Рубрикатор

Культура Татаронь литературань читне – Мордовиясо
Татаронь литературань читне – Мордовиясо

«Народное образование Республики Мордовия» журналсо важодицятне тедеде ютавтсть минек республикасо Татаронь литературань чить. Казаньстэ минек ёнксов пачколесь татаронь содавикс поэтэсь, Татарстанонь ды Россиянь Журналистэнь союзонь членэсь, Татарстанонь книгань издательствань прявт редакторось Ленар Миннемохимович Шаехов (Ленар Шаех).

Ленар Шаех чачсь 1982-це иестэ Татарстанонь Актанышской райононь Такталачук велесэ. Школадо мейле тонавтнесь Мензелинск ошонь педколледжсэ, Казанень госуниверситетэнь татаронь филологиянь ды историянь факультетсэ, аспирантурасо. 2007-це иестэ кармась важодеме редакторокс Татарстанонь книгань издательствасо, 2008-це иестэ саезь топавты тосо прявт редакторонь тевтнень.





Ленар Шаех – кеменде ламо книгань автор, конат нолдазь татаронь, рузонь ды башкирэнь кельтнесэ Казаньсэ, Московсо ды Уфасо. Теде башка, валморонзо ютавтозь азербайджанонь, киргизэнь, якутонь ды чувашонь кельтнес.

Минек республикасо культурань, литературань ды тонавтомань тевтнень марто инженть содавтызе «Народное образование Республики Мордовия» журналонь прявт редакторось, МР-нь заслуженной поэтэсь Геннадий Гребенцов.

Печатень кудосо Ленар Шаех марто вастовкшность «Сятко» журналонь ды «Эрзянь правда» газетань важодицятне. Кортамось мольсь эрзянь ды татаронь литературатнень ды раськень кельсэ лисниця журналтнэнь, газетатнень неень ды сыця шкадост, саевкстнэде ды стакачитнеде, конат, васняяк, сюлмавозь татаронь ды эрзянь кельтнень содыцяст аламолгадоманть марто. Ялатеке Татарстансо тевтне аштить аламодо лиякс: журналтнэнь ды газетатнень тиражост ков седе покшт, куш пандома кисэст минектнень коряс седе ламо.

Чарькодеви, поэт марто вастовоманть а кода ютавтомс валморонь апак ловно. Ленар Шаех ловнось зярыя сёрмадовкст татаронь ды рузонь кельтнесэ, Людмила Рябова ды Алина Подгорнова – эрзякс. Минек поэтессатне казизь инжентень валморонь пусмост, каршо казнекс кармасть улеме Татарстанонь поэтэнть рузонь кельс ютавтозь пусмонзо.

Ленар Шаех марто пек лембе вастовома анокстасть А.С.Пушкин лемсэ библиотекань национальной ды краеведениянь литературань отделэнь важодицятне. Сынь пурнасть «Татары Мордовии – на своей земле» выставка. Ленар Шаех ёвтнесь книгань издательствасо важодемадо, ловнось валморот, ютксост татаронь кельс ютавтозь «Эрьзянь кеврунготнень вакссо» Г.Гребенцовонь валмороськак.

Седе тов литературань покшчись поладовсь Кадошкинань буень Большие Полянки татаронь велесэнть. Тосонь школань прявтось С.Н.Кильдеева невтизе инжентень, косо тонавтнить эйкакштне, ёвтнесь, кодат покш тевть топавтовить сынст аволь покш тонавтнема кудосонть, кодат ёроковт тонавтницяст ды тонавтыцяст. Ней сынст школань библиотекасо кармить улеме Ленар Шаех поэтэнть книганзояк. Кадошкинань школань историянь ды обществознаниянь тонавтыцясь Р.Х.Казанбаев ламо ёвтнесь инжентень Большие Полянки веленть историядонзо, содавикс ломандензэ.

