Рубрикатор

Культура "Эрьмезь" вейсэндявксонь прявтонтень - 50
"Эрьмезь" вейсэндявксонь прявтонтень - 50

Кочкурбуень Вирь ало Тавла велесь содавикс аволь ансяк минек республикасо, сонзэ томбалеяк. Те эрзянь велесэнть чачсть зярыя содавикс ломанть. Вана уш 30 иеде ламо тосо важоди чувтосто керсемань эйкакшонь художественной школась. Чувтосто керсезь Тавлань налкшкетне ды лия теевкстнэ вастневить малав эрьва выставкасо. Истямо седейстокиця мазычи, а зяро ойме эйзэст путозь! Течи минь евтнетяно чувтосто вейке керсицядонть, кедьчелькев ломанденть – Петр Владимирович Рябовдо. Неть читнестэ сонзэ ульнесь 50 иень юбилеезэ. Тень коряс вастневинек мартонзо, паро мельсэ кортынек эрямодонзо, творчествадонзо…

Чачсь Петр Рябов Кочкурбуень Вирь ало Тавласо эрзянь покш семиясо, косо чачсть-кассть кото эйкакшт. Аванзо пельде сон сайсь пек ламо. Ульяна Тихоновна авась превей, фольклоронь содыця, моронь вечкиця. Зярдо Петр тонавтнесь 6-це классо, школазост сась чувтосто содавикс керсицясь Н.И.Мастин, кармась ветямо рисованиянь ды трудонь урокт. Сон пурнынзе перьканзо эйкакштнень, вансь, кие машты керсеме, изняви-арась чувтось. Николай Иванович теевсь тенст пек вадря тонавтыцякс. Истя Петр Рябов кармась якамо чувтосто керсицянь кружокс. Покш класстнэнь прядынзе Пакся Тавлань школасо. Истя лиссь, школань прядомадо мейле сась важодеме тиринь велев. Тосо панжовсь чувтосто керсемань эйкакшонь школась. Петя Бочкин ялганзо марто ульнесть васенце тонавтыцякс.

Седе тов Петр Владимирович служась армиясо, Белоруссиянь Могилев ошсонть. Сон паро мельсэ ледстни се шкадонть:

– Служинь паро таркасо. Пель иень ютазь пек скушнавинь чувтонть кисэ, истя уш мезеяк теиксэлинь, валт арасть! Маринь, те ошсонть эри чувтосто содавикс керсиця. Взводонь командирэнть кедьстэ энялдынь ветямс монь сонензэ. Саинь мартон фотографият, косо снимазельть теевксэнь. Чувтосто керсицясь ульнесь Роман Яковлевич Иванченко. Дивавтымим мастерскоезэ, кудозо. Кудонзо перька ламо теевксэнзэ. Зярс командирэсь кортась мартонзо, мон эзинь кирдеве, кевкстинь узерне ды карминь чувтосто керсеме. Сеске лаксинь атине. Иванченко мерсь: «Те церантень эряви тонавтнемс седе тов керсеме».

Взводонь командирэсь Трегубов ломанесь превеель, чарькодицяль. Сон седе тов лездась П.В.Рябовнень якамс тонавтнеме. Те вастовомадонть мейле П.Рябов аволь весть сакшнось мастерэнтень. Сон алкукс эйсэнзэ тонавтсь. Р.Я. Иванченко паро ломанель, панжадо ойме, ков а молиль, эрьва косо содылизь, мизолдыльть каршонзо. Ламо мезе сайсь Рябов пельдензэ. Мейле усксизе Тавлавгак. Весе ялганзо сакшность мартонзо содавиксэкс теевеме. Петр Владимирович церанзояк мейле лемдизе Иванченконь лемсэ – Романокс.

Армиясо служамсто П.Рябов теинзе Ленинэнь ды Дзержинскоень скульптураст. Истя жо тейнесь ламо лия сувенирт. Эрсиль истяяк, миилинзе, рамиль паро резецт, конатнень кучнилинзе эсензэ школас.

Армиядо мейле Петр Владимирович таго сась важодеме тиринь школав. Малав 30 эйкакшт сакшныльть. Сынь пек бажасть: илязт ема те эрзянь велесэнть национальной енкстнэ, эйкакштне содавлизь ды вечкевлизь эсь историяст, содавлизь ды чарькодевлизь эрзянь керсема юронть.

