Рубрикатор

Культура Весе вийтнень – тиринь веленть лезэс
Весе вийтнень – тиринь веленть лезэс

Любовь Ивановна Астайкинань, Покш Березник ёнксонь Симкина велень поселениянь прявтонть, нать, сонсь Пазось кучизе эрзянь веленть виевгавтомо, тосонь ломантнень эрямост шождалгавтомо, советской шкасто улезенть ванстомо. Телень меельце читнестэ ульнинек кезэрень те велесэнть, конанень тедеде топодить 315 иеть. Васенце таркась, ков се чистэнть совинек, ульнесь икелень школась, косо ней Симкина велень поселениянь советэсь, медпунктось. Мельспарос, ванстовсь столовоесь ды аволь умок теезь кезэрень ули-паро марто музеесь.

Весемева неяви, тесэ важодить тевень вечкицят, эсь веленть мазылгавтомо бажицят. Республикасонок васенцекс Покш Березникень райононь эрицятне, ков совась Симкина велеськак, мелят ютавтсть местной референдум граждантнэнь самообложениянь коряс. А мезть сёпомс, Симкинасо, кода ламо лиятнесэяк, а сатыть ярмакт веленть виевгавтомс ды ламо паро тевтнес, конатнес бажи неень шкане эрьва ломанесь. Мельспарозонок, тесэ малав эрьва кудос ветязь «сэнь уштомапель», районсонть васенцекс ветязель водопроводось, ней од ветязь. Покш стакачикс ульнесь калмолангов кись, ней од теезь. Чарькодеви, эрямось вейке таркасо а ашти, од тевть яла стить эрицятнень икелев. Невтемакс, веленть юткова ды Шугурованть видьс кинь теемась, улезенть витнемась, ульцятнень валдомтомась. Паро, неть тевтне сыргавтовсть таркастост. Ульцятнева понгавтозь комсте ламо лампат, кинть тееме ютазь сёксня ушодсь «Большеберезниковское ДСУ» ООО-сь, конань прявтсо Симкинань кочкамонь округонь райсоветэнь депутатось А.Н.Топорков.
Л.И.Астайкинань валонзо коряс, ломантне чарькодить – велень бюджетсэнть ярмактнеде аволь ламо. Невтемакс, неень шкане ульцятнень валдомтомс ярмактне пандовить Симкина велень поселениянь бюджетстэ, а сынь аволь вишкинеть. Вейке лампанть кисэ ковозонзо 300 целковойть, сындест весемезэ 23. Нама, те оштё а сатышка, эрицятнень ютксто улить пшкадицят, кинь истя жо покш мелест валдомгавтомс курост.
Содазь, самообложениянть вельде пурназь эрьва целковоентень республикань бюджетсэ оште вейке целковой карми явовомо.
Виде, те референдумонть ютавтомадо икеле велень эрицятне кавксть пурнавкшность, косо икелепелев кортавтызь зяро карми каямо ярмакт эрьва кудазорось. Неень шкане ломантне пурныть сынст, а мейле весе вейсэ решасызь, ков кармить ютавтомост.
Ломантне сень неезь, кода велень поселениянь прявтось бажи шождалгавтомс эрямост, чарькодить, васняяк сынст эйстэ аштить сеть кевкстематне, конат талновтыть весень. Весе несть, кода ульнесь стака ардомс-ютамс Советской ды Чапаевень лемсэ ульцятнева, тосо уликс латкотнень вализь-вельтизь ды кись витневсь. Шугур веленть видьс кись икеле майсевтсь кода те ёнксонь эрицятнень, истя ошсто сыцятнень. Сон аволь покш, омбоце пель вайгельбе, ялатеке эряви прядомс, штобу ломантне мельспаросо ардовольть эзганзо. Виде, Симкина велень поселениянь администрациясь сыненст максозь алавтлувонть топавты, неень шкане кинь теемс покш ярмакт эрявить.
Симкина велентень пачкодемстэ, эрьва ломаненть сельмс васняяк каяви ХристоРождественской од церьковась, конань кепедемадо минь аволь весть уш сёрмадынек тиринь газетань лопатнесэ. Тей самсто свал редятано сеть паро полавтоматнень, конатне теевить Пазонть ды тосо эрицятнень лезксэст вельде. Кавто иетькак оштё эзть юта сонзэ строямонь ушодомань чистэнть саезь, теезь уш пек ламо. Аволь пек умок варштамонзо сакшнось Ардатовской ды Атяшевской епископось Вениамин владыкась. Мартонзо ульнесть инжеть – Санкт-Петербургсто паломникть, кить лездасть рамамс церькованть уштомс оборудования. Ней тов ветязь «сэнь уштомапель», потсо ветязь отоплениясь.
Виде, од церьковасонть зярс службатне оштё а ютавтовить, кадовикс тевтнень прядыть. Тесэнь эрицятне, Пазнэнь кемицятне, зярс пурнавкшныть ташто школасонть, косо теезь озномань кудо, службанть ютавты Каллиник игуменэсь. Тов якицятнень покш мелест ине постонть ушодовомадо икеле совамс од церьковантень. Ней велень эрицятне вейсэ Л.И.Астайкина марто весе виест путыть сонзэ седе курок панжомантень.

