Рубрикатор

Культура Раськень культуранть ды койтнень-кирдатнень ванстомга
Раськень культуранть ды койтнень-кирдатнень ванстомга

Иеде икеле, 2018-це иень якшамковонь 26-це чистэ, Кочкурбуень культурань эрямосонть лиссь покш кеняркс – районсонть панжовсь Культурань, раськень промыслань ды ремеслань неень шкань куншкакуро. Те тевенть тесэ учость ламот иетнень перть, ды вана сон топавтовсь. Кочкур веленть куншкасо кассь мазыйдеяк мазый здания, кона кенярдовты ней весе райононть. 

 

Социальной од объектэнть арсезель стявтомс икелень Культурань кудонть таркас. Сонзэ панжомасо ульнесь Мордовия Республикань Прявтось Владимир Волков, ды поздоровонь валтнэнь ёвтамсто сон тешкстызе, эрицятнень, ды, васняяк, од ломантнень шкинеманть кастомга-кепетемга, вадря условият эряви теемс велетнесэяк ды тень лувсо ванстомс раськень культуранть, промыслатнень ды ремеслатнень.

Аволь умок минь ульнинек Кочкур велесэ ды совсинек инжекс Культурань куншкакуронь важодицятненень. Кодамокс сынст туртов ульнесь од зданиясонть важодемань иесь ды кодат арсемат-бажамот тешкстазь маласо шкантень, миненек ёвтнесь Кочкуровань муниципальной райононь «Районный центр национальной культуры, народных промыслов и ремёсел» МБУК-нь прявтось Юрий Николаевич Ваньков.
Васняяк Юрий Николаевич невтизе миненек Куншкакуронть, тейсь тенек экскурсия. Ды, эряви меремс, зданиясь лиссь аволь ансяк мазый, истя жо функциональной. Тесэ ули концертэнь зал (малав 400 таркат), хореографиянь ды шкинемань студият, репетициятнень ды эйкакштнень кружоктнень туртов комнатат. Тесэ жо ашти райононь Боевой ды трудовой подвигень музеесь, «Теремок» някань раськень театрась, райононь фольклоронь ды киштемань ламодояк ламо коллективтне ды натой вокально-инструментальной ансамблясь. Башка тешкстама сеньгак, куншкакуросонть покш мель явови раськень ремеслатнень кастомантень-виевгавтомантень. Тесэ панжозь чувто ланга керсемань коряс экспериментальной художественной школань мастерской, можна меремс, весе Россиянть келес содавикс Вирь ало Тавлань искусствань школань филиалось.
– Минек од куншкакурось панжозель иеде икеле ды те шканть перть минь теинек покш робота. Иесь минек туртов ульнесь сюпав эрьва кодамо мероприятиянь ды кенярксчинь коряс, – ёвтни Юрий Ваньков. – Нама, мероприятият минь ламо ютавтылинек икелеяк, ансяк од зданиясонть сынь ютасть овсе лия ёжо марто. Минь минськак тесэ прянок марятано одс чачозекс, свал арсетяно мезе-бути од, снарттано ютавтомс седе ламо мероприятият, кенярдовтомс эрицятнень.
Свалшкань мероприятиятне, конатнень арсить-анокстыть Кочкуровань райононь культурань важодицятне, – те Од иесь, Мастясь, Отечествань ванстыцятнень ды Авань раськеютконь читненень алтазь кенярксчитне, Изнямонь чись, Тонавтыцянь чись, Эрзянь келень чись, Культурань важодицянь чись, райононь чинтень алтазь мероприятиятне. Тедеде тесэ ютавтовсь «Я – талантлив!» эйкакшонь творчествань райононь I-це фестивалесь. Фестиваленть прявт тевезэ – муемс ёроков эйкакшт ды лездамс сынст ёрокчинть кастомга-кепетемга. Весемезэ фестивалентень яволявтозельть 35 эрьва кодамо жанрань номерт, конатнестэ концертэнтень кочказь 29. Вишкине артисттнэнь туртов концертэсь кармась покш кенярксчикс. Истя жо аволь умок райононь Куншкакуросо ульнесь «Афганское эхо» военно-патриотической моронь республиканской фестиваленть юрсо зональной туронь концерт. Тесэ эсь ёрокчист невтизь Саранск ошонь, Покш Березникень, Ташто Шайговань, Ромодановань, Лямбирень ды Кочкуровань морыцятне. Тесэ кочказь номертнэ невтевить Гала-концертсэнть, кона карми Республикань Культурань кудосо даволковонь 15-це чистэ.
– Малав весе иенть перть минь домкасто анокстатано «Шумбрат, Мордовия!» республиканской фестивалентень. Те минек культурань эрямосонть прявт кенярксчи, секскак роботась ветяви покш, участия примить райононь фольклоронь ды киштемань весе коллективтне. А сынст эйстэ минек сатышка. Тесэ «Вастома», «Раздолье» ды «Виринея» фольклорной ансамблятне, «Лайме» вокально-инструментальной ансамблясь, «Кальдерькай» эйкакшонь фольклорной ансамблясь, «Весёлый перепляс» киштемань ансамблясь, «Лейне» ансамблясь ды лиятне. Теке марто Кочкуровань районсо лововить колмо ансамблят, конат кандтнить «народной» лементь. Неть весе масторонть келес содавикс «Гайги вайгель» Од Пурня велень ансамблясь, Ташто Мурза велень «Норовавась» ды Мурань велень «Сюлгамось», – тешкстызе Юрий Николаевич.
Покш мель Куншкакуронь важодицятне явить эрзянь раськень койтнень-кирдатнень ванстомантень ды вельмевтемантень. Секскак эрьва ие районсонть келейстэ тешкстави «Тундонь ильтямонь» кенярксчись. Сон эрси Троицядонть мейле васенце недлячистэнть. Мероприятиянтень яла пуромкшныть райононь весе эрицятне. Кенярксонть ютавтомга васняяк тееви илеень лишме, конань марто якить кудосто кудос. Эрьва кудонь азортнэ каванить якицятнень, максыть мартост прякат, алт ды лия ярсамопельть. Кода ютасызь веленть, пуромить ве таркас ды поладыть кенярксчинть, пурныть эрьва кодамо ярсамосо сюпав столь, морыть раськень морот ды эрьгелить вейке-вейкень марто.
Кода тешкстызе Юрий Ваньков, те коенть ванстомга сынь арсить анокстамс проект, конань марто кармить участвовамо грантсо. Ды те мероприятиянть ули бажамозо теевемс республиканскоекс.
Кочкуровань Культурань, раськень промыслань ды ремеслань куншкакурось свал панжадо эрицятнень туртов. Тесэ мелень коряс тев ули кода вишкинетненень, истя покштнененьгак. Эйкакштне кочкить тев эсь ёрокчинть ды содамочитнень коряс. Веенст якить хореографиянь студияв, лиятне варчить эсь вийтнень стамонь эли чувто ланга керсемань мастерскойтнесэ, оштё веенстнэ невтить ёрокчист шахматсо. Кочкуровань Рождество Христово Храмонть пельде важоди православной кружок, косо эрьва недлячистэ ютавтовить занятият эйкакштнень марто. Тесэ ёвтневи православной кенярксчитнеде ды койтнеде, тонавтнить заповедтнень, кортыть вадря ды берянь тевтнень теемадонть.
Сехте вишкинетнень кенярдовтомга важоди «Теремок» някань раськень театрась, косо Наталья Тимошкина режиссёрось арси-лади спектаклят.
Покштне тей сакшныть фитнесэв, пенсиясо ломантнень туртов пурназь «Шумбрачинь» группась, косо тевс нолдави шумбрачинь вадрялгавтомань гимнастикась.
Эряви меремс, весень туртов райононь Культурань, раськень промыслань ды ремеслань куншкакурось – эрьва чинь тевтнень эйстэ оймсемань ды эсь оймеёжонть кенярдовтома тарка, косо эрьванть вастыть ды ильтить мазый, седейс токиця моросо ды весёла киштемасо, косо покш мельсэ ды чевте мизолкссо учить эрьва инженть.
Ю.Еремина


