Рубрикатор

Культура Мельстуиця вастовома
Мельстуиця вастовома

Сеске мерян, Сурской важодицянь посёлкадонть ламо марсинь. Тесэ эрить 6300 ломанть: рузт, татарт, мокшот, эрзят, узбекть, армянт ды истя седе тов. Эрить кеме ояксчисэ, вейке омбоценень лездазь. Тесэ, Сурскойсэ, важодить зярыя кементь организацият, велень хозяйствань предприятият, конатнень покш таликаст райононь бюджетэнть сюпалгавтомасо. Неть – «Сурский лесхоз» ООО-сь, «Сура» кшинь заводось, «Молокосырзаводось», конань продукциянзо парсте содасызь аволь ансяк Ульяновской областьсэ, сонзэ томбалеяк. Вана «Сурчанка» предприятиясонть тейтерь-аватне стыть эрьва кодат оршамопельть. Неть читнестэ ульнинек Сурской посёлкасонть. Тосонь средней школасонть ютавтозель «Этношкола» проектэнь презентациясь, конань анокстызе Равчирень финнэнь-угрань раськень культуратнень куншкакурось.

 

– Минек школасо тонавтнить 569 эйкакшт, – ёвтни средней школань прявтось В.Д.Старостина. – Сынст содамочинь масторганть ветить эсь тевень алкуксонь тонавтыцятне. Тедеде 11-це классонть прядыть комсьветее тонавтницят. Овсе аволь умок школасонок тонавтнесть 1 тёжадо ламо эйкакшт. Течи тевтне допрок лиякс аштить. Минек Сурской посёлкасонть эрить эрьва кодамо раськень ломанть, эрьванть марто мукшнотано кель-вал. Вансттано эрьва раськенть коензэ-кирданзо, культуранзо. Тонавтнетяно историяст.

Кеме ояксчисэ эрятано Мордовия Республикань Образованиянь министерстванть, М.Е.Евсевьев лемсэ педагогической институтонть, Н.П.Огарёв лемсэ университетэнть марто. Неть вузтнэнь прядызь ды нейгак тонавтнить минек школань зярыя прядыцят. Кеман, неть кеме сюлмотне седеяк кемекстыть.

«Этношкола» презентациянть панжизе ды ветясь Равчирень финнэнь-угрань раськень культуратнень куншкакуронь координаторось Т.В.Моталина.

– Минь покш мельсэ таго вастовинек мартонк Ульяновскоень моданть лангсо «Этношкола» регионъютконь культурно-образовательной проектэнть ютавтомсто, – ёвтни Татьяна Викторовна. – Ледстясынек, те проектэсь уш аволь васенце ие совавтови эрямос. Сонзэ ушодыцятне – Равчирень финнэнь-угрань раськень культуратнень куншкакурось, Мордовиянь Н.П.Огарёв лемсэ госуниверситетэсь, М.Е.Евсевьев лемсэ педагогической институтось, «Всероссийский государственный университет юстиции (РПА Минюста России)» Средне-Волжской институтось, МР-нь Культурань, раськень политикань ды архивень тевень министерствась. Проектэсь совавтови эрямос Российской Федерациянь весе субъекттнэсэ, косо эрить эрзят ды мокшот. Бажамозо – эрзянь ды мокшонь раськень койтнень-кирдатнень ванстомась, касыця поколениянть мокшэрзянь раськень кельтнень, историянть, культуранть марто содавтомась, истя жо Российской Федерациянь субъекттнэнь ютксо эрьва кодамо ёнксонь сотрудничествань виевгавтомась.

Мейле Т.В.Моталина Равчирень финнэнь-угрань раськень культуратнень куншкакуронть пельде макссь казнеть эрзянь келенть парсте тонавтоманть кис Сурской посёлкань средней школань прявтонтень В.Д.Старостинанень, Сурской райононь образованиянь управлениянь отделэнь прявтонтень З.Н.Филюшкинанень.

– Мон тесэ, Сурской посёлкасо, васенцеде, – тешкстась М.Е.Евсевьев лемсэ пединститутонь омбо масторонь кельтнень факультетэнь деканось С.И.Пискунова. – Койтне-кирдатне, кортыть, эрить пингеде-пингес, эдь сындест пачтить поколениясто поколенияс. Кецямонтень, Сурской районсояк сынь эрить.

Светлана Ивановна седе тов ёвтнесь Мордовской пединституттонть: зяро тесэ важодить факультетт, кодат эрямонь условиятне, кодамо профессоронь-преподавателень коллективесь, кодамо покш мель явови спортонтень ды физкультурантень. Сон тердсь тей од ломантнень тонавтнеме.

