Рубрикатор

Культура «Монень вечкеви важодемс ломантнень марто…»
«Монень вечкеви важодемс ломантнень марто…»

            

А.С.Пушкин лемсэ Национальной библиотекасо сон мизолдозь васты эрьва ловныцянть, муи кель-вал ломантнень марто. Бажи лездамс эрьванень, кие тензэ пшкади. Те авась весе седейсэ топавты эсь тевензэ. Кода а топавтомс, бути те важодемась вечкевикс ды канды кеняркс.

 

 

 

Валентина Борисовна Бояркина чачсь Отяжбуень Таразбуе велесэ. Сон вишка шкасто саезь пек вечксь ловноманть ды книгатнень. Эсест велень библиотекасо ульнесь свалшкань инжекс. Т.В.Моисеева библиотекаресь мельспаросо вастсь те ловныцянть, кона, марявсь, уш весе книгатнень ловнынзе. Валянь эйкакшпингезэ эзь явово лиятнень эйстэ. Тонавтнесь школасо, лездась кудоютконь тевень теемстэ. Сеедьстэ яксесь аванстэнь лездамо, кона важодсь фермасо скалонь потявтыцякс. Сон ульнесь пек кунсолыця тейтерькакс. Сестэ арасель истямо – а кунсоломс покштнень. Мезе мерсть – сень теят. Те ней шкатне полавтовсть.

Школанть прядомадо мейле Валентина Бояркина мольсь тонавтнеме Н.П.Огарёв лемсэ МГУ-нь филологиянь факультетэнь эрзянь ды рузонь келень ды литературань отделенияв. Группасост старосталь. Мельспаросо ледстни тонавтыцянзо. Саемга, Д.В.Цыганкин профессорось ульнесь дипломной руководителезэ. Тагояк велявттано велень библиотекантень. Кода ледстни Валентина Борисовна, сеть шкатнестэ Таразбуень библиотекась пек сюпаволь литературань коряс. Мезе эзь мукшно, эли кодат книгат эзть сатно тензэ университетэнь библиотекасто, сон сайнесь велестэ. Тосо свал ульнесть эсенек писательтнень од книгаст, омбо масторонь литературась. Библиотекатне пешксельть книгадо, журналдо, газетадо, тенень явовсть ярмакт.

Тонавтнема шкась эзь марявояк, кода ютась. Кадовсть ламо паро ледстнемат. Сестэ оштё национальной культурань институт арасель. Филологиянь факультетсэнть пурназель эрзянь ды мокшонь покш хор. Ветицязо ульнесь Н.И.Бояркин. Од ломантне якасть морамо Йошкар-Олав, Ульяновскоев ды лия ошов, ардтнесть эсенек районтнэваяк. Мартост сеедьстэ яксесь С.М.Люлякина сказительницась. Те хортомонть вейкеяк Студентэнь тундо эзь ютакшно. Сынь невтсть пряст ламо кенярксчитнесэ, вастсть эрьва кодат инжеть. Хорось невтсь минек раськень сюпав койтнень.

Ветеце курссо тонавтнемстэ Валентина лиссь мирденень шабра Сабанцеле велень цёранень. Валерий Владимирович ламо иень перть важодсь полициясо, сон ульнесь ламо командировкасо, казезь «За мужество» орденсэ ды лия покш казнесэ. Ней – пенсиясо. Зярдо жо одтнэ ансяк-ансяк пурнасть семия – мольсть ютазь пингень 90-це иетне, сеть стака ды а чарькодевикс иетне, зярдо арасель важодема, ломантне эзть сода, мезе сынст учи ванды. Ламот а вечкить ледстнеме неть шкатнень, ды те чарькодеви.

2002 иестэ Валентина Борисовна сась важодеме А.С. Пушкин лемсэ библиотекав. Тесэ вастызе сестэнь прявтось Л.Г.Меркушкина. Сон кортнесь мартонзо, кевкстнизе, ваннызе дипломонзо, косо ульнесть паро оценкат. Кучизе важодеме редакционно-издательской отделэв. Мейле поладызе важодеманзо Книгань палатань отделсэ (тов сы весе литературась, мезе лиси Мордовиясо, тосо тееви МР-нь печатень летопись). 2010 иестэ саезь важоди национальной, краеведениянь ды финнэнь-угрань литературань отделсэ. Теде башка, сон вети те отделэнть юрсо финнэнь-угрань литературань центранть.

