Рубрикатор

Культура Эрзянь литературань "Патриарх"
Эрзянь литературань "Патриарх"

Истя лемдясть сермадыцянть Андрей Куторкинэнь мартонзо важодицятне.

Порецкоень Студенец велесь Чувашиянь неень шкань картасонть уш умок арась. Сон аволь емась, колмо велеть вейсэндявсть вейкес. Тесэ Куторкинтнэнь семиянть содылизь вадрясто.

Шка тонеть

лисемс ломаньс

Андрей Куторкинэнь авазо, Наталья Ивановна (тейтерькс Шитова), ловномо-сермадомо эзь машто, тень лангс апак вано, мельсэнзэ кирдсь пек ламо кезэрень морот, евтавкст. Мирденень лисемадо икеле велень весе од тейтертне яксесть тензэ, сон тонавтсь эйсэст урнеме. Вадря евтницякс лововсь тетязояк Дмитрий Тимофеевич. Эрсекшнесь, коды карть, перьканзо пуроми весе покш семияст, кунсолыть евтнеманзо. Сехте ероковось, Андрей, ульнесь ветецекс, сондензэ мейле эште кавто эйкакшт. Андомс весень ульнесь а шожда. Кудонь прявтось эзь пеле кодамояк тевде.

Весть тетязо тердизе Андреень ды невтсь пила лангс: «Вана, церам, ванан те пиланть лангс ды арсян: малав 30 иень перть усксян эйсэнзэ. Тонгак кармат весе эрямот перть мартонзо роботамо, сюпавчи жо а таштат. Тонеть эряви кочкамс лия ки. Эряви тонавтнемс, превей ломанесь а еми». Неть валтнэ кармавтызь арсезевемс аволь иень коряс превей церыньканть. Сонзэ ульнесь мелезэ содамс весементь. Тонадомс ловномо ды сермадомо – арази сонзэ мелезэ топавтови?

Сась сексь. Куторкинтнэнь покш семиясь важодсь Суранть чиресэ. Марязевсь каргонь пижнема, сынь ливтясть лембе масторов. Дмитрий Тимофеевич пшкадсь церанстэнь:

– Андрюшка, а мекс нармунтне эрьва сексня веленть кадыть?

Кемень иесэ церынесь чарькодизе тетянть.

– Сынь а кадыть веленть, тетяй. Кизэнь перть карготне тонавтызь левксэст, ней невтьсызь тенст лия модатнень, косо лембе, ули ярсамопель.

– Лисни, часия вешнить. Шка тонетькак ломаньс лисемс. Исяк ускинь тонавтыцянтень розь, макссь вал саемс тонь школав.

Эйсэть ули

талантонь сяткине

Порецкоень школанть прядомадо мейле Андрей Куторкин мольсь тонавтнеме Ульяновскоень совпартшколав. Ульнесть тензэ 18 иеть. Тесэ чалгаськак литературань кинть лангс. Пек лездась политпросвещениянь коряс тонавтыцясь Анна Александровна Караваева. Самай сон тешкстынзе тонавтницянзо ерокчинзэ. Се шкастонть Анрей Куторкинэнь лемесь появась Алатырень уездэнь «Трудовой газетасонть». «Деревенские» – истя лемдязель васенце очеркезэ. «Красная звезда» газетасонть лиссть прозаической лия произведениянзо. «Талантонь сяткине эйсэть ули, ды, паряк, кирвази покш толбандя», – мерсь А.А.Караваева. Самай сестэ од сермадыцясь саизе Ендол псевдонименть.

Ушодовсь социализмань шкась. Вишка народтнэнь кармась улеме сермаст. Ушодовсь а содамочинть марто бороцямось. Андрей Куторкинэнь кучизь Мордовияв, Дубенкав. Тесэ сон важодсь библиотекасо.

Эрямось лаказь лакась. Ансяк саизе тошначи тиринь кудонть кувалма. Тесэ Аня сазорозо сермадсь, келя, пек ормалгадсь тетязо. Сестэ сон тусь Чувашиянть маласо аштиця Орданьбуе енксов. Ютавтовсь коллективизация. Сонзэ аравтызь Жабина велень колхозонь прявтокс. Те шкадонть Андрей Дмитриевич а вечкиль ледстнеме.

