Рубрикатор

Культура Ловныцятне содавтовить минек раськень историянь, культурань сюпавчитнень марто
Ловныцятне содавтовить минек раськень историянь, культурань сюпавчитнень марто

А.С.Пушкин лемсэ библиотекасо национальной ды краеведениянь литературань отделэнть панжомсто саезь сон кармась мокшэрзянь раськень информационной, культурно-исторической ды документальной сюпавчинь ванстома таркакс. Те – краеведениянь информациянь ды документэнь пурнамонь ды ванстомань центра.

Отделэнть фондсо течи малав 60 тёжат изданият, сынст ютксо 5408 мокшонь ды 5572 экземплярт эрзянь кельсэ. Тесэ пурназь эрзянь ды мокшонь кельсэ лисезь рузонь ды масторлангонь классиктнень произведеният, национальной школатнень туртов учебниктне, минек автортнэнь сёрмадовкстнэ, минек учёнойтнень литературоведческой ды лингвистической важодемаст.




2011 иестэ саезь национальной ды краеведениянь литературань отделэнть юрсо теевсь финнэнь-угрань литературань куншкакуро. Тесэ ванстови финнэнь-угрань раськетнень кельсэ литературась. Весемезэ малав 2 тёжат экземплярт.

Минек отделэсь яви мель раськеютконь культурань проекттнэнень, программатненень, конань прявт лувось – ванномс финнэнь-угрань письменностенть ды культуранть. 2011 иестэ тевс нолдазь «Электронная коллекция произведений мордовских писателей из фондов Национальной библиотеки им. А.С. Пушкина, опубликованных в 1920-30-е годы» проектэсь. Сон топавтовсь Россиянь ды Восточной Европань Институтонть (Финляндия) лезксэнзэ вельде. Библиотекань важодицятне ульнесть Весемирэнь библиотечной ды информационной конгрессэ, сон ютась 2012 иестэ Хельсинкисэ.

2014 иестэ Финляндиянь Оулу ошсо ютась Россиянь-Финляндиянь культурань форумось. Сонзэ эйсэ важодсть минек отделэнь важодицятнеяк.

Национальной ды краеведениянь литературань отделэсь кеместэ важоди МР-нь Культурань, национальной политикань ды архивень тевень министерстванть, Эрзянь ды мокшонь раськень Регионъютконь общественной вейсэндявксонь Исполкомонть марто.  Вейсэ топавтовить эрьва кодат проектт. Саемга, «Мордовия мастеровая» республиканской образовательной проектэсь. Васенце мероприятиясь алтазель кемень кевердемантень ды сынст викшнемантень. Седе тов ютась историянь наукань докторонть, профессоронть А.С.Лузгинэнь «Народные промыслы мордовского края» книгань презентациясь. Теде мейле – «Тавлинская игрушка – мудрость народная» выставкась-презентациясь, «Мордовский костюм – Всемирное достояние» эрзянь ды мокшонь оршамопельтнень покшчись.

«Гордость нации» культурно-образовательной проектэсь алтави Мордовиянь содавикс ломантненень, конат тейсть покш путовкс минек республикань историянь, культурань, литературань, архитектурань, музыкань, кинонь, театрань ды лия сфератнесэ. Истя, ютась «Педагог, искусствовед, драматург» В.С.Брыжинскоень юбилеень чокшнезэ, МР-нь заслуженной поэтэнть ды общественной деятеленть Р.К.Орловань творческой чокшнезэ ды ламо лия вастовомат.

Отделэнь важодицятне ламо ардтнить Россиянь регионтнэва ды эсенек районтнэва. Сынь ульнесть «Шумбрат, Подмосковье!» Москов ёнкссо раськень культурань васенце фестивальсэнть, «Культура и история мордовского народа Чувашии» регионъютконь Кругловой стольсэнть, Ульяновскоень ёнкссо Мордовиянь культурань читнесэ, раськень книгань читнесэ, конат мольсть Пензасо ды седе тов.

Ламо мероприятиятне ютавтовить од ломанень вейсэндявкстнэнь марто. Саемга, «Вал» куронть марто, кона важоди «Сятко» журналонть юрсо. Кеместэ важодтяно МР-нь Писателень союзонть, раськень культурань содавикс деятельтнень марто. Библиотекасонок ютасть МР-нь народной поэтэнть Сергей Кинякинэнь 80 иетненень алтазь литературань чокшнесь; Владимир Нестеровонь поэзиянь чокшнесь; эрзянь драматургонть Ксения Петровань чачома чистэнзэ 125 иетненень чокшнесь.

