Рубрикатор

Культура Библиянть эрзянь ды мокшонь кельтнес ютавтомадонть
Библиянть эрзянь ды мокшонь кельтнес ютавтомадонть

Библиясь – Пазонь Валось – весе лия книгатнень ютксо те сехте покш ды питней книгась окойники ней ули эрзянь ды мокшонь кельсэяк. Те покштояк покш тешкс-невтевкс минек раськенть ванстомантень, минек эрзянь ды мокшонь кельтнень ванстомантень.

Эрзянь ды мокшонь кельс Библиянь васенце ютавтовкстнэ теезельть кевейксэеце пингестэнть. Эрзянь кельсэ ниле евангелиятне нолдавсть 1821 ды 1910 иетнестэ. Эряви меремс, те тевсэнть ули покш таликаст Авксентий Юртовонь ды Макар Евсевьевень.

Теде мейле Библиянь ютавтомась минек кельтнес сезевсь ламо иес. Одс те тевесь ушодовсь ансяк 20-це пингенть прядовомсто. 1973 иестэ саезь башка-башка лиснесть седикеле нолдазь ниле Евангелиятне, седе тов нолдазельть Библиянь зярыя книгань од ютавтовкст. Ламонень пачкодсть Библиянь ёвтнематне: Иисусонь эрямозо (нолдазь 1991 иестэ) ды Библиянь ловноматне (нолдазь 1993 иестэ) кода эрзянь, истя мокшонь кельсэяк.

 

Эряви меремс, финнэнь-угрань кельтнес Библиянть ютавтоманзо эсь шкасто чанстизе Алексий Патриархось. А вана зярдо Мордовияв сакшнось Кирилл Патриархось, сон евтызе мельспаронзо сень кувалма, што Пазонь валось ютавтови эрзянь ды мокшонь кельтнес.

Ледстявлия эште вейке ломаненть лемензэ. Те – хорватось Борислав Арапович, самай сон од шкатнестэ, 1975-1990 иетнестэ, ушодызе Библиянь ютавтоманть Россиянь  ламо раськетнень кельтнес. Сон теизе Библиянь ютавтомань васенце институтонть Швециясо, мейле истямо институт панжсь Московсо.

Ней Библиясь эли башка сонзэ книгатне ютавтозь ды нолдазь 3500 ламо кельтнес. Целанек весе Библиясь ютавтозь котосядто ламо кельтнес, Од Вейсэньлувось – вейке тёжа ветесядт кельтнес, башка книгатне – вейке тёжа кавтосядто ламо кельтнес.

Ды вана ней минек мельспаронок: Эрзянь кельсэ Од Вейсэньлувось лиссь 2006 иестэ, Псалтиресь – 2011 иестэ, мокшонь кельсэ Од Вейсэньлувось лиссь 2016 иестэ! Тенень поладан: эрзянь кельсэ Од Вейсэньлувонь аудиозаписесь ули интернетсэ.

Тешкстасынь сеть ломантнень, кить топавтызь те тевенть. Эрзянь кельс Библиянть ютавтсть Д.Т.Надькин, Н.С.Адушкина, Г.И.Горбунов, Г.С.Девяткин, Г.И.Батков. Мейле те тевенть топавтомо карминек мон ды Т.Д.Рябова. Мокшонь кельс ютавтыцятне В.И.Мишанина, А.Н. Келина, О.Е.Поляков. Ней весе ютавтоманть теи Ольга Сурдяева – Кугаппи.

Кода топавтови минек тевесь? – Васняяк ютавттано Синодальной ютавтовксонть эйстэ тексттнэнь эрзянь кельс. Мейле минек мельга ютавтовксонть ваны редактор, кона парсте содасы эрзянь ды рузонь келенть. Монь марто ламо иеть важоди Мирьям Макконен, теде икеле эште важодсь Риитта Пююкке. Риитта тонавтнесь эрзянь келенть минек университетсэ, сонськак тонавтсь студенттнэнь финнэнь келенть содамо. Редактор марто важодемадо мейле минек ютавтовкстнэнь тонавтни консультантось. Мартонок седикеле важодсь Фил Пайк англичанинэсь, ней важоди Роберт Бугенхаген американецэсь. Сынь пек парсте содасызь Библиянть евреень ды грекень кельтнесэ ды ламо лия кельсэяк.

Теде мейле, кода уш весе тонавтнезь-ванозь, минь мольтяно районтнэва эриця эрзятненень, мартост вейсэ ловнотано анокстазь тексттнэнь ды вантано, кода сынь чарькодевить. Апробациядонть мейле совавтано витевкст. Те сень кис: седе парсте чарькодевельть минек ютавтовкстнэ.

Од Вейсэньлувонь книгасонть кой-кона таркатнесэ  улить лопатнень песэ кандовкст-сёрмадовкст, косо панжови валтнэнь смустест, мезесь лезды ловныцянтень седе домкасто чарькодемс сёрмадозенть. Книганть песэ максовить Библиянь валкс, ташто ды од валтнэнь валкс ды лия информация.

Нама, улевельтькак минек озатятнень ютксо эрзянь келенть содыцят, сестэ седе пароль. Вана удмуртонь кельс Библиянть ютавтызе православной священникесь отец Михаил, содавикс  лингвистэсь ды религиозной публицистэсь, филологиянь наукань докторось Михаил Гаврилович Атаманов. Минек истямо ломаненек  – те Климент епископось. Кода содатано, сон педе-пес ваннызе ды ловнызе мокшонь кельсэ нолдамс анокстазь Од Вейсэньлувонть, ды мейле ёвтызе эсь валонзо книганть ушодкссо.

