Рубрикатор

Культура Брыжинский – раськень каштанчи
Брыжинский – раськень каштанчи

А.С.Пушкин лемсэ Национальной библиотекасо «Гордость нации» культурно-образовательной проектэнть лувсо ютась кенярксчинь промкс, кона алтавсь В.С.Брыжинскиень 85 иетненень. Содавикс театроведэсь, режиссёрось, педагогось, РФ-нь ды МАССР-нь культурань заслуженной важодицясь сась ловнома кудонтень шкадо икеле. Тей лембе валонь ёвтамо тензэ сакшность малавиксэнзэ, тонавтницянзо, мартонзо важодицятне, содавиксэнзэ.

Инжетнень туртов невтезель «Не дать исчезнуть» аволь покш фильма, косо невтевсь В.С.Брыжинскиень эрямокизэ.
МР-нь Культурань, национальной политикань ды архивень тевень министрась А.М.Чушкин тешкстызе, покш мельспаро улемс истямо вастовомасо ды ёвтамс лембе валт. МР-нь Прявтонть пельде сон казизе В.С.Брыжинскиень МР-нь Прявтонь премиянь лауреатонь лемсэ, Государственной Собраниянть пельде – Благодарностьсэ.
– Эрямонзо перть Василий Сергеевич Брыжинский эрзятнень ды мокшотнень туртов тейсь пек ламо. Сон ульнесь сетнень ютксо, кить 1980-це иетнень прядовомсто, 1990-це иетнень ушодкссто пурнасть раськень движениянть. Сонзэ содамочитне, профессионализмась лездасть кепедемс талновтыця кевкстематнень, витемс асатыкстнэнь, – кортасть Эрзянь ды мокшонь раськень регионъютконь общественной вейсэндявксонь прявтось Ю.А.Мишанин ды исполкомонь председателесь А.С.Лузгин. Сынь казизь В.С.Брыжинскиень «Гордость нации» тешкссэ.
Вастовомантень, нама, сакшность Н.П.Огарёв лемсэ МГУ-нь ИНК-нь прявтось Т.Н.Сидоркина ды лия тонавтыцятне. Сынь ледстнесть се шканть, зярдо важодсть сонзэ марто. Университетсэ В.С.Брыжинский роботась комсьветее иеть.
– Аштян каштанчисэ сень кувалма, парсте содаса те ломаненть. Сон монь туртов пек питней. Мартонзо шожда кортамс куш мезде. Василий Сергеевич максы ки лиятнененьгак. Сон састыне тулкади икелев. А сёпса, моненьгак лездась, – пачтясь МР-нь Народной артистэсь, республикань Театральной деятелень союзонь прявтось Н.П.Большаков.
Вал сайнесь Эрзянь ды мокшонь раськень драмтеатрань актёрось Андрей Анисимов:
– 1994 иестэ васенцеде пурназель актёронь отделениясь. Мон тонавтнинь 2000-це иетнестэ. Василий Сергеевич – минек тонавтыцянок ды превс путыцянок. Нама, мартонок ульнесь а шожда. Сон свал тонавтсь эйсэнек театранть вечкеме. Кие соды, кода сравтовлимизь-ичевлимизь эрямось, бути а тонавтневлинек кедьсэнзэ. Тонавтницятнень эйстэ пелест састь важодеме театрав. Миненек покш мельспаро, зярдо Василий Сергеевич сы тенек театрав спектаклянь ваномо. Талнотано. Путовкстонть мейле сон свал ёвтасы мелензэ: кода ды мезе. Василий Сергеевич, кеман, сы шка, леменк карми минек театрань афишасо.
Н.П.Огарёв лемсэ МГУ-нь профессорось Ю.Г.Антонов ёвтнесь В.С.Брыжинскиень драматургиянь творчествадонзо. Макссь питне «Каргонь кинь ломанть» колмо томсо сагантень.
Лембе вастовомасонть ульнесть юбиляронть тейтерезэ, цёразо ды урьвазо. Вана мезе кортась Сергей Васильевич цёразо:
– Ламо ёвтазель тетянь важодемадонзо, творчествадонзо. Ней ули мелем пачтямс, сон – алкуксонь тетя! А содан, ули киньгак истямо эли арась. Сон тонавты минек, путы превс лавсьстэ саезь ды те шкас. Нейгак а стувтови, кода сайнесь эйсэнь мартонзо командировкав, зярдо снимась кинофильмат. Пек мелявтсь, кода ютась важодеме телевидениясто университетэв. Ризнэсь, зярдо тусь университетстэ. Сюкпря, тетяй, весементь кисэ!
Промксонтень сакшность Кочкурбуестэяк. Ташто Мурзань «Норовава» фольклорной ансамблясь казсь эрзянь кезэрень морот. Морасть МР-нь культурань заслуженной роботникесь Николай Балашкин, «Ламзурь» фольклорно-этнографической ансамблясь ды В.И. Ромашкин лемсэ «Торама» коллективесь.
Вастовоманть песэ вал сайнесь сонсь Василий Сергеевич:
– Эрязь аволь аламо иеть. Ёвтан видьстэ, вейкеяк чи а ёртовлинь. Ульнесть стакачить, мелявкст, пек стакаль войнань иетнестэ, сэвинек пекше лопань 25 кескавт… ялатеке кадовинек ломанекс. Сюкпря аванень, кона зярдояк эзь пижне лангозонок. Минь сонзэ кунсолынек. Кудосонок ульнесь сэтьме ды лембе. Сюкпря алкуксонь ялгатненень!
Василий Сергеевичнень – 85. Сонзэ лангс ванозь, а кемезеват иетненень. Валдо прев, весементь кирди мельсэнзэ, кода эйкакшпингень ледстнематнень, истя жо сеть иетнень, зярдо тонавтнесь Ленинградсо, эли важодсь телевидениясо ды университетсэ. Мартонзо кортамсто а моли мелеть, кунсоловлить ды кунсоловлить. В.С.Брыжинский нейгак а ашти тевтеме. Сёрмады. Мелявты – лоткасть эрзятне ловномо. Учи ды кеми, сы шка, зярдо национальной эли лия театрань сцена лангсо путсызь «Каргонь кинь ломанть» покш произведениянзо.
Т.Маторкина