Седе тов П.Рябов заочна тонавтнесь Н.П.Огаревонь лемсэ МГУ-нь филологиянь факультетсэ. Теке жо шкастонть важодсь прявтокс Тавлань чувтосто национальной налкшкень теемань цехсэнть. Се шкане ульнесть ламо заказт, тейнесть ламо партият. Сакшность вешемат омбо масторстояк. Мейле панжозель «Тавлинский сувенир» кооперативесь. Эйдень кужотнес ды кудотнес тейнесть национальной ужинеть (уголокт), музыкальной кальдердемкат. Панжтнесть башка выставкат.

Петр Владимировичень валонзо коряс, 1990-це иетне сехте стакальть. Кооперативесь важодсь 1996-це иес ды пекставсь. Чувтосто керсицясь таго мольсь важодеме школав тонавтыцякс. 1999 иестэ пурнынзе Тавлань мастертнэнь «Эрьмезь» вейсэндявксос. Эсь теевксэст кармасть невтнеме эрьва кодамо выставкасо. Ней тосо 30 мастерт.

Кона шкане Петр Рябов тейни чувтосто керсезь мазычинть – сонсь соды. Ломанесь свал сельме икеле: вастовоматнесэ, покшчитнесэ, малав весе выставкатнесэ. Перьканзо свал ломанть, кевкстнить, кортыть. А кодат сяткинеть эйкакштнень сельмесэст, зярдо сынь ванныть авторонть налкшкензэ, зярдо сон ютавты тенст чувтосто керсемань мастер-класст. Лангс ваномс – сэтьме, тунь а покшкавтниця, теке марто – оймамонь а содыця. Уш бути ушоды – тевенть топавтсы вадрясто ды педе-пес. Эйсэнзэ эрзянь алкуксонь ойме: панжадо, кеме.

А зяро выставкасо ульнесь – а лововияк. 1977 иестэ саезь те шкас эсь теевксэнзэ невтезельть республикань, весероссиянь, раськеютконь выставкатнесэ Россиянь ды омбо масторонь оштнесэ. Теде башка, сонсь ульнесь чувтосто керсицянь зярыя семинаронь, выставкань пурныцякс-панжицякс. Саемга: «Традиции предков в резьбе по дереву – в современную жизнь», «Вейсэнь ундокст» финнэнь-угрань раськень чувтосто керсицятнень раськеютконь васенце семинар. 2006 иестэ панжозель «Шкань суринеть» васенце выставказо. Петр Владимирович – Россиянь Художникень союзонь член (2003). Мастерэнть творчествадонть содыть финнэнь-угрань мастортнэсэ. Меельце кавто иетнень перть участвовась Салехардсо, кавксть Удмуртиясо, Ульяновской областьсэ садово-парковой скульптурань фестивальтнесэ. Сонзэ героензэ седе сеедьстэ – ломанть, саемга, превей сыре атинеть, конат сакало марто, покш карьсэть эли кепеть ды свал эрзянь панарсот. Чамасост бажи невтемс обуцянь енкстнэнь.

2006 иестэ, Петр Рябовонь мелензэ коряс, Вирь ало Тавласо панжозель «В.Ромашкин лемсэ музеесь этно-кудось». Нама, тень топавтомс лездасть ламо ломанть. Йовлань Оло марто вейкест-вейкест сынь содыльть, ульнесть паро ялгакс. Музеентень тедеде топодсть вете иеть. Те шканть перть тов сакшность малав кемень тежат ломанть эрьва кодамо енкссто, мик омбо масторстояк. Этно-кудось теевсь паро таркакс эрзянь вастовоматнень ютавтомга. Тосо кавксть ютась «Кулдор-Калдор» пейдемань фестивалесь, колмоксть – «Торамась терди» эрзянь кезэрень моронь фестивалесь. Арсян, седе товгак кармить ютавтневеме вадря кенярксчить. Этно-кудосонть важодить П.Рябов ды Р.В.Водясова.

