Рубрикатор

Культура Валентина лемесь кармавты улемс виевекс
Валентина лемесь кармавты улемс виевекс

Валентина Николаевна Чичамкинань содаса умок, теевинек содавиксэкс «Равось – ояксчинь лей» раськеютконь этнокультурной экспедиясонть-фестивальсэнть. Теде мейле ушосо-косо вастовомсто мартонзо прок умонь оят кортнекшнетяно эрямодонть, эйкакштнеде ды ламо лия кевкстематнеде, конатнень коряс вейкеть варштавксонок.

 

Те мазый, ламонь содыця эрзянь аванть марто пек шожда муемс кель-вал куш кодамо темас. Сон зярдояк а пеняци эрямосо стакачитнень лангс, куш пряванзо зняро ютась, аволь вейке ломаннень сатовольть бу цидярдомс. Валентина Николаевнань эрямосо ульнесть ламо эрьва кодат тевть, конатнеде сёрмадозь аволь газетань лопась, книгаськак пешкедевель. Ушодтано сехте малавикс ломанензэ эйстэ. Покштянзо-бабанзо, Арсентий Петрович ды Варвара Васильевна, Сабаевань алкуксонь кезэрень эрицятнестэ, кинь авторитетэст ульнесь аволь веленть, ёнксонть келес. Арсентий Петрович тюрсь ятонть каршо Ине Отечественной войнань стака иетнестэ. Сонензэ прась уцяска велявтомс живстэ тиринь ёнксов ды пингензэ перть важодемс почтань прявтокс. Те сонзэ кедьга ютасть Сабаева велев сыця весе кулятне, конатне, нама, аволь весе ульнесть кенярдовтыцят. Пазось макссь Арсентий Петровичнень кувака пинге, сон эрясь малав 80 иеть, вейсэ Варвара Васильевна марто трясть-кастасть вете эйкакшт. Эрьванть эсензэ уцясказо, ансяк лиятнень ёнов а молиця эрямозо Валентинань аванзо – Галина Арсентьевнань. Сон од порасто комсомольской путевкань коряс тусь важодеме Красноярской краев, косо лиссь мирденень Н.А.Бойконь экшс. Од семиясь тосто тукшнось эрямо Узбекистанов, мейле велявтсь Мордовияв.
Валентина Николаевнанень те шкас эзь стувтово, кода Учкудук ошсо эрямсто, эйдень кужов якамсто недлязонзо колмоксть экшелясть бассейнасо. Тосо сон тонадсь парсте укшномо, эште вишкинестэ Валянь сайнизь Ташкентэв сонзэ кондятнэнь ютксо алкуксонь пелькстамотнес. Паряк, сестэ саськак тензэ ведентень вечкемась. Эйкакшпингстэ Сабаева велесэ улемстэ аволь весть укшнызе Сура леенть.
1992 иень Роштувань кенярксчинть каршо, зярдо Валентинанень эште арасельть комсь иетькак, сон васенцеде чопавтсь анксемас. Те шкастонть саезь свал кармась экшелямо телень перть анксематнесэ ды невтеме ёрокчинзэ укшномань пелькстамотнесэ. Виде, сонзэ шкансетнень ютксо свал сайни ансяк васенце ды чуросто омбоце тарканть. Телень спортонь тевентень тонавтынзе кавонест тейтерензэ – Крестинань ды Евгениянь. Сынст лангс ванозь, Валентинань авазо, Галина Арсентьевна, истя жо кармась аволь ансяк тельня экшелямо, якамо эрямонь шумбра лувонть кисэ аштиця ветеранонь вейсэндявксонтень, конань прявтсо содавикс спортсменкась, педагогической наукань кандидатось, МР-нь сыре ломантнень «Здоровый образ жизни» ассоциациянь прявтось Г.А.Марескина.