Мордовиясо татаронь кудораськетнень эрямо коест марто поэтэнть содавтызь мирдть-нить Ахметовтне. Наиль Касимович ды Нурия Абдулловна – трудонь ветерант. Нурия Абдулловна кувать важодсь тонавтыцякс, сонзэ киява тусь Динар цёразояк, сон тонавты история ды обществознания. Динар Наилевичень нинзэ Светлана Камилевнань велень весе эрицятне содасызь кода пек паро пидицянть-паницянть. Чокшнесь ютась седейшкавань лембе кортнемасо.

Кемтяно, ней Большие Полянки велень покшчитнесэ кармить гайгеме татаронь поэтэнть Ленар Шаехень ды эрзянь поэтэнть Геннадий Гребенцовонь тиринь ёнксто ды раськетнень ютксо ялгаксчиде валморост.

Юлия Илянова

 

Новости

Единороссы высадили еловую аллею в Саранске
Акция по высадке саженцев, посвященная 75-летней годовщине Великой
Победы, состоялась сегодня в Саранске в микрорайоне Юбилейный.
Представители регионального отделения Партии «Единая Россия», МГЕР
Мордовии, молодежных общественных организаций, студотрядов,
юнармии, поисковых отрядов посадили более 40 саженцев, которые
доставили из Краснослободского района республики.


Подробнее ...
 
В Краснослободском районе успешно реализуется проект «Наследники Гиппократа»
Сегодня в медицинском колледже прошло занятие для волонтеров-медиков
Одним из победителей конкурса общественно-значимых проектов первичных отделений Партии «Единая Россия» стал проект первичного отделения №381 Краснослободского района «Наследники Гиппократа». Этот проект уже успешно реализуется в медицинском колледже в рамках реализации партийных проектов «Здоровое будущее» и «Старшее поколение», его участниками стали студенты-волонтеры.
Как отмечает секретарь первичного отделения 381 Краснослободского района Татьяна Кутузова, на средства, полученные в рамках гранта, были закуплены тонометры для измерения артериального давления, медицинская литература.
Подробнее ...
 
Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...
 
Кочкицятне ёвтызь мелест


Сентябрянь 8-це чистэ Россиясо ютасть кочкамот местной самоуправлениянь органтнэс. Тенень алтазель журналисттнэнь туртов пресс-конференциясь, конань сентябрянь 9-це чистэ Саранскойсэ, Союзонь кудосо ютавтызе «Единая Россия» политической партиянь региононь отделениясь. Журналисттнэнь кевкстемаст лангс отвечась МР-нь Государственной Собраниянь Председателесь, «Единая Россия» Мордовиянь региононь отделениянь прявтось В.В.Чибиркин.

Пачтязель, Мордовиясо истя жо ульнесть кочкамот. 407 мандаттнэнь кис снартнесть 1054 ломанть. Республикань келес вайгелест максомо сакшность 63 % эрицят. Вайгелест максомо сехте ламо сакшность Ромодановань районсо – 74,24 %. Аламодо эйстэст кадовсть Инсаронь райононь эрицятне. Тосо – 73,01 %. Вейке проценттэ аламо сакшность Отяжелень районсо. Ламо кандидаттнэнь ютксо 98 % вайгельтне максозь «Единая Россия» политической партиянь представительтнень кис. Ды те а стяко. Ламо шкань перть мольсь анокстамонь робота. Сехте паро кандидаттнэнь эрицятне тешкстакшнызь эштё маень 26-це чистэ, зярдо ютавтозель предварительной вайгелень максомась. Сондензэ икеле ютавтозельть эрицятнень марто вастовомат, конатнесэ ломантне теевсть содавиксэкс кандидаттнэнь ды сынст проекттнэнь марто. Сестэнь изницятне вастовоматнень поладокшнызь велесэ эрицятнень марто. Ютавтозельть 114 вастовомат. Эрицятнень ламо кармавтоматне топавтозельть.

Мордовиясо кочкамотне ютатсть закононь колсемавтомо.

Подробнее ...