Рубрикатор

Культура Финнэнь-угрань раськень конференциясь саранскойсэль
Финнэнь-угрань раськень конференциясь саранскойсэль

Ноябрянь 19-22-це читнестэ Саранскойсэ ютась покш промкс – финнэнь-угрань раськетнень уставной Весемирэнь конгресстнэнь ютксо «Реализация решений V Всемирного конгресса финно-угорских народов» раськеютконь промежуточной конференциясь. Теке жо читнестэ РФ-нь Региональной кемекстамонь министерствань мереманзо коряс Мордовиянь прявтошсо ютавтозель РФ-нь финнэнь-угрань раськетнень Ассоциациянь Советэнь заседаниясь. Конференциянтень састь сядодо ламо делегатт ды наблюдательть финнэнь-угрань 23 раськетнень пельде. Ульнесть делегатт Россиянь регионтнэстэ, конатнесэ эрить финнэнь-угрань раськетне ды омбо масторсто: Венгриясто, Финляндиясто, Эстониясто, Норвегиясто.

Конференциянь программась пек сюпаволь. Васенце чистэнть Мордовэкспоцентрасо панжовсь финнэнь-угрань раськетнень промыслань ды ремеслань «Тев» выставкась-ярмункась. Истя жо те чистэнть республикань инжетне якасть Ташто Теризморга велень музейно-этнографиянь комплексэв ды Орданьбуе енксонь Орозбуе велев, косо ютавтозель лембе кемень кенярксчи. Чокшне Национальной театрасо конференциянь участниктнень туртов невтезель «Толмар» спектаклясь.

Панжовсь конференциясь ноябрянь 20-це чистэ Республикань кудосо, тесэ жо ютась Пленарной заседаниясь. Васенцекс кортась МР-нь Госсобраниянь Председателесь В.В.Конаков. Сон шумбракстнесь весень марто эрзянь ды мокшонь кельтнесэ, евтась приветствиянь вал МР-нь Прявтонть Н.И.Меркушкинэнь пельде. Валентин Васильевич евтнесь меельце иетнень перть Мордовия Республикасо ды целанек Россиясо финнэнь-угрань движениянь изнявкстнэде. Истя жо евтась вал РФ-нь Региональной кемекстамонь министерствань раськетнень ютксо отношениянь департаментэнь прявтось А.В.Журавский. Сон тешкстызе финнэнь-угрань раськетнень покш путовксост минек государстванть теемасо, сынст неявикс таркаст Россиянь историясонть ды неень эрямосонть.

Седе тов кортамонть поладызе финнэнь-угрань раськетнень Весемирэнь Конгрессэнь Консультативной комитетэнь председателесь В.П.Марков. Сон домкасто евтнесь V-це Конгресстэнть мейле ютазь кавто иетнень перть теезь важодемадонть, седе, кода топавтовить Конгрессэнь кармавтоматне, мезесь полавтовсь вадря енов ды мезесь, мекевланк, кармавты мелявтомо. Валерий Петрович тешкстынзе сехте паро проекттнэнь, конатнень эряви топавтомс седе товгак, ды токинзе минек раськетнень талновтыця кевкстематнень. Ютксост сехте пштистэ аштицякс сон лови тиринь кельтнень тонавтоманть. – Бути эйкакшонок а кармить содамо тиринь келест, мейсэ сестэ минек важодемань смустесь? Кинь туртов минь тесэ пурнавтано? – пшкадсь пурнавозтненень Валерий Петрович.

В.П.Марковонь валонзо коряс, сехте вадрясто ютазь Конгрессэнь кармавтоматне топавтовить культурань енкссонть. Финнэнь-угрань эрьва регионсонть ютавтозельть ламо фестивальть, выставкат ды седе тов. Вадряль, бути лия енкстнэсэяк важодемась молевель истя жо виевстэ. Теде башка, Валерий Петрович евтнесь Конгрессэнь Консультативной комитетэнь важодемань аравтлувдонть ды сыця VI-це Конгрессэнтень анокстамодонть.

