Рубрикатор

Культура ПОКШ ИГНАТОВА ВЕЛЕСЭ ПАНЖОВСЬ КУЛЬТУРАНЬ ОД КУДО
ПОКШ ИГНАТОВА ВЕЛЕСЭ ПАНЖОВСЬ КУЛЬТУРАНЬ ОД КУДО


…Ютазь недлясто Покш Игнатова велесэ ульнесь покш кенярксчи. Тесэнь «Аврора» кинотеатрань зданиясь парсте витнемадо мейле райононь эрицятнень туртов панжинзе эсь кенкшензэ. Культурань кудонть икелев пурнавкшость Покш Игнатова велень эрицятне, инжетне, райононь «Рябинушка», «Истоки», «Звонница», «Эрзянь авинеть», «Вастома» фольклорной ансамблянь ды художественной самодеятельностень артисттнэ. Сынь эрзянь кельсэ морасть морот. Тесэ жо, Культурань кудонть икеле, панжозель декоративно-прикладной ды художественной творчествань изделиянь «АРТ-Продвижение» выставка. Важодсть мастер-класст. Тешкстама, Культурань кудось витнезель-петнезель «Культура» Нацпроектэнть лувсо.

Тешкстасынек, Покш Игнатова велесэ «Аврора» кинотеатрась строязель 1987 иестэ ды теезель кинофильмань ванома таркакс. 1993 иестэ саезь райононь Культурань кудонь зданиянть церьковантень максоманть кувалма примазель решения, райононь Культурань кудонть важодеманзо ладямс кинотеатранть юрсо.






Шкась мольсь. Культурань кудонть важодемазо кинотеатрасонть мель эзь вите. А мезть сёпомс, кинотеатрасо арасель се, мезе эряви культпросветроботниктненень: сцена, художественной самодеятельностень артисттнэнь туртов кабинетт-мезть. Ды стясь кевкстема, кода седе куроксто зданиянтень теемс вадря витнема.
Покш Игнатова велесэ райононь Культурань кудось ловови Покш Игнатовань райононь 27 велетнень туртов культурань-досугонь виев учреждениякс. Тосо максыть методической ды консультационной лезкс велень филиалтнэнень.

– Культурань кудонть юрсо важодить 38 клубонь формированият, косо лововить 775 ломанть, 18 творческой коллективть, – ёвтни Культурань кудонь прявтось И.Н.
Галанова. – Важоди Андрейвелень народной театрась, кона путни спектаклят эрзянь кельсэ. Культурань кудосонть ней кармить ютавтневеме торжественной мероприятият, промкст, вастовомат, концертт, од ломантнень туртов дискотекат, кенярксчинь мероприятият, невтневеме кинофильмат, ды истя седе тов. Районсонок ютавтневить «Раськень озкс» ды «Велень озкс» республиканской ды велень раськень кенярксчитне, – полады Ирина Николаевна. – Тень кувалма, Культурань кудонть юрсо карми важодеме Эрзянь культурань куншкакуро.

– «Аврора» кинотеатранть кеместэ витнеме ушодсть 2018 иень августонь 27-це чистэ, – ёвтни Покш Игнатовань райононь администрациянь прявтонь полавтыцясь А.М.Левщанов. – Те тевенть топавтомо кундасть «Вектор» строительной организациянь важодицятне, косо исполнительной директорокс важоди Александр Васильевич Тулаев, прорабокс – Сергей Анатольевич Раскин.

– Вейке иес зданиясонть полавтозельть вальматне, кенкштне; потсо полавтозельть инженерной коммуникациятне, путозь неень шкань технологической оборудования. Теезь уштома тарка, конанень лади сэнь уштомапелесь ды а эряви оператор. Весемезэ ютавтозь 64 миллионт целковойть, – полады Алексей Михайлович. – Тень ютксо оборудованияськак.

…Саранскойстэ инжетнень, МР-нь Прявтонть В.Д.Волковонь, МР-нь Правительствань Председателень васенце полавтыцянть В.Н.Сидоровонь, МР-нь Правительствань Председателень полавтыцянть Г.А.
Лотвановань ды лиятнень вастызь кши-сал марто. Покш Игнатовань райононь прявтось Т.Н.Полозова тердинзе весень од, мазый Культурань кудонть ванкшномо.

Васняяк валось максозель МР-нь Прявтонтень В.Д.Волковнень. Сон тешкстызе, районось иеде иес виевгады, ламолгадыть эйкакштне ды, лисни, райононть ули вандынь чизэ. Культурань од кудось велень эрицятнень эрямост тейсы валдокс, кенярксовокс, эйкакштненень ды покштненень ули косо невтемс эсь ёрокчист. Истя седе ванстовить раськень культурась, койтне-кирдатне. В.Д.Волков тешкстызе, национальной проекттнэ, конатне теезь РФ-нь Президентэнть В.В.Путинэнь ушодксонзо коряс, лездыть виевгавтомс велетнесэ культуранть ды теить культурань сюпавчитнень малавиксэкс весенень.
Строительтненень, предпринимательтненень МР-нь Прявтось В.Д.Волков макссь Благодарностть. Ютксост – индивидуальной предпринимателесь А.Н.Костенков.

МР-нь Прявтонтень В.Д.Волковнень республикань культуранть виевгавтоманзо кисэ сюкпря ёвтась ды казсь футболка «Волонтёры культуры» сёрмадовкс марто волонтёронь отрядонь прявтось Юлия Горина.





