Рубрикатор

Культура Мордовиянь Прявтось топавтызе Даниил Харитоновонь бажамонзо
Мордовиянь Прявтось топавтызе Даниил Харитоновонь бажамонзо

Кортыть, бути алкукс кемемс, топавтови сехте учовикс мелесь-бажамось. Неть читнестэ сехте покш мелезэ топавтовсь «Ардатовская детская школа искусств № 1» МБУ-нь ДО-нь тонавтницянть Даниил Харитоновонь. Мордовия Республикань Прявтось Владимир Волков топавтызе кеветее иесэ Даниилэнь умонь бажамонзо ды казсь тензэ вете рядсо баян.




Весемесь ушодовсь пельиешкадо икеле, зярдо Орданьбуень «Маяк» райононь газетасонть лиссь сёрмадовкс, косо ёвтневсь Даниил Харитонов ланга. Пачтявсь, кодамо покш мель лавшосто мариця цёрынесь яви музыкальной школасо тонавтнемантень. Тесэ жо автортнэ тешкстызь, Даниил пек арси баяндо, штобу тонавтнемс вадрясто налксемантень.

Газетасо сёрмадовксось талновтызе весе Мордовиянть, ды ломантне мерсть цёрынькантень пшкадемс лезкс мельга республикань Прявтонтень. Истя, Од иеденть икеле вейке телеканалсонть невтевиця В.Д.Волковонь итоговой интервьюнть шкасто Даниил Харитонов гайневтсь эфирс ды ёвтнесь эсь мельденть-бажамодонть. Республикань Прявтось алтась лездамс. Ды вана зярыя ковонь ютазь, чадыковонь 4-це чистэ, райононь Культурань кудонь сцена лангсо Даниил Харитоновнень казизь учовикс казненть. Владимир Волковонь пельде баянонть пачтизе МР-нь Прявтонь Администрациянь руководителень полавтыцясь – Внутренней политикань управлениянь прявтось Александр Ратников.

– Мон пек кенярдан, тонь бажамот топавтовсь! Ней лангозот путови покш кемема, штобу зярыя шкань ютазь вадрясто невтемс Орданьбуень райононть «Шумбрат, Мордовия!» фестивальсэнть, – мерсь Александр Ратников.

Даниил чачсь аволь весень кондямокс, эйсэнзэ сеске редявсь беряньстэ марямонь ормась, ансяк те эзь тееве пирявксокс музыкантень седейшкава тонавтнемасонть. Орданьбуень искусствань школав цёрыньканть ветизе Надежда Геннадьевна Харитонова, Даниилэнь бабазо. Сон покш каштанчисэ нуцьканть коряс ды корты, пек кенярды, зярдо Даниил налкси семиянь кенярксчитнесэ.

– Покш сюкпря Мордовиянь Прявтонтень Владимир Дмитриевич Волковнень те казненть кисэ! Кеман, ней Даниилэнь весемесь лиси! Истямо инструментэнть марто сон изни аволь вейке тёкш. Васняяк, топавтови оштё вейке мелезэ – моли тонавтнеме музыкальной училищав, – тешкстызе Надежда Харитонова.

Даниилэнь мелезэ улемс музыкань тонавтыцякс, кода сонзэ наставникезэ, тонавтыцязо Владимир Васильевич Тюгашкин.

– Те ломанесь тонавтымим монь весементень. Эзь талакадо ды кундась тонавтомон сень лангс апак вано, што мон беряньстэ марицян. Покш сюкпря ёвтан эсь тонавтыцянтень лангозон кемеманть кисэ, – корты Даниил.

Сонсь Владимир Васильевич жо мерсь, Даня марто кодаткак мелявкст а лиснить. Тонавтни весень марто велувсо. А кемезеваткак, ансяк истят эйкакштнень тонавтомасо кодаткак башка методикат арасть. Даниилнэнь лездыцякс, тонавтыцянть валонзо коряс, аштить музыканть вечкемась ды покш мелесь молемс икелев.

Юлия Еремина

10.04.2019ф

 

Новости

«Единая Россия» предложила Правительству усовершенствовать систему целевого набора в вузы
Премьер-министр Дмитрий Медведев поддержал предложения
фракции «Единой России» в Государственной Думе, озвученные ее
руководителем, вице-спикером Сергеем Неверовым. В частности,
одобрена идея пересмотра программы целевого набора в вузы,
введения сбалансированного питания в школах и сохранения
региональных и муниципальных телеканалов при переходе на
«цифру».
Подробнее ...
 
7 мая в Мордовии пройдет Диктант Победы
Региональный организационный комитет по проведению Всероссийского
исторического диктанта подержал решение Генерального Совета «Единой России» о
проведении «Диктанта Победы»
Подробнее ...
 
Кортавсь шукшонь пурнамонь реформадонть ды «Экология» национальной проектэнть тевс нолдамодо

Неть читнестэ Саранскойсэ ютавтовсь «Единой Россиянь» региональной дискуссионной площадкань васенце промксось. Сонзэ лувсо кортавсь коммунальной шукшонь пурнамонь реформадонть ды республикасонть «Экология» национальной проектэнть тевс нолдамодо. Промксонть важодемасо ульнесть «Ремондис Саранск» региональной операторонь прявттнэ, республикань Жилищно-коммунальной хозяйствань, энергетикань ды эрицятнень гражданской ванстомань, Вирень ды охотямонь хозяйствань, Эрицятнень социальной ванстомань, трудонь ды занятостень министерствань важодицятне, тарифень коряс республиканской службань специалисттнэ, ОНФ-нь ды общественной организациятнень члентнэ.

Подробнее ...
 
Кобзев: Получение паллиативной помощи по месту пребывания сделает ее доступной для всех нуждающихся
Возможность  получения  паллиативной  помощи  по  месту  пребывания   существенно   упростит  жизнь
нуждающихся в ней людей и их родственников по всей стране. Об этом заявил член общественного
совета партпроекта «Единой России» «Здоровое будущее», член комитета Госдумы по охране здоровья
Юрий Кобзев, комментируя подписанное премьер-министром Дмитрием Медведевым постановление о
внесении   изменений   в   программу   государственных   гарантий   бесплатного   оказания   медицинской
помощи.
Подробнее ...
 
Региональная дискуссионная площадка «Единой России» на «круглом столе» обсудит реформу обращения с ТКО
17 апреля в Региональном исполнительном комитете Партии состоится первое
заседаниеРегиональной дискуссионной площадки ВПП «Единая Россия».
Ее Координатором стал заместитель Председателя Государственного Собрания
РМИван Михайлович Москаев.
"Круглый стол" Региональной дискуссионной площадки Партии будет посвящен
теме: "Ход реформы обращения с твердыми коммунальными отходами и реализация
национального проекта "Экология" в Республике Мордовия".
К обсуждению партийцы пригласили регионального оператора "Ремондис Саранск",
министерство ЖКХ, энергетики и гражданской защиты, министерство лесного и
охотничьего хозяйства, министерство социальной защиты, труда и занятости
населения, Федеральную службу по надзору в сфере природопользования,
Республиканскую службу по тарифам, ОНФ и другие заинтересованные ведомства,
общественные организации. Начало мероприятия в 15.00.