14.02.2019

 

Новости

«Единая Россия» предложила Правительству усовершенствовать систему целевого набора в вузы
Премьер-министр Дмитрий Медведев поддержал предложения
фракции «Единой России» в Государственной Думе, озвученные ее
руководителем, вице-спикером Сергеем Неверовым. В частности,
одобрена идея пересмотра программы целевого набора в вузы,
введения сбалансированного питания в школах и сохранения
региональных и муниципальных телеканалов при переходе на
«цифру».
Подробнее ...
 
7 мая в Мордовии пройдет Диктант Победы
Региональный организационный комитет по проведению Всероссийского
исторического диктанта подержал решение Генерального Совета «Единой России» о
проведении «Диктанта Победы»
Подробнее ...
 
Кортавсь шукшонь пурнамонь реформадонть ды «Экология» национальной проектэнть тевс нолдамодо

Неть читнестэ Саранскойсэ ютавтовсь «Единой Россиянь» региональной дискуссионной площадкань васенце промксось. Сонзэ лувсо кортавсь коммунальной шукшонь пурнамонь реформадонть ды республикасонть «Экология» национальной проектэнть тевс нолдамодо. Промксонть важодемасо ульнесть «Ремондис Саранск» региональной операторонь прявттнэ, республикань Жилищно-коммунальной хозяйствань, энергетикань ды эрицятнень гражданской ванстомань, Вирень ды охотямонь хозяйствань, Эрицятнень социальной ванстомань, трудонь ды занятостень министерствань важодицятне, тарифень коряс республиканской службань специалисттнэ, ОНФ-нь ды общественной организациятнень члентнэ.

Подробнее ...
 
Кобзев: Получение паллиативной помощи по месту пребывания сделает ее доступной для всех нуждающихся
Возможность  получения  паллиативной  помощи  по  месту  пребывания   существенно   упростит  жизнь
нуждающихся в ней людей и их родственников по всей стране. Об этом заявил член общественного
совета партпроекта «Единой России» «Здоровое будущее», член комитета Госдумы по охране здоровья
Юрий Кобзев, комментируя подписанное премьер-министром Дмитрием Медведевым постановление о
внесении   изменений   в   программу   государственных   гарантий   бесплатного   оказания   медицинской
помощи.
Подробнее ...
 
Региональная дискуссионная площадка «Единой России» на «круглом столе» обсудит реформу обращения с ТКО
17 апреля в Региональном исполнительном комитете Партии состоится первое
заседаниеРегиональной дискуссионной площадки ВПП «Единая Россия».
Ее Координатором стал заместитель Председателя Государственного Собрания
РМИван Михайлович Москаев.
"Круглый стол" Региональной дискуссионной площадки Партии будет посвящен
теме: "Ход реформы обращения с твердыми коммунальными отходами и реализация
национального проекта "Экология" в Республике Мордовия".
К обсуждению партийцы пригласили регионального оператора "Ремондис Саранск",
министерство ЖКХ, энергетики и гражданской защиты, министерство лесного и
охотничьего хозяйства, министерство социальной защиты, труда и занятости
населения, Федеральную службу по надзору в сфере природопользования,
Республиканскую службу по тарифам, ОНФ и другие заинтересованные ведомства,
общественные организации. Начало мероприятия в 15.00.