Куторкинэнь

архивесь

1932 иестэнть Куторкин сась Саранскоев, те шкастонть ушодовсь литературасо важодемазо. «Эрзянь коммуна» газетань редактор, мейле – «Сятко» журналонь. Зярс ульнесь редакторокс, газетань лопатнесэ эзь лисне вейкеяк строчка сонзэ лемензэ ало. «Мон прявт редактор, ды монь лият тевень». Сон вадрясто топавтсь тевензэ Мордкизэнь прявт редакторокс ды Писателень союзонь правлениянь прявтокс улемстэяк. 1934 иестэнть лиси «Раужо палмань» историко-революционной романозо. Важодсь лангсонзо пек куватьс. Критиктнеяк эзть пракшно мартонзо ве мельс. 1941 иестэнть лиссь поэмазо. Теманть тензэ евтызе СССР-нь писателень I промкссонть сонсь Максим Горький. «Ламзурь» поэмасонть невтезь 1743-1745 иетнестэ инязоронть каршо Терюшевской волостень эрзятнень-мокшотнень восстаниясь. Сонзэ коряс сермадозь эрзянь васенце оперась. 1905-1907 иетнень революциядонть евтневи «Покш ки лангсо умарина» стихсэ сермадозь романсонть. 1976 иестэнть лиссь «Лажныця Сура» колмо книгасо романозо. Те кармась редявикс тевекс республикань культурной эрямосонть. Куторкиннэнь максозь Мордовиянь Государственной премиясь. Романось нолдазель Московсо.

Сермадыцянть архивезэ ашти зярыя фотографиясто, сермасто, рецензиясто, статьясто. Куторкинэнь содылизь кода нусманя, чатьмониця ломанекс. Эрьва ков сакшныль шкастонзо, а вечкиль ломанть, конат а кенерильть, кирдевильть. Бути максыль долкс 25 целковоень ассигнациясо, велявтомс эрявсь истямосо жо. Сеть ломантнень, конатне теильть тензэ берянь, «калмиль». Евтнить, столь лангсонзо свал ульнесть ламо карандашт, сон зярдояк а ушодыль од, зярс а прядови таштось. Андрей Дмитриевичень весе ловсть якиця энциклопедиякс. Павел Любаев писателесь ледстни: «Те ульнесь пек превей ломань, паро мельсэ кортыця. Сонзэ ульнесь ошсонть сехте питней библиотеказо. Весть сась монень пек талнозь, тувталось ульнесь вана мейсэ – тюрьмасто лиссь сонзэ шабразо ды эзь максо сынст семиянтень оймамо. Сестэ важодинь МВД-сэ ды оймавтыя шабранть. Седе тов сынь кармасть натой ялгакс. Андрей Дмитриевич эрямонзо перть евтась тень сюкпрянь валт».

Куторкинтнэ эзть евтнекшне семиясо эрямодосткак. А вечкильть столь экшсэ пурнавомат. Эсест эйкакшост арасельть, секскак сайсть эйде эйкакшонь кудосто. Сеедьстэ Миша церынензэ марто яксесть Саранскоень ульцятнева. «Пек берянь, эзь ванстово писателенть архивезэ, – корты сермадыцянть творчестванзо тонавтыцясь Михаил Ломшин, – ематотсть Московсо Андрей Дмитриевичень вейкине церанзо эскельксэнзэ».

Андрей Куторкинэнь мартонзо важодицятне лемдясть «патриархокс». Сырестэ, стакасто сэредезь, больницясо улемстэ сон энялдсь нинстэнь: «Монень бу конев панкс ды ветешка карандашкеть, ансяк тоцить вадринестэ».

Эрямось полавтовсь, течи кияк а ловны социализмань полавтоматнеде романт. Тень коряс весе литературась пулиякшны библиотекань полкатнесэ. Кие соды, паряк, учить эсест часост – зярдо сынст ловносызь ды одс варштыть икелень эрямонть лангс.

