Рубрикатор

Культура Вечкемадо ёвтнема
Вечкемадо ёвтнема

Весе уцяскав семиятне молить вейкест-вейкест ёнов. Те арсемась ламо пингетнень перть кадови видекс. Часиясь тосо, косо паро, лембе ды сэтьме. Самай истямо семиядо минь течи ёвтнетяно, панжсынек Мордовиянь заповедникень вейке салавачинть.

Тееведе содавиксэкс – Марина ды Михаил Медведевтне, Мордовиянь заповедникень важодицят. Сынь эрить Пушта посёлкасонть, заповедникень куншка кудоюртсонть. Кастыть Марк цёраст. Сынст вечкемань историясь ушодовсь 2016 иестэ.

Се иень панжиковсто Марина сась инжекс Ирина ялганстэнь, конась эрясь ды важодсь Мордовиянь заповедниксэ. Ирина ялгазо зярыя иеде икеле дивавтынзе весе малавиксэнзэ, зярдо мирдензэ марто тусть тиринь Омскойстэ васоло ды аламо кинень содавикс Мордовияв, Темниковань районов. Толковизь истя: ульнесь покш мелест эрямс пертьпелькссэ. Ды вана Марина пурнась инжекс ялганстэнь. Се иестэнть сон васняяк моликсэль Алтаев, мейле полавтынзе арсеманзо ды сыргась Мордовияв.

Темникова ошонь вокзалонть видьс ардсь куватьс, зярыя пересадка марто. Тесэ сонзэ вастызе самай се ялгазо ды мартонзо важодиця цёрась Михаил. Ялгатнень гайтев, кенярксов вастовомась, кода мейле кармасть содамо, дивавтызе Михаилэнь. Сон цёрась виздиця, пингензэ перть эрясь пертьпельксэнь пекстазь уголсо, аштесь таймаскадозь эряза сибирячканть эйстэ, эряви видькстамс, самай теньсэ сон пек туськак мельс тензэ. Омбоце чистэ Марина энялдсь Михаилнэнь ускомс сонзэ Санаксаронь монастырев, цёрась тень коряс каршо эзь моле. Мазый ды иневанькс таркантень ардомась малавгавтынзе од ломантнень. Ды уш лия чистэнть сынь вейсэ сыргасть Саранскоев «Пятнистый фест» гастрономиянь васенце фестивалентень. Тесэ, эрьва кодамо квесттнэнь ды викторинатнень варчамсто, Марина ды Михаил редизь, кодамо сыненст вадря вейсэ. Паро ды лембе. Марина кармась содамо, Михаилэнь семиязо ламо иеть эри ды важоди заповедниксэ, цёрась сон алкуксонь, кемевикс, важоди пертьпельксэнь ванстомань старшей государственной инспекторокс.

Мейле эштё колмо чить Мордовиянь виртнень мазый таркатнева якамот, уш вейсэнь ялгатнень марто вастневемат-кортамот... Ды мейле Марина тусь васоло Омскоев. Туи покш мель марто велявтомс одов. Ансяк кудосо, эрьва чинь содавикс тевтнень ютксо ардомадонть, од цёрадонть ледстнематне, нама, шождасто ёмавтсызь тюсост, ёми мелеськак велявтомс одов. Истя, паряк, улевельгак, ансяк аволь Маринань марто. Кудов самсто, малавикстнэнень сон сеске яволявтсь: туи Мордовияв. Авазо энялдсь вадрясто арсемс, а коламс эрямонзо. Важодема таркасонзо мерсть: «Сыргак, варштак, кода тосо, бути мезе – велявт, сайтядызь одов». Ансяк Марина эзизе максо прянзо неть кортамотненень. Омскоев сась Михаилгак, теевсь содавиксэкс Маринань семиянзо марто, эсь самосонзо невтизе: Мордовиясо тейтеренть пек учить.

