Рубрикатор

Культура Кадык масторлангсо кармить седе ламо истят прявтт
Кадык масторлангсо кармить седе ламо истят прявтт

Кода уш пачтинек тиринь газетань лопатнесэ, аволь умок минек редакцияв сась сёрма Республиканской «Надежда» эйкакшонь ды од ломанень приютонь коллективенть пельде, косо ёвтавить сюкпрянь валт седеймариця ломантненень, васняяк, «Ардатовский светотехнический завод» ОАО-онь генеральной директоронтень Григорий Васильевич Аверьяновнень ды стратегической развитиянь коряс прявтонтень Александр Евгеньевич Куршевнень. Тешкстасынек, неень а шожда шкастонть эрьва истямо кулясь пек кенярдовты, кепеди мель седейшкава сёрмадомс  истят седейлембень ды валдонь казицятнеде.

Самай те сёрмась вейсэ «Надежда» приютонь прявтонть Т.В.Барашихина марто тердимизь Орданьбуень районов, «Ардатовский светотехнический завод» ОАО-нь коллективенть ды сонзэ прявттнэнь марто содавиксэкс теевеме. Видькстатано, те предприятиясонть минь ульнинек аволь весть советской шкатнестэ, зярдо ульнесь овсе лия эрямонок. Мезесь сехте пек кенярдовтымизь тов пачкодемстэ, тосо аволь ансяк икелень сюпавчись весе ванстовсь, текенень ламо од ды неень шкантень ладиця совавтовсь. Кода кортыть, кудазордонть ёвтни совамо таркась. Сон ульнесь пек ванькс ды мазылгавтозь. Заводонь зданиянть перька озавтозь лембе мастор ёндо ускозь чувтот ды куракшт, конатнень мельга тосо парсте якить, секс марявсь тенек, аволь промышленной предприятияв сынек, седе пек питней санатория икелетяно. Потсто территориясь истя жо ульнесь пек ванькс ды пижелгавтозь мазыйстэ ледезь пиже тикшесэ (газонсо).



Тешкстасынек, те предприятиясонть важодицятненень прась покш уцяска, васняяк, сень коряс, тесэ сеедьстэ эзть полавтневе прявттнэ, сынь эзть миеве ве ёндо тенст сыця азортнэнень. Тесэ покш мель путыть эсест предприятиясо кастозь-кепедезь кадратненень. Тенень невтевкс генеральной директорось Григорий Васильевич Аверьянов, кие чачсь-кассь теке таркасонть – Орданьбуень райононь Тургенева велесэ. Кода кортыть, сон тиринь ёнксонь алкуксонь патриот. Парсте школань прядомадо мейле эзь туе тонавтнеме ве ёнов, тонавтнесь эсенек Н.П.Огарёв лемсэ МГУ-нь светотехнической факультетсэ, теде мейле сась тиринь велев, кармась важодеме эсь ёнксонь эрицятнень лезэс, Орданьбуень светотехнической заводсонть. Кода кортыть, тесэ сон ютынзе служебной весе кузтематнень.

Григорий Васильевич ушодсь пластмассань тевс нолдамонь цехень мастерэкс, шкань ютазь кармась снабжениянь отделсэ логистэкс, седе тов васня заготовительной производствань прявтонь полавтыцякс, мейле – прявтокс. Теде мейле ульнесь материальной управлениянь прявтокс, 2016 иестэ саезь – производствань коряс директорокс. 2018 иень апрель ковсто саезь Г.В.Аверьянов ушодсь важодеме АСТЗ ОАО-нь генеральной директорокс. Сонзэ валонзо коряс, неень шкане сынст прявт тевесь – виевгавтомс технической продукциянть нолдамонзо.

– Икеле минек предприятиясонть нолдавсь ансяк арматурась, ней минь ютынек светодиодонь светильниктнень теемантень, – мерсь Григорий Васильевич. – Тень туртов производстванть, лабораториясто саезь, весе эрявсь ладямс од лувсо. Неень шкане минек предприятиясонть инновациянь светодиодонь продукциядонть тееви 70 %, ансяк 30 % нолдави люминесцентной продукциядонть.

Республиканской «Надежда» эйкакшонь ды од ломанень приютонь прявтось ёвтась Г.В.Аверьяновнень покштояк покш сюкпря эйкакшонь учреждениясонть седеймарямонь тевтнень ютавтомаст кисэ.