Петр Владимирович эри ды важоди Вирь ало Тавласо, тосо вечкевикс семиязо. Мария Петровна нинзэ марто трить кавто эйкашт: Романонь ды Ольгань. Сонзэ церазояк машты чувтосто керсеме, теевксэнзэ ульнесть ламо выставкасо. Прядызе МГУ-нь ИНК-нть. Ольга – Кооперативной институтонь студентка.

Ванды эрзянь-мокшонь раськень культурань музейсэ Петр Рябовонь панжови выставказо. Сонзэ лемезэ – «Панжадо ойме», алтави С.Эрьзянь чачома чистэнзэ саезь 135 иетненень. Весень тердтяно тов. Эсенек пельде жо арсетяно Петр Владимировичнень кеме шумбрачи, творчествасонзо од изнявкст, паро уцяска, икелев молема ки, свал улемс истямо панжадо ойме валдо ломанекс!

Т.Маторкина

 

Новости

Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...
 
Кочкицятне ёвтызь мелест


Сентябрянь 8-це чистэ Россиясо ютасть кочкамот местной самоуправлениянь органтнэс. Тенень алтазель журналисттнэнь туртов пресс-конференциясь, конань сентябрянь 9-це чистэ Саранскойсэ, Союзонь кудосо ютавтызе «Единая Россия» политической партиянь региононь отделениясь. Журналисттнэнь кевкстемаст лангс отвечась МР-нь Государственной Собраниянь Председателесь, «Единая Россия» Мордовиянь региононь отделениянь прявтось В.В.Чибиркин.

Пачтязель, Мордовиясо истя жо ульнесть кочкамот. 407 мандаттнэнь кис снартнесть 1054 ломанть. Республикань келес вайгелест максомо сакшность 63 % эрицят. Вайгелест максомо сехте ламо сакшность Ромодановань районсо – 74,24 %. Аламодо эйстэст кадовсть Инсаронь райононь эрицятне. Тосо – 73,01 %. Вейке проценттэ аламо сакшность Отяжелень районсо. Ламо кандидаттнэнь ютксо 98 % вайгельтне максозь «Единая Россия» политической партиянь представительтнень кис. Ды те а стяко. Ламо шкань перть мольсь анокстамонь робота. Сехте паро кандидаттнэнь эрицятне тешкстакшнызь эштё маень 26-це чистэ, зярдо ютавтозель предварительной вайгелень максомась. Сондензэ икеле ютавтозельть эрицятнень марто вастовомат, конатнесэ ломантне теевсть содавиксэкс кандидаттнэнь ды сынст проекттнэнь марто. Сестэнь изницятне вастовоматнень поладокшнызь велесэ эрицятнень марто. Ютавтозельть 114 вастовомат. Эрицятнень ламо кармавтоматне топавтозельть.

Мордовиясо кочкамотне ютатсть закононь колсемавтомо.

Подробнее ...
 
Единороссы Октябрьского района вручили юбиляру поздравительное письмо от Президента Владимира Путина
10 сентября 90-летний юбилей отмечает жительница Октябрьского района
Новикова Мария Ивановна. Родилась женщина в Нижегородской области,
всю жизнь трудилась звеньевой бригады в колхозе. Военные и
послевоенные годы вспоминает со слезами на глазах: «Мы жили небогато,
растили детей, очень много работали, сил своих не жалели».


Подробнее ...
 
Александр Воробьев осмотрел ход строительства детского сада в Ромодановском районе


6 сентября депутат Госдумы РФ, член комитета по аграрным вопросам Александр Воробьев встретился с главой Ромодановского района Анатолием Гурьяновым. Они обсудили ход строительства детского сада на 160 мест в поселке Ромоданово, который строится в рамках национальных проектов "Демография" и "Образование". По словам Анатолия Гурьянова, на 80% возведение здания завершено, ведутся работы по устройству коммуникаций.
«Мы сумели ликвидировать некоторое отставание по срокам, которое возникло ранее, но теперь строители работают в соответствии с графиком», - отметил глава Ромодановского района.

Александр Воробьев подчеркнул, что детский сад строится по наказам избирателей. По демографическим показателям Ромодановский район занимает вторую строчку в регионе после Саранска, и на данный момент существует потребность в обеспечении малышей местами в детских садах.
Детский сад планируется сдать уже в декабре текущего года.