Рубрикатор

Культура «Кой» этношколась пачколесь Карсунов
«Кой» этношколась пачколесь Карсунов

Равчирень финнэнь-угрань раськень культурань центрась полады ютавтомо «Кой» этношколань проектэнть. Минек содавикс морыцятне, тонавтыцятне ды кедьчелькев ломантне вастневить республикань томбале эриця ломантнень марто, эйкакштнень туртов ютавтыть мастер-класст ды лезэв вастовомат. Меельце истямо вастовома ютась Ульяновской областень Карсун посёлкасо.




Минек паро мельсэ вастымизь Карсунонь А.А.Пластов лемсэ эйкакшонь искусствань школасо. Сон ашти кезэрень зданиясо, кона стявтозель 1901 иестэ. Икеле те кудосонть ульнесь Земской управа. Карсунской райононть ламот содасызь ды марсизь. Те ёнкссонть чачсь живописецэсь, СССР-нь народной художникесь А.А.Пластов (1893-1972). Эсь важодематнесэ сон свал явсь мель велень эрицятненень. Картинатнесэ невтсь, кода сынь эрить ды важодить. Сонзэ лемсэ музеесь важоди теке райононь Прислониха велесэ.

Ули меленек ёвтнемс эйкакшонь искусствань школадонть. Неть читнестэ сон карми тешкстамо 55 иень юбилеензэ.

Минек школасо важодить вете отделеният (декоративно-прикладной искусствань, художественной, фортепианонь, народной инструментэнь, хореографиянь). Тесэ тонавтнить малав 200 эйкакшт ниле иестэ саезь кемзисемге иес. Мартост важодить ды путыть превс 12 тонавтыцят. Эйкакштне сакшныть кода эсенек посёлкасто, истя шабра велетнестэяк, – пачтясь школань прявтось, артыцясь В.А.Фролов.

Школань мазый зданиянть лангс ванозь, а кемезеват, сонензэ сядодо ламо иеть. Сон мазый кода ушо ёндо, истя жо потстояк. Сэрей потолокт, сэрей кенкшть ды покш вальмат. Весе стенатне, класстнэ пештязь картинасо. Сынст артызь эйкакштне ды тонавтыцятне.

Эйкакшонь искусствань школадонть ламо марсевсь 1980-це иетнестэ. Велень эйкакштне невтнесть пряст эрьва кодамо масторонь выставкатнесэ. Те коесь ули нейгак. Паро сюлмот школась кирди Белоруссиянть марто. Эйкакштнень важодематне сеедьстэ невтневить Московсо, Санкт-Петербургсо. Ды аволь косояк, натой РФ-нь Президентэнь приёмнойсэ, Счётной палатасо, Союзонь кудонь Колонной залсо, Музыкань кудосо ды ламо лия покш таркасо. Школань прядыцятнень эйстэ ламот поладыть тонавтнемаст Ульяновскоень ды Пензань художественной училищатнесэ, В.М.Суриков лемсэ Московонь художественной институтсо.

2002 иестэ саезь минек школанть юрсо ютавтовить Весероссиянь творческой школат-пленэрт. Тей тердевить эрьва кодамо ошонь художественной школань тонавтницят. Сынст туртов мастер-класст ветить Московонь, Санкт-Петербургонь, Красноярскоень, Саранскоень, Ульяновскоень педагогт. Тедеде истямо вастовома карми июньстэ. Пшкадян тынк республикань тонавтницятненень, кадык сыть тенек пленэрэв. Сынь лезэвть ды кадовить мельс-превс эрямост перть. Ули меленек кемекстамс лембе ды паро сюлмот Мордовиянть марто. Мельспаросо ёвтан, эйкакшонок сеедьстэ ардтнить Саранскоев экскурсияв, якить музейга ды театрава. Сынст важодемаст невтевсть С.Д.Эрьзянь лемсэ изобразительной искусствань музейсэ ды Н.П.Огарёвонь лемсэ МГУ-со. Сюкпря ёвтавлинь издателентень К.И.Шапкариннэнь, кона свал лезды тенек. Школань юбилеентень казсь тенек покш люстра. Улить лездыцянок-спонсоронок. Сюконятано тетятненень-аватненень. Нама, сынь лездыть сехте ламо, краскатнень, рамкатнень рамсемс сави эстест, – кортась В.А.Фролов.

Минь апак капша якинек школаванть ды ваннынек тосонь мазычинть. Эзь кемеве, кой-кона важодематнень теизь эйкакшт, аволь тонавтыцяст. Эйдетне артомадо башка эрьва мезть тейнить кедьсэ. Ды прок аволь вишка посёлкасо тонавтницят, теке мерят, кодамояк покш ошонь школасо.

«Кой» этношкола проекттэнть пурнавозтненень пачтясь Равчирень финнэнь-угрань раськетнень культурань куншкакуронь важодицясь Т.Т.Чекушова. Лембе вал марто инжетненень пшкадсь «Карсунский район» муниципальной образованиянь прявтось Ш.Р.Шамшетдинов. Сон тешкстызе, 2019 иенть сынст губернаторост С.И.Морозов яволявтызе национальной единствань иекс, секскак раськетнень туртов кармить явомо башка мель.

