Рубрикатор

Культура Историянь ванстыця
Историянь ванстыця

…Мольсь 1972 иесь. Мордовиянь Н.П.Огарёв лемсэ университетэнь историко-географической факультетэнть прядомадо мейле Валентина Михайловна Арапова сась важодеме тонавтыцякс Чугур велень средней школав. Педколлективень прявтось Д.И.Зорькин од тонавтыцянть вастызе мельспаросо. Дмитрий Иванович парсте содылинзе од тонавтыцянть тетянзо-аванзо. Лидия Терентьевна пингензэ перть тонавтсь Чугур велень эйкакшт, Михаил Степанович ульнесь Калинин лемсэ колхозонь КПСС-нь партийной организациянь секретарекс.




Тонавтыцянь тевенть мон кочкия умок, оштё школасо тонавтнемстэ, – ледстни народной образованиянь отличникесь, трудонь ветеранось В.М.Арапова. – Тонавтыцятнень Мария Максимовна Абрамовань, Лидия Ефимовна Араповань, Зоя Павловна Арискинань уроктнесэ тонавтнинь, кода сынь эсь тевест ладить эйкакштнень марто, тонавтнинь сынст эрьва эскельксэст. Уроксонть бажинь а менстямс мезеяк. Секскак, зярдо прядыя средней школанть, мон сыргинь эсь документтнэнь марто Саранскоев. Максынь сынст университетэнь историко-географической факультетс. Видьстэ мерян, мон овсе а янксян тонавтыцянь тевенть кочкамосо. Те тевсэнть важодинь ниленьгемень кото иеть.

Тонавтомань васенце иестэнть В.М.Арапованень пек лездасть некеть тонавтыцятне – Мария Максимовна, Зоя Павловна, Лидия Ефимовна. Истя, уроксто урокс Валентина Михайловна Араповань кемекставсь обуцязо. Сонзэ историянь уроктнень тонавтницятне кунсолость кургонь автезь. Эзть менстя сонзэ вейкеяк вал те эли тона шкадонть ёвтнемстэ: Социалистической государстванть теемадо, Ине революциядонть, Ине Отечественной войнань геройтнеде, СССР-сэ эрямодонть ды истя седе тов.

Валентина Михайловна парсте содылинзе Социалистической лагерень генеральной секретартнень. Ды тенень тонавтсь тонавтницятненьгак.

Масторсонок эрямонть парсте содамга Валентина Михайловна кармавтсь тонавтницятнень юткошкасто ловномс аволь ансяк исторической книгат, истя жо газетат, журналт.

В.М.Араповань валонзо коряс, 70-75 иетнестэ Чугур велень средней школасонть тонавтнесть кавксосядто ламо эйкакшт. Тей, Чугур велев, тонавтнеме сакшность Симкина, Тазина велень эйкакшт. Класстнэсэ ульнесть 30-38 тонавтницят.

– А мезть сёпомс, важодемась ашождатнестэль, – ёвтни В.М.Арапова. – Кудонь заданиянть кевкстнемстэ шкась эзь сатно. Сестэ теинь истя: кармавтынь сёрмадомс конёв лангс. Ды мезе? Те тевесь вечкевсь тонавтницятнень туртов. Тень шнызь тонавтыцятнеяк.

1976 иестэ Калинин лемсэ колхозонь прявтонть, Социалистической Трудонь Героенть Н.В.Камаевень ушодксонзо коряс Чугур велесэ панжозель «Валскень зоря» трудонь ды оймсемань лагересь. Сон аштесь мазыйдеяк мазый таркасо – вирь потсо, колхозонь нешкепиренть вакссо.

– Вай, кодат шкатне парольть! – ледстни Валентина Михайловна. – Тосо эринек кизэнь перть. Арсезевинек: мекс эйкакштненень а максомс тев? Истямо меленть марто мон молинь колхозонь прявтонтень Николай Васильевич Камаевнень. Сон шнызе меленек-арсеманок. Колхозось явсь малав гектар мода, конань лангсо кастынек эмежть: капстат, морковт, помидорт, куярт…

Тешкстасынек, «Валскень зоря» трудонь ды оймсемань лагерьсэнть важодемань васенце эскелькстнэнь теизь Чугур велень ламо од ломанть, конатне теевсть эсь тевень алкуксонь специалистэкс. Ютксост – юристт, тонавтыцят, токарть, военнойть, скалонь потявтыцят, сюронь кастыцят. Текенень, лагерьсэнть эйкакштне школань столовойс анокстасть эмежть, конатнень тельня арасель питнепест.