А лововитькак, зяро медалест спортонь вечкиця Чичамкинтнэнь семиянть, конатнень рединек стенасто сынст кедьсэ инжекс улемстэ. Сехте покш питнейчись, нама, кеме шумбрачись, конань Галина Арсентьевнань валонзо коряс, сыненст кази пертьпельксэсь ды эрямонь шумбра лувось. Истя жо а лововияк, зяро Благодарностть, дипломт ды Почетонь грамотат Валентина Николаевнанень казезь Н.П.Огаревонь лемсэ МГУ-со национальной факультетэнь приемной комиссиянь секретарекс, профсоюзонь прявтокс улеманть, эрзя-мокшонь койтнень-кирдатнень вельмевтеманть ды ванстоманть кисэ, Благодарность МР-нь Прявтонть пельде, Почётонь грамотат – МР-нь Госсобраниянть, «Единая Россия» партиянь Мордовской региононь отделениянть ды ВОСВОД-нть пельде, конань прявтсо ламо иеть генерал-лейтенантось В.П.Евдокимов.
Текенень поладсынек, Валентина Николаевна пек шождасто кунды куш кодамо тевс ды эрьванть топавты алкукс ды педе-пес. Невтемакс, кода-бути содавиксэзэ тердизе Саранскоень путешественникень клубонть марто молемс недляютконь перть Рав лангов байдаркасо укшномо. Сон кувать апак арсе сыргась мартост, се шкастонть ушодовсь сонзэ од тевезэ, теде икеле тунь а содавикс. Нама, аволь эрьва ломанесь анок недляютконь (эште эрсесь седе ламо шкань) пертькак эрямс лей чиресэ, эли вирь потсо палаткасо, косо, кода кортыть, арасть кодаткак условият, конатненень минь весе пек тонадынек.
Виде, аволь весемесь Валентина Николаевнань эрямосо истя шождасто максови, кодамокс бажинек невтемс сёрмадовкссонок. Ульнесть эрямосонзо истят стакачить, конатнеде мейле лия ломанесь нолдавлинзе сёлмонзо эли ваяволь сельведтнень потс. Ансяк В.Н.Чичамкина кирди весементь эсь потсо, сонсь соды, кода ськамонзо кавто тейтерькатнень кастомась-кепедемась, вузсо тонавтомаст, мирденень максомаст. Нама, те стакачись эште лопинекс тензэ арась, сень ловозь, кодамо томбавкс тензэ апак учо тейсть асодавикс ломантне кудов ки ланга ютамсто. Кемень чить ёжоскак эзь са, ульнесь комасо. Нать, Пазось жализе ды поладызе эрямонзо. Шкань ютазь кармась содамо малавиксэнзэ, поладомо эрямонь кинзэ. Кода кортави, кажось ськамонзо а сакшны: апак учо кулы колмо ковсо шумбра-паро цёрыне нуцькинезэ… Шкань ютазь чачсь нуцькинезэ Настенька. Паро ломань лездась – важодемань таркаяк тензэ макссь стакасто сэредемадо мейле. Кенярдомс бу ды эрямс. Ды вана таго эште вейке вачкодькс.
Нать, томбавксось кеместэ колызе шумбрачинзэ. Валентина Николаевнань таго пачтизь больницяв. Сюкпря, тосо врачтне таго велявтызь эрямонтень.
Паряк, кияк ловныцятнень ютксто мери, мезень кисэ авторось весе теде ёвтни. Койсэнь, арсемась, што эрямонок течи паро ды свал истя карми, аволь виде. Эрьвась юткстонок юты эсь эрямонь ки. Тень ловозь, одсто эряви ветямс эрямонь шумбра лув, капшамс теемс седе ламо паро тевть, лездамс кажос понгозетненень, венстямс кедь ваицятненень, каземс кемемань кеняркс, кие ёмавтызе эрямонтень кемеманзо.