Карсунской районсо уш важодить татаронь ды ветькень национально-культурной вейсэндявкст. Те шкас арасель эрзянь ды мокшонь. Те чистэнть яволявтозель: Карсунской районсо панжомс Ульяновской областень эрзянь ды мокшонь национально-культурной автономиянь филиал. Сонзэ прявтсо карми важодеме эйдень кужонь воспитателесь Т.Н.Акимова. Истят филиалт важодить областень 15 районсо. Карсунской районсо ансяк вейке эрзянь веле – Ашо ведь, косо эрить човор эрзят ды татарт. Целанек районсонть жо ламо эрзят.

Вал сайнесь М.Е.Евсевьевень лемсэ МГПИ-нь дополнительной образованиянь факультетэнь прявтонь полавтыцясь И.В.Воинова. Сон ёвтнесь минек пединститутонть коряс.

А.С.Пушкинэнь лемсэ Национальной библиотекань важодицятне Н.В.Бочканова ды   В.И.

Пронина анокстасть мельстуиця доклад ине просветителенть М.Е.Евсевьевень коряс.

И.Д.Воронинэнь лемсэ республикань краеведениянь музеень этнографиянь отделэнь прявтось И.Н.Кудашкина ютавтсь эйкакштнень туртов декоративно-прикладной творчествань коряс мастер-класс. МР-нь заслуженной артисткась, М.Е.Евсевьевень лемсэ МГПИ-нь музыкальной образованиянь ды музыкань тонавтомань методикань кафедрань доцентэсь Т.А.Ломакина ютавтсь морамонь коряс мастер-класс. Саранскоень 43№ лицеень технологиянь тонавтыцясь, Россиянь народной мастерэсь невтсь, кода чувтосто чачить-теевить налкшкетне ды лия теевкстнэ. Эйкакштне покш мельсэ кунсолость, варчизь виест налкшкень теемстэ, дивсезь ванность сонзэ выставканть.

Кодамо вастовома моровтомо? Концертэнть казизь «Ламзурь» фольклорно-этнографической ансамблясь ды Татьяна Ломакина.

 

Татьяна Маторкина


10.04.2019

 

Новости

Эрицятнень сёрмадстомантень анокстамотне ушодовсть



Малав ие кадовсь эрицятнень Весероссиянь сёрмадстоманть самс. Аволь умок МР-ва Федеральной службань государственной статистикань территориальной органсонть ютавтовсь вастовома, конанть шкасто видео-конференциянь лувсо ветявсь кортамо Росстатонь прявтонть Павел Малков марто. Вановсть сёрмадстомань шкатне ды невтевсь официальной тешксэсь.


Подробнее ...
 
В Мордовии собрано более 700 подписей на запрет «наливаек»
 
В Республике Мордовия завершились мероприятия по сбору информации и
подписей в поддержку инициативы об ограничении работы питейных заведений,
расположенных на первых этажах многоквартирных домов и придомовых
территориях в Республике Мордовия.

Подробнее ...
 
Награждение победителей акции «Здоровое питание - активное долголетие»
 
  Уже сегодня, 17 октября,  34 ученика из Мордовии отправятся на 12-ю  смену  
Международного детского центра «Артек». Победителей акции, их наставников и кураторов 
поприветствовал  секретарь Регионального отделения «Единой России» Владимир
Чибиркин. Он  подчеркнул, что пропаганда  здорового образа жизни и оздоровление нации 
являются одними из ведущих направлений деятельности «Единой России», акция 
реализуется в рамках партийного  проекта «Здоровое будущее».  Это дает свои плоды - с
каждым годом в нашей стране увеличивается  число неравнодушных людей,  которые 
начинают сами вести здоровый образ жизни и ведут за собой других.

Подробнее ...
 
В республике успешно реализуются социально значимые проекты первичных отделений «Единой России»
 
Первичные отделения поселка  Ромоданово и поселка  Зубова Поляна   успешно
реализуют на практике  свои социально  значимые проекты, удостоенные грантовой
поддержки по итогам конкурса проектов первичных отделений, инициированного 
«Единой Россией»
  Цель проекта  «Мы рядом», реализуемого в Ромоданове - помощь пожилым людям и 
инвалидам, имеющим  заболевания опорно-двигательного  аппарата.   Прокат технических 
средств реабилитации  организован на бесплатной основе для граждан пожилого возраста, не 
имеющих группы инвалидности, но,  в силу возрастных изменений или перенесенных 
заболеваний, травм, потерявших способность свободно передвигаться. В июле этого года в 
Ромодановском  местном отделении партии прошла  презентация проекта.  Открывая
презентацию,  секретарь  Ромодановского местного отделения Партии  Наталья Хомякова  
отметила, что  основная  задача проекта   помочь людям в трудный для них период 
реабилитации.


Подробнее ...
 
Баталина: Предложение Минтруда о новых правилах выплаты пособий по уходу за ребёнком создаст проблемы родителям
 
Предложение Минтруда, согласно которому претендовать на выплату 
пособия по уходу за ребенком до полутора лет может только тот, кто 
фактически ухаживает за ребенком, избыточно и может создать лишние 
проблемы родителям. Не исключено, что Фонд социального страхования при 
назначении будет требовать документально подтвердить, что именно 
заявитель (мать или отец ребенка) фактически за ним ухаживает. Об этом 
заявила первый заместитель секретаря Генерального совета «Единой России»
Ольга Баталина.
Подробнее ...