Рубрикатор

Культура Культурань волонтёртнэ паролгавтыть Россиянь кезэрень таркатнень
Культурань волонтёртнэ паролгавтыть Россиянь кезэрень таркатнень

 

Те кизэстэнть Псков ёнксонь Печоры ошсо ушодовсь «Волонтёры наследия» покш проектэнь «Волонтёры культуры» программась. Сон совавтозь «Культура» национальной проектэнтень. Мезе те истямось? Те – кавксо сменат, ков пурнавкшность Россиянь 30 регионсто 1600 ломанть. Сынст туртов ютасть эрьва кодат мельстуиця программат. Эрьва сменасонть ульнесть малав 250 ломанть. Весе сынь Россиянь эрьва кодамо ошсто. Студентт, эрьва кодамо таркасо важодицят, од ды сыре ломанть. Истямо проектэсь васенце. Апак кавтолдо мертяно, сон лиссь ды, кемтяно, поладови.

Ули меленек ёвтнемс сисемеце сменадонть, кона ютась таштамковонь 2-8-це читнестэ. Тей сакшность Якутиясто, Камчаткань крайстэ, Алтай Республикасто, Комистэ, Новосибирск, Смоленск, Мурманск ды ламо лия оштнестэ. Минек республиканть пельде тов якасть кемень ломанть. Сынст ютксо ульнесть «Сиянь волонтёрт» движениянь эряза сырькайтнеяк.

Печоры – вишка ош, кона ашти Россиянть ды Эстониянть границясо, тесэ эрить малав 9 тёжат ломанть. Минь эринек Печоры ошонь Паломникень центрасо, кона панжовсь сисем иеде икеле. Те таркасонть икеле ульнесь воинской часть, конань мейле ютавтызь Псковов. Сонзэ мазылгавтызь, витнизь-петнизь, панжсть спортзал, актовой зал, киштемань ды морамонь нупальть, ушосо – эйкакшонь налксемань тарка, ков сакшныть ошонь малав весе эйкакштне.




Псковонь ёнксось – пек мельстуиця тарка.  Сонзэ сюпав ды кезэрень историязо. Тесэ ламодояк ламо мазый ды кезэрень таркат. Кой-конатнень марто тынь теевтядо содавиксэкс. Саемга, Псково-Печерской Свято-Успенской монастыресь, кона панжовсь 1473 иестэ. Сон зярдояк эзь пекставкшно! – сменань панжомсто пшкадсь инжетненень «Волонтёры наследия» проектэнь прявтось Николай Крутов.

Сонзэ валонзо поладынзе Печорской райононь администрациянь прявтось Д.И.Сопотов, кона пачтясь, те проектэсь совавтовсь эрямос РФ-нь Культурань министранть Владимир Мединскоень ды Псковонь ды Порховонь Тихон митрополитэнть лездамост вельде. Сынь арсесть, кода вейсэндямс волонтёртнэнь ды мартост вейсэ ушодомс  ванстомо историянь ды культурань памятниктнень.

Те проектстэнть кияк эзь туе берянь ёжосо. Минек покш масторонь эрьва кодамо ёнксонь, эрьва кодамо раськень ломантне муить од ялгат, теевить содавиксэкс культурань сюпавчинть марто. Сынст туртов ютыть лезэв мастер-класст, духовно-нравственной тевть-валт, – кортась проектэнь кураторось о.Анастасий.

Сменань панжомсто эрьва регионось тейсь-анокстась презентация. Мордовиянть пельде проектэнь ютавтыцятненень казезель ашо кши. Сонзэ Темниковасто ускизе Анастасия Базаева. Нама, моразельть эрзянь ды мокшонь морот. «Сиянь волонтёрт» движениянь сырькайтне анокстасть вишка концерт. Сынст вастызь пек лембестэ ды седейшкава.

Минденек икеле ульнесть кото сменат. Весе волонтёртнэ эрьва чи важодсть: ванськавтсть ды витнесть-петнесть ошонь оймсема таркатнень, культурной ды исторической сюпавчинь объекттнэнь Печоры ошсо, Изборскоень крепостьсэ, Псково-Печерской монастырьсэ: артсть пирявкст, стенат, ванськавтсть китнень-янтнэнь, озавтсть цецят ды кочкасть зыянов тикшенть. Истя жо артсть артовкст Печоры ошонь эйкакшонь интернатонь стенатнесэ.  Сынст тевест поладынек миньгак.