2018 иестэ одс поладозель «Этношкола в библиотеке» образовательной проектэсь. Сон алтави Саранскоень ды райононь школасо тонавтницятненень. Сынь содавтовить эрзянь ды мокшонь кельтнень, литературанть ды культуранть марто. Покш тев ветяви патриотической воспитаниянть коряс.

Эйкакштненень тукшныть мельс эрзянь ды мокшонь мифологиянь коряс мероприятиятне. Вейкентень тердезель МР-нь заслуженной художникесь А.С.Алёшкин. Сон содавтынзе эйдетнень мокшэрзянь ёвкстнэнь, пазтнэнь марто.

Эйкакшонь поэзиянь коряс мельстуиця чокшне ютась МР-нь заслуженной поэтэнть Н.И. Ишуткинэнь марто.

Музыкальной вастовома ульнесь МР-нь заслуженной артистканть Галина Макшевань марто. Сон морси «Келу» фольклорной ансамблясо. Морыцянть содасызь аволь ансяк минек республикасо, сонзэ томбалеяк. Вастовомасонть, нама, Галина Николаевна морась ды макссь каршо валт эйкакштнень кевкстемаст лангс.

Футболонь коряс мирэнь Чемпионатонтень 25 № школасо ютась «Шумбрат, чемпионат!» спортонь чи. Тей сакшнось Олимпийской налксемань кавксть призёрось Денис Нижегородов. «Тюштянь налксемат» клубонь ветицясь П.Мигунов ютавтсь эйкакштнень ютксо пелькстамот.

Тиринь ёнксонь культурань ды историянь вечкицятненень отделсэнек панжозь «Краевед» клуб. Сонзэ юрсо ютась Од журналистэнь школань участниктнень ды Н.П.Огарёв лемсэ МГУ-нь филологиянь факультетэнь «Журналистика» отделениянь студенттнэнь марто вастовомат.

Неень шкане топавттано «Вейсэ» патриотической ды раськеютконь тевтнень коряс проектэнть. Татаронь Пишля велесэ ютавтынек татаронь писателенть Шариф Камалонь 135 иетненень чокшне. Тей сакшность поэтэнть земляконзо, малавиксэнзэ, конат паро мельсэ ледстнесть поэттэнть, ловность стихензэ татаронь ды рузонь кельсэ.

Библиотекартне покш тев ветить омбо масторонь студенттнэнь марто, конат тонавтнить минек вузтнэсэ. Сынь, ловныцянок, сеедьстэ сакшныть тенек эсь тевест коряс ды эрсить минек мероприятиятнесэ. Те, саемга, «Искусствань ве» весероссиянь акциясь, «Театральные посиделки» минек театратнень содавикс актёртнэнь марто вастовомась (сон ютась «Библиове» акциянть лувсо).

Отделэсь ояксчинь сюлмот кирди общественной вейсэндявкстнэнь марто: «Литова» эрзянь аватнень союзось», «Юрхтава» мокшонь аватнень ассоциациясь».

Башка валт ёвтавлинь минек писательтнень ды учёнойтнень Малькинэнь, Девинэнь, Абрамовонь, Ельмеевень, Прончатовонь лемс ютавтовиця ловноматнеде, конат ютавтовсть сынст чачома велесэст.

Отделэнек максы информационной ды методической лезкс Мордовиянь муниципальной библиотекатненень. Ицялбуень ЦБС-нь коллегатнень марто ютавтынек народной сказительницанть Е.П. Кривошеевань 150 иетненень литературань чокшне, И.Прончатовонь 100 иетненень Ламбаське велень ды Ицялонь библиотекатнень марто ютавтынек Прончатовонь ловномат ды лия акцият.

Дубёнкань райононь библиотеканть, Кенде велень администрациянть ды школанть марто ютавтынек литературань конференция, кона алтазель эрзянь прозаикенть, поэтэнть, драматургонть, Ине Отечественной войнань участникенть, СССР-нь Писателень союзонь членэнть, МАССР-нь заслуженной писателенть А.С. Щегловонь 100 иетненень.