                                 Од лувонть – эрямос
Аволь умок Симкинань поселениянь депутатонь Советэсь пурнавкшнось сессиязост, ков, депутаттнэде ды администрациясо важодицятнеде башка, сакшность велень зярыя эрицяткак, кить седейшкава мелявтыть тиринь ёнксост вандынь чидензэ.
Кортамось мольсь аволь ансяк веленть социально-экономикань невтевкстнэде, истя жо кодат задачат течи аштить республиканть ды масторонть икеле. Эдь тесэнь эрицятне тунь а кадовить сеть тевтнеде, конат течи талновтыть Россиянь весе эрицятнень. Невтемакс, минь Симкинасо ульнинек РФ-нь Президентэнть Федеральной Собраниянтень Кучоманзо ловномань чиденть мейле. Теде кортамсто, Любовь Ивановна тешкстынзе масторонь прявтонть пельде марязь паро ёнкстнэнь. Сонзэ кенярдовты велетнень ледстямось, тосо эрицятненень мелень явомась. Саемс куш шукштнень башка-башка пурнамонть, сынст куротнева контейнертнэнь аравтоманть. Те од ёнксось пек тусь тосонь эрицятнень мельс. Паро, те кевкстеманть коряс ёвтавить од кить-янт. Невтемакс, калгодо отходтнэнь вейке таркас пурнамось ды сынст тевс нолдамось.
Любовь Ивановнань вановтонзо коряс, сынст велесэ улить истят ломанть, конатнень лангс свал нежедеват, кемат. А стяко сессиясонть сюкпрянь валт ёвтась депутатонь весе корпусонтень ды активисттнэнень.
Симкина велентень алкуксонь лезкс максыть тесэ чачозесь-касозесь А.В.Астайкин, «Большеберезниковское ДСУ» ООО-нь прявтось А.Н.Топорков, «Березниковское» ПМК ООО-нь прявтось В.В.Федотов, «Агрофирма «Кировское» ООО-нь прявтось М.В.Струенков, «Большеберезниковский лесхоз» ГКУ-нь прявтось В.А. Ледяйкин. Истя жо велень Советэнь депутаттнэ: И.Ф.Ларькин, Е.П.Ишуткина, Г.Н.Елисеев, А.А.Назаркина, А.М.Наумкина. Велень активисттнэнь юткс совить «Почта России» МР-нь ГУП-нь Симкинань филиалонь прявтось В.В.Макарова, почтальонось Г.Д.Борискина, культурань тевтнень ютавтыцясь Г.А.Тетюшкина, фельдшерэсь Е.П.Ишуткина, газонь котельноень операторось П.И.Новиков. Покш лезкс администрациянтень ды эрицятненень максы Советэнь икелень прявтось Н.Г.Тетюшкин.
Л.Д.Кулавская важоди страховой агентэкс, теке марто топавты церьковань попечителень советэнь прявтонь тевенть. Эрьва чистэ ломантнень марто вастневи лавкасо микшницясь М.И.Семёнова. Велесэнть ули добровольной пожарной дружина, ков совить Ю.Г. Елисеев ды В.С.Астайкин. Добровольной народной дружинантень совить Н.В.Тетюшкина, И.Ф.Ларькин, Г.И.Тетюшкина, Ю.Г.Елисеев. Сынь, администрациянтень эсь олясо лездыцятне, ванстыть Симкинасо эрицятнень апак учонь кажотнеде ды зыянов тевтнеде.
Видьстэ меремс, Симкинасо эрьвась парсте содасы эсь тевензэ, путы виензэ тиринь веленть вельмевтемантень, тосонь ломантнень эрямост паролгавтомантень. Весе вадря тевтнень ушодыцясь ды стака шкасто лездыцясь – велень прявтось Любовь Ивановна Астайкина. Ули кемема, бути велесэнть прявтось седеензэ пачк нолдасынзе тиринь таркань мелявкстнэнь, сестэ велесь а ёми, тосо эрямось а лепами!
Валентина Юдина

