Рубрикатор

Культура «ВАЙ, КОДАМО!»
«ВАЙ, КОДАМО!»

Эрзянь эстрадань панжицянть, тиринь кельсэ морыцянть Андрей Бочкановонь лиссь васенце альбомозо 

Кортыть, паро морось се, конась чарькодеви ломанентень, конась токи седеенть, паролгавты ёжонть ды кадови оймезэть. Неть моротне а налкставить, мекевлангт, кунсоловлить эйсэст апак лотксе. Течи эсь газетань ловныцятнень минь содавтсынек тиринь эрзянь кельсэ истят моротнень морыцянть, ёроков од цёранть Андрей БОЧКАНОВОНЬ марто. 


 


Андрей Бочкановонь лемензэ васенцеде мария колмошка иеде икеле, зярдо социальной сетьсэ понгсь «Вай, кодамо!» эрзянь кельсэ морось. Моронть кунсолыя зярыяксть, мелезэнь тусь. Сон чарькодевикс ды эйсэнзэ ули смусть. Эряви меремс, тиринь кельсэ эстрадань моротне неень шкане – тамашань тев. Сынь малав овсе арасть. Те од жанрантень кундаськак Андрей Бочканов. Од цёрась вана уш зярыя иеть морси Мордовиянь государственной филармониясо ды теке шкастонть ламо важоди эсь творчестванть сюпалгавтоманть-виевгавтоманть лангсо. 
Андрей чачсь-кассь Рузаевкасо. Ундоксонзо жо Кочкурбуень Кацялай велестэ, косо чачсть тетязо-авазо. Тосо, бабанзо кедьсэ, ютаськак цёрыньканть эйкакшпоразо. Бабазо тонавтызеяк Андреень эрзянь келентень. 

– Кизна сеедьстэ яксинь велев, эринь бабань кедьсэ. Сон кортась мартон ансяк эрзякс. Мон келенть чарькодинь, ансяк кортамо эзинь машто. Весть бабам мери: «Седе тов рузкс мартот кортамо а карман». Ды валонзо кирдизе... Мейле университетсэ тонавтнемстэ Н.Ф.Кабаева миненек ветясь мокшонь кель. Паряк, сон совавтсь мезеяк прязон, паряк, монсь чарькодинь, арсезевинь: косто саевсть эрзятне ды мокшотне, косто лиссь минек раськесь? Теде икеле мезеяк а содылинь. Карминь содамо, ули литературной кель, нормат. Ломантне кортыть аволь ансяк Кацялай ладсо, эрьва веленть эсензэ кортавксозо. Эряви кортамс видестэ, аволь кода Кацялай велесэ: пельс мокшокс, пельс эрзякс. Улить валт, конатнень мекс-бути ёвтатано рузкс, кадык ули вариантост эрзянь кельсэяк. Ды кода-бути апак учне сась мель сёрмадомс моро, ков совасть эйкакшпингень весе ледстнеман: кода велев ардтнинь, мезе тосо теинь, кода калт кундсинь, ведьс пракшнынь, сеянь ловсодо симинь... Истя чачсь «Вай, кодамо!» васенце морось. Монень ламо ломанть пшкалесть, келя, те морось – весе сындест. Лисни, аволь ансяк монь эйкакшпингем истя ютась, ламонь! Истя весе ушодовськак, – ёвтни Андрей Бочканов. 

Ушодовсь жо весемесь аламодо седе икеле. Школасо тонавтнемстэ Андрей ульнесь васенцекс мероприятиятнесэ, морсесь весе кенярксчитнесэ. Прядсь музыкальной школа, косо налксесь аккордеонсо. Ансяк, кода тешксты цёрась, сестэ музыкась сонзэ туртов седе пек ульнесь хоббикс. Сюлмамс эрямонзо те тевенть марто эзь арсекшнеяк. Секскак школанть прядомадо мейле тонавтнесь Н.П.Огарёв лемсэ МГУ-нь архитектурно-строительной факультетсэ. Тонавтнесь сисем иеть. Прядсь магистратура. 

– Студентэнь шкасто истя жо эрьва косо морсинь, саемга, «Студентэнь тундотнесэ», – полады кортамонзо Андрей. – Ветеце курссо вейке репетициясо редимим МР-нь заслуженной артисткась Оксана Глебова. Сон кармась мартон важодеме, вайгелень путомо. Весть мерсь: «Азё, варчик невтемс прят филармониясо, паряк, сайтядызь». Тосо невтия, кодамо репертуаром, те неень шкань эстрада, кона алтави од ломантнень туртов. Филармониянь прявтось кунсолымим ды васня саимим договоронь коряс. Те ульнесь 2015 иестэ. Ды течис мон важодян истямо таркасо, косо тень вечкеви. 

