Рубрикатор

Культура Ицялбуесь тешкстызе чачома чинзэ!
Ицялбуесь тешкстызе чачома чинзэ!

 Кенярксов мероприятия ютась августонь 10-це чистэ Ицялонь районсо. Тесэ тешкставсь сонзэ чачома чись – 90 иетне! Тешкстама, райононтень зняро иеть топодсть уш тедедень июнень 12-це чистэ. 1929 иестэ ВЦИК-нь постановлениянть коряс Ицялбуесь лемдезель районокс ды совавтозель Нижней Новгородонь губерниянь Арзамасонь округонтень.

Валске рана Ицялонь весе храмтнесэ ютасть служамот кенярксчинть кувалма. Кемлянть куншкакуросо жо те шкастонть пурнавсть райононь весе велетнень делегациятне, конатне анокстасть эсь тиринь ёнкстост выставкат, усксть эрьва кодат каванямкат, бажасть дивавтомс декоративно-прикладной творчествань теевкстнэсэ-артовкстнэсэ, ютавтсть мастер-класст. Парконть-скверэнть чиресэ стявтозельть райононь историянтень, Ицялонь комсомольской организациянть 100 иетненень, Ине Отечественной войнантень алтазь стендт. Советской площадьсэ ютасть спортивной пелькстамот покш ды вишка инжетнень туртов. Од робототехниктне невтнизь весень туртов, кодат роботт сынь тейнесть эсест кедьсэ. «Смольный» раськень парконь сотрудниктне анокстасть экологиянь турт. Ицялонь культурань роботниктне пурнасть весень хороводс, од ломантнень туртов роботасть зярыя мельстуиця площадкат. Мордовиянь содавикс предприятиятне ютавтсть выставкат-дегустацият, ликшань кашань ды чаень вечкицятненень сравтозель паксянь кухня.



 



Апак учо чова пиземеськак эзинзе кола Ицялонь райононь эрицятнень ды инжетнень ёжомарямост. Тестэяк-тостояк марявсть гармошкасо седямот, киштемат-морамот, пеедькшнемат, мизолдомат ды шумбракстнемат. Чачома чись теевсь истя жо вастовома таркакс сеть ломантнень туртов, конатне умок эзть некшне вейкест-вейкест.  Тиринь ёнксост содавтомо сакшность минек масторонть эрьва ёндо, Калининградсто саезь Сахалинс.

Эзизе стувто те чистэнть эсь тиринь райононзо сонсь Мордовиянь Государственной Собраниянь Председателесь Владимир Чибиркингак. Сон чачсь-кассь Ицялбуень Лада велесэ ды секскак сась ёвтамо седейшкавань поздоровт эсензэ земляконзо туртов. Вастызе сонзэ Ицялонь райононь прявтось Валентина Дмитриева. Сынь вейсэ васняяк путсть цецят войнатнесэ чавовозь солдаттнэнень кеврунгонтень, ванызь весе выставкатнень, варчизь эрзянь, рузонь ды лия раськетнень ярсамопельтнень. Мейле ушодовсь торжественной пельксэсь. Владимир Васильевич Чибиркин, поздоровтнеде башка, казсь зярыя казнеть райононь сехте вадря важодицятнень туртов, тешкстызе, кода парсте Ицялбуесь топавты велень хозяйствань ды промышленностень задачатнень, ламо невтевкстнэнь коряс икельди шабра районтнэнь. Райононь прявтонтень жо казезель Мордовиянь содавикс артыцянть Федот Сычковонь картиназо. Эзть кадово казневтеме Лада велень школась, сонензэ МР-нь Госсобраниянь Председателесь казсь телевизор, райононь од программисттнэнень компьютерэнь дискт, од спортсментнэнень ды кедьчелькев тейтерькатненень-цёрынькатненень, конатне якить спортшколав ды Эйкакшонь творчествань кудов, музыкальной оборудования. Ламо казнеть эсензэ пельде явшесь райононь прявтось Валентина Дмитриеваяк. Валентина Григорьевна истя жо тешкстызе, 2019 иестэ 100 иеть топодить Кемлянь аграрной колледжентень ды 90 иеть Ицялонь сырань теемань комбинатонтень. 395 иеде теде икеле Ицялось васенцеде ледстяви сёрмадстомань книгатнесэ. Юбилейть те иестэнть Ицялбуень зярыя содавикс ломантнень: Советской Союзонь Героенть Е.В.Тягушевень, эрзянь раськень васенце профессоронть А.П.Рябовонь, эрзянь кельсэ сёрмадыцянть, поэтэнть И.Е.Шумилкинэнь, РСФСР-нь Заслуженной врачонть П.Н.Абаимовань, СССР-нь Госпремиянь лауреатонть В.М.Кулаковонь.

Теде мейле менелесь теке штавтовсь ды Кемлянть копачизе виев пиземе. Ансяк те тамашаськак киньгак эзизе тандавто. Ваныцятне тердезельть сценанть лангс ды кекшсть покш шаршавонть алов. Торжественной пельксэсь поладозель весе вейсэ. Кода кортыть, ломантне седеяк теевсть малацекс.

Концертэнь программась жо поладозель Культурань центрасо. Тосо Ицялбуень эрицятненень киштсть-морасть Мордовиянь государственной филармониянь артисттнэ, Саранскойстэ «Русская песня» ансамблясь ды эсест райононь самодеятельной артисттнэ. Чокшне, коень коряс, менеленть артызе-валдомтызе фейерверкесь!