 

Новости

В «Единой России» предложили расширить список оснований для получения ипотечных каникул, включив в него рождение второго ребенка
     Перечень оснований, по которым банки будут обязаны вводить ипотечные
каникулы для заемщиков, должен быть максимально широким и включать в 
себя не только потерю работы, но и вторую беременность. Об этом заявила 
член общественного совета партийного проекта «Крепкая семья», депутат 
Государственной Думы Татьяна Цыбизова в ходе заседания 
внутрипартийной дискуссионной площадки партии «Единая Россия» 
«Благополучие человека» на тему «Доступная ипотека – шаг к семейному 
благополучию».
Подробнее ...
 
Ёвтасть поздоровт Геройтнень аватненень

Мартонь 8-це чистэ од ломантне содавтызь ды ёвтасть поздоровт Мордовия Республикань чавовозь Геройтнень сядо аватненень. Те паро тевенть кармасть топавтомо «Россия – страна возможностей» панжадо платформантень совиця Росмолодежень од ломанень инициативань Грантонь конкурссонть «Не бывает чужих матерей» проектэнть изнямонзо вельде.
Активисттнэ ульнесть республикань 22 районсо ды казсть Героень аватненень цецят ды казнеть. Мероприятиянть прявт тевезэ – од ломантнесэ нравственно-патриотической воспитаниянть кемекстамось ды Геройтнень аватненень лаздамось, конат ёмавтызь эсь цёраст Афганистанонь, Чечнянь ды лия локальной конфликттнэсэ воинской долгонь топавтомсто.
Проектэсь тевс нолдави 2016 иестэ саезь Мордовия Республикань Ковылкинань районсо, а 2018 иень ноябрясто саезь – республиканть келес. Од ломантне ютавтнить вастовомат чавовозь геройтнень аваст марто. Ёвтыть тенст поздоровт Мартонь 8-це чинть, Авань чинть кувалма. Лездыть тенст энялдомаст коряс.

 
«Единая Россия» выявила новую схему обмана граждан при взимании платы за вывоз ТКО

Партийный проект «Единой России» «Чистая страна» в ходе мониторинга тарифов на утилизацию твердых коммунальных отходов (ТКО) выявил новую схему, по которой региональные операторы обогащаются за счет людей. Речь идет о завышении платежей на вывоз ТКО со стороны региональных операторов прямо посреди года. Это допускается несмотря на то, что тарифы и нормативы накопления отходов устанавливались заранее и не должны были пересматриваться регионами. Об этом сообщил координатор партпроекта, председатель комитета Государственной Думы по экологии и охране окружающей среды Владимир Бурматов, отметив, что по данному вопросу будут направлены обращения в Генеральную прокуратуру РФ и Федеральную антимонопольную службу. 

Подробнее ...
 
Баталина: Законопроект о повышении пенсий малообеспеченным пенсионерам поддержали все регионы
Депутаты Государственной Думы приняли в первом чтении внесенный Правительством РФ
законопроект о доплатах малообеспеченным пенсионерам сверх прожиточного минимума. На
необходимость принятия таких мер указал Президент России Владимир Путин в своем
Послании Федеральному собранию.
Подробнее ...
 
«Единая Россия» просит Роспотребнадзор провести проверку по выявленным 165 нарушениям маркировки молочной продукции

Активисты партпроекта «Единой России» «Народный контроль» в рамках проведенного мониторинга выявили 165 нарушений маркировки молокосодержащей продукции как локальных брендов, так и торговых марок, поставляющих свои товары по всей стране. Вся информация о недобросовестных производителях была передана в Роспотребнадзор с просьбой провести проверку и защитить права людей. Такое заявление сделала координатор партпроекта «Единой России» «Народный контроль», депутат Государственной Думы Анна Кувычко. 

Подробнее ...