Монень вечкеви важодемс ломантнень марто. Лездамс тенст. Муемс сень, мезе вешнить. Ды ёвтаса тенк, мезе ансяк а вешнить! Кинень эрявить историянь, кинень – этнографиянь, келень эли литературань коряс изданият. Весементь эряви куроксто муемс ды кандомс. Те икеле ловныцятне аштесть чинь перть, ловность, сёрмадсть, вешнесть. Ней моли лия лув. Улить свалшкань ловныцянок. Улить истят, кить явить покш мель Саранскоень историянтень ды сонзэ эрямонтень. Ули мелеть содамс, мезе ульнесь 50 иеде икеле? Панжсыть се шкань газетань лопатнень ды ловнат, мезе ульнесь Мордовиясо. Сакшныть тенек ловныцят, конатне вешнить кодамояк информация, ансяк а содыть, косто ды кода муемс. Саемга, максокшность ломанентень казне, сон уш ёмась, ансяк мельсэнзэ ашти, газетасо ульнесь тень коряс фотография. Истят тевть эрсить. Вешнят. Бажат лездамс. Ды муеви! Ломанесь кецни. Эрси, архивсэяк а муеви кой-мезе, минек – ванстови, – ёвтни Валентина Борисовна.

Сеедьстэ сакшныть тенст энялдомат лия регионтнэстэ. Ломантне бажить содамс, костонь сынь ды кить. Пачтить, келя, зярдояк те тенст эзь эряво, эзть арсе тень ланга, ней лиссть пенсияс ды ули мелест содамс эсь ундокстнэнь, тиринь ёнксонь историянть. Вешить кучомс справочной материалт эсь веледест ды райондост, вешить книгаткак. Аволь умок сась сёрма натой Камчаткасто. Авась пачтясь, шукшпрясто муизе И.М.Девинэнь «Нардише» романонть, конань ловнокшнызе оштё тейтерькакс, зярдо сакшнось Мордовияв, ансяк вана романось пелезэ… Кода бу одс ловновлизе весе. Валентина Борисовна саизе кудосто эсензэ те книганть ды мельспаросо кучизе.

Паряк, ламот арсить, библиотекасо важодицятне ансяк аштить ды ловныть книгат. Те а истя, тесэ ве таркасо аштемс шка арась. Бути течи эзь тееве арсезь теветь – сон кадови вандыс. Ванды лия тевть. Тевень топавтомсто – шкась а марявияк, кода юты, – корты Валентина Борисовна.

Тевтнеде алкукс ламо. Эряви теемс электронной каталог, сёрмалемс, мезде пачтить минек газетатне ды журналтнэ. Од технологиятнень вельде теезель оцифровка 1920-30 иетнень литературанть. Те ульнесь Финляндиянть марто вейсэнь проект. В.Б.Бояркина 2012 иестэ якась Хельсинкив Весемирэнь Библиотечной ды информационной конгрессэв. Неень шкане весементь куроксто эряви пачтямс Интернетс. Саемга, библиотекасо вастовоматне сеедьстэ невтевить «Культура.РФ» сайтсэ онлайн трансляциянть вельде. «Этношкола в библиотеке» ды «Клуб «Краевед» проекттнэнь вельде ютавтови важодема эйкакштнень ды студенттнэнь марто.

Национальной, краеведениянь ды финнэнь-угрань литературань отделэсь ютавтни ламо эрьва кодат вастовомат, покш чить. Паро коекс теевсть литературань чокшнетне, писательтнень марто вастовоматне, книгань презентациятне. Нама, неть тевтнес эряви парсте анокстамс. Вешнемс эрявикс информация, арсемс, кинь тердемс инжекс, кить седе парсте содылизь ломаненть, ульнесть паро ялгакс ды кадовсть ледстнемаст. Сеедьстэ библиотекань важодицятне токшить истят лемть, конатнень уш эзть кадово малавиксэст, нуцькаст. Саемга, од писательтнень, конат чавовсть войнасо, эзть кадово мельгаст а эйкакшт, а нуцькат… Сынь бажить ютавтомс сынст ледстнемга чокшнеть, пурнамс выставкат. Ёвтнить эйстэст телевидениясо ды радиосо, анокстыть материалт газетас.

– Шкась куроксто юты. Оштё аволь умок эрясть вакссонок писательтне К.Г.Абрамов, П.К.Любаев, И.А.Калинкин ды лиятне. Сынь сакшность тенек. Икеле тейнинек мартост вастовомат. Нейгак поладтано – иляст стувтово лемест. Эряви ютавтомс истят чокшнеть. Монь туртов эрзянь кельсэ вастовоматне – сехте вечкевикст ды мельстуицят. Оймесь лекси. Нама, эрьва тевенть ушодомсто талнат. Тиринь кельсэ кортамсто муевить валтнэяк. Эряви вадрясто анокстамс, содамс ломанденть ды паро тевдензэ весе, а покордамс. Монень пек вечкевить книгань презентациятне. Ломаненть марто весе седейсэ кецнят: лиссь книгазо. Мельспаросо ды каштанчисэ аштян эрзянь од автортнэнь кувалма, вечксынь сынст творчестваст. Арсян, аволь ансяк мон дивсян, кодат виев ды паро произведеният сынь сёрмадыть. Одтнэнь марто вейсэ важодтяно, ютавттано мартост вастовомат, – ёвтни В.Б.Бояркина.