Седе тов конференциянь важодемась поладовсь секциятнесэ. Весемезэ эйстэдест ульнесть колмо: «Этнополитика, язык и образование», «Культура, здоровье, экология» ды од ломанень тевтнень коряс "кругловой столесь". Секциятне важодсть кавто чинь перть. Васенцесэнть весемезэ теезельть 19 докладт. Эрьва докладчикесь евтась мелензэ-арсеманзо те эли тона талновтыця кевкстеманть коряс, кона сюлмазь экономиканть, келенть ды образованиянть марто. Васенцекс вал сайсь Эстониянть пельде делегатось Юрий Валги. Сон евтнесь пурнавозтненень эстононь келень кемекстамонь маласо сисем иетненень аравтлувдонть. Те документэнть лангсо Эстониясо важодсть сядот ломанть, ютксост ученойть, политикть, общественной деятельть. Маласо шкастонть аравтлувось ули кемекстазь. Ю.Валги евтнесь кода сонзэ масторсо арсеви ветямс эстононь келень касомантень-кепетемантень лездамонь коряс важодеманть. Секциянь ламот участниктне бажасть содамс – ютавтови-арась те документэсь рузонь ды англань кельтнес, эдь сон улевель пек лезэвекс лия раськетнененьгак. Кортыцясь кемевтинзе пурнавозтнень: аравтлувось лиси англань ды рузонь кельтнесэ ды карми паро невтевксэкс финнэнь-угрань лия рась-кетнень туртов тиринь келень ванстомань тевсэнть.

Мельявовтыця доклад тейсь Коми Республикасто делегатось, дошкольной образованиянь раськень кевкстематнень коряс лабораториянь прявтось З.В. Астапова. Сон тешкстызе, тиринь келентень эйкакштнень эряви тонавтомс сехте вишка шкастонть саезь, зярдо сынь эште школавгак эзть карма якамо. Зоя Васильевна евтнесь вишка эйкакштнень коминь келентень тонавтомань проекттнэде, конат топавтовить республикасост ды уш кармасть максомо вадря результатт.

Ленинградской областень делегатось А.И.Киринин кортась финнэнь-угрань сехте вишка раськетнень кевкстематнеде. Водь, ижора, сету ды лия раськетнень келест тонавтомадонть, ингерманландской финнтнэнь Россиянь коренной вишка раськетнень юткс совавтомань эрявиксчиденть.

Секциятнень важодемань итогтне евтазельть Пленарной заседаниясонть. Эрьва секциянь сопредседателесь тейсь башка отчет ды евтынзе седе тов важодемантень кармавтоматнень. Весе делегаттнэнень максозель конференциянь рекомендациятнень проектэсь, сонзэ кисэ максызь вайгелест весе пурнавозетне.

Кода евтась Валерий Петрович Марков, 2011-це иень мартсто Петрозаводск ошсо карми ютамо промкс, конасонть кортавить VI-це Конгрессэнь темась ды девизэсь. Евтазель мелесь – сы Конгрессэнь прявт темакс кочкамс тиринь келень кевкстематнень.

Меельцекс сайсь вал МР-нь Культурань министрась, РФ-нь АФУН-нь прявтось П.Н.Тултаев. Сон евтась покш сюкпря Консультативной комитетэнтень конференциянь ютавтома таркакс Саранск ошонть кочкамонть, вадря ды лезэв важодеманть кисэ. Инжетне жо эсест пельде тешкстызь, кода седейшкава ды лембестэ эйсэст свал вастыть Мордовиясо.

Ю.Камаева

* * *

Конференциянть лувсо башка мель явозель финнэнь-угрань од ломантнень талновтыця кевкстематнень ванкшномантень. Те теманть коряс «кругловой столенть» ветясть раськеютконь МАФУН-нь прявтось Алексей Цыкарев ды РФ-нь МАФУН-нь прявтось Татьяна Шматова. Кортамось мольсь финнэнь-угрань од ломанень ассоциациятнень тевдест, икелест аштиця стакачитнеде. Пуромозтне тешкстызь, келя, пек вадря, бути тиринь келентень, койтненень-кирдатненень покш мель явить од ломантне, те лезды аволь ансяк сынст ванстомантень, истя жо ламолгавтомантень, максы раськетненень кемема – сынст ули вандынь чист. «Кругловой столенть» ютавтома шкасто евтазельть ламо мельть-арсемат, кода тонавтомс эйкакштнень, од ломантнень покштяст-бабаст койтнень-кирдатнень вечкеме, сынст ванстомо ды тонавтнеме. Истя, сы иень февральстэ Ижевскойсэ ютавтови «Финнэнь-угрань ероков од ломантнень школа». Башка мель тосо арсеви явомс финнэнь-угрань раськетнень правадост кортамонтень, общественной дипломатиянь коряс содамочитнень касомантень.