Истя жо минек библиотекасо Кочкурбуень ЦБС-нть марто ютавтынек И.И.Потапкинэнь «Православная церковь в Кочкуровском районе Республики Мордовия» историко-этнографической очеркень презентация.

Ламо мероприятият ютавтовить Н.П.Огарёв лемсэ МГУ-нь филологиянь факультетэнть марто. Сынст ютксо писателенть, общественной деятеленть Г.Я.Меркушкинэнь 100 иетненень научно-педагогической ловномат; вастовома фольклористэнть, историкенть, поэтэнть А.М.Шароновонь марто ды лият.

Отделэнь важодицятне явить мель «Библиове» ды «Искусствань ве» весероссиянь акциятненень. Анокстыть ловныцятненень эрьва кодат выставкат, вастовомат, мастер-класст, свал арсить мезеяк од. Сынь теить весементь ловныцяст туртов, содавтыть ломантнень минек раськень историянь, культурань сюпавчитнень марто.

 

Надежда Бочканова,

А.С.Пушкин лемсэ

библиотекань национальной ды краеведениянь

литературань

отделэнь прявт.

 

Новости

Единороссы высадили еловую аллею в Саранске
Акция по высадке саженцев, посвященная 75-летней годовщине Великой
Победы, состоялась сегодня в Саранске в микрорайоне Юбилейный.
Представители регионального отделения Партии «Единая Россия», МГЕР
Мордовии, молодежных общественных организаций, студотрядов,
юнармии, поисковых отрядов посадили более 40 саженцев, которые
доставили из Краснослободского района республики.


Подробнее ...
 
В Краснослободском районе успешно реализуется проект «Наследники Гиппократа»
Сегодня в медицинском колледже прошло занятие для волонтеров-медиков
Одним из победителей конкурса общественно-значимых проектов первичных отделений Партии «Единая Россия» стал проект первичного отделения №381 Краснослободского района «Наследники Гиппократа». Этот проект уже успешно реализуется в медицинском колледже в рамках реализации партийных проектов «Здоровое будущее» и «Старшее поколение», его участниками стали студенты-волонтеры.
Как отмечает секретарь первичного отделения 381 Краснослободского района Татьяна Кутузова, на средства, полученные в рамках гранта, были закуплены тонометры для измерения артериального давления, медицинская литература.
Подробнее ...
 
Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...
 
Кочкицятне ёвтызь мелест


Сентябрянь 8-це чистэ Россиясо ютасть кочкамот местной самоуправлениянь органтнэс. Тенень алтазель журналисттнэнь туртов пресс-конференциясь, конань сентябрянь 9-це чистэ Саранскойсэ, Союзонь кудосо ютавтызе «Единая Россия» политической партиянь региононь отделениясь. Журналисттнэнь кевкстемаст лангс отвечась МР-нь Государственной Собраниянь Председателесь, «Единая Россия» Мордовиянь региононь отделениянь прявтось В.В.Чибиркин.

Пачтязель, Мордовиясо истя жо ульнесть кочкамот. 407 мандаттнэнь кис снартнесть 1054 ломанть. Республикань келес вайгелест максомо сакшность 63 % эрицят. Вайгелест максомо сехте ламо сакшность Ромодановань районсо – 74,24 %. Аламодо эйстэст кадовсть Инсаронь райононь эрицятне. Тосо – 73,01 %. Вейке проценттэ аламо сакшность Отяжелень районсо. Ламо кандидаттнэнь ютксо 98 % вайгельтне максозь «Единая Россия» политической партиянь представительтнень кис. Ды те а стяко. Ламо шкань перть мольсь анокстамонь робота. Сехте паро кандидаттнэнь эрицятне тешкстакшнызь эштё маень 26-це чистэ, зярдо ютавтозель предварительной вайгелень максомась. Сондензэ икеле ютавтозельть эрицятнень марто вастовомат, конатнесэ ломантне теевсть содавиксэкс кандидаттнэнь ды сынст проекттнэнь марто. Сестэнь изницятне вастовоматнень поладокшнызь велесэ эрицятнень марто. Ютавтозельть 114 вастовомат. Эрицятнень ламо кармавтоматне топавтозельть.

Мордовиясо кочкамотне ютатсть закононь колсемавтомо.

Подробнее ...