "Демография" и "Образование". По словам Анатолия Гурьянова, на 80% возведение здания завершено, ведутся работы по устройству коммуникаций.
«Мы сумели ликвидировать некоторое отставание по срокам, которое возникло ранее, но теперь строители работают в соответствии с графиком», - отметил глава Ромодановского района.

Александр Воробьев подчеркнул, что детский сад строится по наказам избирателей. По демографическим показателям Ромодановский район занимает вторую строчку в регионе после Саранска, и на данный момент существует потребность в обеспечении малышей местами в детских садах.
Детский сад планируется сдать уже в декабре текущего года.