Рубрикатор

Культура Кочкурбуень някань театрась кенярдовты ваныцятнень
Кочкурбуень някань театрась кенярдовты ваныцятнень

Кочкурбуесэ важоди лиятнень ёнов а молиця раськень някань театра, эдь тосо налксицятне – эйкакшт, школасо тонавтницят. Раськень театрась важоди Кочкурбуень культурань од центрасонть, тесэ тенст явозь башка покш нупаль. Тов совамсто, теке мерят, ёвксос понгат: весеме ёндо ваныть-мизолдыть эрьва кодат някат, ракшат, декорациятнень лангс ваномсто аволь сеске редявить, што сынь артозь, маряви, теке алкуксонь вирень кужинес понгить, сэрей килейтне сравтызь тарадост, сынст сулеест ало аштить озадо нумолнэть, овтынеть, ривезнеть, ве ёно сыре бабинесь кискинензэ марто ашти кудынензэ икеле, вирень яннэванть састыне кевери колобокось, весеме ёндо палыть-цивтёрдыть эрьва кодамо тюсонь толнэть, гайги сэтьме музыка…

 

Те ёвксонь мазычинь азоравась, някань театрань прявтось, спектаклятнень путыцясь Н.Б.Тимошкина. Те тевенть сон топавты уш малав 39 иеть! Видькстась, неть иетнень перть сон а ашти ве таркасо, эйкакштнень марто вейсэ яла касты содамочинзэ, шкинемань ёрокчинзэ.
Чачсь-кассь Наталья Борисовна Кочкурбуесэ. Школань прядомадо мейле аттестатсонзо ульнесть ансяк кавто «4» ды комсомолонть пельде сонзэ кучизь тонавтнеме Орданьбуень культпросветучилищав.
– А ёвтави, кодамо мельспаросо аштинь направлениянть саемадо мейле, зяро кеняркс ульнесь: карман тонавтнеме аволь косояк, мик культпросветучилищасо! – ледстни Наталья Борисовна. – Мон якстере диплом марто прядыя драматической отделениянть ды молинь важодеме Муранев клубонь прявтокс.
Мураньсэ ёроков од тейтересь кенерсь важодеме ансяк пель ие. Райононь культурань отделэнь прявтось мерсь тензэ: «Наталья Борисовна, мон велесэ важодеме а кадтан». Ды 1981 иестэнть саезь Н.Б.Тимошкина важоди Кочкурбуень раськень някань театрасонть.
– Спектаклятнесэ налксить эйкакшт, ней важодтяно 5-це классо тонавтницятнень марто. Анокстан сценарий, явшан рольть, од артисттнэ тонавтнесызь валтнэнь, мейле зярыя репетицият ды спектаклясь анок. Те ансяк валсо ёвтнезь маряви, буто весемесь истя шожда, ансяк зяро вийть путыть эйкакштне! Пек вечкеви тенст налксемась, – ёвтни Наталья Борисовна.
Някань театрась спектаклятнень невтни аволь ансяк райононь культурань центрасонть, истя жо од путовкс марто сеедьстэ ардтнить Кочкурбуень ламо велень эйдень кужотнес: Тавлав, Семилеев, Булгаковав, Сурвелев ды лияв. Тосо сынь сехте вечкевикс ды учовикс инжеть. Ардтнить Саранскоевгак, кода кенярдыть эйкакштне, зярдо спектаклятнень вешить невтемс эштё весть, кода кортыть «на бис».
– Нама, минек тесэ нупалесь аволь покшке, минь бу актовой залсояк невтевлинек спектаклятнень, ансяк эйкакшкетне бажить тей, пек мазый маряви тесэ, – ёвтни Наталья Борисовна.
Ёвксонть кувалмозо 40 минутат, мейле ушодовить вейсэнь налксематне, эйкакштненень ёвтнить содамоёвкст, налксить «чудикерькскесэ», «колмоцесь лишной» ды весенень содавикс лия налксематнесэ, киштить, тейнить алкуксонь дискотекат. Някань спектаклятнес билеттнэ микшневить, некеть жо ярмактнень лангс вишка ваныцятненень рамсевить эрьва кодат казнеть: краскат, артомкат, ламбамопельть.
Эрьва спектаклядонть мейле ваныцятне аштить покш мельспаросо! Эйдень кужос якицятне ды 1-це классо тонавтницятне ёвксонь геройтнень марто вейсэ кенярдыть: эдь парось изнизе беряненть, мелявтыть эрьва героенть кисэ, невтицятнеяк каштанчисэнть – сынст спектаклясь тусь мельс. Артисттнэнень сави путомс аволь аламо вийть, эдь някатнень вельде эряви маштомс невтемс весе ёжомарямонть. А эдь невтицятне сынськак эйкакшт.
Ковозонзо весть някань театрась бажи путомс од спектакля. Ютксост кода эрзянь, истя рузоньгак. Репертуарсонть: «Зайка-Зазнайка», «Теремок», «А пелиця атякштонть ёвкске», «Инжекс Яга-Бабантень» ды ламо лият.
Театранть прявт сюпавчизэ – те, нама, някатне. Наталья Борисовнань туртов эрьвась теке эйкакшке: сон «леци» эйсэст, витни-мазылгавты, сты оршамопельть.
– Вана те атянтень 70 иеть, – ёвтни някадонть Наталья Борисовна. – Усанзо-сакалонзо керсинь-таргсинь, чамазояк ульнесь пек тапазь, конёвсо весе клеия, артыя ды теке од кармась. А те вана – Настенька. Истя жо пек тапазель чамазо, витния, мазылгавтыя, од паля тензэ стынь ды одкстомсь мазыйкась. Эйкакштнененьгак сон пек вечкеви. Спектаклянть ушодовомадо икеле листяно мартонзо эйкакштнень икелев, шумбракстнетяно, теевтяно содавиксэкс. Сон ёвкст невти, действующей лиця. Эрьва няканть бажан одкстомтомс, те вана ривезесь умонь. Оршамопелензэ свал полавтнян. Тельня шубинеть-сивинеть стан, кизна седе шожда оршамопельть. Истя эйкакштнененьгак седе мельс туи, а бути свал вейке оршамопельсэ кармить, сестэ мелест курок моли. Эрьва ёвксос някатнень паляст полавтнесынь.
Минек някатнеде ламо, зярыя эштё складсо кирдевить. Сюкпря республикань някань театрантень: лездасть тенек, ламо някат максокшность.
Весе спектаклятнень путтано музыка марто, иляст уле чаво юткот. Бажан вешнемс истят морот, конатнень эйкакштне содасызь, тонавтнить эйдень кужосо. Вана меельце спектаклясь прядовсь «Друг в беде не бросит, лишнего не спросит…» моросонть, весе эйкакшкетне морасть, цяпасть, лангозост ванозь седеесь кенярды, – ёвтни вечкевикс тевдензэ Н.Б.Тимошкина.
Вадряль бу, истят някань театратнеде, кужинетнеде, вейсэндявкстнэде улевельть седе ламо. Паряк эйкакштне а ютавтовольть ютко шкаст телефонтнэнь, планшеттнэнь ды лия гаджеттнэнь велькссэ, ды някатнень марто вейсэ ютавольть ёвксонь масторов, косо тонавтыть топавтомс паро тевть, лездамс сыретненень, вечкемс малавикстнэнь.
Т.Аксенова


