Рубрикатор

Культура Седей ризнэвти Чернобылесь
Седей ризнэвти Чернобылесь

Апрелень 26-це чистэ топодить 33 иеть, кода лиссь Чернобылень кажось. Те чистэнть масторлангонь келес ломантне кирвазтнить штатолт, ледстнить тень кувалма эрямосто туезетнень. 1986 иень апрелень 26-це чистэ Чернобыльсэ производственной авариясь кармась масторлангонь техногенной катастрофакс. Эрявсть ниле иеть, штобу мадстемс атомонь толпандянть. Масторонь весе вийтне каязельть Чернобыленть идеме. Авариянь идицятнень ютксо ламо ломанть ульнесть Мордовиястояк. Чернобылесь эрьвантень кадызе эсь тешксэнзэ. Ламотне уш тусть эрямосто, сетненень, кить эрить те шкас, эрямонь меельце читнес кадови сон мельс. Эрьвась, кие тов якась лездамо, парсте чарькодсь, мезе те истямо Чернобылесь, ды ней, ламо иень ютазь, эрьва кодат орматнень марто, вейкеяк эйстэст а янкси, што ульнесь тосо.




Эрзянь цёрась Анатолий Яковлевич Полежайкин зярдояк эзь арсеяк, эрямозо явови кавтов: Чернобыльде икеле ды сондензэ мейле. Васняяк ульнесь кода весень, чачсь ды кассь Вирь ало Тавла велесэ, теске тонавтнеськак. Ансяк кенеркшнесь средней школанть прядомо, кучсть военкоматсто повестка армияв. Се шкатнестэ неень ладсо кекшницят арасельть, мекевлангт, кие а служиль армиясо, од тейтертнень икеле ульнесь визькс. Служамо понгсь Ставрополь ошонь авиациянь высшей училищас. Ульнесь радистэкс-телефонистэкс. Службась ютась эзь марявояк. Велявтсь тиринь ёнксов. Тевтеме кувать эзь аште. Уставась роботамо Саранскоень инструментальной заводсо. Вастызе уцясканзо. Козяйказо, Нина Николаевна, истя жо шабра Пакся Тавла велестэ. Налксесть свадьба. Зярыя шкань ютазь чачсь Сергей цёрынест. Вадря бу улевель истя седе товгак ды Полежайкинтнэнь семияст ламолгадоволь, ансяк Чернобылень тевтне весементь полавтызь.

Анатолий Полежайкиннэнь се шкастонть топодекшнесть 33 иеть. Цёрынест кассь. Апрелень 26-це чинь авариядонть минек ёнкссо кармасть кортамо аволь сеске. Васняяк тия-тува марсевсть кодат-бути апаро кулят, радиова ды телевидениява мезтькак эзть пачтя. Мейле уш зярыя чинь ютазь кармасть теде кортамо массовой информациянь средстватнесэ. Кода свал, кажонть покшолманзо вишкалгавтсть. Видестэ кортыть, лисезесь а сёпови, а кекшеви. Эстеньгак ледстневи, васенце виде кулянть Чернобылень авариядонть марякшныя 1986 иень маень омбоце чистэ. Се шкастонть уш зыянонть покшолмадонзо содасть масторлангонь келес. Военкоматтнэ уш весе вийсэ кочкасть ды кучсть тов идицятнень. Васняяк, эряви меремс, сайсть сетнень, кинь иест ниленьгеменде седе ламо ды кинь эйкакшост кавтодо а седе аламо. Васенцетнень юткс понгсть автомашинань ды тракторонь ветницят. Неяви, военкоматтнэсэ уш содасть, мейсэ ды кода сави роботамс кучозтненень. Анатолий Полежайкин тень коряс эзь арсеяк, эдь весе вешематнень коряс сон малавгак а ладиль истятнэнь юткс. Сэтьместэ эрясь ды роботась. 1986 иень ноябрясто военкоматсто кучсть тензэ повестка. Васняяк эзь кемеве, сонзэяк шказо сась. Икеле, аволь кода ней, а кевкстнильть ули-арась молемс мелеть. Нина козяйказо пурнынзе кой-кодат курмонзо-кармонзо, ды сон сыргась. Военкоматонтень пурназельть колоньгеменьшка ломанть. Кияк мездеяк пек эзь толкова. Оймсема чистэ нурька шкас ютазель медицинской комиссиясь ды уш омбоце чистэнть ускизь Самарав. Тесэ макссть военной оршамопель ды лия эрьва кодамо амуниция, мик телень палаткань пес. Самарасто сынст группанть ускизь Киевев, тосто – Чернобылев. Эрямо таркаст ульнесть Аранное посёлкасо. Те – чугункань кинь аволь покш узловой станция. Ансяк ней чарькодевсь, мезекс максызь телень палаткатнень. Ушосонть декабря ков, эрямс жо савсь палаткатнесэ. Ломантнеде тесэ ульнесть истя ламо, кельгстямс а ков.

