Рубрикатор

Культура Эрьва инженть вастыть мельспаросо
Эрьва инженть вастыть мельспаросо

 

Кемголмово иеть важоди В.И.Ромашкин лемсэ «Этно-кудо» музеесь, кона ашти Кочкурбуень Вирь Тавласо. Иень перть тей сакшныть инжеть. Саранскойстэ ардыть школасо тонавтницятне, пачколить эрьва кодамо ошонь ломантне ды натой омбо масторсто. Этно-кудонь важодицятне а дивсить. Сынь анокт мельспаросо вастомс эрьванть, ёвтнемс весементь, мезе сюлмавозь музыкантонть В.Ромашкинэнь эрямонзо ды творчестванзо марто, содавтомс эрзянь раськенть марто.




– Тедеде пачколесть тенек Бельгиянь, Венесуэлань инжеть. Сакшность Камчатской крайстэ, Санкт-Петербургсто, Ростов-на-Дону ды ламо лия оштнестэ. Инжетне совсить ялганек, семиянек, группанек. Саемга, Саров ошсто ульнесть 44 ломанть. Омбоцеде вастынек Эстониянь ды Финляндиянь инжетнень. Сынь сакшность зярыя чис, ульнесть аволь ансяк Тавласо, якасть Орданьбуе ёнксонь Баеньбуе ды Орозбие велетнес. Эрясть ломанень кедьга. Пек тусь мелезэст! Аволь умок сакшнось «Торама» фольклорной ансамблянь васенце составось. Сынь совасть моразь! Пенза ошсто сакшнось семия, чинь перть ульнесть кедьсэнек. Туемстэ мерсть: эрьва косо ульнинек, ансяк косояк истя лембестэ эзимизь васто, – ёвтни Этно-кудонь важодицясь Раиса Водясова.

Раиса Васильевна пек вечксы эсь тевензэ. Сонзэ валонзо коряс, тей яки аволь важодеме, эрьва чи – теке мерят, кодамояк кенярксчив. Тесэ алкукс лембестэ васттадызь, теке мерят, сась малавикс ломань, конань пек учость.

Вана нейгак Этно-кудов сакшность Московонь инжеть. Сынст вастызь кши-сал марто. Швецовтнень кудораськесь васенцеде Мордовиясо. Сынь мельспаросо ваннызь музеенть, токшизь эрьва экспонатонть ды кудонть вакссо аштиця чувтонь скульптуратнень. Макснесть кевкстемат ды апак лотксе дивсесть тесэнь мазычинтень, велень тантей коштонтень. Инжетне ёвтнесть эсест прядост: мирдть-нить Максим ды Диана трить-кастыть колмо эйкакшт, весе тейтернеть. Дашанень – кавто иеть, Леранень – вете, Виканень – кавксо. Вика тонавтни спортивной школасо, яви покш мель укшномантень. Неень шкане сынст тренировкаст ютыть Саранскойсэ. Минек ведень стадионсонть улить весе условиятне, тесэ 50 метрань кувалмосо бассейна, секскак Московонь тренертнэ ускизь эйкакштнень тей.

Швецовтне зярыя недлят эрить Саранск ошсо. Валост коряс, тусь мелезэст ошонь ваньксчись, паро китне, мазый кудотне. Кецявтызь фонтантнэ, сындест, келя, пек ламо. Ансяк вана кудо вакссо аштиця эйкакшонь площадкатне ацирьгавтызь: весе сынь таштот, каладозь, мельгаст кияк а ваны. Од кудотнень перька тевесь аламодо лия. Те семиясь эрсекшни Россиянь ламо оштнесэ, секскак ёвтнить неезденть.

Кавто часонь экскурсиясь прядовсь, ансяк кияк эзь бажа сыргамс ошов. Эйкакштне кепе чийнесть луганарганть, нурсесть покш нурямотнесэ ды апак лотксе пейдсть. Тесэ весень паролгады ёжось.

Этно-кудосонть анокстыть покш тевс. Сентябрянь 3-це чистэ тесэ карми чувтосто керсицянь регионъютконь фестиваль-пелькстамо. Кедьчелькев ломантне сыть Чувашиясто, Ульяновск, Пенза, Нижней ды лия ёнкстнэстэ. Теде мейле сеске – эрзянь моронь фестиваль.

– Учотано ламо инжеть. Тердтяно весень, кинь ули мелезэ, самс минек кенярксчитнес, – яволявтсь Этно-кудонь прявтось Пётр Рябов.

 

Татьяна Маторкина

 

Новости

Единороссы высадили еловую аллею в Саранске
Акция по высадке саженцев, посвященная 75-летней годовщине Великой
Победы, состоялась сегодня в Саранске в микрорайоне Юбилейный.
Представители регионального отделения Партии «Единая Россия», МГЕР
Мордовии, молодежных общественных организаций, студотрядов,
юнармии, поисковых отрядов посадили более 40 саженцев, которые
доставили из Краснослободского района республики.


Подробнее ...
 
В Краснослободском районе успешно реализуется проект «Наследники Гиппократа»
Сегодня в медицинском колледже прошло занятие для волонтеров-медиков
Одним из победителей конкурса общественно-значимых проектов первичных отделений Партии «Единая Россия» стал проект первичного отделения №381 Краснослободского района «Наследники Гиппократа». Этот проект уже успешно реализуется в медицинском колледже в рамках реализации партийных проектов «Здоровое будущее» и «Старшее поколение», его участниками стали студенты-волонтеры.
Как отмечает секретарь первичного отделения 381 Краснослободского района Татьяна Кутузова, на средства, полученные в рамках гранта, были закуплены тонометры для измерения артериального давления, медицинская литература.
Подробнее ...
 
Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...
 
Кочкицятне ёвтызь мелест


Сентябрянь 8-це чистэ Россиясо ютасть кочкамот местной самоуправлениянь органтнэс. Тенень алтазель журналисттнэнь туртов пресс-конференциясь, конань сентябрянь 9-це чистэ Саранскойсэ, Союзонь кудосо ютавтызе «Единая Россия» политической партиянь региононь отделениясь. Журналисттнэнь кевкстемаст лангс отвечась МР-нь Государственной Собраниянь Председателесь, «Единая Россия» Мордовиянь региононь отделениянь прявтось В.В.Чибиркин.

Пачтязель, Мордовиясо истя жо ульнесть кочкамот. 407 мандаттнэнь кис снартнесть 1054 ломанть. Республикань келес вайгелест максомо сакшность 63 % эрицят. Вайгелест максомо сехте ламо сакшность Ромодановань районсо – 74,24 %. Аламодо эйстэст кадовсть Инсаронь райононь эрицятне. Тосо – 73,01 %. Вейке проценттэ аламо сакшность Отяжелень районсо. Ламо кандидаттнэнь ютксо 98 % вайгельтне максозь «Единая Россия» политической партиянь представительтнень кис. Ды те а стяко. Ламо шкань перть мольсь анокстамонь робота. Сехте паро кандидаттнэнь эрицятне тешкстакшнызь эштё маень 26-це чистэ, зярдо ютавтозель предварительной вайгелень максомась. Сондензэ икеле ютавтозельть эрицятнень марто вастовомат, конатнесэ ломантне теевсть содавиксэкс кандидаттнэнь ды сынст проекттнэнь марто. Сестэнь изницятне вастовоматнень поладокшнызь велесэ эрицятнень марто. Ютавтозельть 114 вастовомат. Эрицятнень ламо кармавтоматне топавтозельть.

Мордовиясо кочкамотне ютатсть закононь колсемавтомо.

Подробнее ...