Валентина Борисовна – эрзянь алкуксонь ава. Сэтьме, аволь покшкавтниця, прянь а шныця, кона парсте топавты эсь тевензэ. Паро важодеманзо кисэ сон казезь МР-нь Государственной Собраниянть пельде Благодарностьсэ ды ламо лия казнесэ.

Маень 27-це чистэ тешкставсь Библиотекатнень Весероссиянь чись. Ёвтатано Валентина Борисовнанень ды роботань коряс ялганзо туртов лембе валт: кеме шумбрачи, свал ламо ловныцят, книгань фондось кадык сюпалгады!..

Татьяна Маторкина

30.05.2019

 

Новости

Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...
 
Кочкицятне ёвтызь мелест


Сентябрянь 8-це чистэ Россиясо ютасть кочкамот местной самоуправлениянь органтнэс. Тенень алтазель журналисттнэнь туртов пресс-конференциясь, конань сентябрянь 9-це чистэ Саранскойсэ, Союзонь кудосо ютавтызе «Единая Россия» политической партиянь региононь отделениясь. Журналисттнэнь кевкстемаст лангс отвечась МР-нь Государственной Собраниянь Председателесь, «Единая Россия» Мордовиянь региононь отделениянь прявтось В.В.Чибиркин.

Пачтязель, Мордовиясо истя жо ульнесть кочкамот. 407 мандаттнэнь кис снартнесть 1054 ломанть. Республикань келес вайгелест максомо сакшность 63 % эрицят. Вайгелест максомо сехте ламо сакшность Ромодановань районсо – 74,24 %. Аламодо эйстэст кадовсть Инсаронь райононь эрицятне. Тосо – 73,01 %. Вейке проценттэ аламо сакшность Отяжелень районсо. Ламо кандидаттнэнь ютксо 98 % вайгельтне максозь «Единая Россия» политической партиянь представительтнень кис. Ды те а стяко. Ламо шкань перть мольсь анокстамонь робота. Сехте паро кандидаттнэнь эрицятне тешкстакшнызь эштё маень 26-це чистэ, зярдо ютавтозель предварительной вайгелень максомась. Сондензэ икеле ютавтозельть эрицятнень марто вастовомат, конатнесэ ломантне теевсть содавиксэкс кандидаттнэнь ды сынст проекттнэнь марто. Сестэнь изницятне вастовоматнень поладокшнызь велесэ эрицятнень марто. Ютавтозельть 114 вастовомат. Эрицятнень ламо кармавтоматне топавтозельть.

Мордовиясо кочкамотне ютатсть закононь колсемавтомо.

Подробнее ...
 
Единороссы Октябрьского района вручили юбиляру поздравительное письмо от Президента Владимира Путина
10 сентября 90-летний юбилей отмечает жительница Октябрьского района
Новикова Мария Ивановна. Родилась женщина в Нижегородской области,
всю жизнь трудилась звеньевой бригады в колхозе. Военные и
послевоенные годы вспоминает со слезами на глазах: «Мы жили небогато,
растили детей, очень много работали, сил своих не жалели».


Подробнее ...
 
Александр Воробьев осмотрел ход строительства детского сада в Ромодановском районе


6 сентября депутат Госдумы РФ, член комитета по аграрным вопросам Александр Воробьев встретился с главой Ромодановского района Анатолием Гурьяновым. Они обсудили ход строительства детского сада на 160 мест в поселке Ромоданово, который строится в рамках национальных проектов "Демография" и "Образование". По словам Анатолия Гурьянова, на 80% возведение здания завершено, ведутся работы по устройству коммуникаций.
«Мы сумели ликвидировать некоторое отставание по срокам, которое возникло ранее, но теперь строители работают в соответствии с графиком», - отметил глава Ромодановского района.

Александр Воробьев подчеркнул, что детский сад строится по наказам избирателей. По демографическим показателям Ромодановский район занимает вторую строчку в регионе после Саранска, и на данный момент существует потребность в обеспечении малышей местами в детских садах.
Детский сад планируется сдать уже в декабре текущего года.