Изборскоень крепостень музейсэ-заповедниксэ волонтёртнэнь учость. Сеске явимизь куронь-куронь, явшесть тенек кедьёнкст. Тесэ пурнынек ледезь тикшенть, кочкинек зыянов тикшенть, шлинек башняв кузема таркатнень. Изборскоень кевень крепостесь стявтозель 1330 иестэ! Сонзэ вельде ванстсть Псковонь модатнень ды весе Русенть яттнэде. Стенатнень кувалмост – 623 метрат, сэрест – 10 метрат, эчкест – ниле метрат. Крепостьсэнть сисем башнят ды эрьванть ули лемезэ. Весе пингетнень перть крепостенть лангс ламот каявкшность, мольсть тюремат, ансяк сон нейгак ашти таркасонзо ды дивавты мазычисэнзэ, кемечисэнзэ.

Крепостенть эйстэ аволь васоло мода потсто чавить Словенской лисьмапрятне. Сындест 12 ды сынь виевстэ чудить кевень стенанть потсто. Ведесь юты чуваронь, сёвонень, поронь пачк ды ванськавтови. Мазый чудикерькстнэ ютыть алов ды прыть Городищенской эрькес. Ведь мельга ды оймсеме тей сакшныть ламо ломанть. Эрькесэнть укшныть ашо локсейть, конат апак пеле ярсыть ломанень кедьстэ кшиденть.

Лия чистэнть минек лембестэ вастсть пек кезэрень таркасонть – Снетогорской авань монастырьсэ. Сон ашти Псковонь вакссо Великая леенть чиресэ Снятная пандонть прясо, видестэ ули меремс, пандонть чиресэ. Те таркадонть васенцеде ледстяви 1299 иенть коряс, зярдо Иоасаф игуменэсь ды эштё 17 озныцятне пултазельть церьковасонть. 1312 иестэ тесэ стявтсть Рождество Богородицы собор ды артызь фрескасо. Кемтядо-арась, сынь ванстовсть те шкас! 700 иетнень перть церькованть лангс ламоксть каявкшность поляконь, шведэнь яттнэ, аволь весть бажасть пултамс. Ине Отечественной войнань шкасто тесэ ульнесь немецень армиянь штаб. Теде мейле, Советэнь шкатнестэ, тесэ ламо мезенть тапизь-яжизь. Ды ансяк 1993 иестэ монастыресь панжовсь одс. Лия читнестэ сайнимизь Спасо-Елеазаровской авань монастырев. Сонзэ истя жо кувака историязо. 

Башка валт ёвтавлинек Свято-Успенской Псково-Печерской монастырденть, кона содавикс модамасторонь келес. Те ознома таркась зярдояк эзь пекставкшно. 1940 иенть самс ульнесь Эстониянть кедьсэ, мейле, войнань шкане, эзизь токше, войнадо мейле советэнь шкатнестэ пек аштесь кисэнзэ Алипий (Воронов) игуменэсь, кона эзизе максо пекстамс. Тесэ маласо ды васоло аштиця пещерат (сынст лемест «Пазонь теевть»), зярыя церьковат, иневанькс лисьмапрят, те таркась ашти кевень стена потсо (крепостьсэ). Монастырьсэнть ламо святынят: чудотворной пазават, мощат. Инжетнень туртов ютась покш экскурсия. Невтезельть дивань пещератнеяк.



Вейс пурнавозь волонтёртнэнь эрьва чи учость од тевть ды мелень коряс вастовомат. Саемга, декоративно-прикладной творчествань, народной ремёслань, киштемань ды морамонь коряс мастер-класст. Программась сюпаволь ды лиясто савсь кочкамс, ков седе паро ули молемс. Эрьва чокшне ульнесть толпандя вакссо аштемкат: сэтьме кортамот ды гитара марто моронь морамот. Недлясь ютась теке вейке чи. Меельце чокшнестэнть тагояк невтезель покш концерт. Волонтёртнэ нурька шкас анокстасть эрьва кодат номерт. Морасть морот, частушкат, ловность баснят, невтсть киштемат. Весенень пек тусь мельс вальсось, конань волонтёртнэ невтизь ушосо.