«Валскень зоря» трудонь ды оймсемань лагерденть паро славась мольсь республикань келес. В.М.Араповань валонзо коряс, лагерев инжекс сакшность республикань ламо районтнэстэ, шабра республикатнестэ. Сынь тонавтнесть, кода тесэ эрить ды юткошкаст ютавтыть кизна школань тонавтницятне.

Видькстатано, «Валскень зоря» трудонь ды оймсемань лагересь аволь весть лиснесь изницякс сонзэ кондятнэнь ютксо республикань пелькстамосо. Теде кортыть Почётонь грамотатне, Дипломтне, конат ванстовить школасо.

1990 иестэ, зярдо эрьва косо кортасть перестройкадо, ушодовсь колхозтнэнь калавтомась. Те эзь юта Калинин лемсэ колхозонть вакскаяк. 1992 иестэ каладсь «Валскень зоря» трудонь ды оймсемань лагереськак.

– Лиясто ютан тия ды оймесь ризнэзеви, – мельсапаронь апак кекше корты В.М.Арапова. – Мезеяк а теят, эрьва шканть, кода кортыть, эсензэ героензэ, эсензэ изнявксонзо, эсензэ бажамонзо.

Мельспаросо тешкстасынек, В.М.Араповань тонавтыцятнестэ ламотне сынсь тонавтыть эйкакшт. Вана, невтемакс, Г.А.Росяйкина – омбо масторонь келень тонавтыця, Н.А.Демина – рузонь келень ды литературань тонавтыця, И.Ф. Ларькин – школань директор, Л.Д.Астайкина – школань директоронь полавтыця ды истя седе тов. Сынь весе важодить Чугур велень средней школасо.

В.М.Араповань обуцязо аволь истямо – аштемс тевтеме. Мекевлангт, сон свал творческой вешнемасо. Истя, 1993 иестэ Валентина Михайловнань ушодксонзо коряс Чугур велень средней школасонть панжозель краеведениянь музей. Сонзэ прявтокс тееви В.М.Арапова.

Музеень историясь истямо. Школасо умок важодсь краеведениянь кружок, косо покш классонь тонавтницятне ютавтыть эсь юткошкаст.  Сынст мелест коряс историянь кабинетс теезель а покш тарка, козонь аравтнезельть велеванть пурназь васенце экспонаттнэ. Иестэ иес сынь ламолгадсть, ды историянь кабинетэсь уш вишкалгадсь. Сестэ педагогонь вейке советэнь промкссо мерезель теемс школань краеведениянь музей, конань алов явозель классонь комнататнестэ вейкесь. Музеень теемась теевсь весе школанть тевекс.

– А мезть сёпомс, покш тев тейсть сехте ёроков тонавтницятне. Сынь тейсть музеень совет, козонь пурназельть кемень ломанть, –  ёвтни Валентина Михайловна. – Эрьванть мельга кемекстазель башка тев. Музеень советэнь председателекс зярыя иеть ульнесь Володя Кечайкин. Сон школанть прядызе 2000 иестэ, служась армиясо. Мейле сонзэ полавтызе Аня Арискина.

Течи совиндерят Чугур велень средней школань музейс, конань прявтсо В.М.Арапова, абунгадат. Мерят, понгить кезэрень пингес. Кармат содамо седе, кода эрясть Чугур велень эрзятне кезэрень пингестэ, кодамо оршамо- ды карсемапельть кандтнесть се шкасто ды истя седе тов. Школань музейсэ сядот экспонатт. Те – бытэнь предметт, крестьянтнэнь трудонь кедьёнкст, тейтерь-авань оршамопельть ды эрьгеть-мезть, сиянь ярмакт, фронтсто солдатонь сёрмат ды истя седе тов. Экспонаттнэ аравтозь-путозь вейке залсо зярыя стендтнэва ды витринатнева. Сынь панжить Чугур веленть историянзо. Стендтнэстэ вейкесь алтазь Ине Отечественной войнань участниктненень, эсь ёнксонь ломантненень. Башка ашти стендэсь, конань лангсо сёрмадозь Чугур велень эрицятнень лемест, конат маштовсть Ине Отечественной войнасо.

– А шождатнестэль маштовозтнень лемест пурнамось, ансяк тень минь теинек. Велень эрицятне покш сюкпря ёвтасть, нама, школань тонавтницятненень, кить покш мель явсть вешнемань тевентень, – видькстась Валентина Михайловна. – Школань музеесь тонавты пертьпельксэнть, тиринь ёнксонть, Отечестванть вечкеме.

