Рубрикатор

Культура Эсь мельганзо кадсь валдо тешкс…
Эсь мельганзо кадсь валдо тешкс…

А.С.Пушкин лемсэ библиотекасо ютась литературной чокшне, кона алтавсь эрзянь поэтэнть Михаил Втулкинэнь 90 иетненень. Михаил Алексеевич чачомань коряс Самара ёнксонь Похвистневской районсто, косо чачсть эрзянь сёрмадейтне: Тимофей Раптанов, Артур Моро, Алексей Лукьянов, Серафима Люлякина, Василий Радаев, Числав Журавлёв ды лият. Сон чачсь 1929 иестэ Дунаевка велесэ. Сисем иесэ кадовсь тетявтомо. Авазо, Анна Нефёдовна, ськамонзо трясь-кастсь ниле эйкакшт. Эйдетнень трямсто пек лездась сырькаест, Екатерина Еремеевна, кона содась ламо ёвкст ды морот. Школань прядомадо мейле Михаил Втулкин тонавтнесь Покш Толканонь педучилищасо. Армиясо служась Тихой океансо, кармась капитан-лейтенантокс, мейле тонавтнесь Саратовань юридической школасо. Зярыя иень перть ульнесь Саратов ошсо райононь прокуроронь полавтыцякс. Сон уш се шкасто ушодсь сёрмадомо.




Седе тов Михаил Втулкин сась эрямо Мордовияв. 1970-80-це иетнестэ сон важодсь минек «Эрзянь правдасо» культурань отделэнь корреспондентэкс. Те шкане В.К.Радаев сёрмадеесь ветясь газетанть юрсо «Тештине» литературной кружок, ков якасть ламо од ломанть. М.Втулкин сёрмадсь стихть, юморескат, фельетонт, ёвкст. Сынь пек вечкевсть ловныцятненень!

Поэтэнть лиссть «Сиянь пей» (1977), «Сырнень шка» (1981), «Ведьбайгине» (1992) книганзо. 1986 иестэ валморонзо совасть «Валдаське» вейсэнь пусмос. Мордовиянь народной писателенть В.К.Радаевень марто пурнась ды нолдась эрзянь легендань, ёвтамонь ды ёвксонь пусмо.

Библиотекасо те вастовомантень сакшность ламо инжеть, конат эсь шкасто важодсть писателенть марто, содылизь сонзэ ды вана мезе ёвтнесть.

Михаил Втулкин ульнесь покш ды виев ломанекс. Эрямозо а шождаль. Обуцянь коряс – пирявкстомоль, кирдевтемель, бажась киненьгак а савтомс. Нама, ламонень те эзь вечкеве. Сон ульнесь аволь лиятнень кондямо, явовсь лиятнень эйстэ, – кортась РФ-нь ды МР-нь культурань заслуженной роботникесь Т.М.Ковалёва.

«Эрзянь правдасо» минь зярыя иеть важодинек ве кабинетсэ. Аволь покш нупальсэ аштесть кото ломанть ды весе цёрат. Нама, весе згилямотне сатыльть монень, сех одолинь. Тешкстаса, згилямотне аволь кежеельть, истят, кода алкукс маштсть пеедькшнеме эрзянь ломантне. Михаил Алексеевичень оймезэ ульнесь эйкакшонь, валдо, тунь арасель ёжовчизэ, мезе кельпрясонзо – сень ёвтасы. Свал эрьва мезть ёвтниль тенек, эрямонь историят. Ручканок путсынек ве пелев ды кунсолотано… – ледстнесь журналистэсь Т.Д.Рябова ды миненекак ёвтнесь сёрмадеенть марто сюлмавозь ракамонь тевде.

Вана кедьсэнь «Валдаське» пусмине, конань 1986 иестэ казизе сонсь авторось. Ледстнян, зярдо Втулкин стакасто сэредсь ды аштесь больницясо, минь Л.Седойкинэнь марто якинек варштамонзо. Сон истя кецнесь! Варштыцязо кияк арасель… Мейле кудовгак тензэ пачколинек. Мезть кортамс, тосо кодамояк сюпавчи эзь ульне. Мельсэнь кирдян, кода ёвтнесь сырькаензэ пельде эрзянь кезэрень ёвтамо, кода теевсь Инешкипазось ды ломантне, теде косояк апак сёрмадо, – кортась Р.С.Кемайкина поэтэсь.

М.А.Втулкинэнь лован эрзянь литературасо валдо тештетнень ютксто вейкекс. Кадык сонзэ лиссть аволь ламо пусмонзо, ансяк кодат! Эрьва произведениянть ловносак ды а стувтови. Саемга, сонзэ «Бутрав эрькес татар ваясь…» ояксчиде стихесь, тень лован шедевракс. Сон истя видестэ невтизе минек, эрзятнень, обуцянок! Токи седейс. А эряви стувтомс сонзэ лемензэ, – кортась Р.Б.Щанкина журналистэсь, кона пек бажась ютавтомс Втулкинэнь ледстнемга те чокшненть.