Филармониясо эрзянь моротнень вастызь пек вадрясто. Эдь теде икеле истямо арасель. Ды неень шканеяк мезеяк истямо арась. Тосо васень иестэнть важодемстэ концертэнь сезонось панжовсь Андрей Бочкановонь морамосо. Залось вастызе лембестэ. 

– Мон эзинь учне. Мелявтынь. Седеем ризнэсь, кода жо весе юты, кода залось вастсамам. Сюкпря Пазонтень, весе ютась парсте. Нейгак мельсэнь кирдян сеть ёжомарямотнень. Минек филармониясо покш концерттнэ – те сезононь панжомась ды Ташто Од иень вастомась. Сынь сехте учовикс ды эрявикс концертт. Сестэ Ташто Од иень концертсэнть невтия «Вачодо ванан» омбоце мором. Морось лиссь стакасто. Яжавсь аранжировкань программась. Мейле сэрединь, ёмась вайгелем. Моронть марто педе-пев тевесь эзь прядово. Ковонь перть эзинь кортаяк, лецинь. Седе тов туинек гастролев МР-нь народной артистканть Н.В.Спиркинань ды Н.П.Спиркинэнь, «Арсема» киштемань группанть марто. Ардтнинек Самара ды Оренбург ёнксонь эрзянь ды мокшонь велетнева. Те монь туртов ульнесь од тевекс – ардтнемась ды ваныцятнень марто вастовомась. Седеем токизе лия ёнкссо морамось. Тосо ломантне кортыть эрзякс минек ладсо, кода Кацялайсэ. Вастымизь парсте, теке малавикс ломантнень. 

Тосто самодо мейле моронть сёрмадынек. Кунсолыцятне моронть вастызь вадрясто. Интернетсэ сёрмадсть эрьва кода. Кортасть истяяк: тесэ ансяк валтнэ эрзянь, мезеяк лия эрзянь арась. Сонсь музыкась аволь минек. Ну, арсян, тевем лиссь. Монь арась истямо мелем, теемс весе моронть ды аранжировканть эрзянь народной морокс. Те аволь раськень кезэрень моро, те – эстрадань неень шкань моро. Койсэнь, ломантне тонадсть эрзянь ды мокшонь моротнестэ марямс кодаткак гайтть, раськень мотивть. Васняяк бажинь невтемс келенть, пачтямс, минек кельтнесэяк гайгить неень шкань моротне ды сынь паро ёнкстнэнь коряс а явовить рузонь моротнеде. Ламот кортыть: келесь берянь, а мазый, мезекс кортамс те кельсэнть? Зярдо истя кортыть, мон ансяк мизолдан каршост. Те кортыть сетне, кить келенть а содасызь парсте, улить ютксост эрзят ды мокшот. Сынь а вечксызь эсь келест. Ломантнень арась мелест седе домкасто тиринь келенть тонавтнемс. Тень а чарькодьса. Сёрмадстынь «Сятко» журнал, ловнан К.Абрамовонь произведениянзо. Нама, те стака. Саят валкс ды мартонзо ловнат. А кода эно? Вечкеви, зярдо кодамояк авторонть келезэ-лувозо вадря, ловнови шождасто, ловнат ды дивсят, ванта, минек кельсэ кода мазыйстэ ёвтави! 

Андреень репертуарсо улить морот эйкакштнень туртовгак. Сынст сёрмадомадо мелесь цёрантень сась кода-бути апак учне. Весть сон кортазевсь «Карусельки» эйкакшонь морамонь студиянь ветицянть О.А.Антиповань марто. Пачтясь, лиси эрзянь кельсэ морозо. «Сёрмадт минек туртовгак мезеяк», – мерсь тонась пейдезь. Мерсь ды стувтызе. Андрей жо озась сёрмадомо. Ды весть, веньберть, састь прязонзо «Эмежнетне» моронь валтнэ. Морось ладявсь шождасто, сеске сёрмадовсь. 

– Ловнан-ловнан, омбоце куплетсэнть мезе-бути аволь истя. Руз ютксо эрязь, эрзянь келесь а стувтови, ансяк мезе-бути моли а истя. Аванень ловныя, сон мерсь, валонь петне аволь видестэ ладязь. Одов сёрмадыя куплетэнть. Эйкакштне кармасть моронть тонавтнеме. Молинь тенст репетицияв. Зярдо эйдетне моразевсть – рунгован «коткудавнеть чийнезевсть»! Акцентэсткак малав арасель. Омбоце репетициясонть валтнэнь весе содылизь. Мазый костюмт тенст стасть. Те моронть марто ардтнесть Московов, косо сайсть васенце тарка. Мейле сёрмадынь «Икелев» моро те студиянь покштнень группантеньгак. 
Кода тешксты Андрей, лиясто моронь валтнэ превс сынсь сыть. Лиясто жо тевесь кода-бути стакасто юты, котьмамс сави седе кувать. 
Неть читнестэ эрзянь од морыцянть Андрей Бочкановонь лиссь васенце альбомозо. Лементь лангсо арсемс овсе эзь савояк, сон сонсь муевсь. Нама, альбомось лемдевсь васенце моронть лемсэ – «Вай, кодамо!». Валтнэ ды музыкась эсензэ Андреень, аранжировканть теизь лият. Эряви меремс, весе те эсензэ ярмак лангс. Нама, эрьва морось сти питнейстэ, ансяк ков молят, кинень пшкадят? Ды кода тешксты сонсь Андрей, бути ули мелеть – весемесь топавтови, изняви. 