Минек справканок. Валентина Николаевна Чичамкина. Ундоксонзо Мордовия Республикань Кочкурова ёнксонь Сабаева велестэ. Чачома тарказо – Тульской областень Кимовск ошось, эйкакшпингезэ ютась Узбекской Республикань Учкудук ошсо. Од порасто колмо иеть эрясь Германиясо, тосто советской войскатнень ливтемадо мейле велявтсь Мордовияв. Образованиязо – высшей. 1999 иестэ прядызе Н.П.Огаревонь лемсэ МГУ-нть, получизе «Библиотековедение ды библиография» специальностенть. Ламо иеть важодсь Н.П.Огаревонь лемсэ МГУ-нь Национальной культурань институтонь прявтонь полавтыцякс. 2017 иестэ саезь – «Республиканский дом народного творчества» ГБУК-нь ведущей методист.
В.Юдина


13.02.2019

 

Новости

«Единая Россия» предложила Правительству усовершенствовать систему целевого набора в вузы
Премьер-министр Дмитрий Медведев поддержал предложения
фракции «Единой России» в Государственной Думе, озвученные ее
руководителем, вице-спикером Сергеем Неверовым. В частности,
одобрена идея пересмотра программы целевого набора в вузы,
введения сбалансированного питания в школах и сохранения
региональных и муниципальных телеканалов при переходе на
«цифру».
Подробнее ...
 
7 мая в Мордовии пройдет Диктант Победы
Региональный организационный комитет по проведению Всероссийского
исторического диктанта подержал решение Генерального Совета «Единой России» о
проведении «Диктанта Победы»
Подробнее ...
 
Кортавсь шукшонь пурнамонь реформадонть ды «Экология» национальной проектэнть тевс нолдамодо

Неть читнестэ Саранскойсэ ютавтовсь «Единой Россиянь» региональной дискуссионной площадкань васенце промксось. Сонзэ лувсо кортавсь коммунальной шукшонь пурнамонь реформадонть ды республикасонть «Экология» национальной проектэнть тевс нолдамодо. Промксонть важодемасо ульнесть «Ремондис Саранск» региональной операторонь прявттнэ, республикань Жилищно-коммунальной хозяйствань, энергетикань ды эрицятнень гражданской ванстомань, Вирень ды охотямонь хозяйствань, Эрицятнень социальной ванстомань, трудонь ды занятостень министерствань важодицятне, тарифень коряс республиканской службань специалисттнэ, ОНФ-нь ды общественной организациятнень члентнэ.

Подробнее ...
 
Кобзев: Получение паллиативной помощи по месту пребывания сделает ее доступной для всех нуждающихся
Возможность  получения  паллиативной  помощи  по  месту  пребывания   существенно   упростит  жизнь
нуждающихся в ней людей и их родственников по всей стране. Об этом заявил член общественного
совета партпроекта «Единой России» «Здоровое будущее», член комитета Госдумы по охране здоровья
Юрий Кобзев, комментируя подписанное премьер-министром Дмитрием Медведевым постановление о
внесении   изменений   в   программу   государственных   гарантий   бесплатного   оказания   медицинской
помощи.
Подробнее ...
 
Региональная дискуссионная площадка «Единой России» на «круглом столе» обсудит реформу обращения с ТКО
17 апреля в Региональном исполнительном комитете Партии состоится первое
заседаниеРегиональной дискуссионной площадки ВПП «Единая Россия».
Ее Координатором стал заместитель Председателя Государственного Собрания
РМИван Михайлович Москаев.
"Круглый стол" Региональной дискуссионной площадки Партии будет посвящен
теме: "Ход реформы обращения с твердыми коммунальными отходами и реализация
национального проекта "Экология" в Республике Мордовия".
К обсуждению партийцы пригласили регионального оператора "Ремондис Саранск",
министерство ЖКХ, энергетики и гражданской защиты, министерство лесного и
охотничьего хозяйства, министерство социальной защиты, труда и занятости
населения, Федеральную службу по надзору в сфере природопользования,
Республиканскую службу по тарифам, ОНФ и другие заинтересованные ведомства,
общественные организации. Начало мероприятия в 15.00.