Писательденть паро валсо ледстнесть Т.С.Баргова сёрмадеесь,  Г.С.Гребенцов поэтэсь, сыньгак важодсть сонзэ марто. Филологиянь наукань докторось, профессорось М.И. Ломшин кортась творческой кидензэ. Нама, те вастовомасонть гайгсть поэтэнть стихензэ, сынст ловнызь пединститутонь студенттнэ, библиотекань важодицятне ды инжетнеяк.

Михаил Алексеевич Втулкин тусь эрямосто 1991 иень августонь 16-це чистэ. Калмазь Саранскойсэ. Чокшнес пурнавозтне ёвтасть мель муемс калмонзо.

Татьяна Маторкина

* * *

Бутрав эрькес татар ваясь,

Татар тензэ жердя каясь,

Лиссь татарось, мерсь: «Рахмет».

Чуваж мольсь пиземе алга,

Нолаштсь – прась. Ды чуваж ялгась

Венстясь тензэ лезксэнь кедь.

Вана вейке эрзянть «ватксить»,

Ниленьгемень лият раксить,

Цяхи Яхим, цяхи Устя:

«Истя, тензэ, истя, истя…»

Дрига арси эцемс килькшс,

Тюма поны тензэ пикс.

Ортя, Пазонть апак стувто,

Вешни крёстокс тензэ чувто.

Валдо чисэ сокортано –

Вейке-вейкенек сэвтяно.

Истя, «олячисэ» эрязь,

Минек корёнонок керязь.

 

 

       КЕНЯРКС

Сыргозсь лавсьсэ эйдесь –

Удомазо явась.

Сонзэ вастызь пейдезь

Менелесь ды авась.

 

Эрьванть эйстэ лембе,

Эрьванть эйстэ валдо.

Чись васькавты верде,

Корьмай модась алдо.

 

Пек превейстэ мерезь:

Эйдеть кисэ эряк.

Натой тумось модас

Каи видьметь-сэрят.

 

Лопат ацы лангаст,

Илизь чаво кельметь,

Вармат илизь янга,

Зярдо чувтокс вельмить.

 

Тунда моданть сэрясь

Пельсы пиже нерьсэ,

Лиси тосто тумокс

Эйдень ваксонь сэрьсэ.

 

Тумо аванть вакссо

Чинтень венсти прянзо.

Авась тензэ макссы

Весе паро шканзо.

 

Эри, бажи неемс

Эйденть сэрей чувтокс,

Давол шкане марямс

Сонзэ виев увтонть.

25.04.2019

 

Новости

В «Единой России» разместят на «Карте доступности» данные о кинотеатрах, оборудованных для людей с ОВЗ
Активисты партийного проекта «Единой России» «Единая страна – доступная среда»
разместят на созданном в рамках партпроекта портале для маломобильных групп населения
«Карта доступности» (kartadostupnosti.ru) информацию о кинозалах, оборудованных для
людей с ограниченными возможностями здоровья. Данные о них будут получены по итогам
мониторинга, который пройдет в июне. Об этом сообщил координатор партпроекта,
заместитель председателя комитета Госдумы по труду, социальной политике и делам
ветеранов Михаил Терентьев.
Подробнее ...
 
Госдума единогласно приняла в первом чтении поправки Турчака в закон о местном самоуправлении
Государственная Дума единогласно (397 депутатов – «за», против и 
воздержавшихся не было) приняла в первом чтении поправки в статью 40 ФЗ
«Об общих принципах организации местного самоуправления в Российской 
Федерации», которые 3 апреля внес вице-спикер Совета Федерации, 
секретарь Генерального совета «Единой России» Андрей Турчак.
Подробнее ...
 
Партийцы Мордовии совместно с минсельхозом обсудили проект Госпрограммы комплексного развития сельских территорий на 2020-2025 года
 

21 мая 2019 в  Воронеже состоится форум «Единой России», посвященный российскому селу. В преддверии  форума 13 мая партийцы республики совместно с министерством сельского хозяйства и продовольствия РМ провели «круглый стол», посвященный путям решения проблем российского села.

На «круглом столе» под председательством  первого заместителя министра сельского хозяйства и продовольствия Республики Мордовия Юрия Голова были обсуждены вопросы разработки муниципальных программ комплексного развития сельских территорий на период до 2025 года.

Подробнее ...
 
Представители «Единой России» в рамках всероссийской акции по озеленению городов высадят 3 млн деревьев
В рамках всероссийской акции партийного проекта «Единой России» «Чистая страна» по
озеленению городов с мая по октябрь будет высажено около 3 млн деревьев. Так, на майских
праздниках в 36 субъектах РФ будет высажено более 1 млн деревьев. В акции примут участие
депутаты всех уровней от «Единой России». Об этом сообщил координатор партийного
проекта, председатель комитета Государственной Думы по экологии и охране окружающей
среды Владимир Бурматов.
Подробнее ...
 
В Саранске состоялся турнир по боевому самбо на призы МРО Партии «Единая Россия»
Сегодня, 11 мая, состоялся турнир по боевому самбо на призы
Мордовского регионального отделения Партии «Единая Россия».
Открывая соревнования, заместитель Руководителя Мордовского
регионального исполнительного комитета Партии «Единая Россия»
Сергей Губарев отметил, что региональное отделение Партии
ежегодно выступает организатором спортивных турниров по разным
видам спорта и активно поддерживает развитие спорта в республике.
Подробнее ...