«Волонтёры наследия» практической сессиянь эрьва участникентень макссть РФ-нь Культурань министрань полавтыцянть О.С.Яриловань пельде Благодарностть. Волонтёртнэнь туртов ёвтасть ламо сюкпрянь валт лездамост кисэ. Кода пачтясть проектэнь ветицятне, сы иестэ программась поладови, ансяк зярс а содыть косо, Печорысэ эли лия таркасо. Малав эрьва ломаненть ули мелезэ тагояк понгомс тей, вастовомс ялгатнень-оятнень марто, содавтомс оймень витиця таркатнень.

Татьяна Маторкина

Фототне Николай Бутонь

 #волонтеры_культуры

#волонтерынаследия

#нацпроекткультура #псковскаяобласть #печоры #псков #изборск

 

Новости

Эрицятнень сёрмадстомантень анокстамотне ушодовсть



Малав ие кадовсь эрицятнень Весероссиянь сёрмадстоманть самс. Аволь умок МР-ва Федеральной службань государственной статистикань территориальной органсонть ютавтовсь вастовома, конанть шкасто видео-конференциянь лувсо ветявсь кортамо Росстатонь прявтонть Павел Малков марто. Вановсть сёрмадстомань шкатне ды невтевсь официальной тешксэсь.


Подробнее ...
 
В Мордовии собрано более 700 подписей на запрет «наливаек»
 
В Республике Мордовия завершились мероприятия по сбору информации и
подписей в поддержку инициативы об ограничении работы питейных заведений,
расположенных на первых этажах многоквартирных домов и придомовых
территориях в Республике Мордовия.

Подробнее ...
 
Награждение победителей акции «Здоровое питание - активное долголетие»
 
  Уже сегодня, 17 октября,  34 ученика из Мордовии отправятся на 12-ю  смену  
Международного детского центра «Артек». Победителей акции, их наставников и кураторов 
поприветствовал  секретарь Регионального отделения «Единой России» Владимир
Чибиркин. Он  подчеркнул, что пропаганда  здорового образа жизни и оздоровление нации 
являются одними из ведущих направлений деятельности «Единой России», акция 
реализуется в рамках партийного  проекта «Здоровое будущее».  Это дает свои плоды - с
каждым годом в нашей стране увеличивается  число неравнодушных людей,  которые 
начинают сами вести здоровый образ жизни и ведут за собой других.

Подробнее ...
 
В республике успешно реализуются социально значимые проекты первичных отделений «Единой России»
 
Первичные отделения поселка  Ромоданово и поселка  Зубова Поляна   успешно
реализуют на практике  свои социально  значимые проекты, удостоенные грантовой
поддержки по итогам конкурса проектов первичных отделений, инициированного 
«Единой Россией»
  Цель проекта  «Мы рядом», реализуемого в Ромоданове - помощь пожилым людям и 
инвалидам, имеющим  заболевания опорно-двигательного  аппарата.   Прокат технических 
средств реабилитации  организован на бесплатной основе для граждан пожилого возраста, не 
имеющих группы инвалидности, но,  в силу возрастных изменений или перенесенных 
заболеваний, травм, потерявших способность свободно передвигаться. В июле этого года в 
Ромодановском  местном отделении партии прошла  презентация проекта.  Открывая
презентацию,  секретарь  Ромодановского местного отделения Партии  Наталья Хомякова  
отметила, что  основная  задача проекта   помочь людям в трудный для них период 
реабилитации.


Подробнее ...
 
Баталина: Предложение Минтруда о новых правилах выплаты пособий по уходу за ребёнком создаст проблемы родителям
 
Предложение Минтруда, согласно которому претендовать на выплату 
пособия по уходу за ребенком до полутора лет может только тот, кто 
фактически ухаживает за ребенком, избыточно и может создать лишние 
проблемы родителям. Не исключено, что Фонд социального страхования при 
назначении будет требовать документально подтвердить, что именно 
заявитель (мать или отец ребенка) фактически за ним ухаживает. Об этом 
заявила первый заместитель секретаря Генерального совета «Единой России»
Ольга Баталина.
Подробнее ...