06.02.2019

 

Новости

Кортавсь шукшонь пурнамонь реформадонть ды «Экология» национальной проектэнть тевс нолдамодо

Неть читнестэ Саранскойсэ ютавтовсь «Единой Россиянь» региональной дискуссионной площадкань васенце промксось. Сонзэ лувсо кортавсь коммунальной шукшонь пурнамонь реформадонть ды республикасонть «Экология» национальной проектэнть тевс нолдамодо. Промксонть важодемасо ульнесть «Ремондис Саранск» региональной операторонь прявттнэ, республикань Жилищно-коммунальной хозяйствань, энергетикань ды эрицятнень гражданской ванстомань, Вирень ды охотямонь хозяйствань, Эрицятнень социальной ванстомань, трудонь ды занятостень министерствань важодицятне, тарифень коряс республиканской службань специалисттнэ, ОНФ-нь ды общественной организациятнень члентнэ.

Подробнее ...
 
Кобзев: Получение паллиативной помощи по месту пребывания сделает ее доступной для всех нуждающихся
Возможность  получения  паллиативной  помощи  по  месту  пребывания   существенно   упростит  жизнь
нуждающихся в ней людей и их родственников по всей стране. Об этом заявил член общественного
совета партпроекта «Единой России» «Здоровое будущее», член комитета Госдумы по охране здоровья
Юрий Кобзев, комментируя подписанное премьер-министром Дмитрием Медведевым постановление о
внесении   изменений   в   программу   государственных   гарантий   бесплатного   оказания   медицинской
помощи.
Подробнее ...
 
Региональная дискуссионная площадка «Единой России» на «круглом столе» обсудит реформу обращения с ТКО
17 апреля в Региональном исполнительном комитете Партии состоится первое
заседаниеРегиональной дискуссионной площадки ВПП «Единая Россия».
Ее Координатором стал заместитель Председателя Государственного Собрания
РМИван Михайлович Москаев.
"Круглый стол" Региональной дискуссионной площадки Партии будет посвящен
теме: "Ход реформы обращения с твердыми коммунальными отходами и реализация
национального проекта "Экология" в Республике Мордовия".
К обсуждению партийцы пригласили регионального оператора "Ремондис Саранск",
министерство ЖКХ, энергетики и гражданской защиты, министерство лесного и
охотничьего хозяйства, министерство социальной защиты, труда и занятости
населения, Федеральную службу по надзору в сфере природопользования,
Республиканскую службу по тарифам, ОНФ и другие заинтересованные ведомства,
общественные организации. Начало мероприятия в 15.00.
 
Уверенную победу на дополнительных выборах в органы местного самоуправления одержали кандидаты от «Единой России»
По предварительным данным,  на   дополнительных выборах в Совет 
депутатов  Большеигнатовского  сельского поселения победу одержала
кандидат от Партии «ЕДИНАЯ РОССИЯ»  Грошева Валентина 
Ивановна,  директор ГКУ «Социальная защита населения по 
Большеигнатовскому району РМ». За нее проголосовали   92,03%   
человек.
Подробнее ...
 
«Единая Россия» просит Центробанк проверить обоснованность роста цен на ОСАГО
В ходе мониторинга стоимости полисов ОСАГО эксперты партпроекта
«Единой России» «Безопасные дороги» выявили повышение цен на
страхование в большинстве регионов страны. По итогам мониторинга
представители партпроекта обратились в Центробанк с требованием
проверить обоснованность роста цен. Об этом заявил координатор
партпроекта «Безопасные дороги», заместитель председателя комитета
Госдумы по транспорту и строительству Владимир Афонский.
Подробнее ...