– Минек краеведениянь музейденть парсте содыть республикань томбалеяк, – ёвтни Чугур велень средней школань директорось И.Ф.Ларькин. – Музеенть ванкшнызь Эстониясто, Финляндиясто, Чувашиясто, Комистэ инжетне. Сынь кадовсть мельспаросо. Валентина Михайловнанень ёвтасть покш сюкпря. Сон историянь алкуксонь ванстыця.

Музейсэнть ули книга, козонь эсь мелест-арсемаст сёрмадыть сетне, кить ванызь экспонаттнэнь, кить теевсть содавиксэкс эрзятнень кезэрень шкасто эрямост марто. Ютксост – Сахалинсэ, Ленинградонь областьсэ, Саранскойсэ ды минек масторонь лия оштнесэ эрицятне ды сетне, кить чачсть-кассть Чугур велесэ.

В.М.Арапова кода-бути видькстась: «Улкоть меринь школань директоронтень Иван Фёдоровичнень: «Саты, монень аволь аламо иеть, музеев сакшномо а карман». Тона каршон: «Эно кие карми музейга экскурсиянь ютавтнеме? Кадыть ключнень эстеть».

В.М.Арапова кадынзе. Ансяк сыть костояк инжеть Чугур велев, Валентина Михайловна сынст содавтсынзе краеведениянь музеенть марто.

Пётр Зиновьев

 

Новости

В «Единой России» разместят на «Карте доступности» данные о кинотеатрах, оборудованных для людей с ОВЗ
Активисты партийного проекта «Единой России» «Единая страна – доступная среда»
разместят на созданном в рамках партпроекта портале для маломобильных групп населения
«Карта доступности» (kartadostupnosti.ru) информацию о кинозалах, оборудованных для
людей с ограниченными возможностями здоровья. Данные о них будут получены по итогам
мониторинга, который пройдет в июне. Об этом сообщил координатор партпроекта,
заместитель председателя комитета Госдумы по труду, социальной политике и делам
ветеранов Михаил Терентьев.
Подробнее ...
 
Госдума единогласно приняла в первом чтении поправки Турчака в закон о местном самоуправлении
Государственная Дума единогласно (397 депутатов – «за», против и 
воздержавшихся не было) приняла в первом чтении поправки в статью 40 ФЗ
«Об общих принципах организации местного самоуправления в Российской 
Федерации», которые 3 апреля внес вице-спикер Совета Федерации, 
секретарь Генерального совета «Единой России» Андрей Турчак.
Подробнее ...
 
Партийцы Мордовии совместно с минсельхозом обсудили проект Госпрограммы комплексного развития сельских территорий на 2020-2025 года
 

21 мая 2019 в  Воронеже состоится форум «Единой России», посвященный российскому селу. В преддверии  форума 13 мая партийцы республики совместно с министерством сельского хозяйства и продовольствия РМ провели «круглый стол», посвященный путям решения проблем российского села.

На «круглом столе» под председательством  первого заместителя министра сельского хозяйства и продовольствия Республики Мордовия Юрия Голова были обсуждены вопросы разработки муниципальных программ комплексного развития сельских территорий на период до 2025 года.

Подробнее ...
 
Представители «Единой России» в рамках всероссийской акции по озеленению городов высадят 3 млн деревьев
В рамках всероссийской акции партийного проекта «Единой России» «Чистая страна» по
озеленению городов с мая по октябрь будет высажено около 3 млн деревьев. Так, на майских
праздниках в 36 субъектах РФ будет высажено более 1 млн деревьев. В акции примут участие
депутаты всех уровней от «Единой России». Об этом сообщил координатор партийного
проекта, председатель комитета Государственной Думы по экологии и охране окружающей
среды Владимир Бурматов.
Подробнее ...
 
В Саранске состоялся турнир по боевому самбо на призы МРО Партии «Единая Россия»
Сегодня, 11 мая, состоялся турнир по боевому самбо на призы
Мордовского регионального отделения Партии «Единая Россия».
Открывая соревнования, заместитель Руководителя Мордовского
регионального исполнительного комитета Партии «Единая Россия»
Сергей Губарев отметил, что региональное отделение Партии
ежегодно выступает организатором спортивных турниров по разным
видам спорта и активно поддерживает развитие спорта в республике.
Подробнее ...