Рубрикатор

Культура Тавлань налкшкенть ули эсензэ чачозо
Тавлань налкшкенть ули эсензэ чачозо

«Эрьмезь» вейсэндявксонтень –  20 иеть

 

«Эрьмезь» – истямо мазый лем кандтни Кочкурбуень Вирь ало Тавлань чувтосто керсицянь вейсэндявксось. Республикань весе покш выставкатнесэ ды кенярксчитнесэ инжетне зярдояк а ютыть Тавлань налкшкетнень вакска. Лишминетне, мизолдыця атинетне, чамакстнэ тердить токшевтемс пряст, ды седеесь а кирдеви а рамамс те мазычинть, кона кенярдовтсы аволь ансяк эйкакшонть, покш ломанентькак. Тавлань налкшкетне ды лия теевкстнэ мазылгавтыть куш кодамо выставканть, перькаст свал ломанть.



Вирь ало Тавласо чувтосто керсицят улить малав эрьва кудосо, икеле те велесэнть цёрынетне пиже тякакс маштыльть важодеме чувто марто. Лишминесь теевиль эрьвантень. Ней велесь малав чамсь. Ансяк эзь ёма чувтосто керсемань кеме коесь. Сонзэ ванстыть, кирдить, сюпалгавтыть.

1979 иестэ РФ-нь Искусствань заслуженной деятелесь Н.И.Мастин панжсь Кочкурбуень Вирь ало Тавла велесэ эйкакшонь художественной школа. Тосо васенце педагогокс ды тонавтницякс ульнесть «Эрьмезень» неень мастертнэ. 1980-це иетнень ушодовомсто колхозонть юрсо арсезель панжомс промыслань цех. Те цехсэнть важодсть ламо мастерт. Весе сынь тейнесть чувтосто сувенирт ды налкшкеть. Мейле панжозель «Тавлань сувенир» кооперативесь. 1980-це иетнень прядовомсто шкатне полавтовсть, тевесь лепамсь. Тавлань налкшкетне киненьгак эзть эряво…

«Эрьмезь» чувтосто керсицянь вейсэндявксось панжовсь 1999 иестэ. Самай сестэ лиссь художественной промыслатнеде Россиянь законось. Вейс пурнавсть 28 мастерт. Ледстни ды теде миненек ёвтни «Эрьмезень» прявтось, РФ-нь Художникень союзонь членэсь Пётр Владимирович Рябов.

Пётр Владимирович, кодат тевть топавтовсть меельце вете иетнень перть?

– Вете иень ютазь тейнетяно «Эрьмезень» выставкат. Минек союзонтень совицясь А.В.Рябов эсензэ 50 иетнень топодемантень тейсь покш выставка. Теде башка, сон ютавтсь ламо передвижной выставкат: Рузаевкасо, Темниковасо, Ульяновск ёнксонь Прислонихасо, Пенза ёнксонь Белинский ошсо ды лиясо. Важоди эйдень художественной школасо, тосо покшт изнявксонзо. Изнясь Президентэнь грант. Сон ламо важоди, башка мель яви творчествантень. Прядсь аспирантура. Сехте покш изнявксось – макссть тензэ Культурань заслуженной важодицянь лем.

Омбоце мастерэсь В.Г.Ширманкин. Сынь тонавтнесть А.Рябов марто вейке классо, ялакст ды паро ялгат. 50 иетненень истя жо пурнась покш выставка. Василий Григорьевичненьгак макссть Культурань заслуженной важодицянь лем. Сон важоди тонавтыцякс Саранскоень 43№ лицейсэ. Кецян кисэнзэ, важодемасонзо улить ламо изнявксонзо. Чувтосто керсицянь пелькстамотнесэ сынь свал сайнить васенце таркат.

Эсеньгак персональной выставкам ютась – «Тавлань лишмесь – Инешкипазонь казне».