Виде, приютонь зданиятне теезельть колоньгемень ламо иеде икеле, сась шка одкстомтомс валдомтомань весе прибортнэнь. Неть мелявкстнэнь эсест лангс саинзе АСТЗ ОАО-сь, мезень кисэ Т.В.Барашихина ёвтась покш сюкпря. Эдь сынст заведениясонть эрить эйкакшт, кинень эряви каземс башка мель ды вечкема, конась а саты тенст малавиксэст пельде.

– Эйкакштне – минек вандынь чинек, сындест мелявтомась велявты тенек сы шкане, – мерсь Г.В.Аверьянов.

Предприятиястонть туемадо икеле тенек невтезельть тосо уликс производствань цехтне, теевинек содавиксэкс ояксчисэ эриця ды важодиця коллективенть марто. Маласо шкасто «Эрзянь правда» газетань лопатнесэ теевтядызь содавиксэкс тосо важодиця трудонь династиятнень ды парсте важодицятнень марто.

 

Валентина Юдина

 

Новости

Единороссы высадили еловую аллею в Саранске
Акция по высадке саженцев, посвященная 75-летней годовщине Великой
Победы, состоялась сегодня в Саранске в микрорайоне Юбилейный.
Представители регионального отделения Партии «Единая Россия», МГЕР
Мордовии, молодежных общественных организаций, студотрядов,
юнармии, поисковых отрядов посадили более 40 саженцев, которые
доставили из Краснослободского района республики.


Подробнее ...
 
В Краснослободском районе успешно реализуется проект «Наследники Гиппократа»
Сегодня в медицинском колледже прошло занятие для волонтеров-медиков
Одним из победителей конкурса общественно-значимых проектов первичных отделений Партии «Единая Россия» стал проект первичного отделения №381 Краснослободского района «Наследники Гиппократа». Этот проект уже успешно реализуется в медицинском колледже в рамках реализации партийных проектов «Здоровое будущее» и «Старшее поколение», его участниками стали студенты-волонтеры.
Как отмечает секретарь первичного отделения 381 Краснослободского района Татьяна Кутузова, на средства, полученные в рамках гранта, были закуплены тонометры для измерения артериального давления, медицинская литература.
Подробнее ...
 
Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...
 
Кочкицятне ёвтызь мелест


Сентябрянь 8-це чистэ Россиясо ютасть кочкамот местной самоуправлениянь органтнэс. Тенень алтазель журналисттнэнь туртов пресс-конференциясь, конань сентябрянь 9-це чистэ Саранскойсэ, Союзонь кудосо ютавтызе «Единая Россия» политической партиянь региононь отделениясь. Журналисттнэнь кевкстемаст лангс отвечась МР-нь Государственной Собраниянь Председателесь, «Единая Россия» Мордовиянь региононь отделениянь прявтось В.В.Чибиркин.

Пачтязель, Мордовиясо истя жо ульнесть кочкамот. 407 мандаттнэнь кис снартнесть 1054 ломанть. Республикань келес вайгелест максомо сакшность 63 % эрицят. Вайгелест максомо сехте ламо сакшность Ромодановань районсо – 74,24 %. Аламодо эйстэст кадовсть Инсаронь райононь эрицятне. Тосо – 73,01 %. Вейке проценттэ аламо сакшность Отяжелень районсо. Ламо кандидаттнэнь ютксо 98 % вайгельтне максозь «Единая Россия» политической партиянь представительтнень кис. Ды те а стяко. Ламо шкань перть мольсь анокстамонь робота. Сехте паро кандидаттнэнь эрицятне тешкстакшнызь эштё маень 26-це чистэ, зярдо ютавтозель предварительной вайгелень максомась. Сондензэ икеле ютавтозельть эрицятнень марто вастовомат, конатнесэ ломантне теевсть содавиксэкс кандидаттнэнь ды сынст проекттнэнь марто. Сестэнь изницятне вастовоматнень поладокшнызь велесэ эрицятнень марто. Ютавтозельть 114 вастовомат. Эрицятнень ламо кармавтоматне топавтозельть.

Мордовиясо кочкамотне ютатсть закононь колсемавтомо.

Подробнее ...