Светлана Пивкина

 

Новости

43№ лицейсэ панжовсть «Героень партат»

«Единая Россия» партиянь «Од школа» партпроектэнть лувсо ушодовсь «Парты героя» проектэсь. Сонзэ вельде кепедевить минек масторонь геройтнень лемтне, эйкакштнень трямосо-кастомасо васенце таркас аравтовить патриотической ёнкстнэ.

Неть читнестэ Саранскоень 43№ лицейсэ ютась промкс, кона алтавсь «Героень партань» панжомантень. Тесэ невтезельть кавто партат, конат алтавить Советской Союзонь Героентень Виктор Николаевич Бобковнень ды Мужествань Орденэнь кавалерэнтень Владимир Иванович Ненюковнень.

Подробнее ...
 
«Единая Россия» поддерживает законопроект Минтранса о невозможности высаживать детей из общественного транспорта

Эксперты партпроекта «Единой России» «Безопасные дороги» поддерживают законопроект Минтранса, внесенный на рассмотрение в Правительство РФ, согласно которому будет запрещено высаживать детей до 16 лет из общественного транспорта. Партия поддерживает данный законопроект, и совместно с Минтрансом доработает документ перед его внесением в Государственную Думу. Об этом заявил координатор партпроекта, заместитель председателя комитета Госдумы по транспорту и строительству Владимир Афонский на заседании общественного совета партпроекта.

Подробнее ...
 
Законопроект о «22-й кнопке» позволит поддержать местные телеканалы
Включение в обязательный цифровой пакет муниципальных
телеканалов, который распространяют операторы кабельных сетей, расширит
информационное пространство для зрителей и позволит существенно
поддержать местную тележурналистику. Об этом заявил соавтор
законопроекта о «22-й кнопке» - заместитель секретаря Генерального совета
«Единой России», член комитета Госдумы по информационной политике,
информационным технологиям Евгений Ревенко. Документ предполагает
внесение изменений в статью 32 федерального закона «О средствах массовой
информации» и статью 46 федерального закона «О связи».
Подробнее ...
 
В «Единой России» предложили расширить список оснований для получения ипотечных каникул, включив в него рождение второго ребенка
     Перечень оснований, по которым банки будут обязаны вводить ипотечные
каникулы для заемщиков, должен быть максимально широким и включать в 
себя не только потерю работы, но и вторую беременность. Об этом заявила 
член общественного совета партийного проекта «Крепкая семья», депутат 
Государственной Думы Татьяна Цыбизова в ходе заседания 
внутрипартийной дискуссионной площадки партии «Единая Россия» 
«Благополучие человека» на тему «Доступная ипотека – шаг к семейному 
благополучию».
Подробнее ...
 
Ёвтасть поздоровт Геройтнень аватненень

Мартонь 8-це чистэ од ломантне содавтызь ды ёвтасть поздоровт Мордовия Республикань чавовозь Геройтнень сядо аватненень. Те паро тевенть кармасть топавтомо «Россия – страна возможностей» панжадо платформантень совиця Росмолодежень од ломанень инициативань Грантонь конкурссонть «Не бывает чужих матерей» проектэнть изнямонзо вельде.
Активисттнэ ульнесть республикань 22 районсо ды казсть Героень аватненень цецят ды казнеть. Мероприятиянть прявт тевезэ – од ломантнесэ нравственно-патриотической воспитаниянть кемекстамось ды Геройтнень аватненень лаздамось, конат ёмавтызь эсь цёраст Афганистанонь, Чечнянь ды лия локальной конфликттнэсэ воинской долгонь топавтомсто.
Проектэсь тевс нолдави 2016 иестэ саезь Мордовия Республикань Ковылкинань районсо, а 2018 иень ноябрясто саезь – республиканть келес. Од ломантне ютавтнить вастовомат чавовозь геройтнень аваст марто. Ёвтыть тенст поздоровт Мартонь 8-це чинть, Авань чинть кувалма. Лездыть тенст энялдомаст коряс.