Анатолий Полежайкинэнь ладякшнызь коммутаторсо телефонистэкс. Истямо специальностезэ ульнесь армиясояк. Тесэ жо тевтне аламодо ульнесть лият. Коммутаторонть вакссо аволь ламо шка савиль аштемс. Седе сеедьстэ эйсэст ускильть Чернобылень станциянтень вельтявксонь ванськавтомо. Тонась эйстэст ульнесь 120 вайгельпень тарка. Лиясто савиль ансяк коймесэнть кавкстешка ёртомс ловонть ды ломаненть тосто саилизь. Радиациянть мельга тесэ вансть кеместэ. Ды, бути участникесь таштась 20 рентгенэнь покшолмасо радиация, сеске кучилизь кудов. Седе ламо радиациядонть шумбрачинтень зыянось а ёвтавишка. Полежайкиннэнь а весть савкшнось улемс сезевезь реакторонть вакссо блоктнень вельтявкстнэнь лангсо. А видестэ кортыльть: Чернобыленть идесть ансяк Россиянь ломантне. Ликвидатортнэ ульнесть эрьва косто: Средней Азиясто, Прибалтикасто ды ламо лия ёнкстнэстэ.

Юткошкасто участниктнень-ликвидатортнэнь нолдтнильть увольненияв, лияв ков, невтнильть тенст концертт. Ансяк меельце шкасто лоткасть сёпомодо, што идемань сехте ламо тевтне теезельть самай те шкастонть: 1986 иестэ саезь 1987 иес. Радиацияськак сестэ тесэ ульнесь сехте виев. Ломантне виень апак жаля, эрямост апак вансто тейсть эсь тевест. Ламонь теде мейле лавшомгадсть ёжомарямост, шумбрачист, ялатеке Чернобылень участниктнень пельде пеняцямот а марят. А янкси теде Анатолий Яковлевич Полежайкингак, куш шумбрачись аволь кеметнестэ. Ламо ярмакт туить ормаменькстнэнь рамамс. Лиякс а кода. Паро, эйсэнзэ а стувтнить «Чернобыль» вейсэндявкссонть. Апрелень 26-це чистэ сон свал ледстни эсь оянзо, сетнень, кить ней уш тусть эрямостонть, живтнень, эдь истямо тевесь пряудемстэ зярдояк а нардави.

Николай Евдокимов

25.04.2019

 

 

 

 

Новости

В «Единой России» разместят на «Карте доступности» данные о кинотеатрах, оборудованных для людей с ОВЗ
Активисты партийного проекта «Единой России» «Единая страна – доступная среда»
разместят на созданном в рамках партпроекта портале для маломобильных групп населения
«Карта доступности» (kartadostupnosti.ru) информацию о кинозалах, оборудованных для
людей с ограниченными возможностями здоровья. Данные о них будут получены по итогам
мониторинга, который пройдет в июне. Об этом сообщил координатор партпроекта,
заместитель председателя комитета Госдумы по труду, социальной политике и делам
ветеранов Михаил Терентьев.
Подробнее ...
 
Госдума единогласно приняла в первом чтении поправки Турчака в закон о местном самоуправлении
Государственная Дума единогласно (397 депутатов – «за», против и 
воздержавшихся не было) приняла в первом чтении поправки в статью 40 ФЗ
«Об общих принципах организации местного самоуправления в Российской 
Федерации», которые 3 апреля внес вице-спикер Совета Федерации, 
секретарь Генерального совета «Единой России» Андрей Турчак.
Подробнее ...
 
Партийцы Мордовии совместно с минсельхозом обсудили проект Госпрограммы комплексного развития сельских территорий на 2020-2025 года
 

21 мая 2019 в  Воронеже состоится форум «Единой России», посвященный российскому селу. В преддверии  форума 13 мая партийцы республики совместно с министерством сельского хозяйства и продовольствия РМ провели «круглый стол», посвященный путям решения проблем российского села.

На «круглом столе» под председательством  первого заместителя министра сельского хозяйства и продовольствия Республики Мордовия Юрия Голова были обсуждены вопросы разработки муниципальных программ комплексного развития сельских территорий на период до 2025 года.

Подробнее ...
 
Представители «Единой России» в рамках всероссийской акции по озеленению городов высадят 3 млн деревьев
В рамках всероссийской акции партийного проекта «Единой России» «Чистая страна» по
озеленению городов с мая по октябрь будет высажено около 3 млн деревьев. Так, на майских
праздниках в 36 субъектах РФ будет высажено более 1 млн деревьев. В акции примут участие
депутаты всех уровней от «Единой России». Об этом сообщил координатор партийного
проекта, председатель комитета Государственной Думы по экологии и охране окружающей
среды Владимир Бурматов.
Подробнее ...
 
В Саранске состоялся турнир по боевому самбо на призы МРО Партии «Единая Россия»
Сегодня, 11 мая, состоялся турнир по боевому самбо на призы
Мордовского регионального отделения Партии «Единая Россия».
Открывая соревнования, заместитель Руководителя Мордовского
регионального исполнительного комитета Партии «Единая Россия»
Сергей Губарев отметил, что региональное отделение Партии
ежегодно выступает организатором спортивных турниров по разным
видам спорта и активно поддерживает развитие спорта в республике.
Подробнее ...