Тешкстаса, минек союзонтень меельце иетнень перть эсест мельсэ совасть ниле кедьчелькев ломанть. Неть: А.Туркичев, А.Наумов (сон кулось 2018 иестэ, колмо иеть кенерсь улемс «Эрьмезьсэ»), ялаксом Дмитрий. Мейле совась Е.Д.Аванькин. Сонензэ 60-де ламо иеть. Эри Теньгушевань райононь Дачнойсэ, тонавты эйкакшонь искусствань школасо. Сон Н.И.Мастинэнь тонавтницязо. Прядызе Ицялонь педучилищанть. 1979 иестэ саезь ниле иень перть ульнесь эйкакшонь керсемань школань васенце прявтокс. Мейле тусь эсензэ Дачноев ды пурнась керсемань кружок. Московсо заочна прядызе Н.Крупскаянь лемсэ педагогической институтонть. Сон пек ёроков живописец,  паро педагог.

Минек вейсэндявкссонть малав 30 мастерт. Весе сынь эсь тевень вечкицят. Эрьванть мон шнавлия, эрьвадонть ёвтавлинь лембе валт. Ютксонок улить кода содавикс керсицят, истя жо од ломантькак. Ули мелем сынст тешкстамс. Неть: Максим Рябов ды Александр Разадеев. Сыненст кавто иеде икеле макссть Россиянь Народной мастер лем. Сонзэ пек стака получамс. Нама, весе цёратне важодить кие косо машты. Ансяк сынь зярдояк эзизь кадно оймень коряс тевест – чувтосто керсеманть.

Сехте покш тевекс лован В.Ромашкин лемсэ Этнокудосонть важодеманть. Тосояк ютавттано эрьва кодат вастовомат, кенярксчить, выставкат. «Эрьмезень» мастертнэ лездыть пек ламо. Аволь весть ютавтынек «Торамась терди» эрзянь кезэрень моронь фестиваленть. Теде башка, чувтосто керсицянь зярыя покш фестивальть. Видьстэ мерян, пек стака ютавтомс морамонь ды чувтосто керсицянь фестивальть. Тагояк ёвтаса, бути аволь Эрьмезень керсицятне – мезеяк аволь лисе. Ульнинек ды невтинек эсь прянок республикань томбале ютавтовиця чувтосто керсицянь фестивальтнесэ: Архангельск, Тобольск, Казань, Ульяновск, Пенза оштнесэ, Московсо ютавтовиця «Ладья» Россиянь народной художественной промыслань выставкасонть-ярмункасонть ды ламо лия ошсо. Пачколинек омбо масторовгак – Финляндияв ды Эстонияв. Неть выставкатнеде, вастовоматнеде мейле прок сёлмот касыть. Таштат кодат-бути ойме вийть, кепети ежось.

Тавлань мастертнэнь сехте вадря важодевксэст ванстовить Россиянь зярыя ошонь музейтнесэ: Московсо, Санкт-Петербургсо, Суздальсэ, Пензасо, Сыктывкарсо ды омбо масторсояк. Нать, аволь стяко Кочкуровань райононь гербсэнть кармась улеме Тавлань лишминесь, раськень койтнень тешксэсь.

 – Мейсэ явови Тавлань чувтосто керсемась лиятнеде?

– Тавлань керсеманть теевсть-ладявсть эсензэ коензэ-кирданзо. Ули эсензэ чачо, юр, тешкс, арсема, образ, ёжо, ойме. Те – парсте теевезь традиционной промысла. Россиясо лия ёнов а молиця ды косояк лия таркасо а вастневи.

Пётр Владимирович, мезе талновты тынк, кодат стакачить улить «Эрьмезьсэнть»?

– Минек вейке сехте покш мелявксонок – арась кодамояк мастерскоенек, арась истямо тарканок, косо бу важодевлинек, вастневлинек. Ней жо минек важодеманок аштить эрьва косо ёртнезь-кекшнезь. Выставкатнеде мейле кирдтяно эйсэст кие косо: кудова, В.Ромашкинэнь Этнокудосонть. Те талновты минек. Тавлась кода эрзянь веле курок ёми. Школась арась – велеськак, ловт, арась. Од ломанть аламо.

Кода анокстатадо тешкстамс «Эрьмезенть» юбилеензэ?