«Кругловой столенть» ветямсто кепедезель истямо талновтыця кевкстема, кода финно-угрань велетнень емамось. Арасть важодема таркат, од ломантне туить ошов, пекставить школатне… Велетненень эряви лезкс. Истя, максозель мель анокстамс-тонавтомс предпринимательть, конат сюлмасызь тевдеемаст финнэнь-угрань койтнень марто ды кармить важодеме велетнесэ.

Кода пачтясь Алексей Цыкарев, финнэнь-угрань раськень кельтнень, койтнень-кирдатнень ванстомаст ды сюпалгавтомаст коряс содамочитнень ламолгавтомга анокстави раськеютконь МАФУН-нь сайтось. Те лезды од ломантненень шождасто кортамс вейкест-вейкест марто, максомс кулят финно-угрань раськетнеде, ютавтовиця мероприятиятнеде.

Финно-угрань раськетнень эрямонь социальной ды экономической енкссо талновтыця кевкстематнеде арсеви кортамс тедедень декабрясто Пермской краень Кудымкар ошсонть.

2011 иестэ Саранскойсэ ютавтови Финнэнь-угрань раськень од ломанень ассоциациянь X-це Конгрессэсь. Пуромозтне евтасть мельть-арсемат те покш мероприятиянтень анокстамодонть.

Кепедезельть лия кевкстематкак: финнэнь-угрань раськень радионь теемадо, од ломантнень туртов журналонь нолдамодо, финнэнь-угрань раськень эйкакштнень туртов конференциянь ютавтомадо...

Пуромозтне тешкстызь, одтнэвтеме мезеяк а тееви раськень койтнень ванстомасонть. Секскак сынст мелест-бажамост эряви кирдемс, лездамс тенень.

Т.Аксенова

 

Новости

«Единая Россия» запускает новый проект по поддержке региональных НКО

 Совет Сторонников «Единой России» запускает новый проект по поддержке региональных НКО – Центр поддержки гражданских инициатив (ЦПГИ). Центр займется поддержкой гражданских инициатив и проектов НКО, региональных лидеров общественного мнения и активных граждан. Каждый проект должен быть направлен на развитие территорий и иметь социальную направленность. Центр позволит обеспечить более четкое взаимодействие между волонтерами, организаторами волонтерской деятельности, благополучателями, органами государственной власти и органами местного самоуправления. Об этом заявил секретарь Генсовета «Единой России» Андрей Турчак, выступая на молодежном форуме «Машук-2018», который проходит в эти дни в Пятигорске.  

Подробнее ...
 
Уведомление

 Государственное бюджетное учреждение Республики Мордовия «Редакция газеты «Эрзянь правда» информирует регистрированных кандидатов в депутаты Госсобрания РМ о проведении 9 августа 10.00 часов жеребьевки по предоставлении печатной площади  на дополнительные выборы в Госсобрание Республики Мордовия  9 сентября 2018 года.

 
Единый «налоговый патент» для ЛПХ поможет фермерам развивать хозяйства
Патентная система станет оптимальным решением для тех фермеров, которые сегодня боятся
регистрировать ИП из-за бюрократических препон, но задумываются о развитии своего
хозяйства или пытаются найти решение вопроса сбыта продукции. Об этом заявила член
комитета нижней палаты парламента по аграрной политике Светлана Максимова,
комментируя находящийся на рассмотрении в Госдуме законопроект, который предоставит
владельцам личных подсобных хозяйств право в случае необходимости купить «налоговый
патент» на срок от месяца до года.
Подробнее ...
 
Андрей Турчак: Совет по развитию цифровой экономики поможет регионам разработать соответствующие программы

Основными функциями Совета по развитию цифровой экономики при Совете Федерации станут экспертная поддержка законотворческой деятельности Совфеда в сфере цифровой экономики, а также помощь верхней палате в разработке соответствующих программ на региональном уровне. Также Совет будет помогать регионам разрабатывать свои местные программы по развитию цифровой экономики. Об этом заявил вице-спикер верхней палаты парламента, председатель Совета, секретарь Генерального совета «Единой России» Андрей Турчак, выступая в городе Гусеве Калининградской области на первом заседании Совета.

Подробнее ...
 
Саранскоесь – сехте вадря оштнень ютксо

2018 иень Футболонь коряс масторлангонь чемпионатонь невтевкстнэнь коряс, Саранскоесь совась сеть оштнень юткс, конат пек вечкевсть туристтнэнень. Ошонтень сазь инжетнень ламочист коряс сон саизе сисемеце тарканть, конань явизе Волгоградонть марто.

Подробнее ...