Ней эрзянь ды мокшонь кельтнесэ моли покш важодема Ташто Вейсэньлувонть лангсо. Эрзянь кельс уш зярыя иеть анокт нолдамс вете текстт-книгат. Кадовсь ансяк минек митрополиянть баславамозо.

Ютавтома тевенть масторсонок лади-теи Московсо Библиянь ютавтомань институтось, а вана сонзэ филиалось – Хельсинкинь институтось важоди финнэнь-угрань кельтнес Библиянть ютавтоманзо лангсо. Мекс минек марто те тевенть топавты омбо масторонь институтось? Те моли умок теевезь коенть эйстэ, зярдо эштё революциядо икеле Суоминь ученойтненень максозель тев тонавтнемс финнэнь-угрань раськетнень коест-кирдаст. Библиянь ютавтоманть ветямось, можна меремс, полады сеть умонь койтнень.

Прядовлия эсь валом вана кода. Минек кельтнес Библиянь ютавтомась – те покштояк покш тев. Те тевесь невтизе: арась мезеяк, мезе бу а ютавтоволь минек кельтнес. Весе валтнэ муевсть, муевсть весе чарькодематне. Арсян, эрзянь ды мокшонь кельтнесэ Библиясь пек сюпалгавтсынзе  келенек, эдь тосо максовить пек ламо валт, конат те шкас арасельть валкстнэсэ – сынь эзть редявкшно, прок буто эзть эрявояк. Библиясо сюпав терминологиясь – сонгак аламонь-аламонь совавтови минек кельтнес. Псалтиренть коряс анокстынь эрзянь-рузонь ды рузонь-эрзянь валкс, арсян сонзэ маласо шкасто нолдамс.

Республикасо ды сонзэ томбале эриця эрзятне ды мокшотне, кить бажить содамс тиринь келенть ды бажить содамс Пазонь Валонть, паро мельсэ ловныть Од Вейсэньлувонть ды Псалтиренть. Ули мель: кадык весе нолдазь книгатне мусызь эсь ловныцяст.

Т.Баргова, Эрзянь кельс Библиянть ютавтыцясь


10.05.2019

 

Новости

В «Единой России» разместят на «Карте доступности» данные о кинотеатрах, оборудованных для людей с ОВЗ
Активисты партийного проекта «Единой России» «Единая страна – доступная среда»
разместят на созданном в рамках партпроекта портале для маломобильных групп населения
«Карта доступности» (kartadostupnosti.ru) информацию о кинозалах, оборудованных для
людей с ограниченными возможностями здоровья. Данные о них будут получены по итогам
мониторинга, который пройдет в июне. Об этом сообщил координатор партпроекта,
заместитель председателя комитета Госдумы по труду, социальной политике и делам
ветеранов Михаил Терентьев.
Подробнее ...
 
Госдума единогласно приняла в первом чтении поправки Турчака в закон о местном самоуправлении
Государственная Дума единогласно (397 депутатов – «за», против и 
воздержавшихся не было) приняла в первом чтении поправки в статью 40 ФЗ
«Об общих принципах организации местного самоуправления в Российской 
Федерации», которые 3 апреля внес вице-спикер Совета Федерации, 
секретарь Генерального совета «Единой России» Андрей Турчак.
Подробнее ...
 
Партийцы Мордовии совместно с минсельхозом обсудили проект Госпрограммы комплексного развития сельских территорий на 2020-2025 года
 

21 мая 2019 в  Воронеже состоится форум «Единой России», посвященный российскому селу. В преддверии  форума 13 мая партийцы республики совместно с министерством сельского хозяйства и продовольствия РМ провели «круглый стол», посвященный путям решения проблем российского села.

На «круглом столе» под председательством  первого заместителя министра сельского хозяйства и продовольствия Республики Мордовия Юрия Голова были обсуждены вопросы разработки муниципальных программ комплексного развития сельских территорий на период до 2025 года.

Подробнее ...
 
Представители «Единой России» в рамках всероссийской акции по озеленению городов высадят 3 млн деревьев
В рамках всероссийской акции партийного проекта «Единой России» «Чистая страна» по
озеленению городов с мая по октябрь будет высажено около 3 млн деревьев. Так, на майских
праздниках в 36 субъектах РФ будет высажено более 1 млн деревьев. В акции примут участие
депутаты всех уровней от «Единой России». Об этом сообщил координатор партийного
проекта, председатель комитета Государственной Думы по экологии и охране окружающей
среды Владимир Бурматов.
Подробнее ...
 
В Саранске состоялся турнир по боевому самбо на призы МРО Партии «Единая Россия»
Сегодня, 11 мая, состоялся турнир по боевому самбо на призы
Мордовского регионального отделения Партии «Единая Россия».
Открывая соревнования, заместитель Руководителя Мордовского
регионального исполнительного комитета Партии «Единая Россия»
Сергей Губарев отметил, что региональное отделение Партии
ежегодно выступает организатором спортивных турниров по разным
видам спорта и активно поддерживает развитие спорта в республике.
Подробнее ...