Преподобной

 Филаретэнь киява

Недлячистэ Ицялбуень Пазнэнь кемиця ломантне ютавтсть оштё вейке покш тев. Эрьва иестэ те районсонть православнойтне ютыть крёст марто Крутой пандов, Ицялбуень преподобной Филаретэнь ознома таркантень. Те иневанькс ломаненть пек вечксызь Ицялонь модатнесэ ды ловить тиринь ёнксонь ванстыцякс-лездыцякс. Ушодовсь ютамось Кемлянь Рождество-Богородичной храмсто. Тосо васняяк служба ютавтсть Саранскоень ды Мордовиянь митрополитэсь Зиновий, праведной воинэнть Феодор Ушаковонь Кафедральной Соборонть священнослужительтне ды райононть весе храмтнень настоятельтне. Васоло килангов, конань кувалмозо 16 вайгельпеть, сыргасть 1 тёжадо ламо паломникть аволь ансяк Ицялбуестэ, истя жо шабра районтнэстэ, Саранскойстэ, Московсто, Санкт-Петербургсто ды Россиянь лия оштнестэ.

Ицялонь Михаило-Архангелэнь храмсонть ютыцятне сюконясть преподобной Филаретэнть мощатненень ды таго сыргасть килангов. Исень пизементь лангс апак вано, килангось а пек начколь ды пустынкантень паломниктне пачкодсть кавто часос. Преподобноенть часовнянзо икеле Митрополитэсь Зиновий служась ведень ванськавтомань молебен. Озныцятне сюконясть Пазаванзо, чётканзо, скуфьянзо ды вериганзо икеле. Мекев килангодонть икеле весе каванязельть ламбамо чайде, арбуздо ды медь марто ликшань кашадо. Паломниктнень валост коряс, истят Крёст марто ютамотне свал максыть од вийть, килангось зярдояк а маряви кувакакс, а кода теде мейле шождалгады оймесь – а ёвтавияк!

 

Новости

Эрицятнень сёрмадстомантень анокстамотне ушодовсть



Малав ие кадовсь эрицятнень Весероссиянь сёрмадстоманть самс. Аволь умок МР-ва Федеральной службань государственной статистикань территориальной органсонть ютавтовсь вастовома, конанть шкасто видео-конференциянь лувсо ветявсь кортамо Росстатонь прявтонть Павел Малков марто. Вановсть сёрмадстомань шкатне ды невтевсь официальной тешксэсь.


Подробнее ...
 
В Мордовии собрано более 700 подписей на запрет «наливаек»
 
В Республике Мордовия завершились мероприятия по сбору информации и
подписей в поддержку инициативы об ограничении работы питейных заведений,
расположенных на первых этажах многоквартирных домов и придомовых
территориях в Республике Мордовия.

Подробнее ...
 
Награждение победителей акции «Здоровое питание - активное долголетие»
 
  Уже сегодня, 17 октября,  34 ученика из Мордовии отправятся на 12-ю  смену  
Международного детского центра «Артек». Победителей акции, их наставников и кураторов 
поприветствовал  секретарь Регионального отделения «Единой России» Владимир
Чибиркин. Он  подчеркнул, что пропаганда  здорового образа жизни и оздоровление нации 
являются одними из ведущих направлений деятельности «Единой России», акция 
реализуется в рамках партийного  проекта «Здоровое будущее».  Это дает свои плоды - с
каждым годом в нашей стране увеличивается  число неравнодушных людей,  которые 
начинают сами вести здоровый образ жизни и ведут за собой других.

Подробнее ...
 
В республике успешно реализуются социально значимые проекты первичных отделений «Единой России»
 
Первичные отделения поселка  Ромоданово и поселка  Зубова Поляна   успешно
реализуют на практике  свои социально  значимые проекты, удостоенные грантовой
поддержки по итогам конкурса проектов первичных отделений, инициированного 
«Единой Россией»
  Цель проекта  «Мы рядом», реализуемого в Ромоданове - помощь пожилым людям и 
инвалидам, имеющим  заболевания опорно-двигательного  аппарата.   Прокат технических 
средств реабилитации  организован на бесплатной основе для граждан пожилого возраста, не 
имеющих группы инвалидности, но,  в силу возрастных изменений или перенесенных 
заболеваний, травм, потерявших способность свободно передвигаться. В июле этого года в 
Ромодановском  местном отделении партии прошла  презентация проекта.  Открывая
презентацию,  секретарь  Ромодановского местного отделения Партии  Наталья Хомякова  
отметила, что  основная  задача проекта   помочь людям в трудный для них период 
реабилитации.


Подробнее ...
 
Баталина: Предложение Минтруда о новых правилах выплаты пособий по уходу за ребёнком создаст проблемы родителям
 
Предложение Минтруда, согласно которому претендовать на выплату 
пособия по уходу за ребенком до полутора лет может только тот, кто 
фактически ухаживает за ребенком, избыточно и может создать лишние 
проблемы родителям. Не исключено, что Фонд социального страхования при 
назначении будет требовать документально подтвердить, что именно 
заявитель (мать или отец ребенка) фактически за ним ухаживает. Об этом 
заявила первый заместитель секретаря Генерального совета «Единой России»
Ольга Баталина.
Подробнее ...