01.03.2019

 

Новости

Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...
 
Кочкицятне ёвтызь мелест


Сентябрянь 8-це чистэ Россиясо ютасть кочкамот местной самоуправлениянь органтнэс. Тенень алтазель журналисттнэнь туртов пресс-конференциясь, конань сентябрянь 9-це чистэ Саранскойсэ, Союзонь кудосо ютавтызе «Единая Россия» политической партиянь региононь отделениясь. Журналисттнэнь кевкстемаст лангс отвечась МР-нь Государственной Собраниянь Председателесь, «Единая Россия» Мордовиянь региононь отделениянь прявтось В.В.Чибиркин.

Пачтязель, Мордовиясо истя жо ульнесть кочкамот. 407 мандаттнэнь кис снартнесть 1054 ломанть. Республикань келес вайгелест максомо сакшность 63 % эрицят. Вайгелест максомо сехте ламо сакшность Ромодановань районсо – 74,24 %. Аламодо эйстэст кадовсть Инсаронь райононь эрицятне. Тосо – 73,01 %. Вейке проценттэ аламо сакшность Отяжелень районсо. Ламо кандидаттнэнь ютксо 98 % вайгельтне максозь «Единая Россия» политической партиянь представительтнень кис. Ды те а стяко. Ламо шкань перть мольсь анокстамонь робота. Сехте паро кандидаттнэнь эрицятне тешкстакшнызь эштё маень 26-це чистэ, зярдо ютавтозель предварительной вайгелень максомась. Сондензэ икеле ютавтозельть эрицятнень марто вастовомат, конатнесэ ломантне теевсть содавиксэкс кандидаттнэнь ды сынст проекттнэнь марто. Сестэнь изницятне вастовоматнень поладокшнызь велесэ эрицятнень марто. Ютавтозельть 114 вастовомат. Эрицятнень ламо кармавтоматне топавтозельть.

Мордовиясо кочкамотне ютатсть закононь колсемавтомо.

Подробнее ...
 
Единороссы Октябрьского района вручили юбиляру поздравительное письмо от Президента Владимира Путина
10 сентября 90-летний юбилей отмечает жительница Октябрьского района
Новикова Мария Ивановна. Родилась женщина в Нижегородской области,
всю жизнь трудилась звеньевой бригады в колхозе. Военные и
послевоенные годы вспоминает со слезами на глазах: «Мы жили небогато,
растили детей, очень много работали, сил своих не жалели».


Подробнее ...
 
Александр Воробьев осмотрел ход строительства детского сада в Ромодановском районе


6 сентября депутат Госдумы РФ, член комитета по аграрным вопросам Александр Воробьев встретился с главой Ромодановского района Анатолием Гурьяновым. Они обсудили ход строительства детского сада на 160 мест в поселке Ромоданово, который строится в рамках национальных проектов "Демография" и "Образование". По словам Анатолия Гурьянова, на 80% возведение здания завершено, ведутся работы по устройству коммуникаций.
«Мы сумели ликвидировать некоторое отставание по срокам, которое возникло ранее, но теперь строители работают в соответствии с графиком», - отметил глава Ромодановского района.

Александр Воробьев подчеркнул, что детский сад строится по наказам избирателей. По демографическим показателям Ромодановский район занимает вторую строчку в регионе после Саранска, и на данный момент существует потребность в обеспечении малышей местами в детских садах.
Детский сад планируется сдать уже в декабре текущего года.