…Талновтыця минутатне. Керяви якстере парсеесь ды ломантне вейке омбоце мельга капшазевсть Культурань кудонтень. Васенце этажсонть – фойесь, теезь «По зову сердца» экспозициясь. Тесэ А.Н.Наумовонь чувтосто теезь налкшкензэ. Совицятнень пек кецявты хореографиянь залось.

Тесэ жо, эйкакшонь театральной студиясь, конань прявтсо Р.И.Байтякова. Эйкакштне репетициясольть. Налксесть А.Сент-Экзюперинь «Маленький принц» пьесанть коряс спектаклянть.
Ютатано, кода кортыть, цоколень этажс. Тесэ аштить гончаронь мастерскоесь. Мастерэсь М.А.Сонаев тонавты эйкакштнень севоньстэ ваканонь, чакшонь тееме.

…Фольклоронь куншкакурось. Тесэ моли «Рябинушка» ветеранонь народной ансамблянть репетициязо. Сынь анокстыть «Шумбрат, Мордовия!» фестивалентень. Столь лангсо – самоварось, пачалксеть, медь. Коллективень участниктне каванить инжетнень. Ансамблянь художественной руководителесь О.М.Куманева.

Мейле инжетне таго ютасть васенце этажонь залонтень козонь кельгить 234 ломанть. Сон тыц пешксель. МР-нь Прявтось В.Д.Волков ёвтась поздоровт покш кенярксчинть кувалма, арсесь творчествасо од изнявкст ды Культурань кудонь прявтонтень И.Н.Галанованень казизе Ф.В.Сычковонь «Праздничный день в колхозе» картинанть.

– Содатадо, мон мельспаросан, районсонок ули истямо паро Культурань кудо, – ёвтни Покш Игнатовань райононь эрицясь, фермерэсь, МР-нь Госсобраниянь депутатось В.Ю.Кабаев. – Ней а визькс тердемс республикань содавикс морыцят, художественной самодеятельностень артистт шабра районтнэстэяк.
Истямо мелезэ Ташто Чамза велень эрицянть П.Я.Наумовоньгак.

Пётр ЗИНОВЬЕВ.
Покш Игнатовань район


11.09.2019

 

Новости

Единороссы высадили еловую аллею в Саранске
Акция по высадке саженцев, посвященная 75-летней годовщине Великой
Победы, состоялась сегодня в Саранске в микрорайоне Юбилейный.
Представители регионального отделения Партии «Единая Россия», МГЕР
Мордовии, молодежных общественных организаций, студотрядов,
юнармии, поисковых отрядов посадили более 40 саженцев, которые
доставили из Краснослободского района республики.


Подробнее ...
 
В Краснослободском районе успешно реализуется проект «Наследники Гиппократа»
Сегодня в медицинском колледже прошло занятие для волонтеров-медиков
Одним из победителей конкурса общественно-значимых проектов первичных отделений Партии «Единая Россия» стал проект первичного отделения №381 Краснослободского района «Наследники Гиппократа». Этот проект уже успешно реализуется в медицинском колледже в рамках реализации партийных проектов «Здоровое будущее» и «Старшее поколение», его участниками стали студенты-волонтеры.
Как отмечает секретарь первичного отделения 381 Краснослободского района Татьяна Кутузова, на средства, полученные в рамках гранта, были закуплены тонометры для измерения артериального давления, медицинская литература.
Подробнее ...
 
Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...
 
Кочкицятне ёвтызь мелест


Сентябрянь 8-це чистэ Россиясо ютасть кочкамот местной самоуправлениянь органтнэс. Тенень алтазель журналисттнэнь туртов пресс-конференциясь, конань сентябрянь 9-це чистэ Саранскойсэ, Союзонь кудосо ютавтызе «Единая Россия» политической партиянь региононь отделениясь. Журналисттнэнь кевкстемаст лангс отвечась МР-нь Государственной Собраниянь Председателесь, «Единая Россия» Мордовиянь региононь отделениянь прявтось В.В.Чибиркин.

Пачтязель, Мордовиясо истя жо ульнесть кочкамот. 407 мандаттнэнь кис снартнесть 1054 ломанть. Республикань келес вайгелест максомо сакшность 63 % эрицят. Вайгелест максомо сехте ламо сакшность Ромодановань районсо – 74,24 %. Аламодо эйстэст кадовсть Инсаронь райононь эрицятне. Тосо – 73,01 %. Вейке проценттэ аламо сакшность Отяжелень районсо. Ламо кандидаттнэнь ютксо 98 % вайгельтне максозь «Единая Россия» политической партиянь представительтнень кис. Ды те а стяко. Ламо шкань перть мольсь анокстамонь робота. Сехте паро кандидаттнэнь эрицятне тешкстакшнызь эштё маень 26-це чистэ, зярдо ютавтозель предварительной вайгелень максомась. Сондензэ икеле ютавтозельть эрицятнень марто вастовомат, конатнесэ ломантне теевсть содавиксэкс кандидаттнэнь ды сынст проекттнэнь марто. Сестэнь изницятне вастовоматнень поладокшнызь велесэ эрицятнень марто. Ютавтозельть 114 вастовомат. Эрицятнень ламо кармавтоматне топавтозельть.

Мордовиясо кочкамотне ютатсть закононь колсемавтомо.

Подробнее ...