Кодамо вастовома моровтомо! Сынь, нама, ульнесть. Пурнавозтненень, 8-це, 9-це классонь тонавтницятнень ды сынст тетяст-аваст туртов, невтезель концерт, косо моравсть мельстуиця морот. Сынст гайневтизь пединститутонь студенткатне Мария Аньчкова, Олеся Докова, Екатерина Арсентьева, Анастасия Пронякова.

Ваныцятнень мельс пек тусь «Гайгема» инструментальной ансамблянть седямозо. Сонзэ прявтсо – художественной руководителесь Татьяна Шутова.

Тешкстасынек, концерттэнть мейле ютавтозельть, конатненень ней уш тонадовсь, мастер-класст. Истя, декоративно-прикладной творчествань коряс (художественной кодамонь) эйкакштнень тонавтсь пединститутонь химиянь, технологиянь ды тонавтомань методикань кафедрань ассистентэсь Е.В.Забродина,     раськень някань анокстамонь коряс – И.Д.Воронин лемсэ краеведениянь музеень отделэнь прявтось И.Н.Кудашкина, раськень фольклоронь коряс – пединститутонь музыкальной образованиянь ды музыкань тонавтомань методикань кафедрань доцентэсь М.В.Аньчкова.

Пединститутонь кафедрань доцентэсь Е.Н.Киркина ютавтсь «Знакомимся с профессиями» авторской методикань выставка-презентация, козонь пурнавкшность аволь ансяк школань тонавтницятне, сынст  тетяст-аваст, истя жо тонавтыцятнеяк.

 

Пётр Зиновьев.


Ульяновскоень область

28.03.2019

 

Новости

«Единая Россия» предложила Правительству усовершенствовать систему целевого набора в вузы
Премьер-министр Дмитрий Медведев поддержал предложения
фракции «Единой России» в Государственной Думе, озвученные ее
руководителем, вице-спикером Сергеем Неверовым. В частности,
одобрена идея пересмотра программы целевого набора в вузы,
введения сбалансированного питания в школах и сохранения
региональных и муниципальных телеканалов при переходе на
«цифру».
Подробнее ...
 
7 мая в Мордовии пройдет Диктант Победы
Региональный организационный комитет по проведению Всероссийского
исторического диктанта подержал решение Генерального Совета «Единой России» о
проведении «Диктанта Победы»
Подробнее ...
 
Кортавсь шукшонь пурнамонь реформадонть ды «Экология» национальной проектэнть тевс нолдамодо

Неть читнестэ Саранскойсэ ютавтовсь «Единой Россиянь» региональной дискуссионной площадкань васенце промксось. Сонзэ лувсо кортавсь коммунальной шукшонь пурнамонь реформадонть ды республикасонть «Экология» национальной проектэнть тевс нолдамодо. Промксонть важодемасо ульнесть «Ремондис Саранск» региональной операторонь прявттнэ, республикань Жилищно-коммунальной хозяйствань, энергетикань ды эрицятнень гражданской ванстомань, Вирень ды охотямонь хозяйствань, Эрицятнень социальной ванстомань, трудонь ды занятостень министерствань важодицятне, тарифень коряс республиканской службань специалисттнэ, ОНФ-нь ды общественной организациятнень члентнэ.

Подробнее ...
 
Кобзев: Получение паллиативной помощи по месту пребывания сделает ее доступной для всех нуждающихся
Возможность  получения  паллиативной  помощи  по  месту  пребывания   существенно   упростит  жизнь
нуждающихся в ней людей и их родственников по всей стране. Об этом заявил член общественного
совета партпроекта «Единой России» «Здоровое будущее», член комитета Госдумы по охране здоровья
Юрий Кобзев, комментируя подписанное премьер-министром Дмитрием Медведевым постановление о
внесении   изменений   в   программу   государственных   гарантий   бесплатного   оказания   медицинской
помощи.
Подробнее ...
 
Региональная дискуссионная площадка «Единой России» на «круглом столе» обсудит реформу обращения с ТКО
17 апреля в Региональном исполнительном комитете Партии состоится первое
заседаниеРегиональной дискуссионной площадки ВПП «Единая Россия».
Ее Координатором стал заместитель Председателя Государственного Собрания
РМИван Михайлович Москаев.
"Круглый стол" Региональной дискуссионной площадки Партии будет посвящен
теме: "Ход реформы обращения с твердыми коммунальными отходами и реализация
национального проекта "Экология" в Республике Мордовия".
К обсуждению партийцы пригласили регионального оператора "Ремондис Саранск",
министерство ЖКХ, энергетики и гражданской защиты, министерство лесного и
охотничьего хозяйства, министерство социальной защиты, труда и занятости
населения, Федеральную службу по надзору в сфере природопользования,
Республиканскую службу по тарифам, ОНФ и другие заинтересованные ведомства,
общественные организации. Начало мероприятия в 15.00.