– Сёрмадынь морот ды сась шка сынст пурнамс альбомс. Альбомонтень совасть комсь морот. Лиссь истя, васенце моронть сёрмадыя панжиковсто (2016 иестэ), ды васенце альбомомгак лиссь панжиковсто. Тезэ совасть весе моротне, конатнень монсь моран, ды сетнеяк, конатне сёрмадозельть «Карусельки» эйкакшонь морамонь студиянть ды «Девчата» ансамблянть туртов, – ёвтни Андрей Бочканов. – Покш сюкпря ёвтан тетянень-аванень. Лездасть альбомонть анокстамосо-нолдамосо, топавтызь мелем-бажамом. Эдь течинь чине альбомонь нолдамось – тевесь питней ды а шожда. 

Василий Андреевич ды Людмила Никитична Бочкановтне кецнить цёраст кисэ, ды кадык эзь туе строителень эли архитекторонь киява, сон яви покш мель вечкевикс тевентень – музыкантень. 

Юлия ЕРЕМИНА


15.05.2019

 

Новости

Эрицятнень сёрмадстомантень анокстамотне ушодовсть



Малав ие кадовсь эрицятнень Весероссиянь сёрмадстоманть самс. Аволь умок МР-ва Федеральной службань государственной статистикань территориальной органсонть ютавтовсь вастовома, конанть шкасто видео-конференциянь лувсо ветявсь кортамо Росстатонь прявтонть Павел Малков марто. Вановсть сёрмадстомань шкатне ды невтевсь официальной тешксэсь.


Подробнее ...
 
В Мордовии собрано более 700 подписей на запрет «наливаек»
 
В Республике Мордовия завершились мероприятия по сбору информации и
подписей в поддержку инициативы об ограничении работы питейных заведений,
расположенных на первых этажах многоквартирных домов и придомовых
территориях в Республике Мордовия.

Подробнее ...
 
Награждение победителей акции «Здоровое питание - активное долголетие»
 
  Уже сегодня, 17 октября,  34 ученика из Мордовии отправятся на 12-ю  смену  
Международного детского центра «Артек». Победителей акции, их наставников и кураторов 
поприветствовал  секретарь Регионального отделения «Единой России» Владимир
Чибиркин. Он  подчеркнул, что пропаганда  здорового образа жизни и оздоровление нации 
являются одними из ведущих направлений деятельности «Единой России», акция 
реализуется в рамках партийного  проекта «Здоровое будущее».  Это дает свои плоды - с
каждым годом в нашей стране увеличивается  число неравнодушных людей,  которые 
начинают сами вести здоровый образ жизни и ведут за собой других.

Подробнее ...
 
В республике успешно реализуются социально значимые проекты первичных отделений «Единой России»
 
Первичные отделения поселка  Ромоданово и поселка  Зубова Поляна   успешно
реализуют на практике  свои социально  значимые проекты, удостоенные грантовой
поддержки по итогам конкурса проектов первичных отделений, инициированного 
«Единой Россией»
  Цель проекта  «Мы рядом», реализуемого в Ромоданове - помощь пожилым людям и 
инвалидам, имеющим  заболевания опорно-двигательного  аппарата.   Прокат технических 
средств реабилитации  организован на бесплатной основе для граждан пожилого возраста, не 
имеющих группы инвалидности, но,  в силу возрастных изменений или перенесенных 
заболеваний, травм, потерявших способность свободно передвигаться. В июле этого года в 
Ромодановском  местном отделении партии прошла  презентация проекта.  Открывая
презентацию,  секретарь  Ромодановского местного отделения Партии  Наталья Хомякова  
отметила, что  основная  задача проекта   помочь людям в трудный для них период 
реабилитации.


Подробнее ...
 
Баталина: Предложение Минтруда о новых правилах выплаты пособий по уходу за ребёнком создаст проблемы родителям
 
Предложение Минтруда, согласно которому претендовать на выплату 
пособия по уходу за ребенком до полутора лет может только тот, кто 
фактически ухаживает за ребенком, избыточно и может создать лишние 
проблемы родителям. Не исключено, что Фонд социального страхования при 
назначении будет требовать документально подтвердить, что именно 
заявитель (мать или отец ребенка) фактически за ним ухаживает. Об этом 
заявила первый заместитель секретаря Генерального совета «Единой России»
Ольга Баталина.
Подробнее ...