Ды вана кавто ковонь ютазь Марина сась Мордовиянь заповедникев. Тесэ кармась вожодеме территориятнень вадрялгавтомань-виевгавтомань коряс специалистэкс. Иень ютазь од ломантне налксесть свадьба. «Однэ» кардонсонть «Вечкема» кудынесэнть кармась эрямо од семия. Зярыя иень ютазь чачсь Марк цёраст. Марина тонадсь эрямо пертьпелькссэ. Сон эри те мазычисэнть, пичень вирьсэ вечкевикс мирдензэ ды цёранзо марто. Появасть од тевтькак: пире, хозяйства. Маласо шкастонть арсить кирдемс мекштькак.

Вана истя якшамо Омскойстэ ошонь ломанесь полавтызе эсензэ эрямонть, муизе уцясканзо ды вечкеманзо Мордовиянь заповедникстэ, ды теске кадовсь эрямо. Те ёвтнемась аволь вейкине. Мордовиянь заповедниксэ эрить ламо ломанть, кить састь тей лия оштнестэ, натой лия мастортнэстэяк. Ансяк те уш лия ёвтнема.

 14.02.2019

 

Новости

«Единая Россия» предложила Правительству усовершенствовать систему целевого набора в вузы
Премьер-министр Дмитрий Медведев поддержал предложения
фракции «Единой России» в Государственной Думе, озвученные ее
руководителем, вице-спикером Сергеем Неверовым. В частности,
одобрена идея пересмотра программы целевого набора в вузы,
введения сбалансированного питания в школах и сохранения
региональных и муниципальных телеканалов при переходе на
«цифру».
Подробнее ...
 
7 мая в Мордовии пройдет Диктант Победы
Региональный организационный комитет по проведению Всероссийского
исторического диктанта подержал решение Генерального Совета «Единой России» о
проведении «Диктанта Победы»
Подробнее ...
 
Кортавсь шукшонь пурнамонь реформадонть ды «Экология» национальной проектэнть тевс нолдамодо

Неть читнестэ Саранскойсэ ютавтовсь «Единой Россиянь» региональной дискуссионной площадкань васенце промксось. Сонзэ лувсо кортавсь коммунальной шукшонь пурнамонь реформадонть ды республикасонть «Экология» национальной проектэнть тевс нолдамодо. Промксонть важодемасо ульнесть «Ремондис Саранск» региональной операторонь прявттнэ, республикань Жилищно-коммунальной хозяйствань, энергетикань ды эрицятнень гражданской ванстомань, Вирень ды охотямонь хозяйствань, Эрицятнень социальной ванстомань, трудонь ды занятостень министерствань важодицятне, тарифень коряс республиканской службань специалисттнэ, ОНФ-нь ды общественной организациятнень члентнэ.

Подробнее ...
 
Кобзев: Получение паллиативной помощи по месту пребывания сделает ее доступной для всех нуждающихся
Возможность  получения  паллиативной  помощи  по  месту  пребывания   существенно   упростит  жизнь
нуждающихся в ней людей и их родственников по всей стране. Об этом заявил член общественного
совета партпроекта «Единой России» «Здоровое будущее», член комитета Госдумы по охране здоровья
Юрий Кобзев, комментируя подписанное премьер-министром Дмитрием Медведевым постановление о
внесении   изменений   в   программу   государственных   гарантий   бесплатного   оказания   медицинской
помощи.
Подробнее ...
 
Региональная дискуссионная площадка «Единой России» на «круглом столе» обсудит реформу обращения с ТКО
17 апреля в Региональном исполнительном комитете Партии состоится первое
заседаниеРегиональной дискуссионной площадки ВПП «Единая Россия».
Ее Координатором стал заместитель Председателя Государственного Собрания
РМИван Михайлович Москаев.
"Круглый стол" Региональной дискуссионной площадки Партии будет посвящен
теме: "Ход реформы обращения с твердыми коммунальными отходами и реализация
национального проекта "Экология" в Республике Мордовия".
К обсуждению партийцы пригласили регионального оператора "Ремондис Саранск",
министерство ЖКХ, энергетики и гражданской защиты, министерство лесного и
охотничьего хозяйства, министерство социальной защиты, труда и занятости
населения, Федеральную службу по надзору в сфере природопользования,
Республиканскую службу по тарифам, ОНФ и другие заинтересованные ведомства,
общественные организации. Начало мероприятия в 15.00.