– Апрелень 5-це чистэ И.Д. Воронинэнь лемсэ республикань краеведениянь музейсэ панжтано покш выставка. Невтьсынек весе, мезе теезь комсь иетнень перть, сехте виев, мазый, паро важодевксткак. Нама, кармить ламо од важодемат. Весень тердтяно выставкав!

– Сюкпря кортамонть кисэ, Пётр Владимирович!

Т.Маторкина

04.04.2019

 


 

Новости

Баталина: Предложение Минтруда о новых правилах выплаты пособий по уходу за ребёнком создаст проблемы родителям
 
Предложение Минтруда, согласно которому претендовать на выплату 
пособия по уходу за ребенком до полутора лет может только тот, кто 
фактически ухаживает за ребенком, избыточно и может создать лишние 
проблемы родителям. Не исключено, что Фонд социального страхования при 
назначении будет требовать документально подтвердить, что именно 
заявитель (мать или отец ребенка) фактически за ним ухаживает. Об этом 
заявила первый заместитель секретаря Генерального совета «Единой России»
Ольга Баталина.
Подробнее ...
 
В Лямбирском районе поздравили старейшего члена Партии Николая Парамонова
 
Сегодня старейшему члену Партии «Единая Россия», жителю Лямбирского района Николаю
Андреевичу Парамонову исполнилось 88 лет. В Лямбирском местном отделении Партии
собрались гости, чтобы поздравить партийца с праздником.
Первый заместитель руководителя Мордовского регионального исполнительного комитета
Партии «Единая Россия» Евгений Миронов горячо поздравил Николая Андреевича и вручил
партийцу памятный подарок.


В этот день прозвучали поздравления в адрес Николая Парамонова от Секретаря Лямбирского
местного отделения – Александра Сесорова, члена республиканского политического совета –
Татьяны Терентьевой.
Подробнее ...
 
В Саранске проходит акция «Теплые окна»


Акция организована Региональным отделением «Единой
России» и активистами Молодой Гвардии. Она проходит
ежегодно в рамках месячники пожилых людей.
С начала октября представители молодежного крыла Партии
посетили более 10 адресов, утеплили окна, провели уборку. 90
летняя Аза Мельник живет в частном доме, она была очень рада
молодым активистам и общению с ними. Более 50 лет Аза
Кузьминична отдала преподавательской работе в Мордовском
государственном университете. Ребята вымыли окна, убрались в
доме и в саду, получив удовольствие от проделанной работы.


Подробнее ...
 
Единороссы на дискуссионной площадке обсудили реформирование лесного хозяйства
На очередном
заседании Региональной дискуссионной площадки
Всероссийской политической Партии «Единая Россия» 3 октября
единороссы обсудили вопрос «Реформирования лесного хозяйства и
создания эффективной системы борьбы с лесными пожарами».
Первый заместитель Руководителя Регионального исполнительного комитета
Партии Евгений Миронов рассказал собравшимся, что предложение
пересмотреть нормативные правовые акты в сфере тушения пожаров в
регионах, в том числе по зонам контроля, прозвучало от Председателя
Партии, Председателя Правительства Дмитрия Медведева на совещании по
ситуации с лесными пожарами в Сибирском Федеральном округе и Партия
«ЕДИНАЯ РОССИЯ» поддержала данное решение.
Подробнее ...
 
Депутат Госдумы Сергей Чинядскин помог жителям Мордовии решить проблемы с отоплением
 
Уже в день приема в дома заявителей пришло долгожданное тепло
3 октября в региональной общественной приемной Председателя Партии
«Единая Россия» Д.А. Медведева прием граждан по личным вопросам провел
депутат Государственной Думы РФ Сергей Чиндяскин. С коллективной
жалобой к парламентарию обратились жители села Первомайск Лямбирского
района.
Заявители рассказали, что в июле текущего года на теплотрассе произошла
авария. Обслуживающая организация раскопала трубы и в течение лета
никаких ремонтных работ не проводила. До сегодняшнего дня в поселке не
включено отопление. На месте прорыва - огромная яма, заполненная водой,
которая представляет опасность для детей и пожилых людей, проходящих по
дороге.


Подробнее ...